ܩܠܐ ܕܫܬܐ

ܒܪܘܼܟܵܒ݂ ܐَܪܵܙܵܐ ܪܲܒܵܐ.

ܡܗܲܝܡܲܢܘ݂ ܡܵܪܝܵܐ ܒܡܸܠܵܘ̈ܗܝ. ܡܫܝܼܚܵܐ ܕܲܡܠܲܟܼ ܘܐܸܫܬܵܘܕܼܝ. ܕܐܲܝܢܵܐ ܕܐܲܡܝܼܢ ܘܢܵܩܹ̇ܫ. ܒܗܲܝܡܵܢܘܼܬܼܵܐ ܕܲܫܪܵܪܵܐ. ܡܦܲܢܸܐ ܐ݇ܢܵܐ ܠܹܗ ܫܹ̈ܐܠܵܬܹܗ. ܘܐܲܝܢܵܐ ܕܫܵܐܹܠ ܫܘܼܒܼܩܵܢܵܐ. ܢܵܣܹܒܼ ܫܪܵܝܵܐ ܠܣܲܟܼ̈ܠܘܵܬܹܗ. ܥܢܝܼ ܠܣܵܓܼܘܿܕܲܝ̈ܟ ܕܢܵܩ̇ܫܝܼܢ ܒܲܬܼܪܲܥ ܪ̈ܲܚܡܲܝܟ. ܘܡ̣ܢ ܒܹܝܬ ܓܲܙܵܟܼ ܥܲܬܝܼܪ ܒܡܵܘ̈ܗܒܼܵܬܹܗ. ܦܲܢܵܐ ܫܹ̈ܐܠܵܬܼܗܘܿܢ. ܘܚܲܣܵܐ ܚܵܘ̈ܒܲܝܗܘܿܢ. ܘܲܥܛܝܼ ܚܛܵܗܲܝ̈ܗܘܿܢ. ܘܩܲܕܸܫ ܣܸܦ̈ܘܵܬ̣ܗܘܿܢ ܕܢܸܬ̈ܠܵܢ ܦܹܐܪܹ̈ܐ ܕܫܵܦܪܝܼܢ ܠܡܵܪܘܼܬܼܵܟܼ.

ܫܘܼܚܠܵܦܵܐ ܩܲܕܼܡܵܝܵܐ

ܒܪܘܼܟܵܒ̣ ܐܲܒܼܘܼܢ ܐܵܕܲܡ.

ܫܡܲܥ ܡܵܪܝܵܐ ܒܵܥܘ̣ܬܼܝ ܡܵܪܝܵܐ ܨܠܘܿܬܼܝ ܩܲܒܸ̇ܠ. ܫܡܲܥ ܒܵܥܘܼܬܲܢ ܣܲܒ̣ܪܵܐ ܕܚܲܝܲܝ̈ܢ ܫܒ̣ܝܼܚ ܒܐܝܼܬܼܘܼܬܹܗ. ܘܚܲܣܵܐ ܚܵܘ̈ܒܲܝܢ ܘܲܚܛܵܗܲܝ̈ܢ ܒܪ̈ܲܚܡܹܐ ܕܫܲܠܚܘܼܟܼ. ܕܲܡܚܝܼܠܝܼܢܲܢ ܩܕ݂ܵܡ ܚܘܼ̈ܬܼܚܵܬܹܐ ܕܲܪ̈ܓ݂ܝܓܼܵܬܼܵܐ؛ ܚܢܵܢܵܟܼ ܢܸܗܘܸܐ ܣܢܹܐܓ݂ܪܵܐ ܚܠܵܦܲܝܢ. ܠܐܲܠܵܗܘܼܬܼܵܟܼ ܒܟܼܠܥܸܕܵܢ̈ܝܼܢ. ܘܲܕ݂ܚܘܿܩ ܡܸܢܲܢ ܟܹܐܒܹܗ ܕܥܵܘ̣ܠܲܢ. ܐܲܝܟܼ ܕܲܡܥܵܕܼܝܼܢ ܪ̈ܲܚܡܲܝܟ ܡܵܪܲܢ. ܡܵܪܵܐ ܛܵܒ݂ܵܐ ܪܲܚܸܡܥܠܲܝܢ.

ܫܘܚܠܵܦܵܐ ܕܲܬܪܹܝܢ

ܪܹܫ ܩܵܠܵܐ.

ܫܡܲܥ ܐܲܠܵܗܵܐ ܘܪܲܚܸܡܥܠܲܝ. ܗܵܪܟܵܐ ܠܵܐ ܬܵܒܹ̇ܬܼ ܡ̣ܢ ܚܵܘ̈ܒܲܝ. ܘܬܲܡܵܢ ܠܲܝܬ̇ ܐܲܬ݂ܪܵܐ ܠܲܬܼܘܵܬܼܵܐ. ܗܘܹ̇ܝܬܼ ܠܝܼ ܐܲܒ̇ܝܼܕܵܐ ܡ̣ܢ ܬܪ̈ܲܝܗܘܿܢ ܥܵܠܡܹ̈ܐ. ܡܵܪܝ ܘܐܲܠܵܗܝ ܪ̈ܲܚܸܡܥܠܲܝ.

ܫܘܼܚܠܵܦܵܐ ܕܲܬܼܠܵܬ݂ܵܐ

ܒܪܘܼܟܵܒܼ ܡܲܕ݂ܒ̇ܚܵܟܼ ܡܵܪܝܵܐ.

ܡܸܛܠ ܛܲܝܒ̇ܘܼܬܼܵܟܼ ܐܲܠܵܗܵܐ. ܠܟܠܗܘܿܢ ܚܲܛܵܝܹ̈ܐ. ܗܘ̤ܝܼ ܡܚܲܣܝܵܢܵܐ ܘܦܵܪܘܿܩܵܐ. ܐܲܢَܬ̇ܘܼ ܓܹܝܪ ܡܪܲܚܡܵܢܵܐ. ܘܡܸܫܟܲܚ ܫܵܒܹ̇ܩ ܚܵܘ̈ܒܵܬ݂ܵܐ. ܘܡܲܥܒܲܪ ܣܲܟܼ̈ܠ̱ܘܵܬܼܵܐ ܕܲܒܼܢܲܝ̈ܢܵܫܵܐ. ܕܐܵܬܹ̇ܝܢ ܨܹܐܕܼܵܘܗܝ ܠܲܬܼܝܵܒ̣ܘܼܬ݂ܵܐ.