Assyrian Church of the East

ܩܠܐ ܕܥܣܪܝܢ

ܒܪܘܼܟܵܒܼ ܫܠܝܼܚܹ̈ܐ ܓܒܲܝ̈ܵܐ.

0:00 / 0:00

ܬܸܥܘܿܠ ܩܕܼܵܡܲܝܟ ܨܠܘܿܬܼܝ. ܨܠܘܿܬܼܵܐ ܕܥܲܒܼܕܵܝ̈ܟ ܩܲܒܸ̇ܠ ܡܵܪܝ ܘܦܲܢܵܐ ܒܪ̈ܲܚܡܲܝܟ ܫܹ̈ܐܠܵܬܼܵܐ ܕܲܡܫܲܒ̇ܚܵܢܲܝ̈ܟ. ܘܬܸܥܘܿܠ ܩܕܼܵܡܵܝܟ ܒܵܥܘܼܬܼܵܐ ܕܐܲܝܠܹܝܢ ܕܐܲܠܝܼܨܝܼܢ. ܘܲܦܬܲܚ ܬܲܪܥܹܗ ܕܲܚܢܵܢܵܟܼ. ܘܗܲܒ݂ ܥܘܼܕܼܪܵܢܵܐ ܡ̣ܢ ܒܹܝܬܼ ܓܲܙܵܟܼ ܠܐܲܝܠܹܝܢ ܕܲܣܢܝܼܩܝܼܢ. ܐܵܦ ܚܢܲܢ ܡܵܪܝ ܕܲܚ̣ܛܲܝܢܲܢ ܘܡܸܬܼܟܲܫܦܝܼܢܲܢ ܠܵܟܼ ܐܵܣܝܵܐ ܛܵܒܼܵܐ ܕܢܲܦ̮ܫܵܬܲܢ. ܐܲܣܵܐ ܡܘܼܡܲܝ̈ܢ ܘܲܥܨܘܿܒܼ ܟܹܐܒܲܝ̈ܢ. ܘܕܲܟܵܐ ܬܹܐܪ̈ܵܬܲܢ ܒܙܘܿܦܵܐ ܕܪ̈ܲܚܡܲܝܟ. ܡܫܝܼܚܵܐ ܚܵܐܹ̇ܢ ܟܠ.

ܫܘܼܚܠܵܦܵܐ ܩܲܕܼܡܵܝܵܐ

ܒܪܘܼܟܵܒܼ ܒܲܡܚܝܼܠܘܼܬܼܵܐ.

0:00 / 0:00

ܨܠܝܼ ܡܵܪܝܵܐ ܐܸܕܼܢܵܟܼ ܘܲܥܢܝܼܢܝ. ܐܲܪܟܸܢ ܠܝܼ ܐܸܕܼܢܵܟܼ ܘܲܫܡܲܥ ܡܸܠܲܝ̈. ܕܩܵܪܹܐ ܐَܢܵܐ ܠܵܟܼ ܒܚܲܫܵܐ ܘܲܒܼܕܸܡܥܹ̈ܐ ܕܲܬܼܝܵܒܼܘܼܬܼܵܐ. ܘܙܲܕܸܩܲܝܢܝ ܐܲܝܟܼ ܕܲܠܡܵܟܼܣܵܐ. ܘܠܵܐ ܬܸܡܢܹܝܢܝ ܥܲܡ ܦܪܝܼܫܵܝܵܐ. ܐܸܠܵܐ ܒܵܥܹܢܵܐ ܡܸܢܵܟܼ ܪܲܚܸܡܥܠܲܝ.

ܫܘܼܚܠܵܦܵܐ ܕܲܬܼܪܹܝܢ

ܒܪܘܼܟܵܒܼ ܗܵܐ ܦܵܬܼܘܿܪܵܐ.

0:00 / 0:00

ܙܲܕܼܝܼܩܵܐ ܘܲܬܼܪܝܼܨܵܐ. ܕܵܘܝܼܕܼ ܗܵܘ̇ ܒܲܪ ܐܝܼܫܲܝ ܒܲܙܡܝܼܪ̈ܵܬܹܗ. ܩ̣ܪܵܢܝ ܘܐܲܥܝܼܪܼܢܝ ܡ̣ܢ ܫܸܢܬܼܵܐ ܕܪܲܡܝܵܐ ܒܗܲܕܵܡܲܝ̈. ܘܐܸܡܲܪ ܠܝܼ. ܕܐܸܬ̇ܬ̇ܥܝܼܪ ܕܲܡܟܵܐ ܠܡܵܢ ܛܲܒ̇ܝܼܥܲܬ̇. ܕܲܒܼܦܸܠܓܹ̇ܗ ܕܠܸܠܝܵܐ ܥܵܐܹ̇ܠ ܫܘܼܚܕܵܐ ܠܕܲܝܵܢܵܐ. ܩܘܼܡ ܨܲܠܵܐ ܘܲܒܼܥܝܼ ܘܐܸܬܼܟܲܫܲܦ ܕܲܒܼܕܸܡ̈ܥܹܐ ܡܵܪܵܟܼ ܡܸܬܼܪܲܥܸܐ. ܘܦܵܬܲܚ ܬܲܪܥܹܗ ܠܬܲܝܵܒܹ̈ܐ ܒܠܸܠܝܵܐ ܘܒܼܐܝܼܡܵܡܵܐ.

ܫܘܼܚܠܵܦܵܐ ܕܲܬܼܠܵܬܵܐ

ܒܪܘܼܟܵܒܼ ܡܲܠܲܐܟܹ̈ܐ ܕܒܲܫܡܲܝܵܐ.

0:00 / 0:00

ܒܐܝܼܡܵܡܵܐ ܘܲܒܼܠܸܠܝܵܐ. ܒܐܝܼܡܵܡܵܐ ܘܲܒܼܠܸܠܝܵܐ. ܠܵܟܼ ܡܫܝܼܚܵܐ ܡܫܲܒ̇ܚܝܼܢܲܢ. ܘܫܵܐ̇ܠܝܼܢܲܢ ܡܸܢܵܟܼ ܪ̈ܲܚܡܹܐ. ܘܫܘܼܒܼܩܵܢܵܐ ܕܲܚܛܵܗܹ̈ܐ.

ܫܘܼܚܠܵܦܵܐ ܕܐܲܪܒ̇ܥܵܐ

ܒܪܘܼܟܵܒܼ ܟܪܝܼܗܢܵܐ ܒܲܚ̈ܛܵܗܲܝ.

0:00 / 0:00

ܦܬܲܚܠܝܼ ܬܲܪ̈ܥܹܐ ܕܙܲܕܝܼܩܘܼܬܼܵܐ. ܒܬܲܪܥܵܟܼ ܡܵܪܲܢ ܢܵܩܹ̇ܫܢܵܐ. ܘܡ̣ܢ ܒܹܝܬܼ ܓܲܙܵܟܼ ܚܢܵܢܵܐ ܘܪ̈ܲܚܡܹܐ ܫܵܐܹ̇ܠܢܵܐ. ܕܚܲܛܵܝܵܐ ܐ݇ܢܵܐ ܕܡ̣ܢ ܢܘܼܓܼܪܵܐ ܘܬܼܵܒܹ̇ܬܼ ܘܐܸܬܹ̇ܝܬܼ. ܗܲܒܼܠܝܼ ܕܐܵܘܕܸܐ ܒܲܚ̈ܛܵܗܲܝ. ܘܐܸܥܒܲܪ ܡܸܢܗܘܿܢ ܘܐܸܚܸܐ ܒܛܲܝܒ̇ܘܼܬܵܟܼ.

ܫܘܼܚܠܵܦܵܐ ܕܚܲܡܫܵܐ

ܒܪܘܼܟܵܒܼ ܡܵܐ ܕܲܫ̣ܡܲܥܢܲܢ.

0:00 / 0:00

ܐܲܣܵܢܝ ܡܵܪܝܵܐ ܡܸܛܠ ܕܙܵܥ̣ܘ ܓܲܪ̈ܡܲܝ. ܒܟܼܘܼܪܗܵܢܵܐ ܥܲܣܩܵܐ ܕܦܲܓܼܪܵܐ. ܡܸܬܼܢܵܘܲܠ ܐ݇ܢܵܐ ܡܵܪܝܵܐ. ܐܲܣܵܐ ܠܝܼ ܟܹܐܒ̣ܝ ܒܲܚܢܵܢܵܟܼ. ܐܲܝܟܼ ܕܲܠܟܹܐܢܵܐ ܚܹܙܲܩܝܵܐ. ܕܒܲܠܬܼܵܐ ܕܬܹܐܢܹ̈ܐ ܣ̣ܵܡ ܠܹܗ ܢܒܼܝܼܵܐ ܘܐܸܬܼܐܲܣܝܼ. ܘܠܝܼ ܡܵܪܝ ܣܝܼܡ ܣܲܡܵܐ ܕܪ̈ܲܚܡܲܝܟ.