ܩܵܠܹ̈ܐ ܕܥܘܼܕܼܪ̈ܵܢܹܐ ܥܲܡ ܫܘܼܚܠܵܦܲܝ̈ܗܘܿܢ

By: HG Mar Awa Royel






ܩܠܐ ܕܚܕܥܣܪ

 

ܒܪܘܼܟܵܒ̣ ܗܵܐ ܫ̣ܒܼܵܢܝ.

0:00 / 0:00

 

ܢܸܫܩܠܘܼܢ ܛܘܼܪܹ̈ܐ ܫܠܵܡܵܐ ܠܥܲܡܲܟܼ. ܫܠܵܡܵܐ ܘܫܲܝܢܵܐ ܢܸܣܓܸ̇ܐ ܠܥܲܡܵܟܼ ܫܲܝܢܹܗ ܕܥܵܠܡܵܐ. ܡܫܝܼܚܵܐ ܕܐܸܬ̣ܵܐ ܠܦܘܼܪܩܵܢܲܢ. ܙܪܘܿܥ ܐܵܘܝܘܼܬܼܵܐ ܒܲܒܼܢܹ̈ܝܗ̇ ܕܥܹܕܬܵܐ. ܕܢܸܗܘܘܿܢ ܙܵܡ̇ܪܝܼܢ ܥܲܡ ܥܝܼܪܹ̈ܐ ܫܘܼܒܼܚܵܐ ܠܲܫܡܵܟܼ. ܘܩܲܝܸܡ ܟܵܗܢܹ̈ܐ ܘܫܲܝܸܢ ܡܲܠܟܹ̈ܐ. ܘܒܲܛܸܠ ܩܪܵܒܹܐ ܡ̣ܢ ܣܵܘ̈ܦܹܝܗ̇ ܕܐܲܪܥܵܐ. ܘܢܲܛܲܪ ܠܟܸܢܫܵܐ ܕܣܵܓܼܘܿܕܲܝ̈ܟ. ܕܠܵܟܼܘܼ ܩܵܪܹܝܢ ܒܟܼܠܥܸܕܵܢ. ܘܲܣܥܘܿܪ ܡܲܪ̈ܥܹܐ ܒܛܲܝܒ̇ܘܼܬܼܵܟܼ. ܘܐܲܚܠܸܡ ܟܪ̈ܝܼܗܹܐ ܒܲܚܢܵܢܵܟܼ. ܘܐܵܘܫܸܛ ܐܝܼܕܵܐ ܕܥܘܼܕܼܪ̈ܵܢܹܐ. ܠܟܼܠܗܘܿܢ ܐܲܝܠܹܝܢ ܕܐܲܠܝܼܨܝܼܢ. ܡܵܪܲܢ ܚܘܼܣܥܠܲܝܢ.

 

ܫܘܼܚܠܵܦܵܐ ܩܲܕܼܡܵܝܵܐ

ܒܪܘܼܟܵܒ̣ ܣܒܲܪܬܹܗ ܕܡܵܪܲܢ.

0:00 / 0:00

 

ܐܥܲܕܲܪܲܝܢ ܐܲܠܵܗܵܐ ܦܵܪܘܿܩܲܢ. ܥܲܕܲܪܲܝܢ ܐܲܠܵܗܵܐ ܦܵܪܘܿܩܲܢ. ܥܠܲܝܟ̇ܘܼ ܐܝܼܬܼܵܘܗܝ ܬܘܼܟܼܠܵܢܲܢ؛ ܒܹܝܬܼ ܓܵܘܣܲܢ ܣܲܓܝܼ ܪ̈ܲܚܡܹܐ. ܘܲܡܣܲܝܥܵܢܵܐ ܕܢܲܦ̮ܫ̈ܵܬܲܢ؛ ܘܦܵܪܘܿܩܵܐ ܕܲܡܫܲܒ̇ܚܵܢܵܘ̈ܗܝ. ܦܬܲܚ ܒܹܝܬܼ ܓܲܙܵܐ ܕܛܲܝܒ̇ܘܼܬܼܵܟܼ؛ ܘܗܲܒܼܠܲܢ ܣܘܼܢܩܵܢ ܫܹ̈ܐܠܵܬܲܢ܀܀ ܙܪܘܿܥ ܒܲܢ ܐܵܘܝܘܼܬܼܵܐ؛ ܕܢܲܚܸܒܼ ܠܲܚ̈ܕܼܵܕܹܐ؛ ܘܢܸܫܦܲܪ ܠܡܵܪܘܼܬܼܵܟܼ؛ ܘܢܸܓܼܡܘܿܪ ܟܠܲܢ ܨܸܒܼܝܵܢܵܟܼ؛ ܒܩܲܕܝܼܫܘܼܬܼܵܐ ܘܲܒܼܟܹܐܢܘܼܬܼܵܐ.

 

ܫܘܼܚܠܵܦܵܐ ܕܲܬܪܹܝܢ

ܒܪܘܼܟܵܒ̣ ܡܵܪܝܵܐ ܠܟܼܠܢܵܫ.

0:00 / 0:00

 

ܛܲܝܒ̇ܘܼܬܹܗ ܕܡܵܪܝܵܐ ܠܥܵܠܲܡ ܐܸܙܡܲܪ. ܡܵܪܝܵܐ ܐܸܢܵܐ ܒܛܲܝܒ̇ܘܼܬܼܵܟܼ ܐܸܙܡܲܪ ܠܵܟܼ ܫܘܼܒܼܚܵܐ. ܘܐܲܢَܬ̇ ܒܪ̈ܲܚܡܲܝܟ ܣܲܓ̇ܝܼ̈ܐܹܐ ܚܵܘܲܪ ܡܵܪܝ ܟܘܼܬܼ̈ܡܵܬܼܝ؛ ܒܝܵܘܡܵܐ ܕܡܸܬܼܪܲܗܒܼܝܼܢ ܟܸܢ̈ܫܹܐ ܕܡܲܠܲܐܟܹ̈ܐ. ܘܪܹܫܗܘܿܢ ܓܲܒܼܪܝܼܹܠ ܡܙܲܝܲܚ ܠܲܨܠܝܼܒܼܵܟܼ. ܘܢܵܦܹ̇ܩ ܦܘܼܩܕܵܢܵܟܼ ܘܲܡܙܝܼܥ ܠܵܗ̇ ܠܐܲܪܥܵܐ. ܘܩܵܝ̇ܡܝܼܢ ܕܠܵܐ ܚܒܼܵܠܵܐ ܟܠܗܘܿܢ ܥܲܢܝܼ̈ܕܸܐ؛ ܘܩܵܢܹ̇ܝܢ ܡ̣ܢ ܫܸܠܝܵܐ ܐܲܝܠܹܝܢ ܕܚܲܝܝܼܢ ܫܘܼܚܠܵܦܵܐ. ܠܵܐ ܬܲܗܦܸܟܼ ܐܲܦܲܝ̈ܟ ܡܵܪܲܢ. ܡ̣ܢ ܐܲܝܠܹܝܢ ܕܐܵܘܕܝܼܘ ܒܲܫܡܵܟܼ. ܐܲܝܟܼ ܕܐܸܫܬܵܘܕܝܼܬ̇ ܒܲܣܒܲܪܬܼܵܟܼ ܘܪܲܚܸܡ ܥܠܲܝ.

 

 

ܫܘܼܚܠܵܦܵܐ ܕܲܬ݂ܠܵܬ݂ܵܐ

ܒܪܘܼܟܵܒܼ ܡܫܝܼܚܵܐ ܐܸܬܼܝܼܠܸܕܼ.

0:00 / 0:00

 

ܦܬܲܚܠܝܼ ܬܲܪ̈ܥܹܐ ܕܙܲܕܝܼܩܘܼܬܼܵܐ. ܚܲܢܵܢܵܐ ܕܲܦܬܼܝܼܚ ܬܲܪܥܹܗ ܠܬܲܝܵܒܹ̈ܐ. ܘܩܵܪܹܐ ܠܚܲܛܵܝܹ̈ܐ ܕܨܸܐܕܼܵܘܗܝ ܢܸܬ݂ܩܲܪܒܼܘܼܢ. ܦܬܲܚ ܠܲܢ ܡܵܪܝ ܬܲܪܥܵܐ ܕܪ̈ܲܚܡܹܐ ܕܢܸܥܘܿܠ ܒܹܗ. ܘܢܸܙܡܲܪ ܠܵܟܼ ܫܘܼܒܼܚܵܐ ܒܠܸܠܝܵܐ ܘܒܼܐܝܼܡܵܡܵܐ.

 

ܫܘܼܚܠܵܦܵܐ ܕܐܲܪܒ݁ܥܵܐ

ܒܪܘܼܟܵܒܼ ܒܝܲܕܼ ܫܠܵܡܵܐ.

0:00 / 0:00

 

ܠܡܸܛܠ ܕܐܲܢَܬ̇ ܡܵܪܝܵܐ ܛܵܒܼ ܐܲܢَܬ̇. ܛܵܒܼܵܐ ܕܲܫܦܝܼܥ ܒܲܚܢܵܢܹܗ؛ ܘܪ̈ܲܚܡܵܘܗܝ ܣܲܓ̇ܝܼܐܝܼܢ. ܐܲܫܦܲܥ ܪ̈ܲܚܡܹܐ ܕܛܲܝܒ̇ܘܼܬܼܵܟܼ؛ ܥܲܠ ܥܲܒܼܕܲܝ̈ܟ ܡܵܪܝܵܐ؛ ܕܐܲܢَܬ̇ܘܼ ܐܝܼܬܲܝܟ؛ ܣܲܒܼܪܲܢ ܘܒܹܝܬܓܵܘܣܲܢ. ܘܲܡܥܲܕܪܵܢܲܢ؛ ܒܙܲܒܼܢܹ̈ܐ ܕܐܘܼܠܨܵܢܵܐ؛ ܬܵܐ ܠܐܝܼܵܠܲܢ ܘܲܦܪܘܿܩܲܝܢ؛ ܐܲܝܟܼ ܕܲܡܥܵܕܲܬ̇ ܡܵܪܝ. ܘܐܲܣܵܐ ܟܹܐܒܹ̈ܐ؛ ܕܦܲܓܼܪ̈ܲܝܢ ܘܢܲܦ̮ܫܵܬܲܢ.