ܘܣܵܠܹܩ ܐܵܡܘܿܪܵܐ ܠܒܹܝܡ ܘܐܵܡܲܪ؛ ܙܘܼܡܵܪܵܐ. ܝܵܘܡܵܢܵܐ ܚ̣ܕܼܝܼ ܠܹܒ̇ܝ ܘܕܼܵܨ ܐܝܼܩܵܪܝ. ܓ؛ ܚܲܕܼ ܒܲܝܬܵܐ܀ ܘܐܵܡܲܪ ܡܫܲܡܫܵܢܵܐ؛ ܒܫܸܠܝܵܐ ܗܘܸܵܘ ܘܼܲܫܠܵܘ.
ܐܹܘܲܢܓܲܠܝܼܘܿܢ؛ ܠܘܼܩܵܐ؛ ܟܕ؛ 1‐13.
ܕܐܹܘܲܢܓܲܠܝܼܘܿܢ. ܒܩܵܠܵܐ ܪܲܒܵܐ. ܢܹܐ̈ܙܵܠ݇ܢ ܒܚܲܕܼܘܼܬܼܵܐ ܘܲܒܼܒܲܣܝܼܡܘܼܬܼܵܐ؛ ܒܪܲܡܫܵܐ ܬܒ̣ܘܼܬܼ ܒܟܼܵܬܼܵܐ ܘܲܒܼܨܲܦܪܵܐ ܚܲܕܼܘܼܬܼܵܐ. ܢܸܫܹ̈ܐ ܕܐܸܬܲܝ̈ ܠܒܹܝܬܼ ܩܒܼܘܼܪܵܟܼ ܡܵܪܝܵܐ. ܚܠܵܦ ܟܲܪܝܘܼܬܼܵܐ ܚܲܕܼܘܼܬܼܵܐ ܐܸܬܼܡ̱ܠܝܼ. ܘܠܲܫܠܝܼܚܹ̈ܐ ܪܗܸܛ ܗ̣݇ܘܲܝ̈ ܕܲܢܣܲܒ̇ܪ̈ܵܢ ܡܸܠܹ̈ܐ ܕܡ̣ܢ ܡܲܠܲܐܟ̣ܵܐ ܫܡܲܥ ܗ݇ܘܲܝ̈. ܕܐܸܡܲܪ ܗ݇ܘ̣ܵܐ ܠܗܹܝܢ ܕܐܲܢ݇ܬܹ̇ܝܢ ܠܵܐ ܬܸܕܼܚ̈ܠܵܢ. ܠܡ̇ܢ ܒܵܟܼܝܵܬܹ̇ܝ̈ܢ. ܠܝܼܫܘܿܥ ܒܵܥܝܵܬܹ̇ܝ̈ܢ. ܩܵܡ̣ ܠܹܗ ܘܲܙܟ̣ܵܝܗܝ ܠܡܵܘܬܵܐ ܒܡܵܘܬܹ̇ܗ. ܚܢܲܢ ܕܹܝܢ ܡܵܪܝ ܒܬܼܵܘܕ̇ܝܼܬܼܵܐ. ܢܸܩܥܸܐ ܘܢܹܐܡܲܪ ܫܘܼܒ̣ܚܵܐ ܠܵܟܼ ܬܢܝܼ؛ ܫܲܒܲܚ. ܒܡܲܒ̇ܘܼܥ ܚܲܝܹ̈ܐ؛ ܒܫܘܼܒ̣ܚܵܐ ܪܲܒܵܐ ܕܠܵܐ ܡܸܬܼܡܲܠܲܠ. ܚܙܵܬܹܗ ܡܲܪܝܲܡ ܠܲܡܫܝܼܚܵܐ. ܕܩܵܡ̣ ܡ̣ܢ ܩܲܒ̣ܪܵܐ. ܘܟܲܕܼ ܗܸܝ ܣܸܒ̣ܪܲܬܸ ܕܓܲܢܵܢܵܐ ܗ݇ܘܼ ܩ̣ܪܵܗ̇ ܘܐܸܡܲܪ ܠܵܗ̇. ܡܲܪܝܲܡ ܐܲܢ݇ܬ̇ܬܼܵܐ ܡܗܲܝܡܲܢܬܵܐ ܠܡܵܢ ܒܵܟܼܝܵܐ ܐܲܢ݇ܬ̇ܝ܀ ܘܡ̣ܢ ܟܲܪܝܘܼܬܼܵܐ ܠܚܲܕܼܘܼܬܼܵܐ. ܩܵܡܲܬܸ ܗ݇ܘ̣ܵܬܼ ܒܬܲܗܪܵܐ ܘܕܼܘܼܡܵܪܵܐ. ܘܗܸܦܟܲܬܸ ܩܪܵܬܹܗ ܡܲܠܦܵܢܵܐ. ܘܫܲܪܪܵܗ̇ ܥܲܠ ܩܝܵܡܬܹ̇ܗ ܡܫܲܒܲܚܬܵܐ. ܠܵܐ ܓܹܝܪ ܣܸܠܩܹ̇ܬܼ ܠܲܫܡܲܝܵܐ. ܠܘܵܬܼ ܐܵܒ̣ܝ ܘܐܲܒ̣ܵܐ ܕܟ̣ܠ ܕܲܡܗܲܝܡܸܢ. ܒܪܵܐ ܕܐܲܠܵܗܵܐ ܕܩܵܡ̣ ܡ̣ܢ ܩܲܒ̣ܪܵܐ. ܘܐܲܩܝܼܡܲܢ ܥܲܡܹܗ ܒܬܸܫܒ̇ܘܿܚܬܵܐ܀ ܐܲܫܘܵܐ ܠܟ̣ܠܲܢ ܒܝܲܕܼ ܪ̈ܲܚܡܲܝܟ. ܕܢܲܩܒ̇ܠܵܟܼ ܒܝܵܘܡܵܐ ܕܡܹܐܬܼܝܼܬܼܵܟܼ ܘܪܲܚܸܡ ܥܠܲܝܢ܀
ܘܥܵܐ̇ܠܝܼܢ ܒܵܗ̇ ܠܡܲܕܼܒ̇ܚܵܐ. ܘܐܵܡܪܝܼܢ؛ ܬܸܫܒ̇ܘܿܚܬܵܐ ܠܐܲܠܵܗܵܐ ܒܲܡܪ̈ܵܘܡܹܐ.
♱♱♱♱♱♱♱♱♱
ܕܐ݇ܪ̈ܵܙܹܐ ܕܚܲܕܼܒ̇ܫܲܒܵܐ ܪܲܒܵܐ ܕܲܩܝܵܡܬܹܗ ܕܡܵܪܲܢ
ܡܲܪܡܝܼܬܼܵܐ ܕܐ݇ܪ̈ܵܙܹܐ؛ ܫܲܒܲܚܘ ܠܡܵܪܝܵܐ ܬܸܫܒ̇ܘܿܚܬܵܐ ܚܕܲܬܵܐ. (ܥܲܕ ܠܦܲܢܛܹܩܘܼܣܛܹܐ).
ܐܲܩܲܦܬܵܐ؛ ܐܵܘܕܸܐ ܠܵܟܼ ܒܥܹܕ̇ܬܵܐ ܪܲܒ̇ܬܼܵܐ܀
ܥܘܼܢܵܝܵܐ؛ ܘܲܒ̣ܥܲܡܡܹ̈ܐ ܣܲܓ̇ܝܼ̈ܐܹܐ ܐܹܙܲܡܲܪ ܠܵܟܼ܀
ܕܩܲܢܟܹ̇ܐ. ܒܡܵܪܵܐ ܕܟܼܠܵܐ.
ܡܵܪܝܵܐ ܐܲܡ̣ܠܸܟܼ ܬܕܼܘܼܨ ܐܲܪܥܵܐ. ܐܸܬܼܦܲܨܚ̄ܘ ܘܙܲܡܲܪܘ ܘܫܲܒܲܚܘ. ܕܘܼܨܘ ܘܐܸܬܼܠܲܒܲܒ̣ܘ ܡܵܝܘܿܬܹ̈ܐ. ܕܫܘܼܠܛܵܢܹܗ ܕܡܵܘܬܵܐ ܐܸܫܬ̇ܪܝܼ. ܡܫܝܼܚܵܐ ܒܚܲܫܹܗ ܠܡܵܘܬܵܐ ܙ̣ܟܼܵܐ. ܘܲܡ̣ܠܲܟܼ ܚܲܝܹ̈ܐ ܒܲܩܝܵܡܬܹ̇ܗ. ܫܡܲܝܵܐ ܘܐܲܪܥܵܐ ܗܵܐ ܚܵܕܹܝ̇ܢ. ܘܟܸܢܫܹ̈ܐ ܕܡܲܠܲܐܟܹ̈ܐ ܡܝܲܒ̇ܒܼܝܼܢ. ܫܘܼܒ̣ܚܵܐ ܠܕܲܐܚ̣ܝܼ ܒܲܩܝܵܡܬܹ̇ܗ. ܠܓܸܢܣܵܐ ܕܐ݇ܢܵܫܵܐ ܕܐܲܒ̇ܝܼܕܼ ܗ݇ܘ̣ܵܐ؛ ܬܢܝܼ؛ ܫܲܒܲܚ. ܠܟܸܢܫܲܢ ܒܲܪܸܟܼ ܦܵܪܘܿܩܲܢ. ܘܐܲܫܪܵܐ ܒܓܼܵܘܹܗ ܛܲܝܒ̇ܘܼܬܼܵܟܼ. ܘܗܲܒܼܠܲܢ ܚܲܝܠܵܐ ܕܲܢܫܲܒ̇ܚܵܟܼ. ܟܸܢܫܹ̈ܐ ܕܲܠܥܸܠ ܥܲܡ ܕܲܠܬܲܚܬ̇. ܘܢܲܚܸܒ̣ ܟܠܲܢ ܠܲܚܕܼܵܕܹ̈ܐ. ܘܢܸܩܢܸܐ ܚܘܼܒܵܐ ܘܐܵܘܝܘܼܬܼܵܐ. ܐܲܟܼܡܵܐ ܕܲܩܢܹܝܢ ܪ̈ܘܼܚܵܢܹܐ. ܚܲܕܼ ܨܸܒ̣ܝܵܢܵܐ ܕܠܵܟܼ ܢܸܫܦܪܘܼܢ.
ܩܸܪܝܵܢܵܐ؛ ܐܹܫܲܥܝܵܐ؛ ܣ؛ 1‐8. ܚܲܒ̣ܪܹܗ؛ ܐ؛ܫܡܘܼܐܹܝܠ؛ ܒ؛ 1‐11
ܫܘܼܪܵܝܵܐ؛ ܡܵܪܝܵܐ ܐܲܡ̣ܠܸܟܼ ܬܕܼܘܼܨ ܐܲܪܥܵܐ. ܠܲܩܝܵܡܬܹ̇ܗ ܕܲܡܫܝܼܚܵܐ ܢܝܲܩܲܪ؛ ܒܲܙܡܝܼܪ̈ܵܬܼܵܐ ܕܪܘܼܚܵܐ؛ ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܢܸܚ̈ܕ̇ܝܵܢ ܓܵܙܪ̈ܵܬܼܵܐ ܣܲܓܝܼ̈ܐܵܬܼܵܐ. ܠܲܩܝܵܡܬܹ̇ܗ ܕܲܡܫܝܼܚܵܐ ܢܝܲܩܲܪ؛ ܒܲܙܡܝܼܪ̈ܵܬܼܵܐ ܕܪܘܼܚܵܐ؛ ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܫܲܒܲܚ؛ ܠܲܩܝܵܡܬܹ̇ܗ ܕܲܡܫܝܼܚܵܐ..܀ ܥܵܠܲܡ؛ ܠܲܩܝܵܡܬܹ̇ܗ ܕܲܡܫܝܼܚܵܐ..܀
ܫܠܝܼܚܵܐ؛ ܪ̈ܗ݇ܘܿܡܵܝܹܐ؛ ܗ؛ 20‐ܘ؛ ܫܘܼܠܵܡܵܐ. ܐܲܩܸܦ؛ ܥܸܒ̣ܪ̈ܵܝܹܐ؛ ܝܓ؛ 20‐22.
ܙܘܼܡܵܪܵܐ؛ ܒܲܫܡܲܝܵܐ ܡܸܫܬܲܥܹܝܢ܀ ܡܵܪܝܵܐ ܐܲܡ̣ܠܸܟܼ ܬܕܼܘܼܨ ܐܲܪܥܵܐ. ܘܢܸܚ̈ܕ̇ܝܵܢ ܓܵܙܪ̈ܵܬܼܵܐ ܣܲܓܝܼ̈ܐܵܬܼܵܐ. ܒ܀ ܥܢܵܢܹ̈ܐ ܘܥܲܪ̈ܦܸܠܹܐ ܚܕܼܵܪ̈ܵܘܗܝ. ܒܙܲܕܝܼܩܘܼܬܼܵܐ ܘܲܒܼܕܼܝܼܢܵܐ ܡܲܬܼܩܲܢ ܟܘܼܪܣܝܹܗ. ܒ܀
ܐܹܘܲܢܓܲܠܝܼܘܿܢ؛ ܝܘܿܚܲܢܵܢ؛ ܟܟ؛ 1‐19.
ܕܐ݇ܪ̈ܵܙܹܐ؛ ܐܲܝܠܹܝܢ ܕܐܸܬ̇ܬ̇ܚܸܕܼܘ.
ܐܹܪܲܡ̱ܪܡܵܟܼ ܡܵܪܝ ܡܲܠܟܵܐ؛ ܗܸܝ ܗܘܸܵܬܼ ܠܪܹܫܹܗ ܕܒܸܢܝܵܢܵܐ. ܕܨܘܼܪܬܵܐ. ܫܘܼܒ̣ܚܵܐ ܗ݇ܝܼ ܕܟܼܠܗܹܝܢ ܡܲܠܟ̈ܘܵܬܼܵܐ ܕܐܲܪܥܵܐ. ܩܝܵܡܬܵܟܼ ܡܵܪܲܢ ܪܹܫܝܼܬܼܵܐ ܕܚܲܝܲܝ̈ܢ. ܫܘܼܒ̣ܚܵܐ ܘܥܘܼܬܼܪܵܐ ܗܘܸܵܐ ܒܒܲܝܬܵܟܼ ܩܲܕ̇ܝܼܫܵܐ. ܗܵܐ ܓܹܝܪ ܥܹܕ̇ܬܵܟܼ ܕܲܒܼܟܼܠ ܦܸܢ̈ܝܵܢ. ܗܵܝ̇ ܕܲܩܢܲܝܬܵܗ̇ ܒܲܕܼܡܵܟܼ ܝܲܩܝܼܪܵܐ. ܐܲܝܟܼ ܟܲܠܬܼܵܐ ܒܵܟܼ ܗ݇ܘ̣ ܡܨܲܒ̇ܬܼܵܐ. ܘܒܲܕܼܡܘܼܬܼ ܐܸܡܵܐ ܥܲܡ ܒܢܲܝ̈ܵܐ ܒܵܟܼ ܚܵܕܼܝܵܐ. ܢܲܛܲܪܹܝܗ̇ ܡܵܪܝ ܡ̣ܢ ܢܸܟ̣ܝܵܢܹ̈ܐ. ܘܠܲܢ ܦܪܘܿܩܲܝܢ ܕܲܒܼܓܼܵܘܵܗ̇ ܡܫܲܒ̇ܚܝܼܢܲܢ ܠܵܟܼ ܘܪܲܚܸܡ ܥܠܲܝܢ؛ ܬܢܝܼ. ܘܫܲܒܲܚ ܒܵܗ̇.
ܕܚܝܼܠܲܬ̇. ܕܘܼܨܘ ܘܐܸܬܼܠܲܒܲܒܼܘ ܐܘܿ ܡܵܝܘܿܬܹ̈ܐ. ܕܫܘܼܠܛܵܢ ܡܵܘܬܵܐ ܐܸܬܼܒܲܛܲܠ ܠܹܗ܀ ܗܵܐ ܡܣܲܟܹ̇ܝܢ ܠܹܗ ܫܡܲܝܵܐ ܘܐܲܪܥܵܐ. ܕܢܹܐܬܸܐ ܢܚܲܕܸܬܼ ܟܠܡܵܐ ܕܲܒ̣ܗܘܿܢ܀
ܐܩܲܦܬܵܐ؛ ܚܵܕܹܝ̇ܢ ܝܵܘܡܵܢܵܐ ܫܘܼܠܛܵܢܹ̈ܐ ܕܒܲܫܡܲܝܵܐ. ܕܲܚ̣ܙܵܘ ܕܐܸܬܼܓܡܲܪ ܒܲܥܒ̣ܵܕܼܵܐ. ܣܲܒ̣ܪܵܐ ܕܠܹܗܸܘ ܡܣܲܟܹܝ̇ܢ ܗ݇ܘ̣ܵܘ܀ ܘܥܵܢܹܝ̇ܢ؛ ܕܚܝܼܠܲܬ̇...܀ ܘܲܢܫܲܒܲܚ ܠܹܗ ܐܲܟܲܚ݇ܕܼ ܘܢܹܐܡܲܪ؛ ܩܲܕ̇ܝܼܫܲܬ̇ ܩܲܕ̇ܝܼܫܲܬ̇ ܩܲܕ̇ܝܼܫܲܬ̇ ܐܘܿ ܡܵܪܹܟ̇ܠ ܗܲܠܸܠܘܼܝܲܗ ܗܲܠܸܠܘܼܝܲܗ.
ܕܒܹܝܡ؛ ܥܘܼܢܵܝܵܐ. ܬܵܘ ܟܠܟܼܘܿܢ ܥܲܡܡܹ̈ܐ ܢܙܝܼܥ ܣܸܦ̈ܘܵܬܲܢ ܠܬܼܵܘܕܝܼܬܼܵܐ. ܡܸܛܠ ܕܩ̣ܵܡ ܠܹܗ ܡܫܝܼܚܵܐ ܦܵܪܘܿܩܵܐ ܕܟ̣ܠܵܐ. ܘܗܵܐ ܝܼܬܸܒ̣ ܡ̣ܢ ܝܲܡܝܼܢܵܐ ܕܐܲܒ̣ܵܐ ܓܢܝܼܙܵܐ ܒܲܡܪ̈ܵܘܡܹܐ؛ ܢܸܬ̣ܩܲܪܲܒ̣ ܟܠܲܢ ܠܦܲܓ̣ܪܹܗ ܘܲܕܼܡܹܗ ܕܲܡܫܝܼܚܵܐ. ܒܕܸܚܠ̱ܬܼܵܐ ܪܲܒ̇ܬܼܵܐ ܘܒܲܪܬܹܝܬܼܵܐ. ܠܲܚܡܵܐ ܓܹܝܪ ܫܡܲܝܵܢܵܐ. ܝܲܗ̣݇ܒ̣ ܠܲܢ ܡܵܪܲܢ. ܐ݇ܪܵܙܵܐ ܕܡܵܘܬܹ̇ܗ ܘܕܲܩܝܵܡܬܹ̇ܗ. ܢܸܣܒ̣ܝܼܘܗܝ ܟܠܲܢ ܫܲܘܝܵܐܝܼܬܼ܀ ܘܲܢܫܲܒܲܚ ܠܹܗ ܐܲܟܲܚ݇ܕܼ ܘܢܹܐܡܲܪ؛ ܩܲܕ̇ܝܼܫܲܬ̇. ܩܲܕ̇ܝܼܫܲܬ̇. ܩܲܕ̇ܝܼܫܲܬ̇ ܐܘܿ ܡܵܪܹܟ̇ܠ ܗܲܠܸܠܘܼܝܲܗ ܗܲܠܸܠܘܼܝܲܗ܀
ܒܵܬܹ̈ܐ؛ ܒܝܵܘܡܵܐ ܕܲܩܝܵܡܬܵܟܼ ܐܸܬܼܒܲܛܲܠ ܡܵܘܬܵܐ ܘܲܢ̣ܦܲܠ ܣܵܛܵܢܵܐ. ܘܐܲܡ̣ܠܸܟܼ ܥܲܠ ܟܠ ܢܘܼܚܵܡܵܐ܀ ܘܲܢܫܲܒܲܚ ܠܹܗ....
ܦܲܓ̣ܪܵܟܼ ܘܲܕܼܡܵܟܼ. ܡܵܪܝ ܐܵܘܟܸ̇ܠ̣ܬܵܢ. ܟܡܵܐ ܠܲܢ ܦܘܼܡܝܼ̈ܢ ܕܢܵܘܕܸ̇ܐ ܠܲܫܡܵܟܼ.
ܒܵܬܹ̈ܐ؛ ܐ݇ܪ̈ܵܙܹܐ ܓܡܝܼܪܹ̈ܐ ܣܝܼܡܝܼܢ ܩܘܼܕܼܡܲܝܢ؛ ܘܲܡܠܹܝܢ ܚܲܝܹ̈ܐ ܕܠܵܐ ܫܘܼܠܵܡܵܐ܀ ܒܡܵܘܬܹ̇ܗ ܕܲܒ̣ܪܵܐ ܢܒܲܥ̣ܘ ܠܲܢ ܚܲܝܹ̈ܐ؛ ܘܲܒܼܛܸܠ̣ ܡܵܘܬܵܐ ܡ̣ܢ ܐ݇ܢܵܫܘܼܬܲܢ.܀
♱♱♱♱♱♱♱♱♱