ܕܡܲܓܵܗܲܝ̈ ܥܪܘܼܒ̣ܬܵܐ ܕܚܲܫܵܐ؛ ܘܐ݇ܪ̈ܵܙܹܐ ܕܦܸܨܚܵܐ
ܐܲܩܲܦܬܵܐ؛ ܐܵܘܕܸܐ ܠܵܟܼ ܥܹܕ̇ܬܵܐ ܪܲܒ̇ܬܼܵܐ܀
ܥܘܼܢܵܝܵܐ؛ ܘܲܒܼܥܲܡܡܹ̈ܐ ܣܲܓܝܼܐܹ̈ܐ ܐܹܙܲܡܲܪ ܠܵܟܼ܀
ܕܩܲܢܟܹ̇ܐ؛ ܒܲܝܗܘܼܕܼܵܐ ܥܵܒܲܪ ܢܵܡܘܿܣܵܐ.
ܕܘܼܟܼܪܵܢܵܐ ܕܛܲܝ̈ܒ̇ܘܵܬܼܵܟܼ ܣܲܓܿܝܼ̈ܐܵܬܼܵܐ. ܕܢܸܬ̇ܕ̇ܟܲܪ ܫܡܵܟܼ ܒܟܼܠ ܕܵܪ ܘܕܼܵܪ. ܥܘܼܗܕܵܢܹܗ ܕܚܲܫܵܟܼ ܝܲܩܝܼܪܵܐ. ܕܲܚܠܵܦ ܦܘܼܪܩܵܢܲܢ ܐܸܬܼܓ̇ܡܲܪ. ܥܵܒܼ̇ܕܵܐ ܥܹܕ̇ܬܵܟܼ ܦܵܪܘܿܩܲܢ. ܢܲܛܲܪ ܝܲܠܕܹ̇ܝ̈ܗ̇ ܡ̣ܢ ܢܸܟܼܝܵܢܹ̈ܐ؛ ܬܢܝܼ؛ ܫܲܒܲܚ. ܡܫܝܼܚܵܐ ܕܒܲܨܠܝܼܒܼܵܟܼ ܝܲܩܝܼܪܵܐ. ܦܪܲܩ̣ܬܵܝܗܝ ܠܓܸܢܣܲܢ ܡ̣ܢ ܛܘܼܥܝܲܝ. ܥܹܕ̇ܬܵܟܼ ܚܲܫܵܟܼ ܗܵܐ ܓܵܡ̇ܪܵܐ. ܐܲܫܘܵܗ̇ ܕܬܸܚܕܸ̇ܐ ܒܲܩܝܵܡܬܵܟܼ.
ܩܲܪܝܵܢܵܐ؛ ܡܲܦܩܵܢܵܐ؛ܝܒ؛1‐21. ܚܲܒ̣ܪܹܗ؛ ܙܟܲܪܝܵܐ؛ ܛ؛9‐13. ܝܐ؛ 4‐6. 12‐14. ܐܲܩܸܦ؛ ܝܒ؛ 9‐ܫܘܼܠܵܡܵܐ. ܝܓ؛ 7‐ܫܘܼܠܵܡܵܐ.
ܫܘܼܪܵܝܵܐ. ܚ܀ ܐܸܬܼܠܲܚܲܫܘ ܥܠܲܝ ܐܲܟܼܚ݇ܕܼܵܐ ܟܠܗܘܿܢ ܣܵܢܐܲܝ̈* ܘܐܸܬܼܚܲܫܲܒ̣ܘ ܥܠܲܝ ܒܝܼܫܬܵܐ* ܒܡܸܠܬܼܵܐ ܕܥܵܘ̣ܠܵܐ ܪܵܢܹܝ̇ܢ ܗ̣݇ܘܵܘ* ܡܸܟܹ̇ܝܠ ܕܲܫ̣ܟܸܒ̣ ܠܵܐ ܡܵܘܣܸܦ ܠܲܡܩܵܡ* ܐܵܦ ܓܲܒ̣ܪܵܐ ܫܵܐܹ̇ܠ ܫܠܵܡܝ ܕܲܬܼܟ̣ܝܼܠ ܐ݇ܢܵܐ ܥܠܵܘܗܝ* ܐܵܟܹܠ̇ ܠܲܚܡ̱ܝ ܕܲܬܼܟܼܝܼܠ ܐ݇ܢܵܐ ܥܠܵܘܗܝ ܣܲܓܿܝܼ ܐܸܬܼܢ̱ܟܸܠ ܥܠܲܝ* ܘܐܲܢ݇ܬ̇ ܡܵܪܝܵܐ ܪܲܚܸܡܥܠܲܝ* ܘܐܲܩܝܼܡܲܝܢܝ ܘܐܸܦܪܘܿܥ ܐܸܢܘܿܢ*
ܫܠܝܼܚܵܐ؛ ܐ؛ ܩܘܿܪ̈ܲܢܬܼܵܝܹܐ ؛ܗ؛ 7‐9. ܐܲܩܸܦ؛ ܝ؛ 15‐18. ܐܲܩܸܦ؛ ܝܐ؛ 23‐ܫܘܼܠܵܡܵܐ.
ܙܘܼܡܵܪܵܐ؛ ܒܩܵܠܝ ܠܡܵܪܝܵܐ ܩܪܹܝ̇ܬܼ ܒܩܵܠܝ ܠܡܵܪܝܵܐ ܐܸܬܼܟܲܫ̇ܦܹܬܼ. ܘܐܲܪܡ̇ܝܼܬܼ ܩܕܼܵܡܵܘܗܝ ܬܲܟܼܫܲܦ̮ܬ̇ܝ. ܒ؛ ܟܲܕܼ ܐܸܬ̇ܛܲܪܦܲܬ݀ ܪܘܼܚܝ ܐܲܢ݇ܬ̇ ܝܵܕܲܥ̇ ܐܲܢ݇ܬ̇ ܫܒ̣ܝܼܠܲܝ̈. ܒܐܘܼܪܚܵܐ ܕܗܲܠܟܼܵܬܼ̈ܝ ܛ̣ܡܲܪܘ ܠܝܼ ܦܲܚܹ̈ܐ. ܒ܀
ܐܹܘܲܢܓܲܠܝܼܘܿܢ؛ ܡܲܬܲܝ؛ ܟܘ؛ 1‐6. 14‐31
ܕܐ݇ܪ̈ܵܙܹܐ؛ ܒܐ݇ܪܵܙܵܐ ܪܲܒܵܐ.
ܬܵܘ ܢܫܲܒܲܚ ܠܡܵܪܝܵܐ. ܚܘܼܪܘ ܠܘܵܬܹܗ ܘܣܲܒܲܪܘ ܒܹܗ. ܒܥܲܝܢܵܐ ܕܬܲܪܥܝܼܬܼܵܐ ܘܲܕܼܚܘܼܒܵܐ. ܢܸܚܙܹܝܘܗܝ ܟܠܲܢ ܠܲܡܫܝܼܚܵܐ. ܒܝܲܕܼ ܐ݇ܪ̈ܵܙܹܐ ܘܛܘܼܦ̮ܣܹ̈ܐ ܕܐܲܫ̣ܠܸܡ ܠܲܢ. ܟܲܕܼ ܡܸܬ̇ܕܒܲܪ ܠܚܲܫܹܗ ܕܲܨܠܝܼܒ̣ܵܐ. ܘܥܲܠ ܡܲܕܼܒܲܚ ܩܘܼܕܫܵܐ ܡܸܬ̇ܬ̇ܣܝܼܡ ܕܸܒ̣ܚܵܐ ܚܲܝܵܐ. ܘܐܲܝܟܼ ܡܲܠܲܐܟܹ̈ܐ ܡܙܲܝܚܝܼܢ ܟܵܗܢܹ̈ܐ ܠܥܘܼܗܕܵܢܵܐ ܕܡܵܘܬܹ̇ܗ. ܒܩܵܠܹ̈ܐ ܕܬܼܵܘܕܝܼܬܼܵܐ ܘܐܵܡ̇ܪܝܼܢ. ܫܘܼܒ̣ܚܵܐ ܠܹܗ ܥܲܠ ܡܵܘܗܲܒ̣ܬܹܗ ܕܠܵܐ ܡܸܬܼܡܲܠܠܵܐ؛ ܬܢܝܼ. ܘܫܲܒܲܚ ܒܵܗ̇.
«ܩܘܼܕܵܫܵܐ ܕܡܵܪܝ ܢܸܣܛܘܿܪܝܼܣ.»
ܕܒܹܝܡ؛ ܥܘܼܢܵܝܵܐ. ܒܚܲܫܵܐ ܢܸܣܲܒ̣ ܦܲܓܼܪܹܗ ܘܲܕܼܡܹܗ. ܕܲܒ̣ܪܵܐ ܡܫܝܼܚܵܐ ܕܚܲܫ̣ ܥܲܠ ܐܲܦܲܝ̈ܢ. ܒܵܬܹ̈ܐ؛ ܛܘܼܒܲܝܟ ܐܵܦ ܠܵܟܼ ܪܲܡܫܵܐ ܐ݇ܚܪܵܝܵܐ. ܕܪܲܡܫܵܐ ܕܡܸܨܪܹܝܢ ܒܵܟܼ ܐܸܫܬܲܡܠܝܼ؛ ܐ݇ܪܵܙܵܐ ܕܫܲܡܸܫ̣ ܡܘܼܫܹܐ ܒܡܸܨܪܹܝܢ. ܫ̣ܩܲܠ ܫܘܼܠܵܡܵܐ ܒܲܒܼܪܵܐ ܡܫܝܼܚܵܐ؛ ܥܲܡܵܐ ܐܸܟܲܠ̣ ܦܸܨܚܵܐ ܙܥܘܿܪܵܐ. ܘܡܵܪܲܢ ܥܲܒ̣ܕܹܗ ܦܸܨܚܵܐ ܪܲܒܵܐ؛ ܒܹܝܬܼ ܬܪܹܝܢ ܐܸܡܪܹ̈ܐ ܩܵܡ̣ܘ ܬܲܠܡܝܼܕܹ̈ܐ. ܘܲܢ̣ܟܲܣܘ ܐܸܡܪܵܐ ܘܲܩ̣ܨܵܘ ܦܲܓ̣ܪܵܐ.
ܬܸܫܒܘܿܚܬܵܐ؛ ܡܵܪܲܢ ܝܼܫܘܿܥ.
♱♱♱♱♱♱♱♱♱♱♱♱