ܡܲܪܡܝܼܬܼܵܐ ܕܐ݇ܪ̈ܵܙܹܐ. ܫܲܒܲܚܘ ܠܡܵܪܝܵܐ ܬܸܫܒ̇ܘܿܚܬܵܐ ܚܕܲܬܵܐ.
ܐܲܩܲܦܬܵܐ؛ ܐܵܘܕܸܿܐ ܠܵܟܼ ܒܥܹܕܬܵܐ ܪܲܒ̇ܬܼܵܐ.
ܥܘܼܢܵܝܵܐ؛ ܘܲܒܼܥܲܡܡܹ̈ܐ ܣܲܓܝܼܐܹ̈ܐ ܐܹܙܲܡܲܪ ܠܵܟܼ.
ܥܘܼܢܝܼܬܵܐ ܕܩܲܢܟܹ̇ܐ. ܒܩܵܠ؛ ܫܘܼܚܠܵܦ ܠܵܐ ܒܵܗܬ̇ܝܼܢܲܢ.
ܡ̣ܢ ܩܕܼܝܼܡ ܠܵܟܼ ܛܲܠܝܵܐ ܝܼܠܸܕܿܬܵܟܼ. ܘܲܩܕܼܵܡ ܫܸܡܫܵܐ ܐܝܼܬܼܵܘܗܝ ܫܡܹܗ. ܕܨܘܼܪܬܵܐ. ܗ̇ܘ ܕܲܟ̣ܣܸܐ ܗ݇ܘ̣ܵܐ ܡ̣ܢ ܥܵܠܡܹ̈ܐ ܒܐܲܠܵܗܵܐ ܕܟ̣ܠ ܒܪܵܐ. ܟܣܸܐ ܗ݇ܘ̣ܵܐ ܗܵܢܵܐ ܝܲܠܕܵܐ ܡ̣ܢ ܚܲܝ̈ܠܵܘܵܬ̣ܵܐ ܕܒܲܡܪ̈ܵܘܡܹܐ ܕܲܡܫܲܡܫܝܼܢ ܠܵܟܼ ܡܵܪܝܵܐ. ܘܟܲܕܼ ܡ̣ܢ ܐܲܬ̣ܪܵܐ ܕܲܠܓ̣ܵܘ ܡ̣ܢ ܟܪ̈ܘܿܒܹܐ ܠܵܐ ܫܲܢ̣ܝܼܬ̇. ܡ̣ܠܲܝܬܵܗ̇ ܠܐܲܪܥܵܐ ܦܵܪܘܿܩܵܐ ܕܟ̣ܠܵܐ. ܡ̣ܢ ܓܸܠܝܵܢܵܟܼ ܕܒܲܒ̣ܣܲܪ. ܘܡܸܛܠ ܗܵܕܹܐ ܥܲܡ ܡܲܠܲܐܟܹ̈ܐ ܡܝܲܒ̇ܒ̣ܝܼܢܲܢ ܫܘܼܒ̣ܚܵܐ ܠܐܲܠܵܗܵܐ ܒܲܡܪ̈ܵܘܡܹܐ. ܘܬ̣ܘܼܒ̣ ܥܲܡ ܪ̈ܵܥܵܘܵܬ̣ܵܐ ܗܵܢ̇ܘܿܢ ܕܐܲܟܼܪܸܙ̣ܘ ܘܐܸܡܲܪܘ ܫܠܵܡܵܐ ܥܲܠ ܐܲܪܥܵܐ. ܒܵܥܹܝ̇ܢܲܢ ܡܸܢܵܟܼ ܣܲܒ̣ܪܵܐ ܛܵܒ̣ܵܐ ܕܢܲܦ̮̈ܫܵܬܲܢ ܚܘܼܣ ܘܐܸܬ̣ܪܲܚܲܡܥܠܲܝܢ. ܬܢܝܼ؛ ܫܲܒܲܚ. ܒܝܲܕܼ ܨܠܝܼܒ̣ܵܟܼ ܩܲܕܝܼܫܵܐ ܦܵܪܘܿܩܲܢ. ܚܕܼܵܐ ܡܲܪܥܝܼܬܼܵܐ ܗܘܸܵܬܼ ܡܲܠܲܐܟܹ̈ܐ ܘܲܒ̣ܢܲܝ̈ܢܵܫܵܐ. ܘܲܚܕܼܵܐ ܥܹܕܿܬܵܐ ܩܲܕܝܼܫܬܵܐ. ܫܡܲܝܵܢܹ̈ܐ ܘܐܲܪ̈ܥܵܢܹܐ ܗܵܘ ܚܵܕܹܝ̇ܢ. ܘܟ̣ܠܗܹܝܢ ܒܸܪ̈ܝܵܬ̣ܵܐ ܗܵܐ ܩܵܥ̈ܝܵܢ ܡܵܪܹܟ̇ܠ ܫܘܼܒ̣ܚܵܐ ܠܵܟܼ.
ܩܸܪܝܵܢܵܐ. ܐܹܫܲܥܝܵܐ؛ ܙ؛10‐16. ܛ؛1‐4. 6‐8. ܚܲܒ̣ܪܹܗ. ܡܝܼܟ̣ܵܐ؛ܕ؛ 1‐4. ܗ؛ 2‐5. 7‐10
ܫܘܼܪܵܝܵܐ. ܓܲܒ̣ܪܵܐ ܓܲܢ݇ܒܵܪܵܐ ܐܸܬ̣ܝܼܠܸܕܼ ܒܵܗ̇ ܗܸܘ ܐܲܬ̣ܩ̄ܢ̣ܵܗ̇. ܡܵܪܝܵܐ ܢܸܡܢܸܐ ܒܲܟܼܬܼܵܒ̣ܵܐ ܠܥܲܡܹܗ. ܠܡܵܘܠܵܕܹܗ ܕܲܡܫܝܼܚܵܐ ܢܝܲܩܲܪ ܒܲܙܡܝܼܪ̈ܵܬܼܵܐ ܕܪܘܼܚܵܐ. ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܗܵܢܵܐ ܐܸܬ̣ܝܼܠܕܼ ܬܲܡܵܢ. ܪܵܘ̱ܪ̈ܒ̣ܵܢܹܐ ܕܥܵܡ̇ܪܝܼܢ ܒܹܟ̣ܝ ܢܸܚܕܿܘܿܢ. ܠܡܵܘܠܵܕܹܗ ܕܲܡܫܝܼܚܵܐ.. ܫܲܒܲܚ؛ ܠܡܵܘܠܵܕܹܗ ܕܲܡܫܝܼܚܵܐ.... ܥܵܠܲܡ؛ ܠܡܵܘܠܵܕܹܗ ܕܲܡܫܝܼܚܵܐ....
ܫܠܝܼܚܵܐ؛ ܓܵܠܵܛܵܝܹ̈ܐ؛ ܓ؛ 15‐ܕ؛7
ܙܘܼܡܵܪܵܐ. ܒܲܫܡܲܝܵܐ ܡܸܫܬܲܥܹܝܢ܀ ܡܵܪܝܵܐ ܐܸܡܲܪ ܠܝܼ ܕܒܹܪܝ ܐܲܢ݇ܬ̇. ܘܐܸܢܵܐ ܝܵܘܡܵܢܵܐ ܝܼܠܸܕܿܬܼܵܟܼ. ܒ܀ ܫܐܲܠ ܡܹܢܝ ܘܐܸܬܸ̇ܠ ܠܵܟܼ. ܥܲܡܡܹ̈ܐ ܠܝܵܪܬܿܘܼܬܼܵܟܼ. ܘܐܘܼܚܕܵܢܲܝ̈ܟ ܥܸܒ̣ܪܹ̈ܝܗ̇ ܕܐܲܪܥܵܐ. ܓ܀
ܐܹܘܲܢܓܲܠܝܼܘܿܢ؛ ܠܘܼܩܵܐ؛ ܒ؛ 1‐21
ܥܘܿܢܝܼܬܼܵܐ ܕܐ݇ܪ̈ܵܙܹܐ. ܪܹܫ ܩܵܠܵܐ.
ܫܲܒܲܚܘ ܠܡܵܪܝܵܐ ܬܸܫܒ̇ܘܿܚܬܵܐ ܚܕܲܬܵܐ. ܬܹܒܹܝܠ ܘܟܼܠܗܘܿܢ ܥܵܡܘܿܪܹ̈ܝܗ̇. ܚܲܕܘܼܬܵܐ ܒܟ̣ܠܵܗ̇ ܐܲܪܥܵܐ. ܨܘܼܪܬܵܐ. ܘܬܸܫܒ̇ܘܿܚܬܹܗ ܕܡܵܪܝܵܐ ܐܲܢ̣ܗܪܲܬ݀ ܥܠܲܝܗܘܿܢ. ܬܸܫܒ̇ܘܿܚܬܵܐ ܘܚܲܕܼܘܼܬܼܵܐ ܪܲܒ̇ܬܵܐ. ܬܹܒܹܝܠ ܟܠܵܗ̇ ܐܸܬ̣ܡܲܠܝܲܬ݀ ܡ̣ܢ ܣܵܟ̣ܵܗ̇. ܒܡܵܘܠܵܕܹܗ ܕܡܲܠܟܵܐ ܡܫܝܼܚܵܐ. ܚܲܝ̈ܠܵܘܵܬܼܵܐ ܘܟܸܢܫܹ̈ܐ ܕܡܲܠܲܐܟܹ̈ܐ. ܥܲܡܲܢ ܫܲܘܝܵܐܝܼܬ̣ ܩܵܥܹܝ̇ܢ ܘܐܵܡ̇ܪܝܼܢ. ܬܸܫܒ̇ܘܿܚܬܵܐ ܠܐܲܠܵܗܵܐ ܒܲܡܪ̈ܵܘܡܹܐ. ܘܲܫܠܵܡܵܐ ܘܫܲܝܢܵܐ ܥܲܠ ܐܲܪܥܵܐ. ܕܝܼܚܝܼܕܹܗ ܒܲܒ̣ܣܲܪ ܠܲܢ ܐܸܬ̣ܓܿܠܝܼ. ܘܐܸܬ̣ܟ̇ܪܸܙ ܚܲܝܠܹܗ ܒܹܝܬ̣ ܥܲܡܡܹ̈ܐ. ܘܐܸܣܬܲܠܲܩ ܒܫܘܼܒ̣ܚܵܐ ܠܘܵܬ̣ ܐܲܒ̣ܘܼܗܝ. ܬܢܝܼ. ܫܲܒܲܚ ܒܵܗ̇.
ܘܡ̣ܢ ܒܵܬܲܪ ܚܲܕܼ ܐܲܒ̣ܵܐ ܩܲܕ̇ܝܼܫܵܐ... ܓܵܠܿܓܿܝܼܢ ܘܹܐܠܹ̈ܐ ܕܡܲܕܼܒ̇ܚܵܐ ܘܡܸܣܬܲܕܼܪܝܼܢ ܓܘܼܕܹ̈ܐ ܒܩܲܢܟܹ̇ܐ. ܘܲܡܫܲܪܹܝܢ ܗܵܢ̇ܘܿܢ ܕܲܠܓ̣ܵܘ ܢܝܼܚܵܐܝܼܬܼ ܘܐܵܡ̇ܪܝܼܢ؛
ܕܚܝܼܠܲܬ̇ ܐܲܠܵܗܵܐ ܡܪܲܝܡܵܐ ܡ̣ܢ ܡܲܩܕ̇ܫܵܟܼ ܠܥܵܠܲܡ ܥܵܠܡܝܼܢ. ܒܪܝܼܟ̣ܘܼ ܐܝܼܩܵܪܹܗ ܕܡܵܪܝܵܐ ܡ̣ܢ ܐܲܬ̣ܪܹܗ. ܘܬܼܵܢܹܝ̇ܢ ܠܹܗ ܒܩܵܠܵܐ ܪܵܡܵܐ. ܘܥܵܢܹ̇ܐ ܥܲܡܵܐ ܒܗܲܝܟ̇ܠܵܐ ܗܸܘ ܟܲܕܼ ܗܸܘ.
ܒܵܬܹ̈ܐ. ܒܩܲܢܟܹ̇ܐ ܡܸܬܼܐܲܡܪܝܼܢ. ܡܵܪܝܵܐ ܐܸܡܲܪ ܠܝܼ ܕܒܹܪܝ ܐܲܢ݇ܬ̇. ܘܐܸܢܵܐ ܝܵܘܡܵܢܵܐ ܝܼܠܸܕ̇ܬܵܟܼ. ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ. ܘܥܵܢܹܝ̇ܢ ܕܚܝܼܠܲܬ̇...܀ ܡ̣ܢ ܗܲܝܟܿܠܹ̈ܐ ܪܹ̈ܫܵܝܹܐ ܕܲܓ̣ܪܸܡ ܦܝܼܠܵܐ. ܒܢ̈ܵܬ̣ ܡܲܠܟܹ̈ܐ ܢܫܲܒ̈ܚܵܢܵܟܼ ܒܐܝܼܩܵܪܵܐ. ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ. ܘܥܵܢܹܝܢ ܕܚܝܼܠܲܬ̇...܀
ܐܲܩܲܦܬܵܐ. ܠܲܓ̣ܡܘܼܪܬܵܐ ܗ̇ܝ ܕܲܢܒ̣ܝܼܵܐ ܚ̣ܙܵܐ ܡܲܠܲܐܟ̣ܵܐ ܒܟܲܠܒ̇ܬܼܵܐ ܠܵܒܹܟܼ ܗ݇ܘ̣ܵܐ. ܘܗܵܫܵܐ ܟܵܗܢܹ̈ܐ ܒܓ̣ܵܘ ܒܹܝܬ̣ ܩܘܼܕܼܫܵܐ ܡܙܲܝܚܝܼܢ ܠܵܗ̇ ܥܲܠ ܐܝܼܕܲܝ̈ܗܘܿܢ܀ ܬܵܘ ܐܲܟܲܚ݇ܕܼ ܥܲܡܡܹ̈ܐ ܢܸܬ̣ܩܲܪܲܒ̣ ܠܹܗ ܒܩܲܕܝܼܫܘܼܬܼܵܐ ܕܦܲܓ̣ܪ̈ܲܝܢ ܘܲܕܼܢܲܦ̮ܫ̈ܵܬܲܢ. ܗܵܢܵܐ ܓܹܝܪ ܐܝܼܬ̣ܵܘܗܝ ܐ݇ܪܵܙܵܐ ܕܲܟܼܣܸܐ ܗ݇ܘܵܐ. ܕܐܸܬ̣ܝܼܗܸܒ̣ ܚܠܵܦܲܝܢ ܠܫܘܼܒ̣ܩܵܢܵܐ ܕܲܚܛܵܗܹ̈ܐ؛ ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀
ܕܒܹܝܡ. ܥܘܼܢܵܝܵܐ؛ ܦܲܓ̣ܪܵܐ ܘܲܕܼܡܵܐ ܡܚܲܣܝܵܢܵܐ ܗܵܐ ܡܸܬ̣ܩܲܪܲܒ̣. ܥܲܠ ܡܲܕܼܒ̇ܚܵܐ ܚܲܝܵܐ ܘܡܲܚܝܵܢܵܐ. ܒܓ̣ܵܘ ܥܹܕܲܬ̣ ܩܘܼܕܼܫܵܐ ܩܲܕܝܼܫܬܵܐ. ܘܲܥܬ̣ܝܼܕܼ ܬܘܼܒ̣ ܕܢܸܬ̣ܩܲܒܲܠ ܥܲܠ ܡܲܕܼܒ̇ܚܵܐ ܩܲܕܝܼܫܵܐ ܘܲܫܒ̣ܝܼܚܵܐ ܘܪܘܼܚܵܢܵܐ. ܗ̇ܘ ܐܲܝܢܵܐ ܕܐܝܼܬܼܵܘܗܝ ܫܲܪܝܼܪܵܐ ܒܲܫܡܲܝܵܐ܀ ܬܵܘ ܐܲܟܲܚ݇ܕܼ ܥܲܡܡܹ̈ܐ ܢܸܬ̣ܩܲܪܲܒ̣ ܠܹܗ ܒܩܲܕܝܼܫܘܼܬ̣ܵܐ ܕܦܲܓ̣ܪ̈ܲܝܢ ܘܲܕܼܢܲܦ̮ܫ̈ܵܬܲܢ. ܗܵܢܵܐ ܓܹܝܪ ܐܝܼܬ̣ܵܘܗܝ ܐ݇ܪܵܙܵܐ ܕܲܟ̣ܣܸܐ ܗ݇ܘܵܐ. ܕܐܸܬ̣ܝܼܗܸܒ̣ ܚܠܵܦܲܝܢ ܠܫܘܼܒ̣ܩܵܢܵܐ ܕܲܚܛܵܗܹ̈ܐ؛ ܗܲܠܸܠܘܼܝܲܗ ܗܲܠܸܠܘܼܝܲܗ.
ܒܵܬܹ̈ܐ؛ ܗܵܐ ܒܬ̣ܘܼܠܬܵܐ ܒܵܛ̇ܢܵܐ ܘܝܵܠ̇ܕܵܐ ܒܪܵܐ. ܘܡܸܬ̣ܩܪܸܐ ܫܡܹܗ ܥܲܡܵܢܘܼܐܹܝܠ܀ ܬܵܘ ܐܲܟܲܚ݇ܕܼ܀ ܐܸܬ̣ܝܼܠܸܕ ܠܟ̣ܘܿܢ ܓܹܝܪ ܝܵܘܡܵܢܵܐ ܦܵܪܘܿܩܵܐ ܕܐܝܼܬ̣ܵܘܗܝ ܡܵܪܝܵܐ ܡܫܝܼܚܵܐ ܒܲܡܕܼܝܼܢ݇ܬܹ̇ܗ ܕܕܼܵܘܝܼܕܼ܀
ܘܡܲܩܦܝܼܢ. ܦܲܓ̣ܪܵܟܼ ܘܲܕܼܡܵܟܼ ܡܵܪܝ ܐܵܘܟܸ̇ܠ̣ܬܵܢ؛ ܟܡܵܐ ܠܲܢ ܦܘܼܡܝܼ̈ܢ ܕܢܵܘܕܹ̇ܐ ܠܲܫܡܵܟܼ. ܘܡܸܬ̣ܐ̱ܡܲܪ ܒܲܠܒ̣ܵܟ̣ܬܵܐ. ܘܬ̣ܵܢܹܝ̇ܢ ܗܸܘ ܟܲܕܼ ܗܸܘ. ܒܵܬܹ̈ܐ؛ ܗܵܐ ܚܙܲܝ̈ ܥܲܝܢܲܝ̈ܢ ܘܲܫܩܲܠ ܐܝܼܕܲܝ̈ܢ. ܛܘܼܒ̣ܵܐ ܕܝܲܗ̣݇ܒ̣ܘ ܠܲܢ ܥܝܼܪܹ̈ܐ ܒܪܵܘܡܵܐ܀ ܕܘܼܟ̣ܪܵܢ ܚܲܫܵܟܼ ܘܥܘܼܗܕܵܢ ܡܵܘܬܵܟܼ. ܗܵܢ ܕܲܠܘܵܬܲܢ ܦܲܓ̣ܪܵܟܼ ܐܝܼܬ̣ܵܘܗܝ܀ ܒܝܲܠܕܵܟܼ ܡܵܪܲܢ ܢܸܗܪܲܬ݀ ܬܹܒܹܝܠ. ܘܲܩܥܵܬ݀ ܫܘܼܒ̣ܚܵܐ ܠܐܲܒ̣ܵܐ ܕܫܲܠ̣ܚܵܟܼ܀ ܫܠܵܡܵܐ ܒܪܵܘܡܵܐ ܘܫܲܝܢܵܐ ܒܥܘܼܡܩܵܐ. ܕܥܝܼܪܹ̈ܐ ܘܐ݇ܢܵܫܵܐ ܒܵܟܼ ܐܸܫܬܲܝܲܢܘ܀