ܐܲܪܒܲܥܒ̇ܫܲܒܵܐ ܕܒ̣ܵܥܘܼܬ̣ܵܐ ܕܢܝܼܢܘܵܝܹ̈ܐ

 

   ܥܘܿܢܝܼܬܼܵܐ ܕܩܲܢܟܹܿܐ. ܒܩܵܠ؛ ܡܵܪܵܐ ܕܟܼܠܵܐ.

ܫܡܲܥܘ ܗܵܕܹܐ ܟܠܟ̣ܘܿܢ ܥܲܡܡܹ̈ܐ. ܘܐܸܡܲܪ ܕܬ̣ܘܼܒ̣ܘ ܒܢܲܝ̈ܢܵܫܵܐ. ܒܟܼܵܪܘܿܙܘܼܬܹܗ ܕܲܢܒ̣ܝܼܵܐ. ܒܨܵܘܡܵܐ ܐܸܬ̣ܦܲܪܩܲܬܸ ܢܝܼܢܘܸܐ. ܘܲܒܼܒܼܵܥܘܼܬܼܵܐ ܘܲܨܠܘܿܬܼܵܐ. ܡܲܠܲܐܟܼ ܡܵܘܬܵܐ ܡܸܢܵܗ̇ ܟܠ̣ܵܐ. ܒܚܲܫܵܐ ܘܕܸܡܥܹ̈ܐ ܕܲܬ̣ܝܵܒ̣ܘܼܬܼܵܐ. ܢܹܐܚܘܿܕܼ ܓܵܘܣܵܐ ܒܓܼܵܘ ܗܲܝܟ̇ܠܵܐ. ܘܢܸܩܪܸܐ ܠܪ̈ܲܚܡܹܐ ܠܥܘܼܕܼܪܵܢܲܢ. ܥܲܕܼ ܠܵܐ ܢܸܚܫܲܟܼ ܢܲܗܝܼܪܵܐ. ܬܢܝܼ؛ ܫܲܒܲܚ. ܗܵܐ ܒܲܟܼܬܼܵܒܹ̈ܐ ܩܲܕܝܼܫܹ̈ܐ. ܕܪܝܼܫܵܐ ܐܘܼܪܚܵܐ ܠܡܲܠܟ̇ܘܼܬܼܵܐ. ܘܕܼܝܼܠܲܢ ܦܵܗܹ̇ܐ ܪܸܥܝܵܢܲܢ. ܒܲܣܪ̈ܝܼܩܵܬ̣ܵܐ ܕܠܵܐ ܝܘܼܬ̣ܪܵܢ. ܠܵܐ ܓܹܝܪ ܡܲܗܢܸܐ ܠܲܢ ܥܘܼܬ̣ܪܹܗ. ܕܥܵܠܡܵܐ ܗܵܢܵܐ ܥܵܒ̣ܘܿܪܵܐ. ܐܸܠܵܐ ܨܵܘܡܵܐ ܘܲܨܠܘܿܬ̣ܵܐ. ܕܲܒ̣ܗܘܿܢ ܐܸܬ̣ܦܲܪܩܲܬܸ ܢܝܼܢܘܸܐ.

 

   ܩܸܪܝܵܢܵܐ.  ܝܘܼܐܹܝܠ؛ ܒ؛1‐28܀ ܚܲܒ̣ܪܹܗ. ܝܵܘܢܵܢ؛ ܓ؛ 1‐ܫܘܼܠܵܡܵܐ

 

ܫܘܼܪܵܝܵܐ. ܚ܀ ܒܢܸܩܦܲܬ݀܀ ܒܪܝܼܟܼܘܼ ܡܵܪܝܵܐ ܕܲܫܡܲܥ̣ ܩܵܠܵܐ ܕܒ̣ܵܥܘܼܬܼܝ* ܡܵܪܝܵܐ ܥܵܕܼܘܿܪܝ ܘܲܡܣܲܝܥܵܢܝ* ܕܲܥܠܵܘܗ‌ܝ ܐܸܬ̇ܬ̇ܟܸܠ ܠܹܒ̇ܝ ܘܲܫ̣ܘܲܚ ܒܸܣܪ̱ܝ* ܘܲܒ̣ܬܸܫܒ̇ܘܿܚܬܵܐ ܐܵܘܕܸ̇ܐ ܠܹܗ* ܡܵܪܝܵܐ ܚܲܝܠܵܐ ܗ݇ܘ̣ ܕܥܲܡܹܗ* ܘܲܡܣܲܝܥܵܢܵܐ ܕܦܘܼܪܩܵܢܵܐ ܕܲܡܫܝܼܚܹܗ* ܦܪܘܿܩ ܠܥܲܡܵܟܼ ܘܒܲܪܸܟܼ ܠܝܵܪܬ̇ܘܼܬ̣ܵܟܼ* ܪܥܝܼ ܐܸܢܘܿܢ ܘܕܲܒܲܪ ܐܸܢܘܿܢ ܥܕܲܡܵܐ ܠܥܵܠܲܡ*

 

       ܫܠܝܼܚܵܐ.  ܩܘܼܠܸܣܵܝܹ̈ܐ؛ ܓ؛ 1‐ܕ؛ 2  (ܐܵܘ) ܪ̈ܗ݇ܘܿܡܵܝܹܐ؛ ܛ؛ 14‐ܝ؛ 18

 

   ܙܘܼܡܵܪܵܐ. ܛܘܼܒ̣ܵܘܗ‌ܝ ܠܒܲܪܢܵܫܵܐ ܕܐܲܢ݇ܬ̇ܘܼ ܡܣܲܝܥܵܢܹܗ. ܘܲܫܒ̣ܝܼܠܲܝ̈ܟ ܒܠܸܒܹ̇ܗ. ܥ̣ܒܲܪܘ ܒܥܘܼܡܩܵܐ ܕܲܒܼܟ̣ܵܬ̣ܵܐ ܘܥܲܒ̣ܕܘܼܗ‌ܝ ܒܹܝܬ̣ ܡܲܥܡ̱ܪܵܐ. ܘܐܵܦ ܒܘܼܪܟ̇ܬ̣ܵܐ ܢܸܬ̣ܥܲܛܲܦ ܣܵܐܹ̇ܡ ܢܵܡܘܿܣܵܐ܀

 

   ܐܹܘܲܢܓܲܠܝܼܘܿܢ.  ܡܲܬܲ‌ܝ؛ܘ؛1‐19

 

  ܥܘܿܢܝܼܬܼܵܐ ܕܐ݇ܪ̈ܵܙܹܐ. ܒܩܵܠ؛ ܟܪܝܼܗ ܐ݇ܢܵܐ ܒܲܚܛܵܗ‌ܝ̈.

ܐܲܠܵܗܲܢ ܒܹܝܬ̣ ܓܵܘܣܲܢ ܥܲܫܝܼܢܵܐ. ܘܲܠܡܸܣܟܹܢܵܐ ܕܠܲܝܬ̇ ܠܹܗ ܡܥܲܕ̇ܪܵܢܵܐ؛ ܕܲܒܲܪ ܐܸܢܘܿܢ ܠܲܠܡܹܐܢܵܐ ܕܲܨܒ̣ܵܘ؛ ܨܘܼܪܬܵܐ. ܡܲܛ̣ܝܼܢ ܠܕܼܘܼܟ̇ܬܼܵܐ ܕܡܸܬ̣ܩܲܪܝܵܐ ܠܡܹܐܢܹ̈ܐ ܫܲܦܝܼܪܹ̈ܐ. ܠܡܹܐܢܵܐ ܐܝܼܬܹܝܗ̇ ܘܒܹܝܬܼ ܓܵܘܣܵܐ ܥܹܕܿܬܹܿܗ ܕܲܡܫܝܼܚܵܐ. ܘܲܡܩܲܒܿܠܵܐ ܠܲܒܼܢܲܝ̈ܢܵܫܵܐ ܕܒܲܚܛܵܗܹ̈ܐ ܪܵܕܹܝ̇ܢ ܐܲܝܟܼ ܕܲܒܼܝܲܡܵܐ. ܘܗܸ݀ܝ ܦܵܪܩܵܐ ܒܚܲܝܠܹܗ ܪܲܒܵܐ ܕܲܨܠܝܼܒܼܵܐ. ܬܢܝܼ؛ ܫܲܒܲܚ. ܒܩܵܠ ܪܵܥܝܵܐ ܫܡܲܝܵܢܵܐ. ܒܪܝܼܟܼܘܼ ܡܵܘܪ̱ܒܼܵܢܟܼܘܿܢ ܟܵܗܢܹ̈ܐ ܩܲܕܿܝܼܫܹ̈ܐ. ܒܪܝܼܟܼܘܼ ܡܢܲܨܚܵܢܟܼܘܿܢ ܐܲܬܼܠܹܝܛܹ̈ܐ ܕܩܘܼܫܬܵܐ. ܣܓ̣ܝܼܕܼ ܪܘܼܚ ܩܘܼܕܫܵܐ ܕܲܒܼܚܲܝܠܹܗ ܫܲܦܸܠܬܿܘܿܢ ܟܠ ܗܹܪܹ̈ܣܝܼܵܣ؛ ܘܟܲܢܸܫ̣ܬܿܘܿܢܵܗ̇ ܠܥܵܢܹ̈ܗ ܡܠܝܼܠܬܵܐ ܕܝܼܫܘܿܥ ܦܵܪܘܿܩܲܢ. ܗܵ‌ܝ ܕܲܩ̣ܢܵܗ̇ ܒܲܕܼܡܹܗ ܝܲܩܝܼܪܵܐ ܥܲܠ ܓܵܓ̣ܘܼܠܬܵܐ܀ ܡܵܪܝ ܐܵܓ̣ܢܵܛܝܼܣ ܘܦܘܼܠܝܼܩܲܪܦܘܿܣ ܘܐܵܬ̣ܵܢܵܣܝܼܣ ܘܐܹܘܣܛܵܬ̣ܝܼܣ. ܘܡܝܼܠܹܛܘܿܣ ܘܐܲܦܠܹܘܝܵܢܘܿܣ. ܘܲܓܼܪܝܼܓܼܘܿܪܝܼܘܿܣ ܘܒܼܵܣܝܼܠܸܣ. ܘܲܓ̣ܪܝܼܓ̣ܘܿܪܝܘܿܣ ܘܐܲܡܒ̇ܪܘܿܣܝܼܣ. ܘܕܼܝܼܘܿܕܘܿܪܘܿܣ ܘܝܘܿܐܵܢܝܼܣ. ܘܬܹܐܵܕܘܿܪܘܿܣ ܝܲܡܵܐ ܕܚܸܟ̣̈ܡܵܬܼܵܐ. ܘܡܵܪܝ ܢܸܣܛܘܿܪܝܼܣ ܣܵܗܕܵܐ ܪܕܼܝܼܦܵܐ. ܘܐܲܠܸܟܼܣܲܢܕܪܘܿܣ ܢܲܨܝܼܚܵܐ. ܐܲܪ̈ܕܸܟܼܠܹܐ ܕܥܹܕܲܬܼ ܩܘܼܕܼܫܵܐ ܘܪ̈ܲܒܲܝ ܒܵܬܹ̈ܐ ܕܐ݇ܪ̈ܵܙܵܘܗ‌ܝ ܕܐܲܠܵܗܵܐ. ܘܡܲܠܦܵܢܹ̈ܐ ܕܕܸܚܠܲܬܼ ܩܘܼܫܬܵܐ. ܨܠܵܘܵܬܼ̈ܟܼܘܿܢ ܫܘܼܪܵܐ ܢܸܗܘ̈ܝܵܢ ܠܲܢ.

 

(ܩܘܼܕܵܫܵܐ ܕܡܵܪܝ ܢܸܣܛܘܿܪܝܼܣ)

 

  ܕܒܹܝܡ. ܥܘܼܢܵܝܵܐ ܡܵܪܲܢ ܩܲܒܸ̇ܠ ܒܵܥܘܼܬ̣ ܥܹܕܲܬ̣ ܩܘܼܕܫܵܐ؛ ܕܲܡܦܝܼܣܵܐ ܠܵܟܼ ܡܸܛܠ ܥܲܡܵܟܼ ܦܪܝܼܩ ܒܲܨܠܝܼܒ̣ܼܵܟܼ. ܕܗܵܘ ܡܸܬ̣ܝܲܐܲܒ̣ ܠܫܘܼܒ̣ܩܵܢܵܐ. ܐܲܫܘܵܝܗ‌ܝ ܡܵܪܝ ܠܦܲܓ̣ܪܵܟܼ ܘܲܕܼܡܵܟܼ. ܕܢܸܗܘܸܐ ܥܘܼܡܪܵܐ ܠܐܝܼܩܵܪܵܟܼ܀ ܘܬܸܬ̇ܢܝܼܚ ܒܹܗ ܐܲܠܵܗܘܼܬ̣ܵܟܼ. ܕܢܵܘܕܸ̇ܐ ܠܵܟܼ ܥܲܠ ܡܵܘܗܲܒ̣ܬܼܵܟܼ.

  ܒܵܬܹ̈ܐ. ܟܸܢܫܲܢ ܕܣܵܓܹܕܼ ܠܐܲܠܵܗܘܼܬܼܵܐ. ܐܲܣܓܵܐ ܠܘܵܬܹܗ ܟܠ ܥܘܼܕܼܪ̈ܵܢܝܼܢ܀ ܘܬܸܬ̇ܢܝܼܚ ܒܹܗ....܀ ܒܪܵܐ ܕܐܲܠܵܗܵܐ ܚܘܼܣ ܥܲܠ ܥܲܡܵܟܼ. ܕܗܵܐ ܡܸܬ̣ܟܲܫܲܦ ܘܫܵܐܹ̇ܠ ܪ̈ܲܚܡܹܐ܀ ܘܬܸܬ̇ܢܝܼܚ ܒܹܗ....܀ ܩܲܒܸ̇ܠ ܡܵܪܲܢ ܒܵܥܘܼܬ̣ ܟܠܲܢ ܕܲܒ̣ܬܲܟܼܫܲܦ̮ܬܵܐ ܡܩܲܪܒ̣ܝܼܢܲܢ ܠܵܟܼ܀ ܘܬܸܬ̇ܢܝܼܚ ܒܹܗ..