ܬܠܵܬܼܒ̇ܫܲܒܵܐ ܕܒ̣ܵܥܘܼܬܼܵܐ ܕܢܝܼܢܘܵܝܹ̈ܐ

 

ܥܘܿܢܝܼܬܼܵܐ ܕܩܲܢܟܹ̇ܐ. ܒܩܵܠ؛ ܡܵܪܵܐ ܕܟ̣ܠܵܐ.

ܠܘܵܬ̣ܵܟܼ ܟܠ ܒܣܲܪ ܢܹܐܬܸܐ. ܠܘܵܬܼܵܟܼ ܡܵܪܝܵܐ ܢܲܦ̮ܫܝ ܐܲܪܝܼܡܹ̇ܬ̣. ܠܘܵܬܼܵܟܼ ܡܵܪܝ ܢܹܐܬܹܐ ܟܠ ܒܣܲܪ. ܕܫܘܼܒ̣ܩܵܢ ܚܵܘܒܹ̈ܐ ܠܟ̣ܠ ܝܵܗ݇ܒܲܬ̇. ܒܙܘܿܦܵܐ ܕܝܼܠܵܟܼ ܢܸܬ̣ܚܵܘܪܘܼܢ. ܦܲܓ̣ܪܹ̈ܐ ܕܲܚܛܝܼܬܼܵܐ ܟܲܬ̇ܡܲܬܸ. ܬܵܘ ܡܵܝܘܿܬܹ̈ܐ ܛܥܝܼܢܲܝ̈ ܡܵܘܒ̇ܠܹ̈ܐ. ܐܲܢܝܼܚܘ ܝܘܼܩܪܵܐ ܕܚܵܘܒܲܝ̈ܟ̇ܘܿܢ. ܘܣܲܒ̣ܘ ܘܐܸܬ̣ܚܲܣܵܘ ܡ̣ܢ ܡܲܕܒ̇ܚܵܐ. ܓܡܘܼܪܬܵܐ ܕܠܲܢܒ̣ܝܼܵܐ ܚܲܣܝܲܬܸ. ܬܢܝܼ؛ ܫܲܒܲܚ. ܡܲܠܟܵܐ ܕܡܲܠܟܹ̈ܐ ܐܝܼܵܠܲܢ. ܐܲܢ݇ܬ̇ܘܼ ܡܫܝܼܚܵܐ ܦܵܪܘܿܩܲܢ. ܚܘܼܣ ܥܲܠ ܥܲܒ̣ܕܲܝ̈ܟ ܕܩܵܪܹܝ̇ܢ ܠܵܟܼ. ܒܗܵܠܹܝܢ ܙܲܒ̣ܢܹ̈ܐ ܕܐܘܼܠܨܵܢܵܐ. ܕܗܵܐ ܚܕܝܼܪܝܼܢ ܠܲܢ ܕܵܘܘܿܢܹ̈ܐ. ܘܣܘܼܪ̈ܵܕܹܐ ܡ̣ܢ ܟܠ ܓܲܒ̇ܝܼ̈ܢ. ܒܲܥܓܲܠ ܢܩܲܕ̇ܡܘܼܢܵܢ ܪ̈ܲܚܡܲܝܟ. ܘܐܲܢܗܲܪ ܐܲܦܲܝ̈ܟ ܘܲܦܪܘܿܩܲܝܢ.

 

   ܩܸܪܝܵܢܵܐ.  ܐ؛ܫܡܘܼܐܹܝܠ؛ܙ؛3‐10  ܚܲܒ̣ܪܹܗ. ܐܹܫܲܥܝܵܐ؛ ܘܐܸܡܲܪ ܐܹܫܲܥܝܵܐ ܢܒ̣ܝܼܵܐ ܠܟܼܠܹܗ ܥܲܡܵܐ. ܢܛ؛1‐19

 

ܫܘܼܪܵܝܵܐ. ܝܕ܀ ܒܢܸܩܦܲܬ݀܀ ܚܵܘܵܢ ܡܵܪܝܵܐ ܛܲܝܒ̇ܘܼܬܼܵܟܼ ܘܦܘܼܪܩܵܢܵܟܼ ܗܲܒܼܠܲܢ* ܕܢܸܫܡܲܥ ܡܵܢܵܐ ܡܡܲܠܸܠ ܡܵܪܝܵܐ ܐܲܠܵܗܲܢ* ܕܲܡܡܲܠܸܠ ܫܠܵܡܵܐ ܥܲܠ ܥܲܡܹܗ ܘܥܲܡ ܙܲܕ̇ܝܼܩܵܘ̈ܗ‌ܝ* ܕܠܵܐ ܢܸܗܦܟ̣ܘܼܢ ܠܒܸܣܬܲܪܗܘܿܢ* ܩܲܪܝܼܒ̣ܘܼ ܦܘܼܪܩܵܢܹܗ ܠܕܼܵܚܠܵܘ̈ܗ‌ܝ* ܢܸܫܪܸܐ ܐܝܼܩܵܪܹܗ ܒܐܲܪܥܲܢ* ܛܲܝܒ̇ܘܼܬܼܵܐ ܘܩܘܼܫܬܵܐ ܐܲܪܥܘܼܢ* ܙܲܕ̇ܝܼܩܘܼܬ̣ܵܐ ܘܲܫܠܵܡܵܐ ܢܢܲܫܩܘܿܢ* ܗܲܝܡܵܢܘܼܬܼܵܐ ܬܹܐܥܹܐ ܡ̣ܢ ܐܲܪܥܵܐ* ܘܙܲܕ̇ܝܼܩܘܼܬܼܵܐ ܐܲܕܼܝܼܩܲܬ݀ ܡ̣ܢ ܫܡܲܝܵܐ* ܘܐܵܦ ܡܵܪܝܵܐ ܢܸܬܸ̇ܠ ܛܵܒ̣ܵܬܹ̈ܗ* ܘܐܲܪܥܵܐ ܬܸܬܸ̇ܠ ܥܲܠ̈ܠܵܬܼܵܗ̇* ܙܲܕ̇ܝܼܩܵܐ ܩܕܼܵܡܵܘܗ‌ܝ ܢܗܲܠܸܟܼ* ܘܲܢܣܝܼܡ ܒܐܲܪܥܵܐ ܗܲܠ̈ܟ̣ܵܬܹܗ*

 

    ܫܠܝܼܚܵܐ.  ܪ̈ܗ݇ܘܿܡܵܝܹܐ؛ܝܒ؛1‐ܫܘܼܠܵܡܵܐ

 

ܙܘܼܡܵܪܵܐ. ܛܘܼܒ̣ܵܘܗ‌ܝ ܠܡܲܢ ܕܐܸܫܬ̇ܒܸܩ ܠܹܗ ܥܵܘ̣ܠܹܗ. ܘܐܸܬܼܟܲܣܝܼܘ ܠܹܗ ܚܛܵܗܵܘ̈ܗ‌ܝ܀ ܛܘܼܒ̣ܵܘܗ‌ܝ ܠܒܲܪܢܵܫܵܐ ܕܠܵܐ ܢܸܚܫܘܿܒ̣ ܠܹܗ ܡܵܪܝܵܐ ܚܛܝܼܬܹܗ. ܘܠܲܝܬ̇ ܢܸܟ̣ܠܵܐ ܒܠܸܒܹ̇ܗ ܀

 

    ܐܹܘܲܢܓܲܠܝܼܘܿܢ.  ܠܘܼܩܵܐ؛ ܝܚ؛1‐15.

 

ܥܘܿܢܝܼܬܼܵܐ ܕܐ݇ܪ̈ܵܙܹܐ. ܒܩܵܠ؛ ܟܪܝܼܗ ܐ݇ܢܵܐ ܒܲܚܛܵܗܲ‌ܝ̈.

ܛܘܼܒ̣ܵܘܗ‌ܝ ܠܡܲܢ ܕܐܸܫܬ̇ܒܸܩ ܠܹܗ ܥܵܘ̣ܠܹܗ؛ ܐܲܫܘܿܕܼܘ ܩܕܼܵܡܵܘܗ‌ܝ ܠܸܒ̇ܟ̣ܘܿܢ. ܒܲܨܠܘܿܬ̣ܵܐ ܘܨܵܘܡܵܐ ܘܲܒ̣ܚܲܫܵܐ. ܢܸܬ̣ܟܲܫܲܦ ܠܹܗ ܠܲܡܫܝܼܚܵܐ. ܡܩܲܒܸ̇ܠ ܗ݇ܘ̣ ܓܹܝܪ ܠܟ̣ܠ ܐܲܝܠܹܝܢ ܕܬ̣ܵܝܒ̇ܝܼܢ. ܘܦܵܪܹܩ̇ ܐܲܝܟܼ ܪܵܚܸܡ̇ܢܵܫܵܐ. ܘܝܵܗܹ̇ܒ̣ ܒܪ̈ܲܚܡܵܘܗ‌ܝ ܫܘܼܒ̣ܩܵܢܵܐ ܕܲܚܛܵܗܹ̈ܐ. ܬܢܝܼ؛ ܫܲܒܲܚ ܒܵܗ̇.

 

(ܩܘܼܕܵܫܵܐ ܕܲܡܦܲܫܩܵܢܵܐ ܡܵܪܝ ܬܹܐܵܕܘܿܪܘܿܣ)

 

ܕܒܹܝܡ. ܥܘܼܢܵܝܵܐ. ܫܘܼܒ̣ܚܵܐ ܠܪ̈ܲܚܡܹܐ ܕܫܲܠ̣ܚܘܼܟܼ ܨܹܐܕܲܝܢ؛ ܡܫܝܼܚܵܐ ܕܝܲܗ̣݇ܒ̣ܠܲܢ ܦܲܓ̣ܪܹܗ ܘܲܕܼܡܹܗ. ܒܵܬܹ̈ܐ. ܒܗܲܝܟܲܠ ܦܲܓ̣ܪܵܐ ܫܪܵܬܸ ܐܝܼܬ̣ܘܼܬܼܵܐ؛ ܘܠܵܐ ܣܦܲܩ̣ ܓܸܢܣܲܢ ܢܣܲܝܸܟܼ ܝܵܬ̣ܵܗ̇؛ ܡܫܝܼܚܵܐ ܕܝܲܗ̣݇ܒ̣ ܠܲܢ ܦܲܓ̣ܪܹܗ ܘܲܕܼܡܹܗ.