ܥܐܕܐ
ܩܕܝܫܐ ܕܓܠܝܢܗ ܕܡܪܢ
ܥܠ ܛܘܪ ܬܒܼܘܪ
ܕܡܸܬܼܥ̱ܒܸܕܼ ܘ؛ ܒܝܲܪܚܵܐ ܕܐܵܒ̇ ܐܲܡܝܼܢܵܐܝܼܬܼ.
(ܕܛܲܟܿܣܹܗ ܚܲܣܝܵܐ ܕܐܲܠܵܗܵܐ ܡܵܪܝ ܓܝܼܘܲܪܓܝܼܣ ܡܝܼܛܪܵܦܘܿܠܹܝܛܵܐ ܕܐܵܬܼܘܿܪ.)
ܡܲܪܡܝܼܬܼܵܐ ܕܐ݇ܪ̈ܵܙܹܐ. ܫܲܒܲܚܘ ܠܡܵܪܝܵܐ ܬܸܫܒ̇ܘܿܚܬܵܐ ܚܕܲܬܵܐ.
ܐܲܩܲܦܬܵܐ؛ ܘܲܠܥܹܝܢ ܥܲܡܡܹ̈ܐ ܓܠ̣ܵܐ ܙܲܕ̇ܝܼܩܘܼܬܹܗ܀
ܥܘܼܢܵܝܵܐ؛ ܘܐܸܬ̇ܕܲܟܪ ܛܲܝܒ̇ܘܼܬܹܗ ܘܗܲܝܡܵܢܘܼܬܹܗ ܠܲܕܼܒܹܝܬܼ ܝܑܼܣܪܵܝܹܠ܀
ܕܩܲܢܟܹ̇ܐ؛ ܒܣܵܗܕܵܘ̈ܗܝ ܕܲܒ̣ܪܵܐ.
ܬܵܘ ܢܕܼܘܼܨ ܘܢܸܚܕܸ̇ܐ ܒܹܗ؛ ܢܸܚܕܸ̇ܐ ܠܸܒ̇ܗܘܿܢ ܕܐܲܝܠܹܝܢ ܕܒܼܵܥܹ̇ܝܢ ܠܡܵܪܝܵܐ. ܒܗܵܢܵܐ ܝܵܘܡܵܐ ܩܲܕ̇ܝܼܫܵܐ. ܨܒ̣ܵܐ ܦܵܪܘܿܩܲܢ ܕܲܢܚܵܘܸܐ. ܫܘܼܒ̣ܚܵܐ ܪܲܒܵܐ ܕܓܸܠܝܵܢܹܗ. ܘܥܲܠ ܛܘܼܪ ܬܵܒ̣ܘܿܪ ܐܸܫܬܲܚܠܲܦ. ܘܲܢܗܲܪ̈ ܐܲܦܵܘ̈ܗܝ ܥܲܡ ܢܲܚ̈ܬܵܘܗܝ. ܫܘܼܒ̣ܚܵܐ ܠܹܗ ܥܲܠ ܦܘܼܪ̈ܢܵܣܵܘܗܝ؛ ܬܢܝܼ؛ ܫܲܒܲܚ. ܐܸܫܬܲܥܵܐ ܠܲܢ ܕܵܢܝܼܐܹܝܠ. ܛܲܠܝܵܐ ܪܓܼܝܼܓܼܵܐ ܕܐܲܠܵܗܵܐ. ܕܐܲܝܟܲܢܵܐ ܚ̣ܙܲܝܬܵܝܗܝ ܠܲܒ̣ܪܵܐ. ܚܙܹ̇ܝܬܹܗ ܕܦܵܪܲܚ̇ ܒܲܥܢܵܢܹ̈ܐ. ܘܕܼܵܡܹ̇ܐ ܠܥܲܬ̇ܝܼܩ ܝܵܘ̈ܡܵܬܼܵܐ. ܕܫܘܼܠܛܵܢܹܗ ܫܡܲܝܵܐ ܘܐܲܪܥܵܐ.
ܩܸܪܝܵܢܵܐ؛ ܡܲܦܩܵܢܵܐ؛ ܝܛ؛ 1‐10. ܐܲܩܸܦ. ܟ؛ 18‐22 ܚܲܒ̣ܪܹܗ؛ ܐܹܫܲܥܝܵܐ ܘ؛ 1‐ܫܘܼܠܵܡܵܐ
ܫܘܼܪܵܝܵܐ؛ ܘܲܠܥܹܝܢ ܥܲܡܡܹ̈ܐ ܓܠ̣ܵܐ ܙܲܕ̇ܝܼܩܘܼܬܹܗ. ܠܓܸܠܝܵܢܹܗ ܕܲܡܫܝܼܚܵܐ ܢܝܲܩܲܪ ܒܲܙܡܝܼܪ̈ܵܬܼܵܐ ܕܪܘܼܚܵܐ؛ ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܘܐܸܬ̇ܕܿܟܲܪ ܛܲܝܒ̇ܘܼܬܹܗ ܘܗܲܝܡܵܢܘܼܬܹܗ ܠܲܕܼܒܹܝܬܼ ܝܑܼܣܪܵܝܹܠ. ܠܓܸܠܝܵܢܹܗ ܕܲܡܫܝܼܚܵܐ ܢܝܲܩܲܪ ܒܲܙܡܝܼܪ̈ܵܬܼܵܐ ܕܪܘܼܚܵܐ؛ ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܫܲܒܲܚ܀ ܠܓܸܠܝܵܢܹܗ ܕܲܡܫܝܼܚܵܐ. ܥܵܠܲܡ܀ ܠܓܸܠܝܵܢܹܗ ܕܲܡܫܝܼܚܵܐ.
ܫܠܝܼܚܵܐ؛ ܐ؛ ܛܝܼܡܵܬܹܐܘܿܣ؛ ܐ 18‐ܒ؛ ܫܘܼܠܵܡܵܐ. ܐܲܩܸܦ. ܓ؛ 14‐ܫܘܼܠܵܡܵܐ (ܐܵܘ) ܥܸܒ̣ܪ̈ܵܝܹܐ؛ ܝܒ؛ 18‐ܫܘܼܠܵܡܵܐ.
ܙܘܼܡܵܪܵܐ؛ ܪ̈ܵܚܡܵܘܗܝ ܕܡܵܪܝܵܐ ܣܵܢܹ̇ܝܢ ܠܒܼܝܼܫܬܵܐ. ܘܢܵܛܲܪ ܢܲܦ̮̈ܫܵܬܼܵܐ ܕܙܲܕ̇ܝܼܩܵܘ̈ܗܝ. ܒ܀ ܢܘܼܗܪܵܐ ܕܲܕܼܢܲܚ̣ ܠܙܲܕ̇ܝܼܩܹ̈ܐ. ܘܠܲܬܼܪ̈ܝܼܨܲܝ ܠܸܒܵܐ ܚܲܕܼܘܼܬܼܵܐ. ܒ܀
ܐܹܘܲܢܓܲܠܝܼܘܿܢ؛ ܡܲܬܲܝ؛ ܝܘ؛ 24‐ܝܙ؛ 10
ܕܐܹܘܲܢܓܲܠܝܼܘܿܢ. ܪܹܫ ܩܵܠܵܐ. ܬܵܘ ܢܫܲܒܲܚ ܠܡܵܪܝܵܐ؛ ܬܵܘ ܚܙܵܘ ܥܒ̣ܵܕܵܘ̈ܗܝ ܕܐܲܠܵܗܵܐ. ܬܵܘ ܢܸܬ̇ܕܲܡܲܪ ܚܲܒ̇ܝܼܒܲܝ̈ ܒܗ̇ܘ ܒܵܪܘܿܝܵܐ ܚܲܟ̇ܝܼܡܵܐ. ܕܟܲܕܼ ܚ̣ܵܪ ܘܲܚ̣ܙܵܐ ܒܬܼܘܼܩܵܢܹܗ. ܕܡ̣ܢ ܡܲܪ̈ܵܚܹܐ ܡܸܬܼܒܲܙܲܚ. ܫܲܕܲܪ ܚܲܒܿܝܼܒܹܗ ܘܲܠ̣ܒܸܫ ܨܘܼܪ̈ܵܬܲܢ. ܘܲܓܼܠ̣ܵܐ ܘܐܵܘܕܲܥ ܒܹܗ ܐ݇ܪ̈ܵܙܹܐ ܕܲܟܼܣܸܐ ܗ̣݇ܘܵܐ. ܡ̣ܢ ܥܵܠܡܹ̈ܐ ܘܕܼܵܪܹ̈ܐ. ܒܐܝܼܕܼܵܐ ܕܝܼܠܹܗ ܐܸܬܼܦܲܫܲܩ. ܐܲܝܟܼ ܒܲܪ݇ܬܼ ܩܵܠܹܗ ܕܦܵܥ̇ܠܵܐ ܟܲܫܝܼܪܵܐ. ܡܸܟܹ̇ܝܠ ܡܵܪܝ ܢܸܩܥܸܐ ܘܢܹܐܡܲܪ. ܐܘܿ ܕܫܲܝܸܢ ܥܵܠܡܹ̈ܐ ܒܓܸܠܝܵܢܹܗ ܫܘܼܒ̣ܚܵܐ ܠܵܟܼ؛ ܬܢܝܼ؛ ܫܲܒܲܚ. ܠܚܲܝܹ̈ܐ ܘܛܘܼܒܹ̈ܐ ܐܲܡܝܼܢܹ̈ܐ. ܡܣܲܟܹ̇ܝܢ ܥܲܒ̣ܕܲܝ̈ܟ ܦܵܪܘܿܩܲܢ. ܘܐܵܚ̇ܕ̇ܝܼܢ ܓܵܘܣܵܐ ܒܗܲܝܡܵܢܘܼܬܼܵܐ. ܘܛܵܦ̇ܣܝܼܢ ܒܟܸܢܦܵܘ̈ܗܝ ܕܲܨܠܝܼܒ̣ܵܐ. ܢܲܛܲܪ ܒܲܚܢܵܢܵܟܼ ܠܟܸܢܫܵܐ ܕܣܵܓ̣ܘܿܕܲܝ̈ܟ. ܘܫܲܡܠܵܐ ܨܹܐܕܲܝܗܘܿܢ ܫܘܼܘܕܵܝ ܡܘܼܠܟܵܢܲܝܟ. ܕܐܸܡܲܪܬ̇ ܠܪ̈ܵܚܡܲܝܟܼ ܒܲܣܒܲܪܬܼܵܟܼ. ܕܟܼܠ ܐܲܝܢܵܐ ܕܲܡܗܲܝܡܸܢ ܒܝܼ. ܝܵܪܹܬܼ ܡܲܠܟܘܼܬܼܵܐ. ܘܚܲܝܹ̈ܐ ܕܲܠܥܵܠܲܡ. ܐܲܫܘܵܐ ܠܲܢ ܡܵܪܝ ܕܥܲܡ ܩܲܕܝܼܫܲܝ̈ܟ. ܢܸܙܡܲܪ ܠܵܟܼ ܒܲܓܼܢܘܿܢ ܡܲܠܟ̇ܘܼܬܼܵܟܼ ܫܘܼܒ̣ܚܵܐ ܠܵܟܼ.
ܕܐ݇ܪ̈ܵܙܹܐ. ܪܹܫܩܵܠܵܐ. ܡܸܛܠ ܕܡܲܒ̇ܘܼܥܵܐ ܕܚܲܝܹ̈ܐ ܥܲܡܵܟܼ ܗ݇ܘ̣؛ ܘܡ̣ܢ ܢܲܚܠܵܟܼ ܒܲܣܝܼܡܵܐ ܬܲܫܩܸܐ ܐܸܢܘܿܢ. ܡܥܝܼܢܵܐ ܕܛܵܒ̣ܵܬܼ̈ܵܐ ܘܲܠܡܹܐܢܵܐ ܡܫܲܝܢܵܐ ܒܓܸܠܝܵܢܵܟܼ ܡܫܝܼܚܵܐ ܛܲܝܸܒ̣ܬ̇ ܠܲܢ. ܘܡ̣ܢ ܦܸܗܝܵܐ ܣܪܝܼܩܵܐ ܕܛܵܥܝܘܼܬܼܵܐ ܕܲܦܬܲܟܼܪܹ̈ܐ ܓܠܝܼܦܹ̈ܐ ܠܘܵܬܼܵܟܼ ܐܲܦܢ̣ܝܼܬܵܢ. ܘܐܲܫ̣ܠܸܡܬ̇ ܠܲܢ ܝܼܕܲܥܬܼܵܐ ܓܡܝܼܪܬܵܐ ܕܲܩܢܘܿܡܹ̈ܐ ܡܫܲܒ̇ܚܹ̈ܐ. ܕܐܲܒܼܵܐ ܘܲܒܼܪܵܐ ܘܪܘܼܚܵܐ ܕܩܘܼܕܼܫܵܐ. ܟܝܵܢܵܐ ܐܲܠܵܗܵܝܵܐ. ܡܸܟܹ̇ܝܠ ܟܠܲܢ ܒܡܲܙܡܘܿܪܹ̈ܐ ܘܲܒܼܬܸܫ̈ܒ̇ܚܵܬܼܵܐ ܢܫܲܒܲܚ ܠܵܟܼ ܛܵܒ̣ܵܐ ܒܲܠܚܘܿܕܲܝܟܼ. ܬܢܝܼ؛ ܘܫܲܒܲܚ ܒܵܗ̇.
ܕܚܝܼܠܲܬ̇. ܙܝܼܘܵܐ ܘܗܸܕܼܪܵܐ ܠ̣ܒܸܫܬ̇. ܘܐܸܬܼܟܲܣܝܼܬ̇ ܢܘܼܗܪܵܐ ܐܲܝܟܼ ܡܲܪܛܘܼܛܵܐ܀ ܓܠ̣ܵܐ ܦܵܪܘܿܩܲܢ ܥܲܠ ܪܹܫ ܛܘܼܪܵܐ. ܫܘܼܒ̣ܚܵܐ ܪܲܒܵܐ ܕܒܹܗ ܥܬ̣ܝܼܕܼ ܕܢܹܐܬܹܐ܀ ܐܲܩܲܦܬܵܐ. ܘܩܵܠܵܐ ܗܘܸܵܐ ܡ̣ܢ ܫܡܲܝܵܐ ܕܐܵܡܲܪ. ܕܗܵܢܵܘ ܒܹܪܝ ܚܲܒܿܝܼܒܼܵܐ ܕܒܹܗ ܐܸܨܛܒ̣ܝܼܬܼ.
ܕܒܹܝܡ؛ ܥܘܼܢܵܝܵܐ. ܐ݇ܪܵܙܵܐ ܟܲܣܝܵܐ ܕܲܡܫܝܼܚܵܐ ܗܵܐ ܡܸܬܼܦܲܠܲܓܼ. ܟܸܢܫܹ̈ܐ ܕܡܲܠܲܐܟܹ̈ܐ ܠܦܵܬܼܘܿܪ ܩܘܼܕܼܫܵܐ ܪܘܼܚܵܢܵܐ ܡܩܲܕ̇ܫܝܼܢ܀ ܟܠܲܢ ܒܝܲܕܼ ܛܲܝܒܿܘܼܬܹܗ ܕܦܵܪܘܿܩܲܢ. ܒܗܲܝܡܵܢܘܼܬܼܵܐ ܠܘܵܬܹܗ ܢܸܬܼܩܲܪܲܒ̣. ܘܦܲܓ̣ܪܹܗ ܘܲܕܼܡܹܗ ܕܲܒ̣ܪܵܐ ܡܫܝܼܚܵܐ ܢܸܣܲܒ̣. ܘܲܢܫܲܒܲܚ ܟܲܕܼ ܐܵܡ̇ܪܝܼܢܲܢ ܗܲܠܸܠܘܼܝܲܗ܀
ܒܵܬܹ̈ܐ؛ ܘܲܗܘܸܵܐ ܡ̣ܢ ܫܸܠܝܵܐ ܡ̣ܢ ܫܡܲܝܵܐ. ܩܵܠܵܐ ܐܲܝܟܼ ܕܪܘܼܚܵܐ ܥܲܙܝܼܙܬܵܐ܀ ܟܠܲܢ ܒܝܲܕܼ ܛܲܝܒܿܘܼܬܹܗ...܀ ܕܦܲܓ̣ܪܵܟܼ ܘܲܕܼܡܵܟܼ܀ ܒܪܝܼܟܼܘܼ ܡܫܝܼܚܵܐ ܡܵܪܵܐ ܕܟܼܠܵܐ. ܕܚ̣ܵܘܝܼ ܫܘܼܒܼܚܹܗ ܥܲܠ ܛܘܼܪ ܬܵܒ̣ܘܿܪ܀ ܬܗܲܪܘ ܬܲܠܡܝܼܕܹ̈ܐ ܘܲܬ̣ܡܲܗ̣ܘ ܢܒܼܝܹ̈ܐ. ܟܲܕܼ ܚ̣ܙܵܘ ܫܘܼܒ̣ܚܹܗ ܕܡܲܚܸܐ ܟܠܵܐ܀ ܥܢܵܢܵܐ ܐܲܛܠܲܬܸ ܘܢܘܼܗܪܵܐ ܐܲܙ̣ܠܸܓ̣. ܘܐܲܒ̣ܵܐ ܕܩܵܥܹ̇ܐ ܕܗܵܢܵܘ ܚܲܒ̇ܝܼܒܼܝ܀
ܬܸܫܒܿܘܿܚܬܵܐ. ܚܲܝܸܠ ܡܵܪܲܢ.
♱♱♱♱♱♱♱♱