ܚܲܡܫܵܒ̇ܫܲܒܵܐ ܕܒ̣ܵܥܘܼܬ̣ܵܐ ܕܢܝܼܢܘܵܝܹ̈ܐ
ܕܡܸܬܼܝܼܕܲܥ ܕܩܘܼܒܵܠܛܲܝܒܿܘܼܬܼܵܐ
ܡܲܪܡܝܼܬܼܵܐ ܕܐ݇ܪ̈ܵܙܹܐ؛ ܨ̣ܒܲܝܬ̇ ܡܵܪܝܵܐ ܒܐܲܪܥܵܟܼ.
ܐܲܩܲܦܬܵܐ܀ ܒܪܝܼܟ̣ܘܼ ܡܵܪܝܵܐ ܕܲܫ̣ܡܲܥ ܩܵܠܵܐ ܕܒ̣ܵܥܘܼܬ̣ܝ܀
ܥܘܼܢܵܝܵܐ. ܡܵܪܝܵܐ ܥܵܕܼܘܿܪܝ ܘܲܡܣܲܝܥܵܢܝ܀
ܥܘܿܢܝܼܬ̣ܵܐ ܕܩܲܢܟܹ̇ܐ. ܒܩܵܠ؛ ܠܵܐ ܡܸܬ̇ܛܲܠܡܝܼܢ.
ܐܸܬ̣ܦܲܢ ܥܠܲܝܢ ܘܪܲܚܸܡܥܠܲܝܢ. ܡܪܲܚܡܵܢ ܐܲܢ݇ܬ̇ ܡܵܪܝܵܐ ܘܙܲܕ̇ܝܼܩ. ܐܲܠܵܗܵܐ ܕܚ̣ܵܣ ܥܲܠ ܢܝܼܢܘܹܐ ܚܘܼܣ ܥܠܲܝܢ. ܘܠܵܐ ܬܲܗܡܸܐ ܚܝܵܪܵܟܼ ܡܸܢܹܗ ܕܕܼܵܪܲܢ ܒܝܼܫܵܐ. ܘܐܸܢ ܬܹܐܚܘܿܕܼ ܬܲܪܥܵܟܼ ܒܐܲܦܲܝ̈ܢ ܚܲܛܵܝܹ̈ܐ. ܒܲܬ̣ܪܲܥ ܡܿܢ ܢܹܐܙܲܠ ܢܸܩܘܿܫ ܪܵܚܸܡܢܵܫܵܐ. ܬܢܝܼ؛ ܫܲܒܲܚ. ܩ̣ܪܵܟܼ ܝܵܘܢܵܢ ܡ̣ܢ ܓܵܘ ܢܘܼܢܵܐ ܘܲܥ̣ܢܲܝܬܵܝܗܝ. ܘܒܹܝܬ̣ ܚܲܢܲܢܝܵܐ ܒܐܲܬ̇ܘܿܢܵܐ ܘܦܲܨ̣ܝܼܬ̇ ܐܸܢܘܿܢ. ܘܟܼܠܵܗ̇ ܒܪܝܼܬܼܵܐ ܩܵܪܝܵܐ ܠܵܟܼ ܒܲܚܢܲܓ̣ܬܼܵܐ. ܚܘܼܣܥܠܹܝܗ̇ ܘܪܲܚܸܡܥܠܹܝܗ̇ ܐܲܝܟܼ ܕܲܡܥܵܕܲܬ̇.
ܩܸܪܝܵܢܵܐ. ܐܹܫܲܥܝܵܐ؛ܣܗ؛16؛ ܗܵܟܲܢܵܐ ܐܵܡܲܪ ܡܵܪܝܵܐ. ܥܲܕ؛ ܣܘ؛3 ܚܲܒ̣ܪܹܗ. ܐܹܪܲܡܝܵܐ؛ܝܙ؛21‐27
ܫܘܼܪܵܝܵܐ. ܒܢܸܩܦܲܬ݀܀ ܠܡܸܥܒܲܕܼ ܨܸܒ̣ܝܵܢܵܟܼ ܐܲܠܵܗܵܐ ܨܒܹܝ̇ܬ̣* ܘܢܵܡܘܿܣܵܟܼ ܒܓ̣ܵܘ ܟܲܪܣܝ* ܣܲܒ̇ܪܹܬ̣ ܙܲܕܝܼܩܘܼܬ̣ܵܟܼ ܒܥܹܕ̇ܬܵܐ ܪܲܒ̇ܬ̣ܵܐ* ܘܣܸܦܘܵܬ̣̈ܝ ܠܵܐ ܟܠܹܝ̇ܬ̣* ܡܵܪܝܵܐ ܐܲܢ݇ܬ̇ ܝܵܕܲܥ ܐܲܢ݇ܬ̇* ܕܠܵܐ ܛܲܫ̇ܝܼܬ̣ ܙܲܕܝܼܩܘܼܬܼܵܟܼ ܒܓ̣ܵܘ ܠܸܒ̇ܝ* ܐܸܠܵܐ ܦܘܼܪܩܵܢܵܟܼ ܘܗܲܝܡܵܢܘܼܬܼܵܟܼ ܐܸܡ̇ܪܹܬ̣* ܘܠܵܐ ܛܲܫ̇ܝܼܬ̣ ܛܲܝܒ̇ܘܼܬ̣ܵܟܼ ܘܗܲܝܡܵܢܘܼܬ̣ܵܟܼ ܡ̣ܢ ܥܹܕ̇ܬܵܐ ܪܲܒ̇ܬ̣ܵܐ* ܐܵܦ ܐܲܢ݇ܬ̇ ܡܵܪܝܵܐ ܠܵܐ ܬܸܟ̣ܠܸܐ ܡܹܢܝ ܪ̈ܲܚܡܲܝܟ* ܐܸܠܵܐ ܪ̈ܲܚܡܲܝܟ ܘܗܲܝܡܵܢܘܼܬ̣ܵܟܼ ܒܟ̣ܠܙܒܲܢ ܢܢܲܛܪܘܼܢܵܢܝ*
ܫܠܝܼܚܵܐ. ܪ̈ܗ݇ܘܿܡܵܝܹܐ؛ܝ؛1‐14܀ (ܐܵܘ)؛ ܥܸܒ̣ܪ̈ܵܝܹܐ. ܝܒ؛ 14‐ܫܘܼܠܵܡܵܐ
ܙܘܼܡܵܪܵܐ. ܪܲܚܸܡܥܠܲܝ ܐܲܠܵܗܵܐ ܐܲܝܟܼ ܛܲܝܒ̇ܘܼܬܼܵܟܼ. ܘܐܲܝܟܼ ܣܘܿܓ̣ܐܵܐ ܕܪ̈ܲܚܡܲܝܟ ܥܛܝܼ ܚܛܵܗܲܝ̈. ܒ܀ ܐܲܣܓܵܐ ܐܲܫܝܼܓܲܝܢܝ ܡ̣ܢ ܥܵܘ̣ܠܝ. ܘܡ̣ܢ ܚܛܵܗܲܝ̈ ܕܲܟܵܢܝ܀
ܐܹܘܲܢܓܲܠܝܼܘܿܢ. ܝܘܿܚܲܢܵܢ؛ܝܘ؛23‐ܫܘܼܠܵܡܵܐ
ܥܘܿܢܝܼܬܼܵܐ ܕܐ݇ܪ̈ܵܙܹܐ. ܒܩܵܠ؛ ܬܲܠܡܝܼܕܼܵܘ̈ܗܝ ܕܲܡܫܝܼܚܵܐ.
ܕܐܲܢ݇ܬ̇ܘܼ ܟܘܼܡܪܵܐ ܠܥܵܠܲܡ. ܘܲܡܚܲܣܸܐ ܥܲܠ ܐܲܪܥܹܗ ܘܥܲܠ ܥܲܡܹܗ. ܪܲܒ ܟܘܼܡܪܹ̈ܐ ܕܬܼܵܘܕܝܼܬܲܢ ܘܲܡܚܲܣܝܵܢܲܢ؛ ܡܫܝܼܚܵܐ ܕܲܗܘܸ݀ܵܐ ܚܠܵܦܲܝܢ. ܕܸܒ̣ܚܵܐ ܡܩܲܒ̇ܠܵܐ ܕܠܵܐ ܡܘܼܡܵܐ. ܡܸܢܵܟܼ ܫܵܐ̇ܠܝܼܢܲܢ ܫܘܼܒ̣ܩܵܢ ܚܵܘܒܹ̈ܐ. ܡܵܐ ܕܬܼܵܩܸ̇ܢ ܟܘܼܪܣܲܝ ܕܝܼܢܵܐ. ܡܦܵܣܲܬ̇ ܓܹܝܪ ܒܚܲܫܵܘ̈ܗܝ ܕܲܟ̣ܝܵܢܲܢ. ܕܒܹܗ ܚܲܫ̣ܬ̇ ܘܐܸܬܼܢܲܣܝܼܬ̇ ܡܸܛܠ ܦܘܼܪܩܵܢܲܢ. ܬܢܝܼ؛ ܫܲܒܲܚ. ܒܬ̣ܵܘ ܢܸܬ̇ܕܲܡܲܪ. ܟܠܲܢ ܡܗܲܝܡܢܹ̈ܐ ܒܚܲܕܼܬ̣ܘܼܬ̣ܵܐ ܕܪܘܼܚܵܐ. ܬܵܘ ܢܵܘܕܸ̇ܐ ܠܹܗ ܕܠܵܐ ܦܘܼܠܵܓ̣ܵܐ. ܕܚܵܙܹܝ̇ܢܲܢ ܥܲܠ ܡܲܕܼܒ̇ܚܵܐ ܩܲܕܿܝܼܫܵܐ. ܠܐܸܡܪܹܗ ܕܐܲܠܵܗܵܐ. ܕܟ̣ܠ ܝܵܘ̈ܡܵܬ̣ܵܐ ܗܵܐ ܡܸܬ̇ܕܲܒܲܚ ܐ݇ܪܵܙܵܢܵܐܝܼܬܼ. ܘܟܲܕܼ ܚܲܝ ܗ݇ܘ̣ ܠܥܵܠܡܝܼܢ ܡܸܬ̣ܦܲܠܲܓ̣ ܠܟܼܠܢܵܫ. ܟܲܕܼ ܠܵܐ ܡܵܘܦܸܐ ܐܵܘ ܚܵܣܲܪ. ܘܥܲܠ ܗܵܕܼ ܒܕܸܚܠܵܐ ܘܒܲܪܬܹܝܬܼܵܐ. ܢܸܩܥܸܐ ܟܠܲܢ ܩܲܕ̇ܝܼܫ ܩܲܕ̇ܝܼܫ ܩܲܕ̇ܝܼܫܲܬ̇ ܡܵܪܝܵܐ. ܕܲܡܠܹܝܢ ܫܡܲܝܵܐ ܘܐܲܪܥܵܐ ܡ̣ܢ ܬܸܫܒ̇ܚܵܬܹ̈ܗ.
ܕܒܹܝܡ. ܥܘܼܢܵܝܵܐ. ܡܵܪܲܢ ܩܲܒܸ̇ܠ ܒܵܥܘܼܬ̣ ܥܹܕܲܬ̣ ܩܘܼܕܼܫܵܐ؛ ܕܲܡܦܝܼܣܵܐ ܠܵܟܼ ܡܸܛܠ ܥܲܡܵܟܼ ܦܪܝܼܩ ܒܲܨܠܝܼܒ̣ܵܟܼ. ܕܗܵܐ ܡܸܬ̣ܝܲܐܲܒ̣ ܠܫܘܼܒ̣ܩܵܢܵܐ. ܐܲܫܘܵܝܗܝ ܡܵܪܝ ܠܦܲܓ̣ܪܵܟܼ ܘܲܕܼܡܵܟܼ. ܕܢܸܗܘܸܐ ܥܘܼܡܪܵܐ ܠܐܝܼܩܵܪܵܟܼ܀ ܘܬܸܬ̇ܢܝܼܚ ܒܹܗ ܐܲܠܵܗܘܼܬܼܵܟܼ. ܕܢܵܘܕܹ̇ܐ ܠܵܟܼ ܥܲܠ ܡܵܘܗܲܒ̣ܬܼܵܟܼ.
ܒܵܬܹ̈ܐ. ܟܸܢܫܲܢ ܕܣܵܓܹܕܼ ܠܐܲܠܵܗܘܼܬܼܵܟܼ. ܐܲܣܓܵܐ ܠܘܵܬܹܗ ܟܠ ܥܘܼܕܼܪ̈ܵܢܝܼܢ܀ ܘܬܸܬ̇ܢܝܼܚ ܒܹܗ܀ ܒܪܵܐ ܕܐܲܠܵܗܵܐ ܚܘܼܣ ܥܲܠ ܥܲܡܵܟܼ. ܕܗܵܐ ܡܸܬ̣ܟܲܫܲܦ ܘܫܵܐܹ̇ܠ ܪ̈ܲܚܡܹܐ܀ ܘܬܸܬ̇ܢܝܼܚ ܒܹܗ܀ ܩܲܒܸ̇ܠ ܡܵܪܲܢ ܒܵܥܘܼܬ̣ ܟܠܲܢ. ܕܲܒ̣ܬܲܟ̣ܫܲܦ̮ܬܵܐ ܡܩܲܪܒ̣ܝܼܢܲܢ ܠܵܟܼ܀ ܘܬܸܬ̇ܢܝܼܚ ܒܹܗ܀