ܬܪܹܝܢܒ̇ܫܲܒܵܐ ܕܒ̣ܵܥܘܼܬܼܵܐ ܕܢܝܼܢܘܵܝܹ̈ܐ
ܘܥܵܐ̇ܠܝܼܢ ܩܲܫܝܼܫܹ̈ܐ ܘܲܡܫܲܡܫܵܢܹ̈ܐ ܠܩܲܢܟܹ̇ܐ ܘܲܡܫܲܪܹܝܢ ܥܘܿܢܝܼܬܼܵܐ ܕܩܲܢܟܹ̇ܐ. ܒܩܵܠ؛ ܡܵܪܵܐ ܕܟܼܠܵܐ.
ܪܵܥܝܹܗ ܕܝܼܣܪܵܝܹܠ ܨܘܼܬܼ؛ ܪܥܝܼ ܐܸܢܘܿܢ ܘܕܲܒܲܪ ܐܸܢܘܿܢ ܥܕܲܡܵܐ ܠܥܵܠܲܡ. ܪܵܥܝܵܐ ܛܵܒ̣ܵܐ ܕܢܲܦ̮̈ܫܵܬܲܢ. ܥܵܕܼܘܿܪܵܐ ܘܦܵܪܘܿܩܵܐ ܕܟܼܠ. ܕܲܒܲܪ ܠܲܢ ܐܲܝܟܼ ܨܸܒ̣ܝܵܢܵܟܼ. ܬܚܹܝܬܼ ܛܸܠܵܠܵܐ ܕܝܲܡܝܼܢܵܟܼ. ܘܩܲܒܸ̇ܠ ܦܹܐܪܹ̈ܐ ܡܠܝܼ̈ܠܹܐ ܕܣܸܦ̈ܘܵܬܲܢ. ܕܲܒ̣ܬܼܵܘܕܝܼܬܼܵܐ ܡܩܲܪܒܼܝܼܢܲܢ ܠܵܟܼ. ܘܗܲܒܼܠܲܢ ܪ̈ܲܚܡܹܐ ܘܲܚܢܵܢܵܐ. ܡ̣ܢ ܒܹܝܬܼ ܓܲܙܵܟܼ ܥܲܬ̇ܝܼܪܵܐ. ܬܢܝܼ؛ ܫܲܒܲܚ. ܚܲܢܵܢܵܐ ܐܲܢ݇ܬܿ ܡ̣ܢ ܥܵܠܲܡ. ܘܲܡܪܲܚܡܵܢܲܬ̇ ܠܕܼܵܪܕܵܪ̈ܝܼܢ. ܡܵܢܵܘ ܥܵܘܠܵܗ̇ ܕܲܒ̣ܪܝܼܬܼܵܐ. ܠܪ̈ܲܚܡܹܐ ܫܦܝܼܥܹ̈ܐ ܕܛܲܝܒ̇ܘܼܬܼܵܟܼ. ܪܘܿܣ ܠܹܗ ܒܐܲܦܵܘ̈ܗܝ ܕܲܟܼܝܵܢܲܢ. ܛܲܠܵܐ ܕܪ̈ܲܚܡܹܐ ܘܚܵܘܣܵܢܵܐ. ܘܫܵܘܙܸܒܲܝܢ ܡ̣ܢ ܝܲܕܼ ܒܝܼܫܵܐ. ܘܡ̣ܢ ܙܝܼܙܵܢܹ̈ܐ ܒܢܲܝ̈ ܛܘܼܥܝܲܝ.
ܩܸܪܝܵܢܵܐ. ܐܹܫܲܥܝܵܐ؛ܣܓ؛17‐ܣܕ؛ܫܘܼܠܵܡܵܐ܀ ܘܨܲܠ̣ܝܼ ܐܹܫܲܥܝܵܐ ܩܕܼܵܡ ܡܵܪܝܵܐ ܘܐܸܡܲܪ.. ܚܲܒ̣ܪܹܗ. ܥܵܡܘܿܣ؛ܗ؛3‐16؛ ܐܲܩܸܦ. ܚܲܒ̣ܩܘܿܩ؛ܓ؛1‐ܫܘܼܠܵܡܵܐ
ܫܘܼܪܵܝܵܐ. ܙ܀ ܒܢܸܩܦܲܬ݀܀ ܘܐܲܢ݇ܬ̇ ܡܵܪܝܵܐ ܐܲܠܵܗܵܐ ܡܪܲܚܡܵܢܵܐ ܘܲܡܪܲܚܦܵܢܵܐ* ܢܲܓ̇ܝܼܪ ܪܘܼܚܵܐ ܘܣܲܓ̇ܝܼ ܛܲܝܒܿܘܼܬܼܵܐ ܘܩܘܼܫܬܵܐ* ܐܸܬ̣ܦܲܢ ܥܠܲܝ ܘܪܲܚܸܡܥܠܲܝ* ܗܲܒ̣ ܚܲܝܠܵܐ ܠܥܲܒ̣ܕܵܟܼ ܘܲܦܪܘܿܩ ܠܒܲܪ ܐܲܡܬ̣ܵܟܼ* ܘܲܥܒܸܕܼ ܥܲܡܝ ܐܵܬ݀ܵܐ ܛܵܒ̣ܬܼܵܐ* ܕܢܸܚܙܘܿܢ ܣܵܢܐܲܝ̈ ܘܢܸܒ̣ܗ̱ܬ̣ܘܼܢ* ܕܐܲܢ݇ܬ̇ ܡܵܪܝܵܐ ܥܲܕܲܪܬܵܢܝ ܘܒܲܝܲܐܬܵܢܝ*
ܫܠܝܼܚܵܐ. ܐ؛ܛܝܼܡܵܬܹܐܘܿܣ؛ ܒ؛1‐11
ܙܘܼܡܵܪܵܐ. ܛܘܼܒ̣ܵܘܗܝ ܠܓܲܒ̣ܪܵܐ ܕܒ̣ܐܘܼܪܚܵܐ ܕܥܵܘܵܠܹ̈ܐ ܠܵܐ ܗܲܠܸܟܼ. ܘܲܒܼܪܸܥܝܵܢܵܐ ܕܚܲܛܵܝܹ̈ܐ ܠܵܐ ܩܵܡ̣܀ ܘܥܲܠ ܡܵܘܬ̇ܒ̣ܵܐ ܕܲܡܡܲܝܩܵܢܹ̈ܐ ܠܵܐ ܝܼܬܸܒ̣. ܐܸܠܵܐ ܒܢܵܡܘܿܣܹܗ ܕܡܵܪܝܵܐ ܨܸܒ̣ܝܵܢܹܗ܀
ܐܹܘܲܢܓܲܠܝܼܘܿܢ. ܡܲܬܲܝ؛ܗ؛ 17‐38. (ܐܵܘ) ܝܚ؛ 23‐ܫܘܼܠܵܡܵܐ.
ܥܘܿܢܝܼܬܼܵܐ ܕܐ݇ܪ̈ܵܙܹܐ. ܒܩܵܠ؛ ܟܪܝܼܗ ܐ݇ܢܵܐ ܒܲܚܛܵܗܲܝ̈. ܐܲܠܵܗܲܢ ܒܹܝܬ̣ ܓܵܘܣܲܢ ܥܲܫܝܼܢܵܐ. ܘܲܡܥܲܕ̇ܪܵܢܲܢ ܒܙܲܒ̣ܢܹ̈ܐ ܕܐܘܼܠܨܵܢܵܐ. ܙܲܒ̣ܢܵܐ ܐܝܼܬ̣ܵܘܗܝ ܕܦܘܼܪܩܵܢܵܐ ܠܲܡܣܲܒܵܪܘܼ ܒܐܲܠܵܗܵܐ. ܘܲܕܼܢܸܬ̣ܦܲܨܸܐ ܡ̣ܢ ܚܛܵܗܹ̈ܐ ܘܫܲܪ̈ܥܵܬܼܵܐ ܕܲܒ̣ܥܵܠܡܵܐ ܗܵܢܵܐ ܣ̣ܥܲܪܢܲܢ. ܠܲܡܩܲܒܵܠܘܼ ܫܘܼܒ̣ܩܵܢܵܐ ܕܲܚܛܵܗܹ̈ܐ. ܬܢܝܼ؛ ܫܲܒܲܚ ܒܵܗ̇.
(ܩܘܼܕܵܫܵܐ ܕܲܫܠܝܼܚܹ̈ܐ ܛܘܼܒ̣ܵܢܹ̈ܐ)
ܕܒܹܝܡ. ܥܘܼܢܵܝܵܐ. ܥܲܡܡܹ̈ܐ ܐܵܘܕܵܘ ܒܥܹܕܲܬ̣ ܩܘܼܕܼܫܵܐ. ܠܲܒ̣ܪܵܐ ܕܝܲܗ̣݇ܒ̣ ܠܲܢ ܦܲܓ̣ܪܹܗ ܘܲܕܼܡܹܗ. ܒܵܬܹ̈ܐ. ܐܲܠܵܗܘܼܬ̣ܵܐ ܕܟܲܣܝܵܐ ܡ̣ܢ ܟܠ. ܓܠܵܬܸ ܟܲܣܝܘܼܬܼܵܗ̇ ܕܬܲܚܸܐ ܠܟܼܠܵܐ܀ ܠܲܒ̣ܪܵܐ ܕܝܲܗ̣݇ܒ̣ ܠܲܢ ܦܲܓ̣ܪܹܗ ܘܲܕܼܡܹܗ.
ܬܸܫܒ̇ܘܿܚܬܵܐ؛ ܡܵܪܲܢ ܝܼܫܘܿܥ.