ܡܲܪܡܝܼܬܼܵܐ ܕܐ݇ܪ̈ܵܙܹܐ؛ ܐܹܪܲܡ̱ܪܡܵܟܼ ܡܵܪܝ ܡܲܠܟܵܐ.
ܕܩܲܢܟܹ̇ܐ. ܒܒܲܠܡܹܐܢܹܗ.
ܢܵܘܕܸ̇ܐ ܠܵܟܼ ܠܥܵܠܲܡ؛ ܥܲܠ ܛܲܝܒ̇ܘܼܬܼܵܟܼ ܘܥܲܠ ܩܘܼܫܬܵܟܼ. ܢܵܘܕܸ̇ܐ ܠܹܗ ܠܲܡܫܝܼܚܵܐ ܕܝܲܗ̣݇ܒܼ ܠܲܢ ܦܲܓ̣ܪܹܗ ܘܲܕܼܡܹܗ. ܘܐܲܫ̣ܘܝܼ ܠܲܢ ܒܛܲܝܒ̇ܘܼܬܹܗ ܠܡܵܘܗܲܒܼܬܹܗ ܕܲܠܘܵܬܼ ܓܸܢܣܲܢ؛ ܬܢܝܼ؛ ܫܲܒܲܚ. ܫܒ̣ܝܼܚ ܡ̣ܢ ܟܠ ܘܪܵܡ ܡ̣ܢ ܟܠ ܘܲܡܥܲܠܲܝ ܠܥܸܠ ܡ̣ܢ ܟܠܵܗ. ܢܲܛܲܪ ܥܹܕ̇ܬܵܟܼ ܒܲܚܢܵܢܵܟܼ ܘܲܠܝܲܠܕܹܝ̈ܗ̇ ܦܪܘܿܩ ܒܲܨܠܝܼܒܼܵܟܼ.
ܩܸܪܝܵܢܵܐ؛ ܟܵܗܢܹ̈ܐ؛ ܝܛ؛ 15‐19. ܐܲܩܸܦ؛ ܟ؛ 9‐15܀ ܚܲܒ̣ܪܹܗ؛ ܐܹܫܲܥܝܵܐ؛ ܠ؛ 1‐15
ܫܘܼܪܵܝܵܐ. ܗ܀ ܪܚܲܡܘ ܠܡܵܪܝܵܐ ܙܲܕ̇ܝܼܩܵܘ̈ܗܝ* ܠܲܡܗܲܝܡܢܹ̈ܐ ܢܵܛܲܪ ܡܵܪܝܵܐ* ܘܦܵܪܲܥ̇ ܠܥܵܘܵܠܹ̈ܐ ܥܒ̣ܵܕܲܝ̈ܗܘܿܢ* ܐܸܬܼܚܲܝܲܠܘ ܘܢܸܬܼܥܲܫܲܢ ܠܸܒ̇ܟ̣ܘܿܢ* ܟܠ ܕܲܡܣܲܒ̇ܪܝܼܢ ܒܡܵܪܝܵܐ*
ܫܠܝܼܚܵܐ؛ ܐ؛ ܬܸܣܵܠܘܿܢܝܼܩܵܝܹ̈ܐ؛ ܒ؛ 14‐ܓ؛ ܫܘܼܠܵܡܵܐ
ܙܘܼܡܵܪܵܐ؛ ܒܫܘܼܚܠܵܦ ܟܵܗܢܲܝ̈ܟ. ܪܲܚܸܡܥܠܲܝ ܐܲܠܵܗܵܐ ܡܸܛܠ ܕܒܼܵܟ̣ܘܼ ܡܣܲܒ̇ܪܵܐ ܢܲܦ̮ܫܝ. ܘܲܒܼܛܸܠܵܠܵܐ ܕܟܸܢܦܲܝ̈ܟ ܐܸܣܬܲܬܲܪ. ܒ܀ ܐܸܩܪܸܐ ܠܐܲܠܵܗܵܐ ܡܪܲܝܡܵܐ ܘܠܲܐܠܵܗܵܐ ܦܵܪܘܿܩܝ. ܕܫܲܕܲܪ ܡ̣ܢ ܫܡܲܝܵܐ ܘܦܲܪܩܲܢ̣ܝ. ܘܚܲܣܸܕܼ ܠܲܒ̣ܥܸܠܕ̇ܒܼܵܒܲܝ̈. ܓ܀
ܐܹܘܲܢܓܲܠܝܼܘܿܢ؛ ܠܘܼܩܵܐ؛ ܝܚ؛ 2‐15
ܕܐܹܘܲܢܓܲܠܝܼܘܿܢ. ܒܩܵܠܵܐ ܪܲܒܵܐ. ܫܡܲܥܘ ܗܵܕܹܐ ܟܠܟ̣ܘܿܢ ܥܲܡܡܹ̈ܐ؛ ܕܢܸܫܬܲܥܘܿܢ ܒܨܸܗܝܘܿܢ ܫܡܹܗ ܕܡܵܪܝܵܐ؛ ܠܗܵܢܵܐ ܡܫܲܦܸܠ ܘܲܠܗܵܢܵܐ ܡܪܝܼܡ. ܕܨܘܼܪܬܵܐ. ܐܲܠܵܗܵܐ ܚܘܼܢܲܝܢܝ ܠܚܲܛܵܝܵܐ. ܬܪܹܝܢ ܕܹܝܢ ܓܲܒ̣ܪ̈ܝܼܢ ܣ̣ܠܸܩܘ ܗ݇ܘ̣ܵܘ ܠܗܲܝܟ̇ܠܵܐ ܠܲܡܨܲܠܵܝܘܼ. ܚܲܕܼ ܦܪܝܼܫܵܐ ܘܲܐ݇ܚܪܹܢܵܐ ܡܵܟ̣ܣܵܐ. ܗܵܘ̇ ܕܹܝܢ ܦܪܝܼܫܵܝܵܐ ܟܲܕܼ ܡܸܫܬܲܒ̣ܗܲܪ ܗ݇ܘ̣ܵܐ. ܩܵܥܹ̇ܐ ܘܐܵܡܲܪ. ܕܨܵܐܹ̇ܡ ܐ݇ܢܵܐ ܬܪܹܝܢ ܒܫܲܒ̇ܬܼܵܐ. ܘܲܡܥܲܣܲܪ ܐ݇ܢܵܐ ܒܟܠ ܡܸܕܸ̇ܡ ܕܩܵܢܹ̇ܐ ܐ݇ܢܵܐ. ܗܵܘ̇ ܕܹܝܢ ܡܵܟ̣ܣܵܐ ܟܲܕܼ ܐܵܦ ܠܵܐ ܥܲܝܢܵܘ̈ܗܝ ܨ̣ܒ̣ܵܐ ܕܲܢܪܝܼܡ ܠܲܫܡܲܝܵܐ. ܐܸܠܵܐ ܛܵܪܸܦ̇ ܗ݇ܘ̣ܵܐ ܥܲܠ ܚܲܕܼܝܹܗ ܘܐܵܡܲܪ. ܐܲܠܵܗܵܐ ܚܘܼܢܲܝܢܝ ܠܚܲܛܵܝܵܐ. ܘܐܲܝܟܲܢܵܐ ܕܕܲܒܲܪܬ̇ ܠܥܲܡܵܟܼ ܒܡܲܕܼܒ̇ܪܵܐ. ܕܲܒܲܪܲܝܢܝ ܐܵܦ ܠܝܼ ܦܵܪܘܿܩܝ ܘܪܲܚܸܡܥܠܲܝ؛ ܬܢܝܼ؛ ܫܲܒܲܚ. ܡܵܪܝܵܐ ܠܪ̈ܲܚܡܹܐ ܫܦܝܼܥܹ̈ܐ ܕܛܲܝܒ̇ܘܼܬܼܵܟܼ ܩܵܪܹܐ ܐ݇ܢܵܐ ܡܵܪܝ ܠܐܝܼܵܠܝ. ܘܐܲܝܟܼ ܐܲܪܡܲܠܬܵܐ ܠܕܲܝܵܢܵܐ ܠܵܟܼ ܐܲܠܵܗܝ ܡܸܬܼܟܲܫܲܦ ܐ݇ܢܵܐ. ܘܓܼܵܥܹ̇ܐ ܘܲܡܒܲܓܸ̇ܢ ܐ݇ܢܵܐ ܡ̣ܢ ܚܲܫܹ̈ܐ. ܘܡܲܝܠܸܠ ܐ݇ܢܵܐ ܡ̣ܢ ܚܘܼܬܼܚܵܬܹ̈ܐ ܕܲܪ̈ܓ̣ܝܼܓܼܵܬܼܵܐ ܕܟܼܠܝܘܿܡ ܡܲܩ̱ܪܒܼܝܼܢ ܠܘܼܩܒܲܠܝ ܘܡܸܬ̇ܛܲܪܲܦ ܐ݇ܢܵܐ. ܐܸܠܵܐ ܐܲܢ݇ܬ̇ ܪܵܚܹ̇ܡ ܐ݇ܢܵܫܵܐ ܡܠܸܐ ܥܘܼܕܼܪ̈ܵܢܹܐ ܫܲܕܲܪ ܠܝܼ ܚܘܼܠܡܵܢܵܐ.
ܕܐ݇ܪ̈ܵܙܹܐ. ܒܲܡܫܝܼܚܵܐ ܐܸܬܼܝܼܠܸܕܼ. ܒܲܪܸܟܼܘ ܠܡܵܪܝܵܐ ܡܲܠܲܐܟ̣ܵܘ̈ܗܝ؛ ܡܫܲܡ̈ܫܵܢܵܘܗܝ ܕܥܵܒ̣ܕ̇ܝܼܢ ܨܸܒ̣ܝܵܢܹܗ. ܕܨܘܼܪܬܵܐ. ܘܲܣܪ̈ܵܦܝܼܢ ܩܵܝ̇ܡܝܼܢ ܠܥܸܠ ܡܸܢܹܗ. ܘܟܼܠܹܗ ܚܲܝܠܵܐ ܕܲܫܡܲܝܵܐ ܩܵܐܹ̇ܡ ܠܥܸܠ ܡܸܢܹܗ. ܟܪ̈ܘܿܒܹܐ ܘܲܣܪ̈ܵܦܹܐ ܘܪ̈ܲܒܲܝ ܡܲܠܲܐܟܹ̈ܐ. ܒܕܸܚܠܵܐ ܘܒܲܪܬܹܝܬܼܵܐ ܩܵܝ̇ܡܝܼܢ ܩܕܼܵܡ ܡܲܕܼܒ̇ܚܵܐ. ܘܚܵܝ̇ܪܝܼܢ ܒܹܗ ܒܟܼܵܗܢܵܐ ܕܩܵܨܹ̇ܐ ܘܲܡܦܲܠܸܓ̣. ܦܲܓ̣ܪܹܗ ܕܲܡܫܝܼܚܵܐ ܠܚܘܼܣܵܝܵܐ ܕܚܵܘ̈ܒܹ̇ܐ. ܬܢܝܼ؛ ܘܫܲܒܲܚ ܒܵܗ̇.
ܕܒܹܝܡ. ܡܸܢܹܗ ܘܠܹܗ. ܐ݇ܪܵܙܵܐ ܪܲܒܵܐ ܘܲܕܼܚܝܼܠܵܐ. ܕܦܲܓ̣ܪܹܗ ܘܲܕܼܡܹܗ ܕܲܡܫܝܼܚܵܐ. ܒܓܼܵܘ ܥܹܕ̇ܬܵܐ ܗܵܐ ܡܸܬܼܦܲܠܲܓ̣. ܠܚܘܼܣܵܝܵܐ ܕܚܵܘ̈ܒܹ̇ܐ ܘܲܠܦܘܼܪܩܵܢܵܐ ܕܢܲܦ̮̈ܫܵܬܲܢ܀ ܟܸܢܫܹ̈ܐ ܕܡܲܠܲܐܟܹ̈ܐ ܐܵܦ ܪܸ̈ܒ̇ܘܵܬܼܵܐ ܕܲܟܼܪ̈ܘܿܒܹܐ. ܥܲܡ ܚܲܝ̈ܠܵܘܵܬܼܵܐ ܕܲܣܪ̈ܵܦܹܐ. ܩܵܥܹ̇ܝܢ ܩܲܕ̇ܝܼܫ ܩܲܕ̇ܝܼܫ ܩܲܕ̇ܝܼܫܲܬ̇. ܡܵܪܝܵܐ ܘܐܵܡ̇ܪܝܼܢ ܗܲܠܸܠܘܼܝܲܗ.
ܒܵܬܹ̈ܐ؛ ܦܘܼܡܹ̈ܐ ܕܐ݇ܢܵܫܵܐ ܘܲܕܼܡܲܠܲܐܟܹ̈ܐ. ܢܸܩܥܘܿܢ ܫܘܼܒ̣ܚܵܐ ܠܡܲܬܼܩܸܢ ܟܠܵܐ܀ ܟܸܢܫܹ̈ܐ ܕܡܲܠܲܐܟܹ̈ܐ...܀
♱♱♱♱♱♱♱♱♱♱♱
The Assyrian Church
of the East did not yet sanction this document.
Please email any errors/corrections you may find to Fr. Lawrance Namato via Lnamato@gmail.com
|
1: This Document is typed using EastAssyrian Font. 3: Install the downloaded font. 4: Copy any part of this page and Paste into Microsoft Word, then change the font to EastAssyrian or to your favorite Assyrian font.
Qasha Lawrance Namato |