ܚܲܕܼܒ̇ܫܲܒܵܐ ܕܫܲܒ̣ܥܵܐ
ܕܨܵܘܡܵܐ
(ܥܹܐܕܼܵܐ ܗ݇ܘ̣ ܕܐܘܿܫܲܥܢܹ̈ܐ)
ܡܲܪܡܝܼܬܼܵܐ ܕܐ݇ܪ̈ܵܙܹܐ؛ ܐܹܪܲܡ̱ܪܡܵܟܼ ܡܵܪܝ ܡܲܠܟܵܐ.
ܐܲܩܲܦܬܵܐ؛ ܘܐܸܢܵܐ ܐܲܝܟܼ ܙܲܝܬܵܐ ܡܫܲܒ̇ܚܵܐ ܒܒܲܝܬܹ̇ܗ ܕܐܲܠܵܗܵܐ.
ܥܘܼܢܵܝܵܐ؛ ܣܲܒ̇ܪܹܬ̣ ܒܛܲܝܒ̇ܘܼܬܹܗ ܕܐܲܠܵܗܵܐ.
ܕܩܲܢܟܹ̇ܐ ܪܹܫ ܩܵܠܵܐ.
ܛܘܼܒܲܝܗܘܿܢ ܠܐܲܝܠܹܝܢ ܕܲܕܼܠܵܐ ܡܘܼܡ ܐܸܢܘܿܢ ܒܐܘܼܪܚܵܐ. ܠܐܲܝܠܹܝܢ ܕܲܬܼܪܝܼܨܝܼܢ ܒܠܸܒ̇ܗܘܿܢ. ܛܘܼܒ̣ܵܐ ܠܝܲܠܘܼܕܹ̈ܐ ܕܲܫ̣ܘܵܘ ܕܢܸܚܙܘܿܢ ܠܲܡܫܝܼܚܵܐ. ܟܲܕܼ ܥܵܐܹ̇ܠ ܗ݇ܘ̣ܵܐ ܠܐܘܿܪܸܫܠܸܡ. ܘܲܪܟܼܝܼܒ̣ ܥܲܠ ܥܝܼܠܵܐ ܘܲܛܠܵܝܹ̈ܐ ܒܣܵܘܟܲܝ̈ ܙܲܝܬܵܐ. ܡܫܲܒ̇ܚܝܼܢ ܩܕܼܵܡܵܘܗܝ ܟܲܕܼ ܐܵܡ̇ܪܝܼܢ. ܐܘܿܫܲܥܢܵܐ ܒܪܵܘܡܵܐ. ܐܘܿܫܲܥܢܵܐ ܠܲܒ̣ܪܹܗ ܕܕܼܵܘܝܼܕܼ. ܒܪܝܼܟܼ ܕܐܸܬ̣ܵܐ ܒܲܫܡܹܗ ܕܡܵܪܝܵܐ؛ ܬܢܝܼ؛ ܫܲܒܲܚ. ܛܠܵܝܹ̈ܐ ܛ̣ܥܲܢܘ ܣܵܘܟܹ̈ܐ ܘܲܥܠܲܝ̈ܡܵܬܼܵܐ ܟܸܢܵܪܹ̈ܐ. ܘܲܩܕܼܵܡ ܒܲܪ ܕܵܘܝܼܕܼ ܙܵܡ̇ܪܝܼܢ. ܘܲܫ̣ܡܲܥܘ ܪ̈ܘܼܚܵܢܹܐ. ܩܵܠ ܝܘܼܒܵܒ̣ܗܘܿܢ ܕܝܲܠܘܼܕܹ̈ܐ. ܘܲܩ̣ܥܵܘ ܟܠܗܘܿܢ ܟܲܕܼ ܐܵܡ̇ܪܝܼܢ. ܐܘܿܫܲܥܢܵܐ ܒܪܵܘܡܵܐ. ܐܘܿܫܲܥܢܵܐ ܠܲܒ̣ܪܹܗ ܕܕܼܵܘܝܼܕܼ. ܒܪܝܼܟܼ ܕܐܸܬܼܵܐ ܒܲܫܡܹܗ ܕܡܵܪܝܵܐ.
ܩܸܪܝܵܢܵܐ؛ ܒܪܝܼܬܼܵܐ؛ ܡܛ؛ 1‐13. 22‐27 ܚܲܒܼܪܹܗ؛ ܙܟܲܪܝܵܐ؛ ؛ܓ؛ 7‐ܕ؛ 7. 11‐ܫܘܼܠܵܡܵܐ. ܐܲܩܸܦ؛ ܙ؛ 9‐11. ܚ؛ 4‐6. 12‐20. ܐܲܩܸܦ؛ ܛ؛9 9‐13.
ܫܘܼܪܵܝܵܐ؛ ܗܵܝܕܹܝܢ ܢܫܲܒ̇ܚܘܼܢ ܟܠܗܘܿܢ ܐܝܼܠܵܢܹ̈ܐ ܕܥܵܒ̣ܵܐ؛ ܠܡܲܥܲܠܬܹ̇ܗ ܕܲܡܫܝܼܚܵܐ ܢܝܲܩܲܪ ܒܲܙܡܝܼܪ̈ܵܬܼܵܐ ܕܪܘܼܚܵܐ؛ ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀
ܦܘܼܢܵܝܵܐ؛ ܩܕܼܵܡ ܡܵܪܝܵܐ ܕܐܵܬܹ̇ܐ ܠܲܡܕܼܵܢܵܗ̇ ܠܐܲܪܥܵܐ. ܠܡܲܥܲܠܬܹ̇ܗ ܕܲܡܫܝܼܚܵܐ.. ܫܲܒܲܚ. ܠܡܲܥܲܠܬܹ̇ܗ ܕܲܡܫܝܼܚܵܐ.. ܥܵܠܲܡ؛ ܠܡܲܥܲܠܬܹ̇ܗ ܕܲܡܫܝܼܚܵܐ..
ܫܠܝܼܚܵܐ؛ ܪ̈ܗ݇ܘܿܡܵܝܹ̈ܐ؛ ܝܐ؛ 13‐25
ܙܘܼܡܵܪܵܐ؛ ܒܡܵܪܝܵܐ ܡܵܐ ܣ̣ܓ̣ܝܼܘ. ܡܵܪܝܵܐ ܡܵܪܲܢ ܡܵܐ ܡܫܲܒܲܚ ܫܡܵܟܼ ܒܟܼܠܵܗ̇ ܐܲܪܥܵܐ. ܕܝܲܗ̣݇ܒ̣ܬ̇ ܫܘܼܒ̣ܚܵܟܼ ܥܲܠ ܫܡܲܝܵܐ. ܡ̣ܢ ܦܘܼܡܵܐ ܕܲܥܠܲܝܡܹ̈ܐ ܘܕܲܛܠܵܝܹ̈ܐ. ܬܲܩܸܢ̣ܬ̇ ܬܸܫܒ̇ܘܿܚܬܵܟܼ. ܕ܀ ܡܵܢܵܘ ܓܲܒ̣ܪܵܐ ܕܐܸܬ̇ܕܲܟܲܪܬܵܝܗܝ. ܘܒܲܪܢܵܫܵܐ ܕܲܦ̣ܩܲܕ̇ܬܵܝܗܝ. ܒܲܨܲܪܬܵܝܗܝ ܩܲܠܝܼܠ ܡ̣ܢ ܡܲܠܲܐܟܹ̈ܐ. ܒܐܝܼܩܵܪܵܐ ܘܲܒ̣ܫܘܼܒ̣ܚܵܐ ܐܲܥ̣ܛܸܦܬܵܝܗܝ. ܕ܀
ܐܹܘܲܢܓܲܠܝܼܘܿܢ؛ ܡܲܬܲܝ؛ ܟܟ؛ 29‐ܟܐ؛ 23
ܕܐ݇ܪ̈ܵܙܹܐ؛ ܪܹܫ ܩܵܠܵܐ.
ܡܵܪܝܵܐ ܡܵܪܲܢ ܡܵܐ ܡܫܲܒܲܚ ܫܡܵܟܼ ܒܟܼܠܵܗ̇ ܐܲܪܥܵܐ. ܘܠܸܫܵܢܗܘܿܢ ܐܲܝܟܼ ܣܲܝܦܵܐ ܚܲܪܝܼܦܵܐ. ܕܢܸܫܬܲܥܘܿܢ ܒܨܸܗܝܘܿܢ ܫܡܹܗ ܕܡܵܪܝܵܐ. ܟܲܕܼ ܫܲܒ̣ܪܹ̈ܐ ܕܥܸܒ̣ܪ̈ܵܝܹܐ ܠܥܸܠ ܡ̣ܢ ܟܝܵܢܵܐ ܡܲܠܸܠ̣ܘ. ܘܲܠܠܵܐ ܗܲܝܡܵܢܘܼܬܼܵܐ ܕܐܲܒ̣ܵܗܲܝ̈ܗܘܿܢ ܡܲܟ̇ܣܝܼܢ ܗ݇ܘ̣ܵܘ. ܘܲܠܗܵܘ̇ ܕܥܲܠ ܥܝܼܠܵܐ ܝܵܬܹ̇ܒ̣ ܗ݇ܘ̣ܵܐ. ܐܲܝܟܼ ܗܵܘ̇ ܕܥܲܠ ܬܪܘܿܢܘܿܣ ܡܸܙܕܲܝܲܚ ܗ݇ܘ̣ܵܐ. ܒܬܸܕܼܡܘܼܪܬܵܐ ܡܩܲܠܣܝܼܢ ܗ݇ܘ̣ܵܘ. ܘܥܲܡܗܘܿܢ ܐܵܦ ܚܢܲܢ ܩܵܥܹܝ̇ܢܲܢ. ܐܘܿܫܲܥܢܵܐ ܒܲܡܪ̈ܵܘܡܹܐ. ܡܒܲܪܲܟܼ ܗ݇ܘ̣ ܗܵܘ̇ ܕܐܸܬ̣ܵܐ ܘܲܥܬܼܝܼܕܼ ܕܢܹܐܬܸܐ ܒܲܫܡܹܗ ܕܡܵܪܝܵܐ ܒܫܘܼܒ̣ܚܵܐ ܪܲܒܵܐ. ܘܢܸܦܪܘܿܩ ܢܲܦ̮̈ܫܵܬܼܵܐ ܕܟܼܠܲܢ؛ ܬܢܝܼ. ܘܫܲܒܲܚ ܒܵܗ̇.
ܕܒܹܝܡ؛ ܥܘܼܢܵܝܵܐ. ܒܩܵܠ ܬܵܘ ܟܠܲܢ ܐܲܟܲܚ݇ܕܼ ܢܙܲܝܚܝܼܘܗܝ. ܥܘܼܢܵܝܵܐ. ܣ̣ܘܲܚܘ ܥܲܡܡܹ̈ܐ ܠܡܸܣܲܒ̣ ܒܗܲܝܡܵܢܘܼܬܼܵܐ. ܠܡܵܘܗܲܒܼܬܼܵܐ ܕܐ݇ܪ̈ܵܙܹܐ ܕܣܝܼܡܵܐ ܩܕܼܵܡܲܝܢ. ܦܲܓ̣ܪܵܐ ܗ݇ܘ̣ ܕܐܸܬܼܩܨܝܼ ܚܠܵܦ ܦܘܼܪܩܵܢܲܢ. ܘܲܕܼܡܵܐ ܗ݇ܘ̣ ܕܲܕܼܝܵܬܹܩܹܐ ܕܐܸܬܼܐ̱ܫܸܕܼ ܚܠܵܦܲܝܢ. ܗܵܕܲܐ ܗ݇ܝܼ ܓܡܘܼܪܬܵܐ ܡܲܚܝܵܢܝܼܬܼܵܐ ܕܩܸܪܒܲܬܸ ܠܲܢܒ̣ܝܼܵܐ. ܘܐܸܬܼܚܲܣܝܼ ܒܵܗ̇ ܡ̣ܢ ܚܵܘܒܵܘ̈ܗܝ ܘܲܚܛܵܗܵܘ̈ܗܝ. ܬܵܘ ܟܠܲܢ ܒܲܙܗܝܼܪܘܼܬܼܵܐ ܘܲܒܼܩܲܕܝܼܫܘܼܬܼܵܐ ܢܸܬܼܩܲܪܲܒ̣ ܠܹܗ. ܘܥܲܡ ܡܠܲܐܟܹ̈ܐ ܪ̈ܘܼܚܵܢܹܐ ܘܲܣܪ̈ܵܦܹܐ ܩܲܕ̇ܝܼܫܹ̈ܐ܀ ܒܲܚܕܼܵܐ ܒܲܪ݇ܬ̣ ܩܵܠܵܐ ܒܐܵܘܝܘܼܬܼܵܐ. ܢܫܲܒܲܚ ܠܹܗ ܘܢܹܐܡܲܪ ܗܲܠܸܠܘܼܝܲܗ.
ܒܵܬܹ̈ܐ؛ ܢܹܐܣܘܿܪ ܒܲܓ̣ܦܸܬܵܐ ܥܝܼܠܹܗ. ܘܲܒܼܫܲܒ̇ܘܼܩܵܐ ܒܲܪ ܐܲܬܵܢܹܗ܀ ܒܲܚܕܼܵܐ ܒܲܪ݇ܬ̣ ܩܵܠܵܐ ܒܐܵܘܝܘܼܬܼܵܐ. ܢܫܲܒܲܚ ܠܹܗ ܘܢܹܐܡܲܪ ܗܲܠܸܠܘܼܝܲܗ܀ ܢܚܵܘܲܪ ܒܚܲܡܪܵܐ ܠܒ̣ܘܼܫܹܗ. ܘܒܲܕܼܡܵܐ ܕܥܸܢܒܹ̈ܐ ܬܲܟܼܣܝܼܬܹܗ܀ ܒܲܚܕܼܵܐ ܒܲܪ݇ܬ̣ ܩܵܠܵܐ ܒܐܵܘܝܘܼܬܼܵܐ. ܢܫܲܒܲܚ ܠܹܗ ܘܢܹܐܡܲܪ ܗܲܠܸܠܘܼܝܲܗ܀ ܙܵܪ̈ܓܵܢ ܥܲܝܢܵܘ̈ܗܝ ܡ̣ܢ ܚܲܡܪܵܐ ܘܚܸܘܵܪ̈ܵܢ ܫܸܢܵܘ̈ܗܝ ܡ̣ܢ ܚܲܠܒ̣ܵܐ܀ ܒܲܚܕܼܵܐ ܒܲܪ݇ܬܼ ܩܵܠܵܐ ܒܐܵܘܝܘܼܬܼܵܐ. ܢܫܲܒܲܚ ܠܹܗ ܘܢܹܐܡܲܪ ܗܲܠܸܠܘܼܝܲܗ.
ܕܦܲܓ̣ܪܵܟܼ ܘܲܕܼܡܵܟܼ. ܛܠܵܝܹ̈ܐ ܫܲܒ̇ܚܘܼܗܝ ܒܐܘܿܫܲܥܢܲܝ̈ܗܘܿܢ. ܘܝܲܒܸ̇ܒܼܘ ܫܘܼܒ̣ܚܵܐ ܠܐܲܒ̣ܵܐ ܕܫܲܠ̣ܚܹܗ܀ ܒܪܝܼܟ̣ܘܼ ܡܫܝܼܚܵܐ ܕܡ̣ܢ ܒܹܝܬܼ ܕܵܘܝܼܕܼ. ܐܸܬ̣ܵܐ ܒܚܘܼܒܹ̇ܗ ܘܦܲܪܩܹܗ ܠܓܸܢܣܲܢ܀ ܒܗܵܢܵܐ ܝܵܘܡܵܐ ܛ̣ܥܲܢܘ ܗ݇ܘ̣ܵܘ ܛܠܵܝܹ̈ܐ. ܣܵܘܟܲܝ̈ ܙܲܝܬܵܐ ܘܲܢ̣ܦܲܩܘ ܠܐܘܼܪܥܹܗ.
♱♱♱♱♱♱♱♱♱