ܚܲܕܼܒ̇ܫܲܒܵܐ ܕܫܲܒ̣ܥܵܐ ܕܲܫܠܝܼܚܹ̈ܐ

 

   ܡܲܪܡܝܼܬܼܵܐ ܕܐ݇ܪ̈ܵܙܹܐ؛ ܐܹܪܲܡ̱ܪܡܵܟܼ ܡܵܪܝ ܡܲܠܟܵܐ. 

 

   ܕܩܲܢܟܹ̇ܐ܀ ܒܚܲܕܼܘܼ ܚܲܝܠܵܐ. ܩܕܼܵܡ ܟܠܹܗ ܥܲܡܵܐ؛ ܩܲܕ̇ܝܼܫܘܼ ܘܲܕܼܚܝܼܠ ܫܡܹܗ. ܩܲܕ̇ܝܼܫܵܐ ܕܲܒ̣ܩܲܕ̇ܝܼܫܹ̈ܐ ܨܸܒܼܝܵܢܹܗ ܡܸܬ̇ܬ̇ܢܝܼܚ. ܚܲܣܵܐ ܡܵܪܝ ܣܲܟܼܠ̈ܘܵܬܼܵܐ ܘܲܚܛܵܗܹ̈ܐ ܕܥܲܒ̣ܕܲܝ̈ܟ؛ ܬܢܝܼ؛ ܫܲܒܲܚ. ܚܲܕܼܘܼ ܚܲܝܠܵܐ ܕܡܸܫܬܲܒܲܚ ܒܲܫܡܲܝܵܐ ܘܒܲܐܪܥܵܐ. ܕܐܲܒ̣ܵܐ ܘܲܒ̣ܪܵܐ ܘܲܕܼܪܘܼܚܩܘܼܕܼܫܵܐ.

 

ܩܸܪܝܵܢܵܐ؛  ܬܸܢܝܵܢ ܢܵܡܘܿܣܵܐ؛ ܕ؛ 10‐25܀ ܚܲܒ̣ܪܹܗ؛ ܐܹܫܲܥܝܵܐ؛ ܗ؛ 8‐26

 

   ܫܘܼܪܵܝܵܐ؛ ܚ܀ ܐܲܪܝܼܡ̣ ܐܝܼܕܹܗ ܥܠܲܝܗܘܿܢ ܕܢܵܘܒܸ̇ܕܼ ܐܸܢܘܿܢ ܒܲܥܡܡܹ̈ܐ‌* ܘܲܢܒܲܕܲܪ ܙܲܪܥ̱ܗܘܿܢ ܒܥܲܡܡܹ̈ܐ‌* ܘܢܵܘܒܸ̇ܕ ܐܸܢܘܿܢ ܒܐܲܪ̈ܥܵܬܼܵܐ‌* ܥܲܠ ܕܐܸܬܼܢܲܩܲܦܘ ܠܲܦܬܲܟܼܪܹ̈ܐ ܕܲܦܥܘܿܪ‌* ܘܐܸܟܲܠ̣ܘ ܕܸܒ̣ܚܹ̈ܐ ܕܡܝܼܬܹ̈ܐ‌* ܘܐܲܪܓܿܙ̣ܘܼܗ‌ܝ ܒܲܥܒ̣ܵܕܲܝ̈ܗܘܿܢ ܘܒܲܦܬܲܟܼܪ̈ܲܝܗܘܿܢ ܐܲܛ̣ܢܘܼܗ‌ܝ‌* ܘܐܲܥ̣ܫܸܢ ܥܠܲܝܗܘܿܢ ܡܵܘܬܵܢܵܐ ܡ̣ܢ ܫܸܠܝܵܐ‌* ܩܵܡ̣ ܦܝܼܢܚܸܣ ܘܨܲܠܝܼ ܘܐܸܬܼܟ̇ܠܝܼ ܡܵܘܬܵܢܵܐ‌*

   ܫܠܝܼܚܵܐ؛  ܐ؛ ܩܘܿܪ̈ܲܢܬܼܵܝܹܐ؛ ܝܗ؛ 58‐ܝܘ؛ ܫܘܼܠܵܡܵܐ

 

ܙܘܼܡܵܪܵܐ. ܒܛܘܼܒܲܝܗܘܿܢ. ܩܪܹܝ̇ܬܼܵܟܼ ܡ̣ܢ ܟܠܹܗ ܠܹܒ̇ܝ ܡܵܪܝܵܐ ܥܢܝܼܢܝ ܘܐܸܛܲܪ ܦܘܼܩܕܵܢܲܝ̈ܟ. ܩܪܹܝ̇ܬܼܵܟܼ ܦܪܘܿܩܲܝܢܝ ܘܐܸܛܲܪ ܣܵܗܕ̇ܘܼܬܼܵܟܼ. ܒ܀ ܩܲܕܸ̇ܡ ܥܲܝܢܲܝ̈ ܠܡܲܜܲܪܬܵܐ ܕܐܸܪܢܸܐ ܒܡܸܠܬܼܵܟܼ. ܫܡܲܥ ܩܵܠܝ ܡܵܪܝܵܐ ܐܲܝܟܼ ܪ̈ܲܚܡܲܝܟ ܘܲܒܼܕܼܝܼܢܲܝ̈ܟ ܐܲܚܵܢܝ. ܩ̣ܪܸܒ̣ܘ ܪ̈ܵܕܼܘܿܦܲܝ ܕܥܵܘ̣ܠܵܐ ܘܡ̣ܢ ܢܵܡܘܿܣܵܟܼ ܐܸܬܼܪܲܚܲܩܘ. ܓ܀

 

    ܐܹܘܲܢܓܲܠܝܼܘܿܢ؛  ܠܘܼܩܵܐ؛ ܝܓ؛ 22‐ܫܘܼܠܵܡܵܐ

 

  ܕܐܹܘܲܢܓܲܠܝܼܘܿܢ. ܒܙܲܝܢܵܐ ܕܪܘܼܚܵܐ. ܠܵܟܼ ܡܵܪܝܵܐ ܩܪܹܝ̇ܬܼ ܐܲܠܵܗ‌ܝ ܠܵܐ ܬܸܫܬ̇ܘܿܩ ܡܹܢܝ. ܩܪܹܝ̇ܬܼܵܟܼ ܡܵܪܝܵܐ ܒܟܼܠܝܘܿܡ. ܕܨܘܼܪܬܵܐ. ܐܸܬܼܦܲܢ ܥܲܠ ܨܠܘܿܬܹܗ ܕܥܲܒ̣ܕܵܟܼ ܘܥܲܠ ܒܵܥܘܼܬܹܗ ܡܵܪܝܵܐ ܐܲܠܵܗ‌ܝ. ܠܵܟܼ ܩܵܪܹܐ ܐ݇ܢܵܐ ܒܲܚܢܲܓ̣ܬܼܵܐ. ܡܵܪܵܐ ܕܨܵܒܹ̇ܐ ܒܬܲܝܵܒܹ̈ܐ. ܦܬܲܚ ܠܝܼ؛ ܬܲܪܥܵܐ ܕܪ̈ܲܚܡܹܐ ܕܐܸܥܘܿܠ ܘܐܸܣܓܿܘܿܕܼ. ܘܐܸܒ̣ܥܸܐ ܘܐܲܦܝܼܣ ܥܲܠ ܚܵܘܒܲܝ̈܀ ܠܵܐ ܡܵܪܝ ܬܹܐܚܘܿܕܼ. ܬܲܪܥܹܗ ܪܲܒܵܐ ܕܲܚܢܵܢܵܟܼ. ܕܥܵܐ̇ܠܝܼܢ ܒܹܗ ܚܲܛܵܝܹ̈ܐ. ܕܢܸܬܼܚܲܣܘܿܢ ܡ̣ܢ ܚܵܘܒܲܝ̈ܗܘܿܢ. ܘܢܸܗܘܘܿܢ ܝܵܪ̈ܬܹ̇ܐ ܕܛܵܒ̣̈ܵܬܼܵܐ܀ ܡܫܝܼܚܵܐ؛ ܐܵܣܝܵܐ ܡܲܐܣܸܐ ܟܠ ܟܹܐܒ̣ܝܼ̈ܢ. ܗܲܒ̣ ܠܵܗ̇ ܐܝܼܕܼܵܐ ܠܲܡܚܝܼܠܘܼܬܼܝ ܘܪܲܚܸܡ ܥܠܲܝ؛ ܬܢܝܼ؛ ܫܲܒܲܚ. ܒܡܲܪܝܼܪ ܕܝܼܢܵܐ. ܡܵܪܲܢ ܡܵܪܲܢ ܦܬܲܚ ܠܲܢ ܕܢܸܥܘܿܠ ܩܵܥܹ̇ܝܢ ܟܠܗܘܿܢ ܚܲܛܵܝܹ̈ܐ. ܘܲܡܦܲܢܸܐ ܠܗܘܿܢ ܚܲܬܼܢܵܐ ܫܒ̣ܝܼܚܵܐ ܕܠܵܐ ܝܵܕܲܥ̇ ܐ݇ܢܵܐ ܡܲܢ ܐܲܢ݇ܬ̇ܘܿܢ. ܐܸܬ̇ܬ̇ܥܝܼܪܘ ܐܲܚܲܝ̈ ܘܩܘܼܡܘ ܨܲܠܵܘ. ܥܲܕܼ ܐܝܼܬܼ ܐܲܬܼܪܵܐ ܠܲܬܼܘܵܬܼܵܐ ܘܕܸܡܥܹ̈ܐ ܠܲܦܝܵܣܵܐ.

 

   ܕܐ݇ܪ̈ܵܙܹܐ؛ ܒܲܡܫܝܼܚܵܐ ܐܸܬ̣ܝܼܠܸܕܼ. ܐܲܝܢܵܐ ܕܕܲܟ̣̈ܝܵܢ ܐܝܼܕܼܵܘܗ‌ܝ ܘܲܓܼܒܸܐ ܒܠܸܒܹ̇ܗ. ܕܡܵܪܝܵܐ ܐܲܚܝܼܕܼ ܒܐܝܼܕܹܗ. ܕܲܕܼܠܵܐ ܡܘܼܡ ܥܒ̣ܵܕܼܵܘ̈ܗ‌ܝ. ܕܨܘܼܪܬܵܐ. ܩܘܼܪܒܵܢܵܐ ܡܩܲܪܸܒ̣ ܠܐܲܠܵܗܵܐ. ܘܟܼܠܹܗ ܚܲܝܠܵܐ ܕܲܫܡܲܝܵܐ ܩܵܐܹ̇ܡ ܠܥܸܠ ܡܸܢܹܗ. ܟܵܗܢܵܐ ܡܵܐ ܕܥܵܐܹ̇ܠ ܩܕܼܵܡ ܡܲܕܼܒܲܚ ܩܘܼܕܼܫܵܐ. ܐܝܼܕܼܵܘ̈ܗ‌ܝ ܕܲܟܼܝܵܐܝܼܬܼ ܦܵܫܹ̇ܛ ܠܲܫܡܲܝܵܐ. ܘܲܡܙܲܡܸܢ ܠܪܘܼܚܵܐ ܘܢܵܚ̇ܬܵܐ ܡ̣ܢ ܪܵܘܡܵܐ. ܘܲܡܩܲܕ̇ܫܵܐ ܦܲܓ̣ܪܹܗ ܘܲܕܼܡܹܗ ܕܲܡܫܝܼܚܵܐ؛ ܬܢܝܼ. ܘܫܲܒܲܚ ܒܵܗ̇.

 

   ܕܒܹܝܡ؛ ܥܘܼܢܵܝܵܐ. ܒܲܫܒ̣ܝܼܚܘܼ ܝܵܘܡܹܗ. ܡܠܸܟܼ ܡܲܠܟܹ̈ܐ ܫܡܲܝܵܢܵܐ. ܕܸܒ̣ܚ̱ܬܼܵܐ ܚܲܝܬܼܵܐ ܘܩܲܕ̇ܝܼܫܬܵܐ. ܠܵܟܼܘܼ ܡܩܲܪܒ̣ܝܼܢܲܢ. ܩܲܒܸ̇ܠ ܡ̣ܢ ܥܲܒ̣ܕܲܝ̈ܟ. ܠܵܟܼ ܓܹܝܪ ܗܵܐ ܡܝܲܒܸܒ̣ ܪܘܼܚܵܦܵܐ ܕܡܲܠܲܐܟܹ̈ܐ. ܘܟܸܢܫܹ̈ܐ ܕܲܟܼܪ̈ܘܿܒܹܐ ܐܵܦ ܕܲܣܪ̈ܵܦܹܐ. ܒܩܵܠܹ̈ܐ ܕܠܵܐ ܫܲܠܘܵܐ ܡܩܲܕ̇ܫܝܼܢ ܠܐܝܼܩܵܪܵܟܼ܀ ܘܲܚܢܲܢ ܐܲܪ̈ܥܵܢܹܐ ܣܲܝܒܵܪܬܵܐ ܚܲܝܬܼܵܐ. ܢܸܣܲܒ̣ ܘܲܢܫܲܒܲܚ. ܘܲܢܩܲܠܸܣ ܘܲܢܗܲܕܲܪ ܘܲܢܪܲܡܪܸܡ ܘܢܹܐܡܲܪ. ܗܲܠܸܠܘܼܝܲܗ.

ܒܵܬܹ̈ܐ. ܩܵܐܹ̇ܡ ܟܵܗܢܵܐ ܘܩܵܪܹܐ ܠܵܗ̇. ܠܪܘܼܚܵܐ ܕܩܘܼܕܼܫܵܐ ܟܲܣܝܵܐܝܼܬܼ. ܘܐܵܦ ܗܸܝ ܢܵܚ̇ܬܵܐ ܡ̣ܢ ܪܵܘܡܵܐ. ܘܐܵܬܼܝܵܐ ܠܘܵܬܹܗ ܒܬܸܫܒ̇ܘܿܚܬܵܐ܀ ܘܲܚܢܲܢ ܐܲܪ̈ܥܵܢܹܐ..

 

♱♱♱♱♱♱♱♱♱♱♱

 

The Assyrian Church of the East did not yet sanction this document.
Please email any errors/corrections you may find to Fr. Lawrance Namato via
Lnamato@gmail.com

 

1: This Document is typed using EastAssyrian Font.
2:
 Download the EastAssyrian Font

3: Install the downloaded font.

4: Copy any part of this page and Paste into Microsoft Word, then change the font to EastAssyrian or to your favorite Assyrian font.

 

Qasha Lawrance Namato