ܡܲܪܡܝܼܬܼܵܐ ܕܐ݇ܪ̈ܵܙܹܐ. ܫܲܒܲܚܘ ܠܡܵܪܝܵܐ ܬܸܫܒ̇ܘܿܚܬܵܐ ܚܕܲܬܵܐ.
ܥܘܿܢܝܼܬܼܵܐ ܕܩܲܢܟܹ̇ܐ. ܒܩܵܠ؛ ܣܵܗܕܹ̈ܐ ܒܪ̈ܝܼܟܹܐ.
ܝܲܗ̣݇ܒ̣ܬ̇ ܠܕܼܵܚܠܲܝ̈ܟ ܐܵܬ݀ܵܐ؛ ܪܲܒܿܘܼ ܡܵܪܲܢ ܘܲܡܫܲܒܲܚ ܪܵܘܪ̱ܒ̣ܵܐܝܼܬܼ. ܪܲܒܵܐ ܗ݇ܝܼ ܡܵܘܗܲܒ̣ܬܼܵܟܼ ܕܲܠܘܵܬ̣ ܡܵܝܘܿܬܹ̈ܐ ܡܵܪܵܐ ܡܪܲܚܡܵܢܵܐ. ܒܡܲܝ̈ܵܐ ܪܘܼܚܵܟܼ ܐܲܠ̣ܒܸ̇ܫܬܵܢ. ܒܠܲܚܡܵܐ ܦܲܓ̣ܪܵܟܼ ܐܵܘܟܸ̇ܠ̣ܬܲܢ. ܘܒܲܕܼܡܵܟܼ ܚܲܝܵܐ ܩܲܕܸܫ̣ܬܵܢ. ܘܥܲܡ ܪ̈ܘܼܚܵܢܹܐ ܚܲܠܸܛ̣ܬܵܢ. ܘܡ̣ܢ ܐܲܪܥܵܐ ܠܪܵܘܡܵܐ ܐܲܣܸܩ̣ܬܵܢ. ܬܢܝܼ؛ ܫܲܒܲܚ. ܨܠܝܼܒܹܗ ܕܲܡܫܝܼܚܵܐ ܩܲܛ̣ܠܵܗ̇ ܠܲܚܛܝܼܬܼܵܐ ܕܩܸܛܠܲܬܸ ܠܲܟܼܝܵܢܲܢ. ܘܲܬ̣ܗܲܪܘ ܟܸܢܫܹ̈ܐ ܕܚܲܙܵܝܹ̈ܐ. ܒܙܵܟܼܘܼܬܼܵܐ ܕܲܒܼܪܹܫ ܩܲܝܣܵܐ. ܕܲܙܟܼܵܐ ܠܲܬܼܪܹܝܢ ܚܲܣܝܼܢܝܼ̈ܢ. ܓܲܒ̣ܪܵܐ ܕܐܸܬ̇ܬ̇ܠܝܼ ܒܲܙܩܝܼܦܵܐ. ܠܣܵܛܵܢܵܐ ܘܡܵܘܬܵܐ ܡܚܲܒܿܠܵܢܵܐ.
ܩܸܪܝܵܢܵܐ. ܬܸܢܝܵܢ ܢܵܡܘܿܣܵܐ؛ ܟܕ؛9‐ܫܘܼܠܵܡܵܐ ܚܲܒ̣ܪܹܗ. ܐܹܫܲܥܝܵܐ؛ ܣܓ؛7‐17
ܫܘܼܪܵܝܵܐ.ܘ܀ ܐܲܝܬܵܘ ܠܡܵܪܝܵܐ ܒܢܲܝ̈ ܕܸܟ̣ܪܹ̈ܐ* ܐܲܝܬܵܘ ܠܡܵܪܝܵܐ ܫܘܼܒ̣ܚܵܐ ܘܐܝܼܩܵܪܵܐ* ܐܲܝܬܵܘ ܠܡܵܪܝܵܐ ܐܝܼܩܵܪܵܐ ܠܲܫܡܹܗ* ܣܓ̣ܘܿܕܼܘ ܠܡܵܪܝܵܐ ܒܕܼܵܪܬܵܐ ܕܩܘܼܕܼܫܹܗ* ܩܵܠܹܗ ܕܡܵܪܝܵܐ ܥܲܠ ܡܲܝ̈ܵܐ* ܐܲܠܵܗܵܐ ܡܫܲܒܚܵܐ ܪܥܸܡ̣*
ܫܠܝܼܚܵܐ. ܥܸܒ̣ܪ̈ܵܝܹܐ؛ ܚ؛ 1‐ܛ؛11.
ܙܘܼܡܵܪܵܐ. ܒܲܨܠܝܼܒ̣ܵܟܼ܀ ܐܵܘܕܸ̇ܐ ܠܵܟܼ ܕܲܥ̣ܢܲܝܬܵܢܝ ܘܲܗ݀ܘܲܝܬ̇ ܠܝܼ ܦܵܪܘܿܩܵܐ. ܟܹܐܦܵܐ ܕܐܲܣ̣ܠܝܼܘ ܒܲܢܵܝܹ̈ܐ. ܗܸܝ ܗܘܸܵܬ̣ ܠܪܹܫܹܗ ܕܒܸܢܝܵܢܵܐ. ܓ܀ ܗܵܢܵܘ ܝܵܘܡܵܐ ܕܲܥ̣ܒܲܕܼ ܡܵܪܝܵܐ. ܬܵܘ ܢܕܼܘܼܨ ܘܢܸܚܕܸ̇ܐ ܒܹܗ. ܐܘܿ ܡܵܪܝܵܐ ܦܪܘܿܩܲܝܢܝ ܐܘܿ ܡܵܪܝܵܐ ܦܲܨܵܢܝ. ܒܪܝܼܟ̣ܘܼ ܕܐܵܬܹܐ ܒܲܫܡܹܗ ܕܡܵܪܝܵܐ. ܕ܀
ܐܹܘܲܢܓܲܠܝܼܘܿܢ. ܝܘܿܚܲܢܵܢ؛ ܓ؛22‐ܕ؛4
ܥܘܿܢܝܼܬܼܵܐ ܕܐ݇ܪ̈ܵܙܹܐ. ܒܩܵܠ؛ ܡܵܪܝܵܐ ܕܟ̣ܠܵܐ. ܠܘܵܬܼܵܟܼ ܡܵܪܝܵܐ ܢܲܦ̮ܫܝ ܐܲܪܝܼܡܹ̇ܬ̣. ܠܘܵܬܼܵܟ ܟܠ ܒܣܲܪ ܢܹܐܬܹܐ. ܥܲܝܢܹ̈ܐ ܕܟ̣ܠܢܵܫ ܠܘܵܬܼܵܟܼ ܬܲܠܝ̈ܵܢ. ܠܘܵܬܼܵܟܼ ܡܵܪܝ ܢܹܐܬܹܐ ܟܠ ܒܣܲܪ. ܕܫܘܼܒ̣ܩܵܢ ܚܵܘܒܹ̈ܐ ܠܟ̣ܠ ܝܵܗ݇ܒܲܬ̇. ܒܙܘܿܦܵܐ ܕܝܼܠܵܟܼ ܢܸܬܼܚܵܘܪܘܼܢ. ܦܲܓ̣ܪܹ̈ܐ ܕܲܚܛܝܼܬܼܵܐ ܟܲܬ̇ܡܲܬܸ. ܬܵܘ ܡܵܝܘܿܬܹ̈ܐ ܛܥܝܼܢܲܝ̈ ܡܵܘܒ̇ܠܹ̈ܐ. ܐܲܢܝܼܚܘ ܝܘܼܩܪܵܐ ܕܚܵܘܒܲܝ̈ܟ̇ܘܿܢ. ܘܣܲܒܼܘ ܘܐܸܬܼܚܲܣܵܘ ܡ̣ܢ ܡܲܕܼܒ̇ܚܵܐ. ܓܡܘܼܪܬܵܐ ܕܠܲܢܒ̣ܝܼܵܐ ܚܲܣܝܲܬܸ. ܬܢܝܼ. ܫܲܒܲܚ ܒܵܗ̇.
ܕܒܹܝܡ. ܒܩܵܠ. ܗܵܐ ܒܓܼܵܘ ܥܹܕ̇ܬܵܐ. ܥܘܼܢܵܝܵܐ. ܗܵܐ ܦܵܬܼܘܿܪܵܐ ܡܠܸܐ ܛܘܼܒܹ̈ܐ ܒܐ݇ܪܵܙܵܐ ܡܲܬ̣ܩܲܢ. ܥܝܼܪܹ̈ܐ ܒܪܵܘܡܵܐ ܘܟ̣ܵܗܢܹ̈ܐ ܒܥܹܕ̇ܬܵܐ ܡܙܲܝܚܝܼܢ ܠܹܗ ܒܕܸܚܠܵܐ܀ ܡܸܟܹ̇ܝܠ ܐܘܿ ܡܵܝܘܿܬܹ̈ܐ ܛܥܝܼܢܲܝ̈ ܡܘܼܒ̇ܠܹ̈ܐ. ܐܲܢܝܼܚܘ ܡܸܢܟ̣ܘܿܢ ܝܘܼܩܪܵܐ ܕܚܵܘܒܲܝ̈ܟ̇ܘܿܢ. ܣܲܒ̣ܘ ܘܐܸܬܼܚܲܣܵܘ ܘܲܩܢܵܘ ܚܲܝܹ̈ܐ. ܘܫܲܒܲܚܘ ܠܲܡܫܝܼܚܵܐ ܘܝܲܒܸ̇ܒܼܘ ܘܐܸܡܲܪܘ ܗܲܠܸܠܘܼܝܲܗ.
ܒܵܬܹ̈ܐ؛ ܬܵܘ ܢܵܘܕܸ̇ܐ ܠܹܗ ܠܝܼܫܘܿܥ ܡܲܠܟܲܢ. ܕܐܸܬ̣ܵܐ ܒܚܘܼܒܹ̇ܗ ܘܦܲܪܩܹܗ ܠܓܸܢܣܲܢ܀ ܡܸܟܹ̇ܝܠ ܐܘܿ ܡܵܝܘܿܬܹ̈ܐ...܀