ܚܲܕܒ̇ܫܲܒܵܐ. ܓ ܕܲܨܠܝܼܒ̣ܵܐ. ܘ ܕܐܹܠܝܼܵܐ
ܡܲܪܡܝܼܬܼܵܐ ܕܐ݇ܪ̈ܵܙܹܐ؛ ܫܲܒܲܚܘ ܠܡܵܪܝܵܐ ܬܸܫܒ̇ܘܿܚܬܵܐ ܚܕܲܬܵܐ.
ܕܩܲܢܟܹ̇ܐ؛ ܒܠܵܟܼܘܼ ܩܵܪܹܝ̇ܢܲܢ. ܘܐܸܡܲܪ ܦܸܠ̈ܐܵܬܼܵܐ ܕܡ̣ܢ ܩܕܼܝܼܡ؛ ܙܲܕܝܼܩܵܐ ܘܲܬܼܪܝܼܨܵܐ. ܐ݇ܪܵܙܵܐ ܕܨ̣ܵܪ ܝܵܘܢܵܢ ܒܥܘܼܡܩܵܘ̈ܗܝ ܕܲܬܼܗܘܿܡܵܐ. ܫܩܲܠ̣ ܗ݇ܘ̣ܵܐ ܫܘܼܠܵܡܵܐ؛ ܬܢܝܼ؛ ܘܫܲܒܲܚ ܒܵܗ̇.
ܩܸܪܝܵܢܵܐ. ܬܸܢܝܵܢ ܢܵܡܘܿܣܵܐ ܛ؛ 13‐23 ܚܲܒ̣ܪܹܗ؛ ܐܹܫܲܥܝܵܐ ܟܘ؛ 1‐20
ܫܘܼܪܵܝܵܐ. ܕ܀ ܡܸܛܠ ܕܐܲܠܵܗܵܐ ܗ݇ܘ̣ ܕܲܝܵܢܵܐ* ܠܗܵܢܵܐ ܡܫܲܦܸܠ ܘܲܠܗܵܢܵܐ ܡܪܝܼܡ* ܡܸܛܠ ܕܟܼܵܣܵܐ ܒܐܝܼܕܹܗ ܕܡܵܪܝܵܐ* ܘܲܡܠܸܐ ܡܙܵܓ̣ܵܐ ܕܚܲܡܪܵܐ ܬܛܝܼܪܵܐ*
ܫܠܝܼܚܵܐ؛ ܦܝܼܠܝܼܦܣܵܝܹ̈ܐ ܕ؛ 4‐ܫܘܼܠܵܡܵܐ
ܙܘܼܡܵܪܵܐ؛ ܒܛܘܼܒܲܝܗܘܿܢ. ܡܵܪܝܵܐ ܢܸܪܥܹܝܢܝ ܘܡܸܕܸܡ ܠܵܐ ܢܚܲܣܲܪ ܠܝܼ. ܘܥܲܠ ܡܲܪ̈ܓܹܐ ܕܥܘܼܫܢܵܐ ܢܲܫܪܹܝܢܝ. ܘܥܲܠ ܡܲܝ̈ܵܐ ܢܝܼܚܹ̈ܐ ܢܕܲܒ̇ܪܲܢܝ. ܓ܀ ܢܲܦ̮ܫܝ ܐܲܦ̣ܢܝܼ ܘܕܲܒܿܪܲܢܝ ܒܲܫܒ̣ܝܼܠܲܝ̈ ܩܘܼܫܬܵܐ. ܡܸܛܠ ܫܡܵܟܼ ܐܵܦܸܢ ܐܹܗܲܠܸܟܼ. ܒܢܲܚܠܲܝ̈ ܛܸܠܵܠܲܝ̈ ܡܵܘܬܵܐ. ܓ܀
ܐܹܘܲܢܓܲܠܝܼܘܿܢ؛ ܡܲܬܲܝ ܝܗ؛ 21‐39
ܕܐܹܘܲܢܓܲܠܝܼܘܿܢ. ܒܲܫܠܝܼܚܹ̈ܐ ܓܒܲܝ̈ܵܐ. ܐܸܬܼܟܲܪܗܲܬܸ ܘܐܲܢ݇ܬ̇ ܬܲܩܸܢܬܵܗ̇؛ ܡܸܛܠ ܕܲܡܛܵܐ ܙܲܒ̣ܢܵܐ ܠܲܡܪܲܚܵܡܘܼ ܥܠܹܝܗ̇. ܕܨܘܼܪܬܵܐ. ܘܗܵܐ ܐܲܢ݇ܬ̇ܬܼܵܐ ܟܢܲܥܢܵܝܬܵܐ ܡ̣ܢ ܬܚܘܼܡܹ̈ܐ ܗܵܢ̇ܘܿܢ. ܐܲܢ݇ܬ̇ܬܼܵܐ ܟܢܲܥܢܵܝܬܵܐ ܒܚܲܫܵܐ ܩܵܥ̇ܝܵܐ ܗ݇ܘ̣ܵܬܼ ܘܐܵܡ̇ܪܵܐ. ܒܪܹܗ ܕܕܼܵܘܝܼܕܼ ܐܸܬ̣ܪܲܚܲܡ ܥܠܲܝ. ܒܪܲܬ̣ܝ ܒܝܼܫܵܐܝܼܬܼ ܡܸܬܿܕܲܒܼܪܵܐ ܡ̣ܢ ܫܹܐܕܼܵܐ؛ ܘܠܵܐ ܡܵܨ̇ܝܵܐ ܕܲܬ̇ܛܲܫܹܝܘܗܝ ܠܹܗ ܠܗܵܢܵܐ ܟܹܐܒܼܵܐ. ܡܦܲܪܣܸܐ ܠܵܗ̇ ܓܹܝܪ ܒܟ̣ܠ ܥܸܕܵܢܝܼ̈ܢ. ܘܒܼܐܝܼܕܲܝ̈ ܐܸܡܵܗ̇ ܠܵܟܼ ܡܵܪܝ ܡܸܬܼܟܲܫܦܵܐ. ܐܵܣܝܵܐ ܕܟ̣ܠ ܟܹܐܒ̣ܝܼ̈ܢ ܘܦܵܪܘܿܩܵܐ ܕܢܲܦ̮̈ܫܵܬܲܢ. ܡܲܒ̇ܘܼܥܵܐ ܕܥܘܼܕܼܪ̈ܵܢܹܐ ܡܵܪܲܢ ܐܸܬܼܪܲܚܲܡ ܥܠܲܝܢ؛ ܬܢܝܼ؛ ܫܲܒܲܚ. ܒܲܒܼܥܵܬܼܵܟܼ ܨܹܐܕܲܝ. ܠܛܵܒ̣ܵܬܼ̈ܵܟܼ ܡܵܪܲܢ ܡܲܢ̣ܘ ܡܨܸܐ ܕܢܸܬܼܢܸܐ. ܕܝܲܗ̣݇ܒ̣ܬ̇ ܐܸܢܹܝܢ ܒܚܘܼܒܵܟܼ ܠܓܸܢܣܵܐ ܕܡܵܝܘܿܬܹ̈ܐ؛ ܒܓܼܵܘ ܡܲܕܼܒ̇ܪܵܐ ܠܲܚܡܵܐ ܠܟܸܢܫܹ̈ܐ ܐܲܢ݇ܬ̇ ܐܲܣ̣ܓ̇ܝܼܬ̇. ܘܐܸܟܲܠ̣ܘ ܗ݇ܘ̣ܵܘ ܘܲܣ̣ܒܲܥܘ ܟܠܗܘܿܢ ܫܲܘܝܵܐܝܼܬܼ؛ ܓܲܒ̣ܪܹ̈ܐ ܥܲܡ ܢܸܫܹ̈ܐ ܥܠܲܝܡܹ̈ܐ ܘܲܛܠܵܝܹ̈ܐ ܐܲܠܦܹ̈ܐ ܕܠܵܐ ܡܸܢܝܵܢ. ܡ̣ܢ ܠܲܚܡܵܐ ܙܥܘܿܪܵܐ ܕܫܲܪܬܲܚܬ̇ ܩܕܼܵܡܲܝܗܘܿܢ ܐܸܟܲܠ̣ܘ ܗ݇ܘ̣ܵܘ ܘܲܣ̣ܒܲܥܘ؛ ܢܵܘܕܸܐ ܠܹܗ ܠܗܵܘ̇ ܕܐܸܬ̇ܬܲܚܬܿܝܼ ܒܚܘܼܒܹ̇ܗ. ܘܲܣ̣ܥܲܪ ܬܸܕܼܡܪ̈ܵܬܹܗ ܒܐܲܪܥܵܐ ܠܹܗ ܫܘܼܒ̣ܚܵܐ.
ܕܐ݇ܪ̈ܵܙܹܐ. ܒܗܵܐ ܦܵܬܼܘܿܪܵܐ. ܫܲܒܲܚܘ ܠܡܵܪܝܵܐ ܒܩܘܼܕܼܫܹܗ؛ ܐܲܪܝܼܡܘ ܐܝܼܕܲܝ̈ܟܿܘܿܢ ܠܩܘܼܕܼܫܵܐ ܘܒܲܪܸܟܼܘ ܠܡܵܪܝܵܐ. ܕܨܘܼܪܬܵܐ. ܘܟܼܠ ܡܸܕܸܿܡ ܡܛܲܝܲܒܼ ܬܵܘ ܠܡܸܫܬ̇ܘܼܬܼܵܐ. ܗܵܐ ܡܙܲܡܢܝܼܬܘܿܢ ܠܚܲܝܹ̈ܐ ܚܲܕܼܬܹ̈ܐ. ܕܦܲܓ̣ܪܵܐ ܘܲܕܼܡܵܐ ܡܚܲܣܝܵܢܵܐ ܨܲܒܸ̇ܬ̣ܘ ܩܢܘܿܡܲܝ̈ܟܿܘܿܢ. ܘܒܲܙܡܝܼܪ̈ܵܬܼܵܐ ܕܪܘܼܚܵܐ ܫܲܒܲܚܘ ܘܐܵܘܕܵܘ. ܠܒܲܪ ܡܲܠܟܵܐ ܕܲܢ̣ܚܸܬܼ ܨܹܐܕܲܝܢ ܘܦܲܪܩܲܢ ܒܲܨܠܝܼܒܹܗ. ܘܝܲܗ̣݇ܒܼ ܠܲܢ ܦܲܓ̣ܪܹܗ ܘܲܕܼܡܹܗ. ܕܒܹܗ ܪܵܘܙ̇ܝܼܢ ܟܠܗܘܿܢ ܩܲܕܝܼܫܹ̈ܐ. ܘܩܵܥܹ̇ܝܢ ܠܹܗ ܩܲܕ̇ܝܼܫ ܩܲܕ̇ܝܼܫ ܩܲܕ̇ܝܼܫ ܡܲܚܸܐ ܟܠ. ܬܢܝܼ؛ ܘܫܲܒܲܚ. ܒܵܗ̇.
ܕܒܹܝܡ؛ ܥܘܼܢܵܝܵܐ. ܕܲܩܕܼܵܡ ܫܟܼܵܚܬܵܐ. ܒܕܲܟܼܝܘܼܬܼܵܐ ܕܬܹܐܪܬܵܐ ܘܚܘܼܫܵܒܹ̈ܐ ܕܟܲܝ̈ܵܐ. ܢܸܬܼܩܲܪܲܒܼ ܠܲܓܼܡܝܼܪܘܼܬܼܵܐ ܕܲܒܼܪ̈ܲܚܡܹܐ ܡܸܬܼܝܲܗ݇ܒܵܐ. ܠܚܘܼܣܵܝܵܐ ܘܲܠܪܲܗܒܼܘܿܢܵܐ ܕܚܲܝܹ̈ܐ ܚܲܕܼܬܹ̈ܐ. ܟܠܲܢ ܒܪܸܚ̱ܡܬܼܵܐ ܢܚܲܒ̇ܒܼܝܼܘܗܝ ܠܐ݇ܪܵܙܵܐ. ܘܲܒܼܕܸܚܠ̱ܬܼܵܐ ܢܸܦܠܘܿܚ ܠܪܲܒܿܟܘܼܡܪܹ̈ܐ ܕܚܲܣ̣ܝܲܢ܀ ܘܥܲܡ ܪ̈ܘܼܚܵܢܹܐ ܢܩܲܕ̇ܫܝܼܘܗܝ ܩܘܼܕܵܫܹ̈ܐ ܬܠܵܬܼܵܐ. ܕܫܵܘܬ̇ܦܹܗ ܠܓܸܢܣܲܢ ܒܐܘܼܟܼܠܵܐ ܕܚܲܝܹ̈ܐ ܚܲܕܼܬܹ̈ܐ. ܗܵܪܟܵܐ ܒܐ݇ܪܵܙܵܐ ܘܬܲܡܵܢ ܒܲܫܪܵܪܵܐ. ܡܵܐ ܕܕܼܵܢܚܵܐ ܬܸܫܒ̇ܘܿܚܬܵܐ ܕܡܹܐܬܼܝܹܗ ܪܲܒܵܐ.
ܒܵܬܹ̈ܐ؛ ܒܐ݇ܪܵܙܵܐ ܕܦܲܓ̣ܪܹܗ ܬܲܪܣ̣ܝܼ ܠܡܵܝܘܿܬܹ̈ܐ. ܒܪܵܐ ܕܐܲܠܵܗܵܐ ܒܕܸܢܚܹܗ ܕܲܥܠܲܝܗܘܿܢ܀ ܘܥܲܡ ܪ̈ܘܼܚܵܢܹܐ ܢܩܲܕ̇ܫܝܼܘܗܝ...܀
ܕܒܹܝܡ؛ ܕܒܼܵܬܲܪ ܥܹܐܕܼܵܐ ܕܲܨܠܝܼܒ̣ܵܐ. ܥܘܼܢܵܝܵܐ. ܗܵܐ ܦܲܓ̣ܪܵܐ ܘܲܕܼܡܵܐ ܚܲܝܵܐ. ܕܲܡܫܝܼܚܵܐ ܫܵܒܹ̇ܩ ܚܵܘ̈ܒܹܐ. ܩܪܘܿܒ̣ܘ ܥܲܡܡܹ̈ܐ ܣܲܒ̣ܘ ܚܘܼܣܵܝܵܐ. ܡ̣ܢ ܦܵܬܼܘܿܪܵܐ ܕܡܲܠܟ̇ܘܼܬܼܵܐ. ܗܲܠܸܠܘܼܝܲܗ. ܒܵܬܹ̈ܐ؛ ܝܘܿܢܵܬܲܢ ܕܲܒ̣ܪܹܫ ܚܘܼܛܪܹܗ. ܛܥܸܡ̣ ܕܸܒܼܫܵܐ ܘܲܢܗܲܪ ܥܲܝܢܵܘ̈ܗܝ. ܗܵܐ ܚܲܠܝܘܼܬܹܗ ܕܲܨܠܝܼܒ̣ܵܐ. ܐܲܢܗܲܪܘ ܒܵܗ̇ ܪܸ̈ܥܝܵܢܲܝܟܿܘܿܢ. ܗܲܠܸܠܘܼܝܲܗ.
♱♱♱♱♱♱♱♱♱