ܡܲܪܡܝܼܬܼܵܐ ܕܐ݇ܪ̈ܵܙܹܐ؛ ܐܹܪܲܡ̱ܪܡܵܟܼ ܡܵܪܝ ܡܲܠܟܵܐ.
ܕܩܲܢܟܹ̇ܐ. ܒܩܵܠ؛ ܟܪܝܼܗܢܵܐ ܒܲܚܛܵܗܲܝ̈.
ܐܲܠܵܗܲܢ ܒܹܝܬܼ ܓܵܘܣܲܢ ܥܲܫܝܼܢܵܐ. ܘܲܡܥܲܕ̇ܪܵܢܲܢ ܒܙܲܒ̣ܢܹ̈ܐ ܕܐܘܼܠܨܵܢܵܐ. ܙܲܒ̣ܢܵܐ ܐܝܼܬܼܵܘܗܝ ܕܦܘܼܪܩܵܢܵܐ ܠܲܡܣܲܒܵܪܘܼ ܒܐܲܠܵܗܵܐ. ܘܲܕܼܢܸܬܼܦܲܨܸܐ ܡ̣ܢ ܚܛܵܗܹ̈ܐ ܘܫܲܪ̈ܥܵܬܼܵܐ. ܕܲܒ̣ܥܵܠܡܵܐ ܗܵܢܵܐ ܣ̣ܥܲܪܢܲܢ. ܠܲܡܩܲܒܵܠܘܼ ܫܘܼܒ̣ܩܵܢܵܐ ܕܲܚܛܵܗܹ̈ܐ. ܬܢܝܼ؛ ܫܲܒܲܚ. ܒܡܲܕܢܵܚܲܝ̈ ܨܲܦܪܵܐ. ܒܟܼܠܙܒܲܢ ܗܘܸܵܘ ܥܝܼܪܝܼܢ ܟܲܕܼ ܐܲܣܝܼܪܝܼܢ ܚܲܨܲܝ̈ܟܿܘܿܢ. ܘܢܵܗ̇ܪܝܼܢ ܟܠܫܵܥ ܫܪ̈ܵܓܹܐ ܕܕܸܠܩܲܝ̈ܟܿܘܿܢ. ܕܬܸܫܬܿܘܘܿܢ ܠܗܵܘ̇ ܛܘܼܒ̣ܵܐ. ܕܲܡ̣ܠܲܟܼ ܗ݇ܘ̣ܵܐ ܠܥܲܒ̣ܕܹ̈ܐ ܛܵܒܹ̈ܐ. ܕܐܸܬܼܵܐ ܘܐܸܫ̣ܟܲܚ ܐܸܢܘܿܢ ܟܲܕܼ ܥܝܼܪܝܼܢ.
ܩܸܪܝܵܢܵܐ؛ ܒܪܝܼܬܼܵܐ؛ ܝܘ؛1‐ܝܙ؛ ܫܘܼܠܵܡܵܐ܀ ܚܲܒ̣ܪܹܗ؛ ܝܼܫܘܿܥ ܒܲܪܢܘܿܢ؛ ܛ؛15‐ܫܘܼܠܵܡܵܐ.
ܫܘܼܪܵܝܵܐ. ܘ܀ ܢܵܘܕ̇ܘܿܢ ܠܵܟܼ ܡܵܪܝܵܐ ܟܠܗܘܿܢ ܡܲܠܟܹ̈ܐ ܕܐܲܪܥܵܐ* ܡܸܛܠ ܕܲܫ̣ܡܲܥܘ ܡܹܐܡܪܹܗ ܕܦܘܼܡܵܟܼ* ܘܲܢܫܲܒ̇ܚܘܼܢ ܐܘܼܪ̈ܚܵܬܹܗ ܕܡܵܪܝܵܐ* ܡܸܛܠ ܕܪܲܒܘܼ ܐܝܼܩܵܪܹܗ ܕܡܵܪܝܵܐ* ܘܪܵܡܘܼ ܡܵܪܝܵܐ ܕܲܒܼܥܘܼܡܩܵܐ ܚܵܙܹ̇ܐ* ܘܐܲܝܢܵܐ ܕܡܸܬ̇ܬ̇ܪܝܼܡ ܡ̣ܢ ܪܘܼܚܩܵܐ ܝܵܕܲܥ̇*
ܫܠܝܼܚܵܐ؛ ܪ̈ܗ݇ܘܿܡܵܝܹܐ؛ ܝܒ؛ 1‐ܫܘܼܠܵܡܵܐ.
ܙܘܼܡܵܪܵܐ؛ ܐܲܫܝܼܓܹܬܼ ܕܲܟܼܝܵܐܝܼܬܼ ܐܝܼܕܲܝ̈. ܘܐܸܬܼܟܲܪܟܹ̇ܬܼ ܠܡܲܕܼܒ̇ܚܵܟܼ ܡܵܪܝܵܐ. ܕܐܲܫܡܲܥ ܩܵܠܹܗ ܕܫܘܼܒ̣ܚܵܟܼ. ܕܐܸܫܬܲܥܸܐ ܟܠܗܹܝܢ ܬܸܕܼܡܪ̈ܵܬܼܵܟܼ. ܕ܀ ܡܵܪܝܵܐ ܪܸܚ̇ܡܹܬܼ ܬܸܫܡܸܫܬܹܗ ܕܒܲܝܬܵܟܼ. ܘܐܲܬ̣ܪܵܐ ܕܡܲܫܪ̱ܝܹܗ ܕܫܘܼܒ̣ܚܵܟܼ. ܠܵܐ ܬܵܘܒܸ̇ܕܲܝܢܝ ܥܲܡ ܚܲܛܵܝܹ̈ܐ. ܘܥܲܡ ܓܲܒ̣ܪܹ̈ܐ ܕܲܕܼܡܵܐ ܚܲܝܲܝ̈. ܕ܀
ܐܹܘܲܢܓܲܠܝܼܘܿܢ؛ ܝܘܿܚܲܢܵܢ؛ ܙ؛37‐ܚ؛12‐21
ܕܐ݇ܪ̈ܵܙܹܐ؛ ܒܲܡܫܝܼܚܵܐ ܐܸܬ̣ܝܼܠܸܕܼ.
ܢܵܘܕܸ̇ܐ ܠܵܟܼ ܠܥܵܠܲܡ. ܥܲܠ ܛܲܝܒ̇ܘܼܬܼܵܟܼ ܘܥܲܠ ܩܘܼܫܬܵܟܼ. ܓܸܢܣܵܐ ܕܐ݇ܢܵܫܘܼܬܲܢ ܢܵܘܕܸ̇ܐ ܠܵܟܼ ܡܵܪܲܢ. ܕܠܲܐܝܕܵܐ ܡܵܘܗܲܒ̣ܬܼܵܐ ܐܲܫ̣ܘܝܼܬܵܝܗܝ ܒܲܚܢܵܢܵܟܼ. ܘܥܲܡ ܟܸܢܫܹ̈ܐ ܪ̈ܘܼܚܵܢܹܐ ܢܩܲܕܸܫ ܠܐܝܼܩܵܪܵܟܼ. ܘܢܸܣܲܒ̣ ܦܲܓ̣ܪܵܟܼ ܡܲܚܝܵܢܵܐ ܕܡܝܼܬܼܘܼܬܲܢ؛ ܬܢܝܼ. ܘܫܲܒܲܚ ܒܵܗ̇.
ܕܒܹܝܡ؛ ܥܘܼܢܵܝܵܐ. ܢܵܘܕܸ̇ܐ ܠܹܗ ܒܥܹܕܲܬܼ ܩܘܼܕܼܫܵܐ. ܠܲܡܫܝܼܚܵܐ ܕܝܲܗ̣݇ܒ̣ܠܲܢ ܦܲܓ̣ܪܹܗ. ܬܢܝܼ؛
ܒܵܬܹ̈ܐ؛ ܢ̣ܟܲܣ ܥܲܡܵܐ ܐܹܡܲܪ ܚܲܝܹ̈ܐ. ܘܐܸܬ̣ܵܘ ܥܲܡܡܹ̈ܐ ܘܐܸܬܼܒܲܣܲܡܘ. ܚ̣ܛܲܦܘ ܘܲܩ̣ܛܲܠܘ ܘܐܲܬܼܩܸܢ̣ܘ ܩܘܼܕܼܡܲܝܢ. ܠܗܘܿܢ ܕܝܼܢܵܐ ܘܠܲܢ ܒܘܼܣܵܡܵܐ܀ ܫܲܒܲܚܘ ܠܡܵܪܝܵܐ ܒܩܘܼܕܼܫܹܗ܀ ܠܲܡܫܝܼܚܵܐ ܕܝܲܗ̣݇ܒ̣ܠܲܢ ܦܲܓ̣ܪܹܗ܀ ܠܵܐ ܣ̣ܪܝܼ ܡܲܢܢܵܐ ܕܲܒ̣ܩܸܣܛܵܐ. ܕܢܵܛܲܪ ܗ݇ܘ̣ܵܐ ܠܹܗ ܦܘܼܩܕܵܢܵܐ. ܬܵܘ ܣܲܒ̣ܘ ܩܘܼܕܼܫܵܐ ܕܒܸܣܡܲܬܸ ܒܹܗ. ܣܲܪܝܘܼܬܼܵܐ ܕܲܫܡܹܗ ܕܐܵܕܼܵܡ܀ ܫܲܒܲܚܘ ܠܡܵܪܝܵܐ ܒܩܘܼܕܫܹܗ܀ ܠܲܡܫܝܼܚܵܐ ܕܝܲܗ̣݇ܒ̣ܠܲܢ ܦܲܓ̣ܪܹܗ܀
♱♱♱♱♱♱♱♱♱