FIFTH SUNDAY OF EPIPHANY

ܚܲܕܼܒܫܲܒܵܐ ܕܚܲܡܫܵܐ ܕܕܸܢܚܵܐ ܬܢܹܝܢ ܢܵܡܘܿܣܵܐ. ܝܚ؛ 9 – ܫܘܼܠܵܡܵܐ ܬܸܒ̣ܘ ܘܲܫܠܵܘ ܬܸܢܝܵܢ ܢܵܡܘܣܵܐ؛ ܣܸܦܪܵܐ ܕܚܲܡܫܵܐ ܕܐܘܿܪܵܝܬܵܐ ܐܲܚܲܝ̈ ܒܲܪܸܟ̣ܡܵܪܝ܀ ܘܐ݇ܡܸܪܹܗ ܡܘܼܫܹܐ ܠܟܠܹܗ ܝܼܣܪܵܝܹܠ؛ ܘܐܝܼܡܲܢ ܕܥܒ̣ܸܪܘܼܟܼ ܠܐܲܪܥܵܐ ܕܝܵܗ݇ܒ̣ܸܠ ܠܘܼܟܼ ܡܵܪܝܵܐ ܐܲܠܵܗܘܼܟܼ؛ ܠܵܐ ܝܵܠܦܸܬ̇ ܠܸܥܒ̣ܵܕܵܐ ܐܲܝܟܼ ܦܘܼܠܚܵܢܲܝܗ‌ܝ ܕܐܵܢܝܼ ܛܵܝܸܦܹ̈ܐ.܀ ܠܵܐ ܦܵܐܹܫ ܡܘܼܫ݇ܟ̰ܚܵܐ ܓܵܘܘܼܟܼ ܕܡܲܥܒ̣ܸܪ ܒܪܘܿܢܹܗ ܝܲܢ ܒܪܵܬܹܗ ܒܢܘܼܪܵܐ؛ ܘܩܵܨܡܵܢܹ̈ܐ ܕܩܸܨܡܹ̈ܐ ܘܦܵܬܚܵܢܵܐ ܕܦܵܐܠ ܘܡܢܲܚܫܵܢܵܐ ܘܚܲܪܵܫܵܐ؛ ܘܐܵܣܪܵܢܵܐ ܕܝܸܣܘܼܪܹ̈ܐ؛ ܘܕܒܵܩܸܪ ܡ̣ܢ ܙܲܟܘܼܪܹ̈ܐ ܘܡ̣ܢ ܝܵܕܘܿܥܹ̈ܐ؛ ܘܒܵܩܸܪ ܠܡܝܼܬܹ̈ܐ.܀ ܣܵܒܵܒ ܕܛܲܡܵܐܐ ܝ݇ܠܹܗ ܩܵܕ݇ܡ ܡܵܪܝܵܐ ܐܲܠܵܗܘܼܟܼ ܟܠ ܡ̇ܢ ܕܥܵܒ̣ܸܕ ܐܲܢܹܐ. ܘܡ̣ܢ ܣܵܒܵܒ ܕܐܲܢܹܐ ܟ̰ܲܦܵܠܘܼܝܵܬܹ̈ܐ ܒܸܬ ܬܲܠܸܩܠܗ݇ܘܿܢ ܡܵܪܝܵܐ ܐܲܠܵܗܘܼܟܼ ܡ̣ܢ ܩܵܕ݇ܡܘܼܟܼ.܀ ܗܵܘܸܬ̇ ܬܲܡܝܼܡܵܐ [ܨܸܦܝܵܐ] ܩܵܕ݇ܡ ܡܵܪܝܵܐ ܐܲܠܵܗܘܼܟܼ.܀ ܣܵܒܵܒ ܐܲܢܹܐ ܛܵܝܸܦܹ̈ܐ ܕܝܵܪܬܸܬ̇ ܠܗ݇ܘܿܢ ܠܙܲܟܘܼܪܹ̈ܐ ܘܩܵܨܘܿܡܹ̈ܐ ܟܹܐ ܡܲܨܝܸܬܝܼ.܀ ܐܝܼܢܵܐ ܐܲܢ݇ܬ̇ ܠܵܐ ܗܵܕܟ̣ܵܐ ܝܵܗ݇ܒ̣ܸܠܠܘܼܟܼ ܡܵܪܝܵܐ ܐܲܠܵܗܘܼܟܼ.܀ ܢܒ̣ܝܼܵܐ ܡ̣ܢ ܓܵܘܘܼܟܼ ܘܡ̣ܢ ܐܵܚܘܿܢܘܵܬ̈ܘܼܟܼ ܡܐܲܝܟܼ ܕܝܼܝܼ ܒܸܬ ܡܲܩܸܡܠܘܼܟܼ ܡܵܪܝܵܐ ܐܲܠܵܗܘܼܟܼ؛ ܐܸܠܹܗ ܗܵܘܝܼܬܘܿܢ ܡܲܨܝܘܼܬܹܐ.܀ ܐܲܝܟܼ ܕܛܠܸܒܠܘܼܟܼ ܡ̣ܢ ܩܵܕ݇ܡ ܡܵܪܝܵܐ ܐܲܠܵܗܘܼܟܼ ܒܚܘܿܪܝܼܒ̣ ܒܝܵܘܡܵܐ ܕܟܢܘܼܫܝܵܐ ܘܐ݇ܡܸܪܘܼܟܼ؛ ܠܹܐ ܡܲܙܝܸܕܸܢ ܠܸܫܡܲܥܝܵܐ ܩܵܠܹܗ ܕܡܵܪܝܵܐ ܐܲܠܵܗ‌ܝܼ؛ ܘܐܵܗܵܐ ܢܘܼܪܵܐ ܓܘܼܪܵܐ ܠܵܐ ܚܵܙܸܢ ܕܠܵܐ ܡܵܝܬ݇ܝܸܢ.܀ ܘܐ݇ܡܸܪܹܗ ܐܸܠܝܼ ܡܵܪܝܵܐ ܨܦܵܝܝܼ ܟܠ ܡܸܢܕܝܼ ܕܗܘܼܡܙܸܡܠܗ݇ܘܿܢ.܀ ܢܒ̣ܝܼܵܐ ܒܸܬ ܡܲܩܸܡܸܢ ܩܵܬܲܝܗ‌ܝ ܡ̣ܢ ܓܵܘ ܐܵܚܘܿܢ̈ܘܵܬܲܝܗ‌ܝ ܡܐܲܝܟܼ ܕܝܼܘܼܟܼ؛ ܘܒܸܬ ܝܵܗ݇ܒ̣ܸܢ ܗܹܡܸܙܡܵܢ̈ܝܼ ܒܦܘܼܡܹܗ؛ ܘܒܸܬ ܐܵܡܸܪ ܩܵܬܲܝܗ‌ܝ ܟܠ ܡܸܢܕܝܼ ܕܦܵܩܕܸܢܗ.܀ ܘܐ݇ܢܵܫܵܐ ܕܠܵܐ ܫܵܡܸܥ ܠܚܲܒܪܝܼ ܡ̣ܢ ܗ̇ܘ ܕܗܲܡܙܸܡ ܒܫܸܡܝܼ؛ ܐܵܢܵܐ ܒܸܬ ܫܵܩܠܸܢ ܬܘܼܥܠܵܐ ܡܸܢܹܗ.܀ ܐܝܼܢܵܐ ܐܸܢ ܢܒ̣ܝܼܵܐ ܕܩܲܫܕܸܪ ܠܗܲܡܙܘܼܡܹܐ ܗܹܡܸܙܡܵܢ ܒܫܸܡܝܼ ܕܠܵܐ ܦܘܼܩܸܕܠܝܼ ܐܸܠܹܗ ܠܹܐܡܵܪܵܐ؛ ܘܕܗܲܡܙܸܡ ܒܫܸܡܵܐ ܕܐܲܠܵܗܹ̈ܐ ܐ݇ܚܹܪ̈݇ܢܹܐ. ܒܸܬ ܦܵܐܹܫ ܩܛܝܼܠܵܐ ܗ̇ܘ ܢܒ̣ܝܼܵܐ.܀ ܘܐܸܢ ܐܵܡܪܸܬ̇ ܒܠܸܒܘܼܟܼ ܕܵܐܟ̣ܝܼ ܒܸܬ ܝܵܕܥܸܢܹܗ ܠܚܲܒܪܵܐ ܕܠܵܐ ܐ݇ܡܸܪܹܗ ܡܵܪܝܵܐ؟܀ ܐܝܼܡܲܢ ܕܗܘܼܡܙܸܡܠܹܗ ܢܒ̣ܝܼܵܐ ܒܫܸܡܵܐ ܕܡܵܪܝܵܐ؛ ܘܠܵܐ ܗ݇ܘܹܐܠܹܗ ܗ̇ܘ ܡܸܢܕܝܼ؛ ܘܠܵܐ ܩܘܼܘܸܡܠܹܗ. ܗ̇ܘ ܡܸܢܕܝܼ ܠܵܐ ܗܘܼܡܙܸܡܠܹܗ ܡܵܪܝܵܐ؛ ܒܩܲܫܕܲܪܬܵܐ ܗܘܼܡܙܸܡܠܹܗ ܢܒ̣ܝܼܵܐ ܠܵܐ ܙܵܕܥܝܼܬܘܿܢ ܡܸܢܹܗ܀ ܚܲܒ̣ܪܹܗ ܐܹܫܲܥܝܵܐ ܡܚ؛ 12‐21 ܫܠܵܘ ܢܒ̣ܝܼܘܼܬܹܗ ܕܐܹܫܲܥܝܵܐ ܐܲܚܲܝ̈ ܒܲܪܸܟ̣ܡܵܪܝ܀ ܗܵܕܟ̣ܵܐ ܒܹܐܡܵܪܵܐ ܝ݇ܠܹܗ ܡܵܪܝܵܐ؛ ܫܡܝܼܥ ܐܸܠܝܼ ܝܲܥܩܘܿܒ̣ ܘܝܼܣܪܵܝܹܠ ܕܩܪܹܐܠܝܼ؛ ܐܵܢܵܐ ܝ݇ܘܸܢ ܩܵܕ݇ܡܵܝܵܐ ܘܐܵܢܵܐ ܝ݇ܘܸܢ ܐ݇ܚܵܪܵܝܵܐ.܀ ܘܐܝܼܕܝܼ ܬܘܼܪܸܨܠܵܗ̇ ܒܸܢܝܲܬܹ̈ܐ ܕܐܲܪܥܵܐ ܘܝܲܡܝܼܢܝܼ ܡܬܸܚܠܵܗ̇ ܫܡܲܝܵܐ؛ ܩܵܪܸܢ ܐܸܠܲܝܗ‌ܝ ܘܩܵܝܡܝܼ ܡܐܘܼܕܵܠܹܐ. ܓ̰ܡܸܥܡܘܿܢ ܟܠܵܘܟ̣ܘܿܢ ܘܫܡܸܥܡܘܿܢ؛ ܡܵܢܝܼ ܐܝܼܬ ܓܵܘܵܘܟ̣ܘܿܢ ܕܡܲܚܙܹܐ ܐܲܢܹܐ؟ ܡܵܪܝܵܐ ܡܘܼܚܸܒܠܹܗ ܕܥܵܒ̣ܸܕ ܗ̇ܘ ܡܸܢܕܝܼ ܕܒܲܣܡܵܐ ܠܹܗ ܒܒܵܒܹܠ؛ ܘܒܙܲܪܥܵܐ ܕܟܲܠܕܵܝܹ̈ܐ.܀ ܐܵܢܵܐ ܗܘܼܡܙܸܡܠܝܼ ܘܐܘܼܦ ܩܪܹܐܠܝܼ؛ ܘܡܘܼܬ݇ܝܵܐܠܝܼ؛ ܘܡܘܼܢܬܝܼܵܐܠܝܼ ܐܘܼܪܚܵܗ̇.܀ ܩܲܪܒܸܢܗ݇ܘܿܢ ܠܟܸܣܠܝܼ ܘܫܡܸܥܡܘܿܢ ܐܵܗܵܐ. ܡ̣ܢ ܫܘܼܪܵܝܵܐ ܒܛܸܫܘܵܐ ܠܵܐ ܗܘܼܡܙܸܡ ܠܝܼ! ܘܡ̣ܢ ܙܲܒ̣ܢܵܐ ܕܗܘܹܐܠܵܗ̇ ܬܵܡܵܐ ܝ݇ܘܸܢ؛ ܘܐܵܕܝܼܵܐ ܡܵܪܝܵܐ ܐܲܠܵܗܵܐ ܘܪܘܼܚܹܗ ܫܘܼܕܪܸܢܗ݇ܘܿܢ.܀ ܗܵܕܟ̣ܵܐ ܒܹܐܡܵܪܵܐ ܝ݇ܠܹܗ ܡܵܪܝܵܐ ܦܵܪܩܵܢܘܼܟܼ ܩܲܕܝܼܫܵܐ ܕܝܼܣܪܵܝܹܠ؛ ܐܵܢܵܐ ܝ݇ܘܸܢ ܡܵܪܝܵܐ ܐܲܠܵܗܘܼܟܼ ܒܸܬ ܡܲܠܦܸܢܘܼܟܼ ܕܠܵܐ ܥܵܒ̣ܕܸܬ̇ ܥܵܘܠܵܐ؛ ܘܒܸܬ ܡܲܚܙܸܢܘܼܟܼ ܐܘܼܪܚܵܐ ܕܐܵܙܸܠ݇ܬ̇ ܒܝܼܵܗ̇.܀ ܐܝܼܢܵܐ ܛܘܼܒ̣ܵܐ ܕܡܲܨܝܸܬܸܬ̇ ܗ݇ܘܵܐ ܠܦܘܼܩ̈ܕܵܢܝܼ؛ ܘܒܸܬ ܗܵܘܹܐ ܫܠܵܡܘܼܟܼ ܐܲܝܟܼ ܢܲܗܪܵܐ؛ ܘܙܲܕܝܼܩܘܼܬܘܼܟܼ ܐܲܝܟܼ ܠܲܦܹ̈ܐ ܕܝܵܡܵܐ؛ ܘܒܸܬ ܗܵܘܹܐ ܙܲܪܥܘܼܟܼ ܐܲܝܟܼ ܣܹܠܵܐ ܕܝܵܡܵܐ ܘܒܢܘܿܢܹ̈ܐ ܕܡܲܥܝܘܼܟܼ ܐܲܝܟܼ ܒܸܙܩܹ̈ܐ [ܒܲܩܠܘܼܫܹ̈ܐ] ܕܡܲܪܙܵܐ ܕܝܵܡܵܐ؛ ܘܠܹܐ ܒܵܛܸܠ ܘܠܹܐ ܬܵܠܸܩ ܫܸܡܹܗ ܡ̣ܢ ܩܵܕ݇ܡܝܼ.܀ ܦܠܘܿܛܘܿܢ ܡ̣ܢ ܒܵܒ̣ܸܠ ܘܥܪܘܿܩܘܿܢ ܡ̣ܢ ܟܵܠܕܵܝܹ̈ܐ؛ ܒܩܵܠܵܐ ܕܚܸܩܪܵܐ ܡܲܚܙܹܐܡܘܿܢ ܐܵܗܵܐ؛ ܘܡܲܫܡܸܥܡܘܿܢ ܠܵܗ̇؛ ܘܦܲܠܛܘܿܢ ܠܵܗ̇ ܗܲܠ ܡܲܪ̈ܙܵܢܹܐ ܕܐܲܪܥܵܐ؛ ܘܐ݇ܡܘܿܪܘܿܢ ܦܘܼܪܸܩܠܹܗ ܡܵܪܝܵܐ ܠܝܲܥܩܘܿܒ̣ ܪܹܓܹܗ܀ ♱♱♱♱♱♱♱♱ ܚܲܕ݇ܒܼܫܹܒܵܐ ܗ ܕܕܸܢܚܵܐ ܦܵܘܠܘܿܣ ܫܠܝܼܚܵܐ ܕܝܼܫܘܿܥ ܡܫܝܼܚܵܐ ܐܸܓܲܪܬܹܗ ܕܲܠܘܵܬܼ ܥܸܒܼܪ̈ܵܝܹܐ ܐܲܚܲܝ̈ ܒܲܪܸܟܼܡܵܪܝ܀ ܒܵܥܝܲܚ ܡܲܕܥܲܚ ܩܵܬܵܘܟܼܘܿܢ ܐܵܚܘܿܢܘܵܬ̈ܝܼ ܡܸܢܕܝܼܵܢܹ̈ܐ ܕܝܼܢܵܐ ܨܦܵܝ ܘܩܘܼܪܒܵܐ ܠܚܲܝܹ̈ܐ؛ ܐܘܼܦܢ ܗܲܕܟܼܵܐ ܗܲܡܙܘܼܡܹܐ ܝ݇ܘܲܚ* ܣܵܒܵܒ ܐܲܠܵܗܵܐ ܠܹܐ ܝ݇ܠܹܗ ܢܵܗܲܩ ܕܡܲܢܫܹܐ ܦܘܼܠܚܵܢܵܘܟܼܘܿܢ ܘܚܘܼܒܵܘܟܼܘܿܢ ܕܡܘܼܚܙܸܐ ܠܵܘܟܼܘܿܢ ܒܫܸܡܹܗ؛ ܕܥܵܒܼܸܕܠܵܘܟܼܘܿܢ ܚܸܠܡܲܬ ܠܩܲܕܝܼܫܹ̈ܐ ܘܒܸܥܒܼܵܕܵܐ ܝ݇ܬܘܿܢ ܚܸܠܡܲܬ* ܘܒܵܥܝܲܚ ܕܟܠ ܚܲܕ݇ ܐ݇ܢܵܫܵܐ ܡܸܢܵܘܟܼܘܿܢ ܐܵܗܵܐ ܚܵܦܵܛܘܼܬܵܐ ܡܲܚܙܹܐ ܩܵܐ ܬܲܡܲܡܬܵܐ ܕܗܹܒܼܝܼܵܘܟܼܘܿܢ ܗܲܠ ܚܲܪܬܵܐ* ܘܕܠܵܐ ܗܵܘܝܼܬܘܿܢ ܡܲܟܣܸܠܵܢܹ̈ܐ؛ ܐܸܠܵܐ ܕܗܵܘܝܼܬܘܿܢ ܕܵܡܝܵܢܹ̈ܐ ܠܐܵܢܝܼ ܕܒܗܲܝܡܵܢܘܼܬܵܐ ܘܡܲܪܝܲܟܼܬܵܐ ܕܒܹܐܢܵܐ ܗܘܹܐܠܗ݇ܘܿܢ ܝܵܪ̈ܘܿܬܹܐ ܕܩܵܘܠܵܐ* ܣܵܒܵܒ ܩܵܐ ܐܲܒܼܪܵܗܵܡ ܩܘܼܘܸܠܹܗ ܐܲܠܵܗܵܐ. ܒܗ̇ܝ ܕܠܲܝܬ ܗ݇ܘ̣ܵܐ ܚܲܕ݇ ܐ݇ܚܹܪ݇ܢܵܐ ܒܘܼܫ ܓܘܼܪܵܐ ܡܸܢܹܗ ܕܝܵܡܹܐ ܒܝܼܹܗ؛ ܝ݇ܡܹܐܠܹܐ ܒܓܵܢܹܗ* ܘܐ݇ܡܸܪܹܗ ܒܵܪܘܿܟܹܐ ܒܸܬ ܒܵܪܟܼܸܢܘܼܟܼ. ܘܡܲܙܝܘܼܕܹܐ ܒܸܬ ܡܲܙܝܸܕܸܢܘܼܟܼ* ܘܗܲܕܟܼܵܐ ܡܘܼܪܝܸܟܼܠܹܗ ܒܹܐܢܹܗ ܘܩܘܼܒܸܠܹܗ ܩܵܘܠܵܐ* ܣܵܒܵܒ ܒܢܲܝ̈ܢܵܫܵܐ ܒܚܲܕ݇ ܒܘܼܫ ܓܘܼܪܵܐ ܡ̣ܢ ܓܵܢܲܝܗܝ ܟܹܐ ܝܵܡܝܼ. ܘܥܲܠ ܟܠ ܕܘܼܪܵܫܵܐ ܕܗܵܘܹܐ ܒܹܝܠܲܝܗܝ ܫܘܼܠܵܡܵܐ ܫܲܪܝܼܪܵܐ ܒܡܵܘܡܵܬܹ̈ܐ ܟܹܐ ܗܵܘܹܐ* ܒܘܼܬ ܕܐܵܗܵܐ؛ ܒܘܼܫ ܙܵܘܕܵܐ ܒܣܸܡܠܵܐ ܠܹܗ ܐܲܠܵܗܵܐ ܕܡܲܚܙܹܐ ܠܝܵܪ̈ܘܿܬܹܐ ܕܡܘܼܠܟܵܢܵܐ؛ ܕܩܵܘܠܹܗ ܠܹܐ ܦܵܐܸܫ ܫܘܼܚܠܸܦܹـܐ ܘܚܒܼܸܫܠܹܗ ܒܡܵܘܡܵܬܹ̈ܐ* ܕܒܬܪܹܝ ܡܸܢܕܝܼܵܢܹ̈ܐ ܕܠܹܐ ܦܵܝܫܝܼ ܫܘܼܚܠܸܦܹܐ ܕܠܹܐ ܡܵܨܹܐ ܐܲܠܵܗܵܐ ܕܕܵܓܸܠ ܒܝܼܲܝܗܝ. ܝܵܗܒܼܵܠܬܵܐ ܕܠܸܒܵܐ ܚܲܝܠܵܢܬܵܐ ܗܵܘܝܵܐ ܠܲܢ ܕܡܚܹܐܠܲܢ ܚܵܨܵܐ ܒܝܼـܹܗ. ܘܕܵܒܼܩܲܚ ܒܗܹܒܼܝܼ ܕܩܘܼܘܹܠܬܵܐ ܝ݇ܠܵܗ̇ ܩܵܬܲܢ. ܗ̇ܝ ܕܝܼܠܵܗ̇ ܐܲܝܟܼ ܠܲܢܓܲܪ ܕܒܼܝܼܩܬܵܐ ܒܓܵܢܲܢ ܕܠܵܐ ܫܵܥܫܵܐ. ܘܥܵܒܼܪܵܐ ܠܓܵܘܵܝܝܼ ܡ̣ܢ ܣܸܬܪܵܐ ܕܬܲܪܥܵܐ* ܒܗ̇ܝ ܕܘܼܟܬܵܐ ܕܥܒܸܪܹܗ ܩܵܕ݇ܡܵܝܵܐ ܡ̣ܢ ܓܹܒܲܢ ܝܼܫܘܿܥ. ܘܗܘܹܐܠܹܗ ܟܵܗܢܵܐ ܗܲܠ ܐܵܒܲܕ ܒܕܵܡܵܝܬܵܐ ܕܡܲܠܟܝܼܙܕܸܩ* ܐܝܼܢܵܐ ܐܵܗܵܐ ܡܲܠܟܝܼܙܕܸܩ ܝܼܠܹܗ ܡܲܠܟܵܐ ܕܫܵܠܝܼܡ. ܟܵܗܢܵܐ ܕܐܲܠܵܗܵܐ ܡܪܲܝܡܵܐ. ܘܗ̇ܘ ܬܦܸܩܠܹܗ ܒܐܲܒܼܪܵܗܵܡ ܐܝܼܡܲܢ ܕܕܸܪܹܗ ܡ̣ܢ ܡܲܚܪܲܒܼܬܵܐ ܕܡܲܠܟܹ̈ܐ ܘܒܘܼܪܸܟܼ ܠܹܗ* ܘܩܵܬܹܗ ܦܪܸܫܠܹܗ ܐܲܒܼܪܵܗܵܡ ܡܲܥܣܵܪܹ̈ܐ ܡ̣ܢ ܟܠ ܡܸܢܕܝܼ ܕܐܝܼܬ ܗ݇ܘ̣ܵܐ ܥܲܡܹܗ. ܫܸܡܹܗ ܟܹܐ ܦܵܐܸܫ ܦܘܼܫܩܵܐ ܡܲܠܟܵܐ ܕܟܹܐܢܘܼܬܵܐ؛ ܘܡܸܢ݇ܕܪܹܫ̄ ܡܲܠܟܵܐ ܕܫܵܠܝܼܡ؛ ܕܝܼܠܹܗ ܡܲܠܟܵܐ ܕܫܠܵܡܵܐ* ܕܠܵܐ ܒܵܒܹܗ ܘܠܵܐ ܝܸܡܹܗ ܦܸܫܠܗ݇ܘܿܢ ܟܬܝܼܒܹܐ ܒܐܘܼܓ̰ܵܓܼܹ̈ܐ. ܘܠܵܐ ܫܘܼܪܵܝܵܐ ܕܝܵܘܡܵܢ̈ܘܼܗܝ ܘܠܵܐ ܫܘܼܠܵܡܵܐ ܕܚܲܝ̈ܘܼܗܝ. ܐܸܠܵܐ ܒܕܵܡܵܝܬܵܐ ܕܒܪܘܼܢܹܗ ܕܐܲܠܵܗܵܐ ܟܵܗܢܘܼܬܹܗ ܒܸܟܠܵܝܵܐ ܝ݇ܠܵܗ̇ ܗܲܠ ܐܵܒܲܕ* ♱♱♱♱♱♱♱♱ ܚܕܒܫܒܐ ܕܚܡܫܐ ܕܒܼܬܪ ܕܢܚܐ ܝܘܚܢܢ ܒ: 23 ‐ ܓ: 22 ܐܘܢܓܠܝܘܢ ܩܕܝܫܐ ܕܡܪܢ ܝܫܘܥ ܡܫܝܚܐ ܟܪܘܙܘܬܼܐ ܕܝܘܚܢܢ ܐܝܼܢܵܐ ܟܲܕ ܝܼܗَܘܵܐ ܝܑܼܫܘܿܥ ܒܐܘܿܪܸܫܠܸܡ ܒܦܸܨܚܵܐ ܒܥܲܕܥܹܕܵܐ: ܪܵܒܵܐ ܗܘܼܡܸܢܘܿܢ ܒܝܼܹܗ ܕܚܙܹܐܠܗ݇ܘܿܢ ܢܝܼܫܲܢܩܹ̈ܐ ܕܒܸܥܒ̣ܵܕܵܐ ܝܗ݇ܘܵܐ، ܐܝܼܢܵܐ ܝܑܼܫܘܿܥ ܠܹܐ ܝܗ݇ܘܵܐ ܤܵܦܹܐ ܗ݇ܘܵܐ ܠܗ݇ܘܿܢ ܓܵܢܹܗ، ܣܵܒܵܒ ܕܗ̇ܘ ܝܵܕܸܥ ܗ݇ܘܵܐ ܠܟܠ ܐ݇ܢܵܫܵܐ: ܘܠܹܐ ܝܗ݇ܘܵܐ ܣܢܝܼܩܵܐ ܕܐ݇ܢܵܫܵܐ ܣܵܗܸܕ ܐܸܠܹܗ ܥܲܠ ܟܠ ܒܲܪܢܵܫܵܐ: ܣܵܒܵܒ ܗ̇ܘ ܝܵܕܸܥ ܗ݇ܘܵܐ ܡܘܼܕܝܼ ܐܝܼܬ ܒܒܲܪܢܵܫܵܐ: ܐܝܼܢܵܐ ܐܝܼܬ ܗ݇ܘܵܐ ܬܵܡܵܐ ܚܲܕ݇ ܓܲܒܼܪܵܐ ܡ̣ܢ ܦܪ̈ܝܼܫܹܐ ܢܝܼܩܵܕܹܡܘܿܣ ܝܼܗَܘܵܐ ܫܸܡܹܗ: ܐܲܪܟܘܼܢܵܐ ܕܝܘܼܗَܕܵܝܹ̈ܐ: ܐܵܗܵܐ ܐ݇ܬܹܐܠܹܗ ܠܘܵܬ ܝܑܼܫܘܿܥ ܒܠܸܠܝܵܐ ܘܐ݇ܡܝܼܪܹܗ ܐܸܠܹܗ: ܪܵܒܝܼ ܒܝܼܕܵܥܵܐ ܝܘܲܚ ܕܡ̣ܢ ܐܲܠܵܗܵܐ ܦܝܼܫܠܘܼܟܼ ܫܘܼܕܪܵܐ ܡܲܠܦܵܢܵܐ: ܣܵܒܵܒ ܕܐ݇ܢܵܫܵܐ ܠܹܐ ܡܵܨܹܐ ܠܸܥܒܼܵܕܵܐ ܐܲܢܹܐ ܢܝܼܫܲܢܩܹ̈ܐ ܕܐܲܢ݇ܬ ܒܸܥܒܼܵܕܲܝܗܝ ܝܘܸܬ. ܐܸܠܵܐ ܡ̇ܢ ܕܐܲܠܵܗܵܐ ܝܼܠܹܗ ܥܲܡܹܗ: ܓ̰ܘܼܘܸܒܠܹܗ ܝܑܼܫܘܿܥ ܘܐ݇ܡܝܼܪܹܗ ܐܸܠܹܗ: ܬܪܘܿܨܵܐ ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܘܼܟܼ، ܕܐܸܢ ܐ݇ܢܵܫܵܐ ܠܵܐ ܦܵܐܸܫ ܝܠܝܼܕܵܐ ܡ̣ܢ ܕܪܹܫ: ܠܹܐ ܡܵܨܹܐ ܕܚܵܙܹܐ ܡܲܠܟܘܼܬܹܗ ܕܐܲܠܵܗܵܐ: ܐܵܡܸܪ ܐܸܠܹܗ ܢܝܼܩܵܕܹܡܘܼܣ: ܕܲܐܟܼܝܼ ܒܡܵܨܹܐ ܓܲܒܼܪܵܐ ܣܵܒܼܵܐ ܕܦܵܐܸܫ ܝܠܝܼܕܵܐ: ܩܵܡܘܿ ܒܡܵܨܹܐ ܡܸܢ݇ܕܪܹܫ݇ ܠܸܥܒܼܵܪܵܐ ܠܟܲܪ݇ܣܵܐ ܕܝܸܡܹܗ ܓܵܗܵܐ ܕܬܸܪܬܹܝ ܘܦܵܐܸܫ ܝܠܝܼܕܵܐ؟ ܓ̰ܘܼܘܸܒܠܹܗ ܝܑܼܫܘܿܥ ܘܐ݇ܡܝܼܪܹܗ ܐܸܠܹܗ: ܬܪܘܿܨܵܐ ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܘܼܟܼ: ܕܐܸܢ ܐ݇ܢܵܫܵܐ ܠܵܐ ܦܵܐܸܫ ܝܠܝܼܕܵܐ ܡ̣ܢ ܡܝܼ̈ܵܐ ܘܪܘܼܚܵܐ، ܠܹܐ ܡܵܨܹܐ ܕܥܵܒܼܸܪ ܠܡܲܠܟܘܼܬܵܐ ܕܐܲܠܵܗܵܐ: ܡܸܢܕܝܼ ܕܝܠܝܼܕܵܐ ܝܠܹܗ ܡ̣ܢ ܒܸܣܪܵܐ ܒܸܣܪܵܐ ܝܠܹܗ. ܘܡܸܢܕܝܼ ܕܝܠܝܼܕܵܐ ܝܠܹܗ ܡ̣ܢ ܪܘܼܚܵܐ ܪܘܼܚܵܐ ܝܠܹܗ: ܠܵܐ ܥܲܓ̰ܒܸܬ ܕܐ݇ܡܝܼܪܝܼ ܐܸܠܘܼܟܼ: ܕܘܵܠܹܐ ܐܸܠܵܘܟܼܘܿܢ ܠܸܦܝܵܫܵܐ ܝܠܝܼܕܹܐ ܡ̣ܢ ܕܪܹܫ: ܦܵܘܚܵܐ ܕܘܼܟܵܐ ܕܒܲܣܡܵܐ ܠܹܗ ܟܹܐ ܡܵܚܹܐ: ܘܩܵܠܹܗ ܟܹܐ ܫܲܡܥܸܬ: ܐܸܠܵܐ ܠܹܐ ܝܵܕܥܸܬ ܡܐܲܝܟܵܐ ܒܹܐܬܵܝܵܐ ܝܠܹܗ ܘܠܐܲܝܟܵܐ ܒܹܐܙܵܠܵܐ ܝܠܹܗ. ܗܲܕܟܼܵܐ ܝܼܠܹܗ ܟܠ ܐ݇ܢܵܫܵܐ ܕܼܝܼܠܹܗ ܝܠܝܼܕܵܐ ܡ̣ܢ ܪܘܼܚܵܐ: ܓ̰ܘܼܘܸܒܠܹܗ ܢܝܼܩܵܕܹܡܘܿܣ ܘܐ݇ܡܝܼܪܹܗ ܐܸܠܹܗ: ܕܲܐܟܼܝܼ ܒܡܲܨܝܵܐ ܐܲܢܹܐ ܠܸܗܘܵܝܵܐ؟ ܓ̰ܘܼܘܸܒܠܹܗ ܝܑܼܫܘܿܥ ܘܐ݇ܡܝܼܪܹܗ ܐܸܠܹܗ: ܐܲܢ݇ܬ ܝܼܘܸܬ ܡܲܠܦܵܢܹܗ ܕܝܼܣܪܵܝܸܠ، ܘܐܲܢܹܐ ܠܹܐ ܝܘܸܬ ܒܝܼܕܵܥܵܐ‍؟ ܬܪܘܿܨܵܐ ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܘܼܟܼ، ܡܸܢܕܝܼ ܕܒܝܼܕܵܥܵܐ ܝܘܲܚ ܡܗܲܡܙܘܼܡܹܐ ܝܘܲܚ، ܘܡܸܢܕܝܼ ܕܚܙܹܐܠܲܢ ܒܸܣܗܵܕܵܐ ܝܘܲܚ، ܘܣܵܗܕܘܼܬܲܢ ܠܹܐ ܝܬܘܿܢ ܩܵܒܘܼܠܹܐ. ܐܸܢ ܡܸܢܕܝܼܵܢܹ̈ܐ ܐܪ̈ܥܵܢܵܝܹܐ ܐ݇ܡܝܼܪܝܼ ܐܸܠܵܘܟܼܘܿܢ ܘܠܹܐ ܝܬܘܿܢ ܡܗܲܝܡܘܼܢܹܐ، ܕܲܐܟܼܝܼ ܐܸܢ ܐܲܡܪܸܢ ܐܸܠܵܘܟܼܘܿܢ ܡܸܢܕܝܼܵܢܹ̈ܐ ܫܡܲܝܵܢܵܝܹ̈ܐ ܒܸܕ ܗܲܡܸܢܝܼܬܘܿܢ ܐܸܠܝܼ؟ ܘܠܵܐ ܐ݇ܢܵܫܵܐ ܣܝܼܠ݇ܩܠܹܗ ܠܫܡܲܝܵܐ، ܐܸܠܵܐ ܗ̇ܘ ܕܨܠܹܐܠܹܗ ܡ̣ܢ ܫܡܲܝܵܐ: ܒܪܘܿܢܹܗ ܕܐ݇ܢܵܫܵܐ ܗ̇ܘ ܕܝܼܠܹܗ ܒܲܫܡܲܝܵܐ: ܘܕܲܐܟܼܝܼ ܕܡܘܼܪܸܡܠܹܗ ܡܘܼܫܹܐ ܚܘܼܘܵܐ ܓܵܘ ܒܲܪܝܼܵܐ، ܗܲܕܟܼܵܐ ܗܕܝܼܪܵܐ ܝܠܹܗ ܕܦܵܐܸܫ ܡܘܼܪܡܵܐ ܒܪܘܿܢܹܗ ܕܐ݇ܢܵܫܵܐ: ܕܟܠ ܐ݇ܢܵܫܵܐ ܕܡܗܲܝܡܸܢ ܒܝܼܹܗ ܠܵܐ ܛܵܠܸܩ. ܐܸܠܵܐ ܗܵܘܝܼ ܐܸܠܹܗ ܚܲܝܹ̈ܐ ܕܠܥܵܠܲܡ: ܣܵܒܵܒ ܗܲܕܟܼܵܐ ܡܘܼܚܸܒܠܹܗ ܐܲܠܵܗܵܐ ܠܥܵܠܡܵܐ: ܕܲܐܟܼܝܼ ܕܠܸܒܪܘܿܢܹܗ ܝܼܚܝܼܕܵܝܵܐ ܝܲܗ݇ܒܼܸܠ: ܕܟܠ ܡ̇ܢ ܕܡܗܲܝܡܸܢ ܒܝܼܹܗ ܠܵܐ ܛܵܠܸܩ: ܐܸܠܵܐ ܗܵܘܝܼ ܐܸܠܹܗ ܚܲܝܹ̈ܐ ܕܲܠܥܵܠܲܡ. ܣܵܒܵܒ ܠܵܐ ܫܘܼܕܸܪܹܗ ܐܲܠܵܗܵܐ ܠܒܪܘܿܢܹܗ ܠܥܵܠܡܵܐ ܕܕܵܝܸܢܹܗ ܠܥܵܠܡܵܐ: ܐܸܠܵܐ ܕܚܲܝܹܐ ܥܵܠܡܵܐ ܒܐܝܼܕܹܗ: ܡܵܢ ܕܡܗܲܝܡܸܢ ܒܝܼܹܗ ܠܹܐ ܦܵܐܸܫ ܕܝܼܢܵܐ: ܘܡܵܢ ܕܠܵܐ ܡܗܲܝܡܸܢ ܒܝܼܹܗ، ܡ̣ܢ ܓ̰ܲܠܕܹܐ ܕܝܼܢܵܐ ܝܠܹܗ: ܕܠܵܐ ܡܗܘܼܝܡܸܢܹܗ ܒܫܸܡܹܗ ܕܝܼܚܝܼܕܵܝܵܐ ܒܪܘܿܢܹܗ ܕܐܲܠܵܗܵܐ: ܐܝܼܢܵܐ ܐܵܗܵܐ ܝܠܵܗ̇ ܕܝܵܢܬܵܐ: ܕܢܘܼܗܪܵܐ ܐ݇ܬܹܐܠܹܗ ܠܥܵܠܡܵܐ، ܘܡܘܼܚܸܒܠܗ݇ܘܿܢ ܒܢܲܝ̈ܢܵܫܵܐ ܠܚܸܫܟܵܐ ܒܘܼܫ ܙܵܘܕܵܐ ܡ̣ܢ ܕܠܢܘܼܗܪܵܐ: ܣܵܒܵܒ ܦܘܼܠܚܵܢܲܝ̈ܗܝ ܒܝܼܫܹ̈ܐ ܝܗ݇ܘܵܘ: ܣܵܒܵܒ ܟܠ ܕܫܘܼܓَܼܠܹ̈ܐ ܣܸܢܝܹ̈ܐ ܥܵܒܼܸܕ ܟܹܐ ܣܵܢܹܐ ܠܢܘܼܗܪܵܐ. ܘܠܹܐ ܐܵܬܹܐ ܠܘܵܬ ܢܘܼܗܪܵܐ، ܕܠܵܐ ܦܲܝܫܝܼ ܡܘܼܢܟܼܸܣܹܐ ܦܘܼܠܚܵܢܘܼ̈ܗܝ: ܐܝܼܢܵܐ ܗ̇ܘ ܕܥܵܒܼܸܕ ܫܪܵܪܵܐ، ܟܹܐ ܐܵܬܹܐ ܠܘܵܬ ܢܘܼܗܪܵܐ، ܕܦܲܝܫܝܼ ܝܕܸܥܝܹܐ ܦܘܼܠܚܵܢ̈ܘܼܗܝ ܕܒܐܲܠܵܗܵܐ ܝܢܵܐ ܥܒܼܝܼܕܹܐ. ♱♱♱♱♱♱♱

ܚܲܕܼܒܫܲܒܵܐ ܕܚܲܡܫܵܐ ܕܕܸܢܚܵܐ

ܬܢܹܝܢ ܢܵܡܘܿܣܵܐ. ܝܚ؛ 9 – ܫܘܼܠܵܡܵܐ

ܬܸܒ̣ܘ ܘܲܫܠܵܘ ܬܸܢܝܵܢ ܢܵܡܘܣܵܐ؛ ܣܸܦܪܵܐ ܕܚܲܡܫܵܐ ܕܐܘܿܪܵܝܬܵܐ

ܐܲܚܲܝ̈ ܒܲܪܸܟ̣ܡܵܪܝ܀

ܘܐ݇ܡܸܪܹܗ ܡܘܼܫܹܐ ܠܟܠܹܗ ܝܼܣܪܵܝܹܠ؛ ܘܐܝܼܡܲܢ ܕܥܒ̣ܸܪܘܼܟܼ ܠܐܲܪܥܵܐ ܕܝܵܗ݇ܒ̣ܸܠ ܠܘܼܟܼ ܡܵܪܝܵܐ ܐܲܠܵܗܘܼܟܼ؛ ܠܵܐ ܝܵܠܦܸܬ̇ ܠܸܥܒ̣ܵܕܵܐ ܐܲܝܟܼ ܦܘܼܠܚܵܢܲܝܗ‌ܝ ܕܐܵܢܝܼ ܛܵܝܸܦܹ̈ܐ.܀ ܠܵܐ ܦܵܐܹܫ ܡܘܼܫ݇ܟ̰ܚܵܐ ܓܵܘܘܼܟܼ ܕܡܲܥܒ̣ܸܪ ܒܪܘܿܢܹܗ ܝܲܢ ܒܪܵܬܹܗ ܒܢܘܼܪܵܐ؛ ܘܩܵܨܡܵܢܹ̈ܐ ܕܩܸܨܡܹ̈ܐ ܘܦܵܬܚܵܢܵܐ ܕܦܵܐܠ ܘܡܢܲܚܫܵܢܵܐ ܘܚܲܪܵܫܵܐ؛ ܘܐܵܣܪܵܢܵܐ ܕܝܸܣܘܼܪܹ̈ܐ؛ ܘܕܒܵܩܸܪ ܡ̣ܢ ܙܲܟܘܼܪܹ̈ܐ ܘܡ̣ܢ ܝܵܕܘܿܥܹ̈ܐ؛ ܘܒܵܩܸܪ ܠܡܝܼܬܹ̈ܐ.܀ ܣܵܒܵܒ ܕܛܲܡܵܐܐ ܝ݇ܠܹܗ ܩܵܕ݇ܡ ܡܵܪܝܵܐ ܐܲܠܵܗܘܼܟܼ ܟܠ ܡ̇ܢ ܕܥܵܒ̣ܸܕ ܐܲܢܹܐ. ܘܡ̣ܢ ܣܵܒܵܒ ܕܐܲܢܹܐ ܟ̰ܲܦܵܠܘܼܝܵܬܹ̈ܐ ܒܸܬ ܬܲܠܸܩܠܗ݇ܘܿܢ ܡܵܪܝܵܐ ܐܲܠܵܗܘܼܟܼ ܡ̣ܢ ܩܵܕ݇ܡܘܼܟܼ.܀ ܗܵܘܸܬ̇ ܬܲܡܝܼܡܵܐ [ܨܸܦܝܵܐ] ܩܵܕ݇ܡ ܡܵܪܝܵܐ ܐܲܠܵܗܘܼܟܼ.܀ ܣܵܒܵܒ ܐܲܢܹܐ ܛܵܝܸܦܹ̈ܐ ܕܝܵܪܬܸܬ̇ ܠܗ݇ܘܿܢ ܠܙܲܟܘܼܪܹ̈ܐ ܘܩܵܨܘܿܡܹ̈ܐ ܟܹܐ ܡܲܨܝܸܬܝܼ.܀ ܐܝܼܢܵܐ ܐܲܢ݇ܬ̇ ܠܵܐ ܗܵܕܟ̣ܵܐ ܝܵܗ݇ܒ̣ܸܠܠܘܼܟܼ ܡܵܪܝܵܐ ܐܲܠܵܗܘܼܟܼ.܀ ܢܒ̣ܝܼܵܐ ܡ̣ܢ ܓܵܘܘܼܟܼ ܘܡ̣ܢ ܐܵܚܘܿܢܘܵܬ̈ܘܼܟܼ ܡܐܲܝܟܼ ܕܝܼܝܼ ܒܸܬ ܡܲܩܸܡܠܘܼܟܼ ܡܵܪܝܵܐ ܐܲܠܵܗܘܼܟܼ؛ ܐܸܠܹܗ ܗܵܘܝܼܬܘܿܢ ܡܲܨܝܘܼܬܹܐ.܀ ܐܲܝܟܼ ܕܛܠܸܒܠܘܼܟܼ ܡ̣ܢ ܩܵܕ݇ܡ ܡܵܪܝܵܐ ܐܲܠܵܗܘܼܟܼ ܒܚܘܿܪܝܼܒ̣ ܒܝܵܘܡܵܐ ܕܟܢܘܼܫܝܵܐ ܘܐ݇ܡܸܪܘܼܟܼ؛ ܠܹܐ ܡܲܙܝܸܕܸܢ ܠܸܫܡܲܥܝܵܐ ܩܵܠܹܗ ܕܡܵܪܝܵܐ ܐܲܠܵܗ‌ܝܼ؛ ܘܐܵܗܵܐ ܢܘܼܪܵܐ ܓܘܼܪܵܐ ܠܵܐ ܚܵܙܸܢ ܕܠܵܐ ܡܵܝܬ݇ܝܸܢ.܀ ܘܐ݇ܡܸܪܹܗ ܐܸܠܝܼ ܡܵܪܝܵܐ ܨܦܵܝܝܼ ܟܠ ܡܸܢܕܝܼ ܕܗܘܼܡܙܸܡܠܗ݇ܘܿܢ.܀ ܢܒ̣ܝܼܵܐ ܒܸܬ ܡܲܩܸܡܸܢ ܩܵܬܲܝܗ‌ܝ ܡ̣ܢ ܓܵܘ ܐܵܚܘܿܢ̈ܘܵܬܲܝܗ‌ܝ ܡܐܲܝܟܼ ܕܝܼܘܼܟܼ؛ ܘܒܸܬ ܝܵܗ݇ܒ̣ܸܢ ܗܹܡܸܙܡܵܢ̈ܝܼ ܒܦܘܼܡܹܗ؛ ܘܒܸܬ ܐܵܡܸܪ ܩܵܬܲܝܗ‌ܝ ܟܠ ܡܸܢܕܝܼ ܕܦܵܩܕܸܢܗ.܀ ܘܐ݇ܢܵܫܵܐ ܕܠܵܐ ܫܵܡܸܥ ܠܚܲܒܪܝܼ ܡ̣ܢ ܗ̇ܘ ܕܗܲܡܙܸܡ ܒܫܸܡܝܼ؛ ܐܵܢܵܐ ܒܸܬ ܫܵܩܠܸܢ ܬܘܼܥܠܵܐ ܡܸܢܹܗ.܀ ܐܝܼܢܵܐ ܐܸܢ ܢܒ̣ܝܼܵܐ ܕܩܲܫܕܸܪ ܠܗܲܡܙܘܼܡܹܐ ܗܹܡܸܙܡܵܢ ܒܫܸܡܝܼ ܕܠܵܐ ܦܘܼܩܸܕܠܝܼ ܐܸܠܹܗ ܠܹܐܡܵܪܵܐ؛ ܘܕܗܲܡܙܸܡ ܒܫܸܡܵܐ ܕܐܲܠܵܗܹ̈ܐ ܐ݇ܚܹܪ̈݇ܢܹܐ. ܒܸܬ ܦܵܐܹܫ ܩܛܝܼܠܵܐ ܗ̇ܘ ܢܒ̣ܝܼܵܐ.܀ ܘܐܸܢ ܐܵܡܪܸܬ̇ ܒܠܸܒܘܼܟܼ ܕܵܐܟ̣ܝܼ ܒܸܬ ܝܵܕܥܸܢܹܗ ܠܚܲܒܪܵܐ ܕܠܵܐ ܐ݇ܡܸܪܹܗ ܡܵܪܝܵܐ؟܀ ܐܝܼܡܲܢ ܕܗܘܼܡܙܸܡܠܹܗ ܢܒ̣ܝܼܵܐ ܒܫܸܡܵܐ ܕܡܵܪܝܵܐ؛ ܘܠܵܐ ܗ݇ܘܹܐܠܹܗ ܗ̇ܘ ܡܸܢܕܝܼ؛ ܘܠܵܐ ܩܘܼܘܸܡܠܹܗ. ܗ̇ܘ ܡܸܢܕܝܼ ܠܵܐ ܗܘܼܡܙܸܡܠܹܗ ܡܵܪܝܵܐ؛ ܒܩܲܫܕܲܪܬܵܐ ܗܘܼܡܙܸܡܠܹܗ ܢܒ̣ܝܼܵܐ ܠܵܐ ܙܵܕܥܝܼܬܘܿܢ ܡܸܢܹܗ܀

ܚܲܒ̣ܪܹܗ

ܐܹܫܲܥܝܵܐ ܡܚ؛ 12‐21

ܫܠܵܘ ܢܒ̣ܝܼܘܼܬܹܗ ܕܐܹܫܲܥܝܵܐ ܐܲܚܲܝ̈ ܒܲܪܸܟ̣ܡܵܪܝ܀

ܗܵܕܟ̣ܵܐ ܒܹܐܡܵܪܵܐ ܝ݇ܠܹܗ ܡܵܪܝܵܐ؛ ܫܡܝܼܥ ܐܸܠܝܼ ܝܲܥܩܘܿܒ̣ ܘܝܼܣܪܵܝܹܠ ܕܩܪܹܐܠܝܼ؛ ܐܵܢܵܐ ܝ݇ܘܸܢ ܩܵܕ݇ܡܵܝܵܐ ܘܐܵܢܵܐ ܝ݇ܘܸܢ ܐ݇ܚܵܪܵܝܵܐ.܀ ܘܐܝܼܕܝܼ ܬܘܼܪܸܨܠܵܗ̇ ܒܸܢܝܲܬܹ̈ܐ ܕܐܲܪܥܵܐ ܘܝܲܡܝܼܢܝܼ ܡܬܸܚܠܵܗ̇ ܫܡܲܝܵܐ؛ ܩܵܪܸܢ ܐܸܠܲܝܗ‌ܝ ܘܩܵܝܡܝܼ ܡܐܘܼܕܵܠܹܐ. ܓ̰ܡܸܥܡܘܿܢ ܟܠܵܘܟ̣ܘܿܢ ܘܫܡܸܥܡܘܿܢ؛ ܡܵܢܝܼ ܐܝܼܬ ܓܵܘܵܘܟ̣ܘܿܢ ܕܡܲܚܙܹܐ ܐܲܢܹܐ؟ ܡܵܪܝܵܐ ܡܘܼܚܸܒܠܹܗ ܕܥܵܒ̣ܸܕ ܗ̇ܘ ܡܸܢܕܝܼ ܕܒܲܣܡܵܐ ܠܹܗ ܒܒܵܒܹܠ؛ ܘܒܙܲܪܥܵܐ ܕܟܲܠܕܵܝܹ̈ܐ.܀ ܐܵܢܵܐ ܗܘܼܡܙܸܡܠܝܼ ܘܐܘܼܦ ܩܪܹܐܠܝܼ؛ ܘܡܘܼܬ݇ܝܵܐܠܝܼ؛ ܘܡܘܼܢܬܝܼܵܐܠܝܼ ܐܘܼܪܚܵܗ̇.܀ ܩܲܪܒܸܢܗ݇ܘܿܢ ܠܟܸܣܠܝܼ ܘܫܡܸܥܡܘܿܢ ܐܵܗܵܐ. ܡ̣ܢ ܫܘܼܪܵܝܵܐ ܒܛܸܫܘܵܐ ܠܵܐ ܗܘܼܡܙܸܡ ܠܝܼ! ܘܡ̣ܢ ܙܲܒ̣ܢܵܐ ܕܗܘܹܐܠܵܗ̇ ܬܵܡܵܐ ܝ݇ܘܸܢ؛ ܘܐܵܕܝܼܵܐ ܡܵܪܝܵܐ ܐܲܠܵܗܵܐ ܘܪܘܼܚܹܗ ܫܘܼܕܪܸܢܗ݇ܘܿܢ.܀ ܗܵܕܟ̣ܵܐ ܒܹܐܡܵܪܵܐ ܝ݇ܠܹܗ ܡܵܪܝܵܐ ܦܵܪܩܵܢܘܼܟܼ ܩܲܕܝܼܫܵܐ ܕܝܼܣܪܵܝܹܠ؛ ܐܵܢܵܐ ܝ݇ܘܸܢ ܡܵܪܝܵܐ ܐܲܠܵܗܘܼܟܼ ܒܸܬ ܡܲܠܦܸܢܘܼܟܼ ܕܠܵܐ ܥܵܒ̣ܕܸܬ̇ ܥܵܘܠܵܐ؛ ܘܒܸܬ ܡܲܚܙܸܢܘܼܟܼ ܐܘܼܪܚܵܐ ܕܐܵܙܸܠ݇ܬ̇ ܒܝܼܵܗ̇.܀ ܐܝܼܢܵܐ ܛܘܼܒ̣ܵܐ ܕܡܲܨܝܸܬܸܬ̇ ܗ݇ܘܵܐ ܠܦܘܼܩ̈ܕܵܢܝܼ؛ ܘܒܸܬ ܗܵܘܹܐ ܫܠܵܡܘܼܟܼ ܐܲܝܟܼ ܢܲܗܪܵܐ؛ ܘܙܲܕܝܼܩܘܼܬܘܼܟܼ ܐܲܝܟܼ ܠܲܦܹ̈ܐ ܕܝܵܡܵܐ؛ ܘܒܸܬ ܗܵܘܹܐ ܙܲܪܥܘܼܟܼ ܐܲܝܟܼ ܣܹܠܵܐ ܕܝܵܡܵܐ ܘܒܢܘܿܢܹ̈ܐ ܕܡܲܥܝܘܼܟܼ ܐܲܝܟܼ ܒܸܙܩܹ̈ܐ [ܒܲܩܠܘܼܫܹ̈ܐ] ܕܡܲܪܙܵܐ ܕܝܵܡܵܐ؛ ܘܠܹܐ ܒܵܛܸܠ ܘܠܹܐ ܬܵܠܸܩ ܫܸܡܹܗ ܡ̣ܢ ܩܵܕ݇ܡܝܼ.܀ ܦܠܘܿܛܘܿܢ ܡ̣ܢ ܒܵܒ̣ܸܠ ܘܥܪܘܿܩܘܿܢ ܡ̣ܢ ܟܵܠܕܵܝܹ̈ܐ؛ ܒܩܵܠܵܐ ܕܚܸܩܪܵܐ ܡܲܚܙܹܐܡܘܿܢ ܐܵܗܵܐ؛ ܘܡܲܫܡܸܥܡܘܿܢ ܠܵܗ̇؛ ܘܦܲܠܛܘܿܢ ܠܵܗ̇ ܗܲܠ ܡܲܪ̈ܙܵܢܹܐ ܕܐܲܪܥܵܐ؛ ܘܐ݇ܡܘܿܪܘܿܢ ܦܘܼܪܸܩܠܹܗ ܡܵܪܝܵܐ ܠܝܲܥܩܘܿܒ̣ ܪܹܓܹܗ܀

♱♱♱♱♱♱♱♱

ܚܲܕ݇ܒܼܫܹܒܵܐ ܗ ܕܕܸܢܚܵܐ

ܦܵܘܠܘܿܣ ܫܠܝܼܚܵܐ ܕܝܼܫܘܿܥ ܡܫܝܼܚܵܐ ܐܸܓܲܪܬܹܗ

ܕܲܠܘܵܬܼ ܥܸܒܼܪ̈ܵܝܹܐ ܐܲܚܲܝ̈ ܒܲܪܸܟܼܡܵܪܝ܀

ܒܵܥܝܲܚ ܡܲܕܥܲܚ ܩܵܬܵܘܟܼܘܿܢ ܐܵܚܘܿܢܘܵܬ̈ܝܼ ܡܸܢܕܝܼܵܢܹ̈ܐ ܕܝܼܢܵܐ ܨܦܵܝ ܘܩܘܼܪܒܵܐ ܠܚܲܝܹ̈ܐ؛ ܐܘܼܦܢ ܗܲܕܟܼܵܐ ܗܲܡܙܘܼܡܹܐ ܝ݇ܘܲܚ* ܣܵܒܵܒ ܐܲܠܵܗܵܐ ܠܹܐ ܝ݇ܠܹܗ ܢܵܗܲܩ ܕܡܲܢܫܹܐ ܦܘܼܠܚܵܢܵܘܟܼܘܿܢ ܘܚܘܼܒܵܘܟܼܘܿܢ ܕܡܘܼܚܙܸܐ ܠܵܘܟܼܘܿܢ ܒܫܸܡܹܗ؛ ܕܥܵܒܼܸܕܠܵܘܟܼܘܿܢ ܚܸܠܡܲܬ ܠܩܲܕܝܼܫܹ̈ܐ ܘܒܸܥܒܼܵܕܵܐ ܝ݇ܬܘܿܢ ܚܸܠܡܲܬ* ܘܒܵܥܝܲܚ ܕܟܠ ܚܲܕ݇ ܐ݇ܢܵܫܵܐ ܡܸܢܵܘܟܼܘܿܢ ܐܵܗܵܐ ܚܵܦܵܛܘܼܬܵܐ ܡܲܚܙܹܐ ܩܵܐ ܬܲܡܲܡܬܵܐ ܕܗܹܒܼܝܼܵܘܟܼܘܿܢ ܗܲܠ ܚܲܪܬܵܐ* ܘܕܠܵܐ ܗܵܘܝܼܬܘܿܢ ܡܲܟܣܸܠܵܢܹ̈ܐ؛ ܐܸܠܵܐ ܕܗܵܘܝܼܬܘܿܢ ܕܵܡܝܵܢܹ̈ܐ ܠܐܵܢܝܼ ܕܒܗܲܝܡܵܢܘܼܬܵܐ ܘܡܲܪܝܲܟܼܬܵܐ ܕܒܹܐܢܵܐ ܗܘܹܐܠܗ݇ܘܿܢ ܝܵܪ̈ܘܿܬܹܐ ܕܩܵܘܠܵܐ* ܣܵܒܵܒ ܩܵܐ ܐܲܒܼܪܵܗܵܡ ܩܘܼܘܸܠܹܗ ܐܲܠܵܗܵܐ. ܒܗ̇ܝ ܕܠܲܝܬ ܗ݇ܘ̣ܵܐ ܚܲܕ݇ ܐ݇ܚܹܪ݇ܢܵܐ ܒܘܼܫ ܓܘܼܪܵܐ ܡܸܢܹܗ ܕܝܵܡܹܐ ܒܝܼܹܗ؛ ܝ݇ܡܹܐܠܹܐ ܒܓܵܢܹܗ* ܘܐ݇ܡܸܪܹܗ ܒܵܪܘܿܟܹܐ ܒܸܬ ܒܵܪܟܼܸܢܘܼܟܼ. ܘܡܲܙܝܘܼܕܹܐ ܒܸܬ ܡܲܙܝܸܕܸܢܘܼܟܼ* ܘܗܲܕܟܼܵܐ ܡܘܼܪܝܸܟܼܠܹܗ ܒܹܐܢܹܗ ܘܩܘܼܒܸܠܹܗ ܩܵܘܠܵܐ* ܣܵܒܵܒ ܒܢܲܝ̈ܢܵܫܵܐ ܒܚܲܕ݇ ܒܘܼܫ ܓܘܼܪܵܐ ܡ̣ܢ ܓܵܢܲܝܗܝ ܟܹܐ ܝܵܡܝܼ. ܘܥܲܠ ܟܠ ܕܘܼܪܵܫܵܐ ܕܗܵܘܹܐ ܒܹܝܠܲܝܗܝ ܫܘܼܠܵܡܵܐ ܫܲܪܝܼܪܵܐ ܒܡܵܘܡܵܬܹ̈ܐ ܟܹܐ ܗܵܘܹܐ* ܒܘܼܬ ܕܐܵܗܵܐ؛ ܒܘܼܫ ܙܵܘܕܵܐ ܒܣܸܡܠܵܐ ܠܹܗ ܐܲܠܵܗܵܐ ܕܡܲܚܙܹܐ ܠܝܵܪ̈ܘܿܬܹܐ ܕܡܘܼܠܟܵܢܵܐ؛ ܕܩܵܘܠܹܗ ܠܹܐ ܦܵܐܸܫ ܫܘܼܚܠܸܦܹـܐ ܘܚܒܼܸܫܠܹܗ ܒܡܵܘܡܵܬܹ̈ܐ* ܕܒܬܪܹܝ ܡܸܢܕܝܼܵܢܹ̈ܐ ܕܠܹܐ ܦܵܝܫܝܼ ܫܘܼܚܠܸܦܹܐ ܕܠܹܐ ܡܵܨܹܐ ܐܲܠܵܗܵܐ ܕܕܵܓܸܠ ܒܝܼܲܝܗܝ. ܝܵܗܒܼܵܠܬܵܐ ܕܠܸܒܵܐ ܚܲܝܠܵܢܬܵܐ ܗܵܘܝܵܐ ܠܲܢ ܕܡܚܹܐܠܲܢ ܚܵܨܵܐ ܒܝܼـܹܗ. ܘܕܵܒܼܩܲܚ ܒܗܹܒܼܝܼ ܕܩܘܼܘܹܠܬܵܐ ܝ݇ܠܵܗ̇ ܩܵܬܲܢ. ܗ̇ܝ ܕܝܼܠܵܗ̇ ܐܲܝܟܼ ܠܲܢܓܲܪ ܕܒܼܝܼܩܬܵܐ ܒܓܵܢܲܢ ܕܠܵܐ ܫܵܥܫܵܐ. ܘܥܵܒܼܪܵܐ ܠܓܵܘܵܝܝܼ ܡ̣ܢ ܣܸܬܪܵܐ ܕܬܲܪܥܵܐ* ܒܗ̇ܝ ܕܘܼܟܬܵܐ ܕܥܒܸܪܹܗ ܩܵܕ݇ܡܵܝܵܐ ܡ̣ܢ ܓܹܒܲܢ ܝܼܫܘܿܥ. ܘܗܘܹܐܠܹܗ ܟܵܗܢܵܐ ܗܲܠ ܐܵܒܲܕ ܒܕܵܡܵܝܬܵܐ ܕܡܲܠܟܝܼܙܕܸܩ* ܐܝܼܢܵܐ ܐܵܗܵܐ ܡܲܠܟܝܼܙܕܸܩ ܝܼܠܹܗ ܡܲܠܟܵܐ ܕܫܵܠܝܼܡ. ܟܵܗܢܵܐ ܕܐܲܠܵܗܵܐ ܡܪܲܝܡܵܐ. ܘܗ̇ܘ ܬܦܸܩܠܹܗ ܒܐܲܒܼܪܵܗܵܡ ܐܝܼܡܲܢ ܕܕܸܪܹܗ ܡ̣ܢ ܡܲܚܪܲܒܼܬܵܐ ܕܡܲܠܟܹ̈ܐ ܘܒܘܼܪܸܟܼ ܠܹܗ* ܘܩܵܬܹܗ ܦܪܸܫܠܹܗ ܐܲܒܼܪܵܗܵܡ ܡܲܥܣܵܪܹ̈ܐ ܡ̣ܢ ܟܠ ܡܸܢܕܝܼ ܕܐܝܼܬ ܗ݇ܘ̣ܵܐ ܥܲܡܹܗ. ܫܸܡܹܗ ܟܹܐ ܦܵܐܸܫ ܦܘܼܫܩܵܐ ܡܲܠܟܵܐ ܕܟܹܐܢܘܼܬܵܐ؛ ܘܡܸܢ݇ܕܪܹܫ̄ ܡܲܠܟܵܐ ܕܫܵܠܝܼܡ؛ ܕܝܼܠܹܗ ܡܲܠܟܵܐ ܕܫܠܵܡܵܐ* ܕܠܵܐ ܒܵܒܹܗ ܘܠܵܐ ܝܸܡܹܗ ܦܸܫܠܗ݇ܘܿܢ ܟܬܝܼܒܹܐ ܒܐܘܼܓ̰ܵܓܼܹ̈ܐ. ܘܠܵܐ ܫܘܼܪܵܝܵܐ ܕܝܵܘܡܵܢ̈ܘܼܗܝ ܘܠܵܐ ܫܘܼܠܵܡܵܐ ܕܚܲܝ̈ܘܼܗܝ. ܐܸܠܵܐ ܒܕܵܡܵܝܬܵܐ ܕܒܪܘܼܢܹܗ ܕܐܲܠܵܗܵܐ ܟܵܗܢܘܼܬܹܗ ܒܸܟܠܵܝܵܐ ܝ݇ܠܵܗ̇ ܗܲܠ ܐܵܒܲܕ*

♱♱♱♱♱♱♱♱

ܚܕܒܫܒܐ ܕܚܡܫܐ ܕܒܼܬܪ ܕܢܚܐ

ܝܘܚܢܢ ܒ: 23 ‐ ܓ: 22

ܐܘܢܓܠܝܘܢ ܩܕܝܫܐ ܕܡܪܢ ܝܫܘܥ ܡܫܝܚܐ ܟܪܘܙܘܬܼܐ ܕܝܘܚܢܢ

ܐܝܼܢܵܐ ܟܲܕ ܝܼܗَܘܵܐ ܝܑܼܫܘܿܥ ܒܐܘܿܪܸܫܠܸܡ ܒܦܸܨܚܵܐ ܒܥܲܕܥܹܕܵܐ: ܪܵܒܵܐ ܗܘܼܡܸܢܘܿܢ ܒܝܼܹܗ ܕܚܙܹܐܠܗ݇ܘܿܢ ܢܝܼܫܲܢܩܹ̈ܐ ܕܒܸܥܒ̣ܵܕܵܐ ܝܗ݇ܘܵܐ، ܐܝܼܢܵܐ ܝܑܼܫܘܿܥ ܠܹܐ ܝܗ݇ܘܵܐ ܤܵܦܹܐ ܗ݇ܘܵܐ ܠܗ݇ܘܿܢ ܓܵܢܹܗ، ܣܵܒܵܒ ܕܗ̇ܘ ܝܵܕܸܥ ܗ݇ܘܵܐ ܠܟܠ ܐ݇ܢܵܫܵܐ: ܘܠܹܐ ܝܗ݇ܘܵܐ ܣܢܝܼܩܵܐ ܕܐ݇ܢܵܫܵܐ ܣܵܗܸܕ ܐܸܠܹܗ ܥܲܠ ܟܠ ܒܲܪܢܵܫܵܐ: ܣܵܒܵܒ ܗ̇ܘ ܝܵܕܸܥ ܗ݇ܘܵܐ ܡܘܼܕܝܼ ܐܝܼܬ ܒܒܲܪܢܵܫܵܐ: ܐܝܼܢܵܐ ܐܝܼܬ ܗ݇ܘܵܐ ܬܵܡܵܐ ܚܲܕ݇ ܓܲܒܼܪܵܐ ܡ̣ܢ ܦܪ̈ܝܼܫܹܐ ܢܝܼܩܵܕܹܡܘܿܣ ܝܼܗَܘܵܐ ܫܸܡܹܗ: ܐܲܪܟܘܼܢܵܐ ܕܝܘܼܗَܕܵܝܹ̈ܐ: ܐܵܗܵܐ ܐ݇ܬܹܐܠܹܗ ܠܘܵܬ ܝܑܼܫܘܿܥ ܒܠܸܠܝܵܐ ܘܐ݇ܡܝܼܪܹܗ ܐܸܠܹܗ: ܪܵܒܝܼ ܒܝܼܕܵܥܵܐ ܝܘܲܚ ܕܡ̣ܢ ܐܲܠܵܗܵܐ ܦܝܼܫܠܘܼܟܼ ܫܘܼܕܪܵܐ ܡܲܠܦܵܢܵܐ: ܣܵܒܵܒ ܕܐ݇ܢܵܫܵܐ ܠܹܐ ܡܵܨܹܐ ܠܸܥܒܼܵܕܵܐ ܐܲܢܹܐ ܢܝܼܫܲܢܩܹ̈ܐ ܕܐܲܢ݇ܬ ܒܸܥܒܼܵܕܲܝܗܝ ܝܘܸܬ. ܐܸܠܵܐ ܡ̇ܢ ܕܐܲܠܵܗܵܐ ܝܼܠܹܗ ܥܲܡܹܗ: ܓ̰ܘܼܘܸܒܠܹܗ ܝܑܼܫܘܿܥ ܘܐ݇ܡܝܼܪܹܗ ܐܸܠܹܗ: ܬܪܘܿܨܵܐ ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܘܼܟܼ، ܕܐܸܢ ܐ݇ܢܵܫܵܐ ܠܵܐ ܦܵܐܸܫ ܝܠܝܼܕܵܐ ܡ̣ܢ ܕܪܹܫ: ܠܹܐ ܡܵܨܹܐ ܕܚܵܙܹܐ ܡܲܠܟܘܼܬܹܗ ܕܐܲܠܵܗܵܐ: ܐܵܡܸܪ ܐܸܠܹܗ ܢܝܼܩܵܕܹܡܘܼܣ: ܕܲܐܟܼܝܼ ܒܡܵܨܹܐ ܓܲܒܼܪܵܐ ܣܵܒܼܵܐ ܕܦܵܐܸܫ ܝܠܝܼܕܵܐ: ܩܵܡܘܿ ܒܡܵܨܹܐ ܡܸܢ݇ܕܪܹܫ݇ ܠܸܥܒܼܵܪܵܐ ܠܟܲܪ݇ܣܵܐ ܕܝܸܡܹܗ ܓܵܗܵܐ ܕܬܸܪܬܹܝ ܘܦܵܐܸܫ ܝܠܝܼܕܵܐ؟ ܓ̰ܘܼܘܸܒܠܹܗ ܝܑܼܫܘܿܥ ܘܐ݇ܡܝܼܪܹܗ ܐܸܠܹܗ: ܬܪܘܿܨܵܐ ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܘܼܟܼ: ܕܐܸܢ ܐ݇ܢܵܫܵܐ ܠܵܐ ܦܵܐܸܫ ܝܠܝܼܕܵܐ ܡ̣ܢ ܡܝܼ̈ܵܐ ܘܪܘܼܚܵܐ، ܠܹܐ ܡܵܨܹܐ ܕܥܵܒܼܸܪ ܠܡܲܠܟܘܼܬܵܐ ܕܐܲܠܵܗܵܐ: ܡܸܢܕܝܼ ܕܝܠܝܼܕܵܐ ܝܠܹܗ ܡ̣ܢ ܒܸܣܪܵܐ ܒܸܣܪܵܐ ܝܠܹܗ. ܘܡܸܢܕܝܼ ܕܝܠܝܼܕܵܐ ܝܠܹܗ ܡ̣ܢ ܪܘܼܚܵܐ ܪܘܼܚܵܐ ܝܠܹܗ: ܠܵܐ ܥܲܓ̰ܒܸܬ ܕܐ݇ܡܝܼܪܝܼ ܐܸܠܘܼܟܼ: ܕܘܵܠܹܐ ܐܸܠܵܘܟܼܘܿܢ ܠܸܦܝܵܫܵܐ ܝܠܝܼܕܹܐ ܡ̣ܢ ܕܪܹܫ: ܦܵܘܚܵܐ ܕܘܼܟܵܐ ܕܒܲܣܡܵܐ ܠܹܗ ܟܹܐ ܡܵܚܹܐ: ܘܩܵܠܹܗ ܟܹܐ ܫܲܡܥܸܬ: ܐܸܠܵܐ ܠܹܐ ܝܵܕܥܸܬ ܡܐܲܝܟܵܐ ܒܹܐܬܵܝܵܐ ܝܠܹܗ ܘܠܐܲܝܟܵܐ ܒܹܐܙܵܠܵܐ ܝܠܹܗ. ܗܲܕܟܼܵܐ ܝܼܠܹܗ ܟܠ ܐ݇ܢܵܫܵܐ ܕܼܝܼܠܹܗ ܝܠܝܼܕܵܐ ܡ̣ܢ ܪܘܼܚܵܐ: ܓ̰ܘܼܘܸܒܠܹܗ ܢܝܼܩܵܕܹܡܘܿܣ ܘܐ݇ܡܝܼܪܹܗ ܐܸܠܹܗ: ܕܲܐܟܼܝܼ ܒܡܲܨܝܵܐ ܐܲܢܹܐ ܠܸܗܘܵܝܵܐ؟ ܓ̰ܘܼܘܸܒܠܹܗ ܝܑܼܫܘܿܥ ܘܐ݇ܡܝܼܪܹܗ ܐܸܠܹܗ: ܐܲܢ݇ܬ ܝܼܘܸܬ ܡܲܠܦܵܢܹܗ ܕܝܼܣܪܵܝܸܠ، ܘܐܲܢܹܐ ܠܹܐ ܝܘܸܬ ܒܝܼܕܵܥܵܐ‍؟ ܬܪܘܿܨܵܐ ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܘܼܟܼ، ܡܸܢܕܝܼ ܕܒܝܼܕܵܥܵܐ ܝܘܲܚ ܡܗܲܡܙܘܼܡܹܐ ܝܘܲܚ، ܘܡܸܢܕܝܼ ܕܚܙܹܐܠܲܢ ܒܸܣܗܵܕܵܐ ܝܘܲܚ، ܘܣܵܗܕܘܼܬܲܢ ܠܹܐ ܝܬܘܿܢ ܩܵܒܘܼܠܹܐ. ܐܸܢ ܡܸܢܕܝܼܵܢܹ̈ܐ ܐܪ̈ܥܵܢܵܝܹܐ ܐ݇ܡܝܼܪܝܼ ܐܸܠܵܘܟܼܘܿܢ ܘܠܹܐ ܝܬܘܿܢ ܡܗܲܝܡܘܼܢܹܐ، ܕܲܐܟܼܝܼ ܐܸܢ ܐܲܡܪܸܢ ܐܸܠܵܘܟܼܘܿܢ ܡܸܢܕܝܼܵܢܹ̈ܐ ܫܡܲܝܵܢܵܝܹ̈ܐ ܒܸܕ ܗܲܡܸܢܝܼܬܘܿܢ ܐܸܠܝܼ؟ ܘܠܵܐ ܐ݇ܢܵܫܵܐ ܣܝܼܠ݇ܩܠܹܗ ܠܫܡܲܝܵܐ، ܐܸܠܵܐ ܗ̇ܘ ܕܨܠܹܐܠܹܗ ܡ̣ܢ ܫܡܲܝܵܐ: ܒܪܘܿܢܹܗ ܕܐ݇ܢܵܫܵܐ ܗ̇ܘ ܕܝܼܠܹܗ ܒܲܫܡܲܝܵܐ: ܘܕܲܐܟܼܝܼ ܕܡܘܼܪܸܡܠܹܗ ܡܘܼܫܹܐ ܚܘܼܘܵܐ ܓܵܘ ܒܲܪܝܼܵܐ، ܗܲܕܟܼܵܐ ܗܕܝܼܪܵܐ ܝܠܹܗ ܕܦܵܐܸܫ ܡܘܼܪܡܵܐ ܒܪܘܿܢܹܗ ܕܐ݇ܢܵܫܵܐ: ܕܟܠ ܐ݇ܢܵܫܵܐ ܕܡܗܲܝܡܸܢ ܒܝܼܹܗ ܠܵܐ ܛܵܠܸܩ. ܐܸܠܵܐ ܗܵܘܝܼ ܐܸܠܹܗ ܚܲܝܹ̈ܐ ܕܠܥܵܠܲܡ: ܣܵܒܵܒ ܗܲܕܟܼܵܐ ܡܘܼܚܸܒܠܹܗ ܐܲܠܵܗܵܐ ܠܥܵܠܡܵܐ: ܕܲܐܟܼܝܼ ܕܠܸܒܪܘܿܢܹܗ ܝܼܚܝܼܕܵܝܵܐ ܝܲܗ݇ܒܼܸܠ: ܕܟܠ ܡ̇ܢ ܕܡܗܲܝܡܸܢ ܒܝܼܹܗ ܠܵܐ ܛܵܠܸܩ: ܐܸܠܵܐ ܗܵܘܝܼ ܐܸܠܹܗ ܚܲܝܹ̈ܐ ܕܲܠܥܵܠܲܡ. ܣܵܒܵܒ ܠܵܐ ܫܘܼܕܸܪܹܗ ܐܲܠܵܗܵܐ ܠܒܪܘܿܢܹܗ ܠܥܵܠܡܵܐ ܕܕܵܝܸܢܹܗ ܠܥܵܠܡܵܐ: ܐܸܠܵܐ ܕܚܲܝܹܐ ܥܵܠܡܵܐ ܒܐܝܼܕܹܗ: ܡܵܢ ܕܡܗܲܝܡܸܢ ܒܝܼܹܗ ܠܹܐ ܦܵܐܸܫ ܕܝܼܢܵܐ: ܘܡܵܢ ܕܠܵܐ ܡܗܲܝܡܸܢ ܒܝܼܹܗ، ܡ̣ܢ ܓ̰ܲܠܕܹܐ ܕܝܼܢܵܐ ܝܠܹܗ: ܕܠܵܐ ܡܗܘܼܝܡܸܢܹܗ ܒܫܸܡܹܗ ܕܝܼܚܝܼܕܵܝܵܐ ܒܪܘܿܢܹܗ ܕܐܲܠܵܗܵܐ: ܐܝܼܢܵܐ ܐܵܗܵܐ ܝܠܵܗ̇ ܕܝܵܢܬܵܐ: ܕܢܘܼܗܪܵܐ ܐ݇ܬܹܐܠܹܗ ܠܥܵܠܡܵܐ، ܘܡܘܼܚܸܒܠܗ݇ܘܿܢ ܒܢܲܝ̈ܢܵܫܵܐ ܠܚܸܫܟܵܐ ܒܘܼܫ ܙܵܘܕܵܐ ܡ̣ܢ ܕܠܢܘܼܗܪܵܐ: ܣܵܒܵܒ ܦܘܼܠܚܵܢܲܝ̈ܗܝ ܒܝܼܫܹ̈ܐ ܝܗ݇ܘܵܘ: ܣܵܒܵܒ ܟܠ ܕܫܘܼܓَܼܠܹ̈ܐ ܣܸܢܝܹ̈ܐ ܥܵܒܼܸܕ ܟܹܐ ܣܵܢܹܐ ܠܢܘܼܗܪܵܐ. ܘܠܹܐ ܐܵܬܹܐ ܠܘܵܬ ܢܘܼܗܪܵܐ، ܕܠܵܐ ܦܲܝܫܝܼ ܡܘܼܢܟܼܸܣܹܐ ܦܘܼܠܚܵܢܘܼ̈ܗܝ: ܐܝܼܢܵܐ ܗ̇ܘ ܕܥܵܒܼܸܕ ܫܪܵܪܵܐ، ܟܹܐ ܐܵܬܹܐ ܠܘܵܬ ܢܘܼܗܪܵܐ، ܕܦܲܝܫܝܼ ܝܕܸܥܝܹܐ ܦܘܼܠܚܵܢ̈ܘܼܗܝ ܕܒܐܲܠܵܗܵܐ ܝܢܵܐ ܥܒܼܝܼܕܹܐ.

♱♱♱♱♱♱♱