ܡܲܪܡܝܼܬܼܵܐ ܕܐ݇ܪ̈ܵܙܹܐ. ܫܲܒܲܚܘ ܠܡܵܪܝܵܐ ܬܸܫܒ̇ܘܿܚܬܵܐ ܚܕܲܬܵܐ.
ܥܘܿܢܝܼܬܼܵܐ ܕܩܲܢܟܹ̇ܐ. ܒܩܵܠ؛ ܠܵܟܼܘܼ ܩܵܪܹܝ̇ܢܲܢ.
ܐܹܒܲܪܸܟܼ ܠܡܵܪܝܵܐ ܒܟ̣ܠܙܒܲܢ؛ܘܲܒ̣ܪܝܼܟ̣ܘܼ ܫܡܵܐ ܕܐܝܼܩܵܪܹܗ ܠܥܵܠܲܡ. ܒܪܝܼܟ̣ܘܼ ܕܐܸܬ̇ܬܲܚܬ̇ܝܼ. ܘܦܲܪܩܹܗ ܠܲܟܼܝܵܢܲܢ. ܡ̣ܢ ܡܵܘܬܵܐ ܝܲܥܢܵܐ. ܬܢܝܼ؛ ܫܲܒܲܚ ܒܵܗ̇.
ܩܸܪܝܵܢܵܐ. ܬܸܢܝܵܢ ܢܵܡܘܿܣܵܐ؛ ܝܚ؛9‐ܫܘܼܠܵܡܵܐ ܚܲܒ̣ܪܹܗ. ܐܹܫܲܥܝܵܐ؛ ܡܚ؛12‐21
ܫܘܼܪܵܝܵܐ ܕ܀ ܝܼܕܼܝܼܥ ܒܲܝܗܘܼܕܼܵܐ ܐܲܠܵܗܵܐ* ܘܒ̣ܝܼܣܪܵܝܹܠ ܪܲܒ̇ ܫܡܹܗ* ܢܸܗܘܸܐ ܒܫܵܠܝܼܡ ܡܲܛܠܠܹܗ* ܘܡܲܥܡ̱ܪܹܗ ܒܨܸܗܝܘܿܢ*
ܫܠܝܼܚܵܐ. ܥܸܒ̣ܪ̈ܵܝܹܐ؛ ܘ؛ 9‐ܙ؛ 4
ܙܘܼܡܵܪܵܐ. ܒܲܫܡܲܝܵܐ ܡܸܫܬܲܥܹܝܢ܀ ܙܡܲܪܘ ܠܡܵܪܝܵܐ ܒܟܸܢܵܪܹ̈ܐ ܘܲܒ̣ܩܵܠܵܐ ܕܲܙܡܵܪܵܐ. ܘܲܒ̣ܩܵܠܵܐ ܕܩܲܪ̈ܢܵܬܼܵܐ ܫܲܒܲܚܘ ܩܕܼܵܡ ܡܲܠܟܵܐ ܡܵܪܝܵܐ. ܒ܀ ܢܙܘܼܥ ܝܲܡܵܐ ܒܲܡܠܹܐܹܗ. ܬܹܒܹܝܠ ܘܥܵܡܘܿܪܹ̈ܝܗ̇. ܒ܀
ܐܹܘܲܢܓܲܠܝܼܘܿܢ. ܝܘܿܚܲܢܵܢ؛ ܓ؛1‐22
ܥܘܿܢܝܼܬܼܵܐ ܕܐ݇ܪ̈ܵܙܹܐ. ܒܩܵܠ؛ ܡܵܪܵܐ ܕܟܼܠܵܐ.
ܫܲܒܲܚܘ ܠܡܵܪܝܵܐ ܬܸܫܒ̇ܘܿܚܬܵܐ ܚܕܲܬܵܐ. ܬܹܒܹܝܠ ܘܟܼܠܗܘܿܢ ܥܵܡܘܿܪܹ̈ܝܗ̇. ܕܨܘܼܪܬܵܐ. ܘܟܼܠ ܡܸܕܸܡ ܗܘܸܵܐ ܚܲܕܼܬ̣ܵܐ ܡ̣ܢ ܐܲܠܵܗܵܐ. ܒܪܝܼܬܼܵܐ ܚܕܲܬܵܐ ܬܲܗܪܵܐ ܚܙܵܬܸ. ܥܡܵܕܼܵܐ ܚܲܕܼܬ̣ܵܐ ܕܲܒ̣ܝܘܿܪܕܢܵܢ. ܫܡܲܝܵܐ ܕܲܠܥܸܠ ܟܲܕܼ ܡܸܬ̣ܦܬܲܚ. ܘܲܠܝܘܿܚܲܢܵܢ ܟܲܕܼ ܡܸܬ̣ܪ̱ܗܸܒ̣. ܐܸܡܪܵܐ ܚܲܝܵܐ ܟܲܕܼ ܡܸܬ̣ܥ̱ܡܸܕܼ. ܘܪܘܼܚܵܐ ܕܐܸܬ̣ܵܐ ܘܩ̣ܵܘܝܼ ܥܠܵܘܗܝ. ܘܐܲܒ̣ܵܐ ܕܚܲܬܸ̇ܡ ܒܝܲܕܼ ܡܸܠܬܹܗ. ܕܗܵܢܵܘ ܚܲܒ̇ܝܼܒ̣ܝ ܕܒܹܗ ܐܸܨܛܒ̣ܝܼܬ̣. ܬܢܝܼ؛ ܫܲܒܲܚ ܒܵܗ̇.
ܕܒܹܝܡ. ܥܘܼܢܵܝܵܐ. ܒܩܵܠ ܫܘܼܒ̣ܚܵܐ ܠܗ̇ܘ ܚܲܝܠܵܐ. ܥܲܡܡܹ̈ܐ ܙܡܲܪܘ ܫܘܼܒ̣ܚܵܐ ܠܗ̇ܘ ܕܲܒܼܪܲܚܡܵܘܗܝ ܣܲܓܝܼܐܹ̈ܐ ܐܸܬ̣ܵܐ ܡ̣ܢ ܪܵܘܡܵܐ. ܘܐܲܬ̣ܩܸܢ ܒܛܲܝܒ̇ܘܼܬܹܗ ܒܥܹܕܬܵܐ ܦܵܬ̣ܘܿܪ ܡܲܠܟ̇ܘܼܬܼܵܐ ܕܲܡܠܸܐ ܚܲܝܹ̈ܐ ܘܒ̣ܘܼܣܵܡܹ̈ܐ. ܦܲܓ̣ܪܹܗ ܝܲܩܝܼܪܵܐ ܘܲܕܡܹܗ ܟܵܣܵܐ ܕܦܘܼܪܩܵܢܵܐ. ܝܲܗ̣݇ܒ̣ ܠܲܢ ܒܲܪ ܡܲܠܟܵܐ ܢܸܣܒ̣ܝܼܘܗܝ ܘܢܸܬ̣ܚܲܣܸܐ ܒܹܗ܀ ܘܥܲܡ ܟܪ̈ܘܿܒܹܐ ܘܲܣܪ̈ܵܦܹܐ ܢܸܩܥܸܐ ܒܩܵܠܹ̈ܐ ܕܬ̣ܵܘܕܝܼܬܼܵܐ ܗܲܠܸܠܘܼܝܲܗ.
ܒܵܬܹ̈ܐ. ܡܲܢ̣ܘܼ ܚ̣ܙܵܐ ܐܲܚܲܝ̈ ܡܲܠܟܵܐ ܕܲܥ̣ܒܲܕܼ ܡܸܫܬ̇ܘܼܬܼܵܐ ܠܲܒ̣ܪܹܗ ܚܲܒ̇ܝܼܒ̣ܵܐ. ܘܲܚܠܵܦ ܬܘܼܩܵܢܹ̈ܐ ܠܹܗ ܠܲܒ̣ܪܹܗ ܥ̣ܒܲܕܼ ܗ̣݇ܘܵܐ ܕܸܒ̣ܚܵܐ ܕܲܢܒܲܣܸܡ ܒܹܗ ܠܲܙܡܝܼܢܵܘ̈ܗܝ. ܗܵܐ ܥܒ̣ܵܕܼܵܐ ܚܲܕܼܬ̣ܵܐ ܕܠܵܐ ܗܘܸܵܐ ܡ̣ܢ ܡܬ̣ܘܿܡ ܐܲܟ̣ܘܵܬܹܗ. ܕܒܲܚܠܘܼܠܹܗ ܕܚܲܬ̣ܢܵܐ ܦܲܓ̣ܪܹܗ ܚܲܝܵܐ ܡܸܬ̣ܦܲܠܲܓ̣܀ ܘܥܲܡ ܟܪ̈ܘܿܒܹܐ ܘܲܣܪ̈ܵܦܹܐ܀ ܠܗܵܕܹܐ ܡܸܫܬ̇ܘܼܬܼܵܐ ܕܵܘܝܼܕܼ ܡܲܠܟܵܐ ܐܸܬ̣ܪܲܓ̣ܪܲܓ̣ ܘܟܼܠ ܝܘܿܡ ܙܵܡܲܪ ܗ̣݇ܘܵܐ. ܕܟܼܠܹܗ ܫܘܼܒܼܚܵܐ ܕܒܲܪ݇ܬ̣ ܡܲܠܟܵܐ ܡ̣ܢ ܠܓ̣ܵܘ ܐܝܼܬܼܵܘܗܝ ܘܲܡܨܲܒ̇ܬܼܵܐ ܒܕܲܗܒ̣ܵܐ ܛܵܒ̣ܵܐ. ܫܘܼܦܪܵܗ̇ ܕܡܸܫܬܿܘܼܬܼܵܐ ܢܒ̣ܝܼܵܐ ܒܐ݇ܪܵܙܵܐ ܚ̣ܵܘܝܼ ܠܲܢ. ܗܵܐ ܕܹܝܢ ܒܲܫܪܵܪܵܐ ܒܹܟ̣ܝ ܥܹܕ̇ܬܵܐ ܗܵܐ ܡܸܬܼܦܲܠܲܓ̣܀ ܘܥܲܡ ܟܪ̈ܘܿܒܹܐ ܘܲܣܪ̈ܵܦܹܐ܀