ܡܲܪܡܝܼܬܼܵܐ ܕܐ݇ܪ̈ܵܙܹܐ. ܐܹܪܲܡ̱ܪܡܵܟܼ ܡܵܪܝ ܡܲܠܟܵܐ.
ܕܩܲܢܟܹ̇ܐ؛ ܒܲܒܼܝܲܕܼ ܫܠܵܡܵܐ.
ܐܲܬ̣ܩܸܢ ܐܲܪܥܵܐ ܥܲܠ ܡܲܬܼܩܢܹܝ̈ܗ̇؛ ܗܵܘ̇ ܕܐܝܼܬܼܵܘܗܝ ܡ̣ܢ ܩܕܼܵܡ ܥܵܠܡܹ̈ܐ. ܒܪܸܡܙܹܗ ܥ̣ܒܲܕܼ ܒܪܝܼܬܼܵܐ ܟܠܵܗ̇ ܐܝܼܬܼܝܵܐ ܕܲܩܕܼܵܡ ܟܠ. ܕܠܲܚ̣ܡܵܗ̇ ܒܣܘܿܓ̣ܐܵܐ ܕܛܲܝܒ̇ܘܼܬܹܗ ܕܗ݀ܝ̣ ܒܵܗ̇ ܬܹܐܠܲܦ ܥܠܵܘܗܝ. ܡܸܢܵܗ̇ ܥܲܒ̣ܕܵܗ̇ ܡܸܬܼܚܲܙܝܵܢܝܼܬܼܵܐ. ܡܢܵܬܼܵܐ ܐ݇ܚܪܹܬܼܵܐ ܡܸܬܼܝܲܕܼܥܵܢܝܼܬܼܵܐ. ܘܐܲܣ̣ܪܵܗ̇ ܠܟܼܠܵܗ̇ ܒܒܲܪܢܵܫܵܐ ܕܬܼܵܘܕܸ̇ܐ ܕܚܲܕܼܘܼ ܒܪܵܗ̇. ܕܲܒܼܝܲܕܼ ܚܘܼܒܹ̇ܗ ܢܵܘܕܲܥ ܥܲܠ ܝܵܬܹܗ. ܬܢܝܼ؛ ܫܲܒܲܚ. ܐܲܠܵܗܵܐ ܡܵܪܵܐ ܛܵܒ̣ܵܐ ܒܵܪܘܿܝܹܗ ܕܥܵܠܡܵܐ. ܒܪܼܵܐ ܗ̣݇ܘܵܐ ܘܐܲܬܼܩܸܢ ܒܛܲܝܒ̇ܘܼܬܹܗ ܐܸܣܛܘܼܟܼܣܹ̈ܐ ܐܲܪܒ̇ܥܵܐ. ܢܘܼܪܵܐ ܘܡܲܝ̈ܵܐ ܘܐܲܪܥܵܐ ܥܲܡ ܐܵܐܲܪ. ܘܲܒܼܡܘܼܙܵܓܼܗܘܿܢ ܝܲܗ̣݇ܒܼ ܚܲܝܹ̈ܐ ܠܟܼܠ ܒܣܲܪ. ܘܲܒܼܗܘܿܢ ܫ̣ܵܘܕܲܥ ܪܲܒ̇ܘܼܬܹܗ ܘܚܲܝܠܵܐ ܕܚܸܟܼܡ̱ܬܹܗ. ܕܲܒܼܣܲܩܘܼܒ̣̈ܠܹܐ ܡܩܲܝܸܡ ܠܲܒܼܪܝܼܬܹܗ. ܥܵܠܲܡ؛ ܒܚܲܕܼܒ̇ܫܲܒܵܐ ܝܵܘܡܵܐ ܪܲܒܵܐ ܐܸܬܼܒ̇ܪܝܼ ܒܹܗ ܢܘܼܗܪܵܐ. ܘܒܲܬܼܪܹܝܢ ܪܩܝܼܥܵܐ. ܘܒܲܬܼܠܵܬܼܵܐ ܐܝܼܠܵܢܹ̈ܐ ܕܟܼܠ ܓܢܸܣ. ܘܒܲܐܪܒܲܥܒ̇ܫܲܒܵܐ ܒܪܼܵܐ ܫܸܡܫܵܐ ܘܣܲܗܪܵܐ. ܒܚܲܡܫܵܒ̇ܫܲܒܵܐ ܛܲܝܪܵܐ ܘܦܵܪܲܚܬܼܵܐ. ܘܒܲܥܪܘܼܒܼܬܵܐ ܓܲܒܼܠܹܗ ܠܐܵܕܼܵܡ ܘܲܩ̣ܪܵܝܗܝ ܫܸܡ ܨܲܠܡܹܗ. ܒܫܲܒ̇ܬܼܵܐ ܐܸܬ̇ܬ̇ܢܝܼܚ ܡܵܪܝܵܐ ܡ̣ܢ ܥܲܡܠܹܗ.
ܩܸܪܝܵܢܵܐ؛ ܒܪܝܼܬܼܵܐ؛ ܝܐ؛1‐ܫܘܼܠܵܡܵܐ ܚܲܒ̣ܪܹܗ؛ ܝܼܫܘܿܥ ܒܲܪܢܘܿܢ؛ ܘ؛27‐ܙ؛16.
ܫܘܼܪܵܝܵܐ؛ ܘ܀ ܟܠܗܘܿܢ ܣ̣ܛܵܘ ܐܲܟܼܚ݇ܕܼܵܐ ܘܐܸܬܿܛܲܢܲܦܘ* ܘܠܲܝܬ̇ ܕܥܵܒܹ̇ܕܼ ܛܵܒ̣ܬܼܵܐ ܘܐܵܦܠܵܐ ܚܲܕܼ* ܘܠܵܐ ܝܼܕܲܥ̣ܘ ܟܠ ܥܵܒ̣ܕܲܝ̈ ܥܵܘ̣ܠܵܐ* ܐܲܝܠܹܝܢ ܕܐܵܟ̣ܠ̇ܝܼܢ ܗ݇ܘ̣ܵܘ ܠܥܲܡܝ ܡܹܐܟܼܘܼܠܬܵܐ ܕܠܲܚܡܵܐ* ܘܠܲܐܠܵܗܵܐ ܠܵܐ ܩ̣ܪܵܘ* ܬܲܡܵܢ ܕܚܸܠ̣ܘ ܕܸܚܠ̱ܬܼܵܐ*
ܫܠܝܼܚܵܐ؛ ܪ̈ܗ݇ܘܿܡܵܝܹܐ؛ ܚ؛12‐28 .
ܙܘܼܡܵܪܵܐ؛ ܡܵܪܝܵܐ ܐܲܠܵܗܝ ܒܵܟܼ ܣܲܒ̇ܪܹܬܼ ܦܪܘܿܩܲܝܢܝ. ܘܡ̣ܢ ܟܠ ܪ̈ܵܕܼܘܿܦܲܝ ܦܲܨܵܢܝ. ܕܲܠܡܵܐ ܐܲܝܟܼ ܐܲܪܝܵܐ ܠܡܸܬ̣ܒܲܪ ܠܢܲܦ̮ܫܝ. ܘܠܲܝܬ̇ ܕܦܵܪܹܩ̇ ܘܲܡܦܲܨܸܐ. ܕ܀ ܡܵܪܝܵܐ ܐܲܠܵܗܝ ܐܸܢ ܥܸ̇ܒ̣ܕܹ̇ܬܼ ܗܵܕܹܐ. ܘܐܸܢ ܐܝܼܬܼ ܥܵܘ̣ܠܵܐ ܒܐܝܼܕܲܝ̈. ܘܐܸܢ ܦܸܪܥܹ̇ܬܼ ܠܡܲܢ ܕܲܥ̣ܒܲܕܼ ܠܝܼ ܒܝܼܫܬܵܐ. ܘܐܸܢ ܐܲܠܨܹ̇ܬܼ ܠܲܒܼܥܸܠܕܒ̣ܵܒ̣ܝ ܣܪܝܼܩܵܐܝܼܬܼ. ܕ܀
ܐܹܘܲܢܓܲܠܝܼܘܿܢ؛ ܡܲܬܲܝ؛ ܟܐ؛23‐ܫܘܼܠܵܡܵܐ .
ܕܐ݇ܪ̈ܵܙܹܐ. ܒܢܸܬ̇ܛܲܝܲܒ̣ ܒܕܸܚܠ̱ܬܼܵܐ.
ܝܲܗ̣݇ܒ̣ܬ̇ ܠܕܼܵܚܠܲܝ̈ܟ ܐܵܬ݀ܵܐ. ܠܐܲܝܠܹܝܢ ܕܲܬܼܪܝܼܨܝܼܢ ܒܠܸܒ̇ܗܘܿܢ. ܡܵܘܗܲܒ̣ܬܼܵܐ ܕܚܲܝܹ̈ܐ ܚܲܕܼܬܹ̈ܐ ܡܸܬܼܝܲܗ݇ܒܵܐ. ܠܡܵܝܘܿܬܹ̈ܐ ܒܓܼܵܘ ܒܹܝܬܼ ܩܘܼܕܼܫܵܐ ܪܘܼܚܵܢܵܐ. ܘܐܲܝܢܵܐ ܕܩܲܛ̣ܠܹܗ ܡܵܘܬܵܐ ܕܲܚܛܝܼܬܼܵܐ. ܢܸܩܪܘܿܒ̣ ܘܢܸܣܲܒ̣ ܐ݇ܪ̈ܵܙܹܐ ܡܲܚܝܵܢܹ̈ܐ ܕܲܒܼܗܘܿܢ ܚܵܐܹ̇ܒܼ ܣܵܛܵܢܵܐ ܒܥܸܠܕܲܪܹܗ ܕܓܸܢܣܲܢ؛ ܬܢܝܼ. ܘܫܲܒܲܚ ܒܵܗ̇.
ܕܒܹܝܡ. ܥܘܼܢܵܝܵܐ. ܢܒ̣ܝܼܹ̈ܐ ܘܡܲܠܟܹ̈ܐ ܐܸܬܼܪܲܓܼܪܲܓܼܘ. ܠܦܲܓܼܪܵܟܼ ܘܲܕܼܡܵܟܼ ܡܚܲܣܝܵܢܵܐ. ܬܢܝܼ.
ܒܵܬܹ̈ܐ؛ ܐܸܬܼܪܲܓܼܪܲܓܼ ܕܵܘܝܼܕܼ ܘܲܫ̣ܐܸܠ. ܘܠܵܐ ܐܸܫ̣ܬ̇ܝܼ ܡܲܝ̈ܵܐ ܕܲܫ̣ܐܸܠ. ܐܵܘܕܵܘ ܐܲܢ݇ܬ̇ܘܿܢ ܕܲܫ̣ܘܲܝܬ̇ܘܿܢ. ܠܡܸܫܬܵܐ ܟܵܣܹܗ ܕܲܡܫܝܼܚܵܐ܀ ܡ̣ܢ ܩܘܿܩܬܼܵܐ ܚܕܲܬܵܐ ܢܸܦܩܲܬܸ. ܡܸܠܚܵܐ ܘܐܲܣܝܲܬܸ ܡܲܒ̇ܘܼܥܹ̈ܐ. ܦܲܓ̣ܪܵܐ ܕܲܢ̣ܦܲܩ ܡ̣ܢ ܡܲܪܝܲܡ. ܚܒ̣ܵܪ̈ܵܬܼܵܐ ܕܥܲܡܡܹ̈ܐ ܐܲܚ̣ܠܸܡ܀ ܢܚܸܬܼ ܗ݇ܘ̣ܵܐ ܩܲܝܣܵܐ ܩܲܠܝܼܠܵܐ. ܘܛܵܦ̣ ܗ݇ܘ̣ܵܐ ܝܘܼܩܪܵܐ ܕܛܲܒ̇ܝܼܥܵܐ. ܬܵܘ ܣܲܒ̣ܘ ܩܘܼܕܼܫܵܐ ܕܠܵܐܟ̣ܘܿܠܹܗ. ܒܚܲܪܬܼܵܐ ܒܐܵܐܲܪ ܡܲܦܪܲܚ ܠܹܗ.
♱♱♱♱♱♱♱♱♱