ܚܲܕܼܒ̇ܫܲܒܵܐ ܕܐܲܪܒ̇ܥܵܐ ܕܒܼܵܬܲܪ ܕܕܸܢܚܵܐ.
ܡܲܪܡܝܼܬܼܵܐ ܕܐ݇ܪ̈ܵܙܹܐ. ܫܲܒܲܚܘ ܠܡܵܪܝܵܐ ܬܸܫܒ̇ܘܿܚܬܵܐ ܚܕܲܬܵܐ.
ܥܘܿܢܝܼܬܼܵܐ ܕܩܲܢܟܹ̇ܐ. ܒܩܵܠ؛ ܠܵܟܼܘܼ ܩܵܪܹܝ̇ܢܲܢ.
ܐܹܒܲܪܸܟܼ ܠܡܵܪܝܵܐ ܒܟ̣ܠܙܒܲܢ؛ ܘܲܒܼܟ̣ܠܙܒܲܢ ܬܸܫܒ̇ܚܵܬܹ̈ܗ ܒܦܘܼܡܝ. ܒܪܝܼܟܼܘܼ ܐܲܠܵܗܵܐ. ܕܫܲܕܲܪ ܚܲܒ̇ܝܼܒܹܗ. ܘܦܲܪܩܹܗ ܠܲܟܼܝܵܢܵܢ. ܬܢܝܼ؛ ܫܲܒܲܚ ܒܵܗ̇.
ܩܸܪܝܵܢܵܐ. ܡܸܢܝܵܢܵܐ؛ܝܐ؛ 23‐ܫܘܼܠܵܡܵܐ ܚܲܒ̣ܪܹܗ. ܐܹܫܲܥܝܵܐ؛ ܡܘ؛ 5‐ܫܘܼܠܵܡܵܐ
ܫܘܼܪܵܝܵܐ. ܚ܀ ܡܲܢ̣ܘܼ ܐܲܟܼܘܵܬܼܵܟܼ ܥܲܫܝܼܢܵܐ* ܘܗܲܝܡܵܢܘܼܬܼܵܟܼ ܚܕܼܵܪ̈ܲܝܟ* ܐܲܢ݇ܬ̇ ܫܲܠܝܼܛ ܐܲܢ݇ܬ̇ ܒܓܲܐܝܘܼܬܹܗ ܕܝܲܡܵܐ* ܘܲܕܼܠܘܼܚܝܵܐ ܕܓܲܠܠܵܘ̈ܗܝ ܐܲܢ݇ܬ̇ ܡܫܲܬܸ̇ܩ* ܐܲܢ݇ܬ̇ ܡܡܲܟܸ̇ܟܼ ܐܲܢ݇ܬ̇ ܠܫܲܒܼܗ̱ܪ̈ܵܢܹܐ ܐܲܝܟܼ ܕܠܲܩܛܝܼܠܹ̈ܐ* ܒܲܕܪܵܥܵܟܼ ܥܲܫܝܼܢܵܐ ܒܲܕܲܪܬ̇ ܠܲܒ̣ܥܸܠܕܒ̣ܵܒܲܝ̈ܟ* ܕܝܼܠܵܟܼ ܐܸܢܘܿܢ ܫܡܲܝܵܐ ܘܕܼܝܼܠܵܟܼ ܗ݇ܝ̣ ܐܲܪܥܵܐ* ܬܹܒܹܝܠ ܒܲܡܠܹܐܵܗ̇ ܐܲܢ݇ܬ̇ ܬܲܩܸܢܬ̇*
ܫܠܝܼܚܵܐ. ܥܸܒ̣ܪ̈ܵܝܹܐ؛ܙ؛ 18‐ܫܘܼܠܵܡܵܐ.
ܙܘܼܡܵܪܵܐ. ܫܘܼܚܠܵܦ ܛܘܼܒܲܝܗܘܿܢ܀ ܐܵܘܕܵܘ ܠܡܵܪܝܵܐ ܕܛܵܒ̣ܘܼ ܘܲܠܥܵܠܲܡ ܪ̈ܲܚܡܵܘܗܝ. ܐܵܘܕܵܘ ܠܐܲܠܵܗ ܐܲܠܵܗ̈ܝܼܢ ܕܲܠܥܵܠܲܡ ܪ̈ܲܚܡܵܘܗܝ. ܒ܀ ܠܕܲܥ̣ܒܲܕܼ ܫܡܲܝܵܐ ܒܚܸܟܼܡ̱ܬܹܗ ܕܲܠܥܵܠܲܡ ܪ̈ܲܚܡܵܘܗܝ. ܠܕܲܪܩܲܥ̣ ܐܲܪܥܵܐ ܥܲܠ ܡܲܝ̈ܵܐ ܕܲܠܥܵܠܲܡ ܪ̈ܲܚܡܵܘܗܝ. ܒ܀
ܐܹܘܲܢܓܲܠܝܼܘܿܢ. ܝܘܿܚܲܢܵܢ؛ܐ؛ 43‐ܒ؛12
ܥܘܿܢܝܼܬܼܵܐ ܕܐ݇ܪ̈ܵܙܹܐ. ܒܣܵܗܕܹ̈ܐ ܒܪ̈ܝܼܟܹܐ.
ܩܲܕ̇ܝܼܫܘܼ ܘܲܕܼܚܝܼܠ ܫܡܹܗ؛ ܐܲܥܸܠ̣ܬܵܢ ܒܢܘܼܪܵܐ ܘܲܒ̣ܡܲܝ̈ܵܐ. ܕܨܘܼܪܬܵܐ. ܕܪܲܒ̇ ܐܲܢ݇ܬ̇ ܘܪܲܒ̇ ܫܡܵܟܼ ܒܓܲܢ݇ܒܵܪܘܼܬܼܵܐ. ܥܡܵܕܼܵܟܼ ܕܲܒ̣ܡܲܝ̈ܵܐ ܩܲܕܸܫ ܢܲܦ̮̈ܫܵܬܲܢ. ܘܐܲܟܼܪܸܙ ܢܘܼܚܵܡܲܢ. ܪ̈ܘܼܚܵܢܹܐ ܥܲܡ ܝܘܿܚܲܢܵܢ. ܒܬܲܗܪܵܐ ܪܲܒܵܐ ܩܵܝܡ̇ܝܼܢ ܗ݇ܘ̣ܵܘ. ܡܩܲܕܸܫ ܥܲܡܡܹ̈ܐ ܒܲܥܡܵܕܹܗ. ܥܡܵܕܼܵܐ ܩܲܒܸ̇ܠ ܡ̣ܢ ܥܲܒ̣ܕܹܗ. ܕܲܢܚܲܪܲܪ ܠܓܸܢܣܵܐ ܕܡܵܝܘܿܬܹ̈ܐ. ܬܢܝܼ؛ ܫܲܒܲܚ ܒܵܗ̇.
ܕܒܹܝܡ. ܥܘܼܢܵܝܵܐ. ܗܵܢܵܘ ܕܸܒ̣ܚܵܐ ܡܚܲܣܝܵܢܵܐ ܕܝܲܗ̣݇ܒ̣ܠܲܢ ܦܵܪܘܿܩܲܢ. ܕܒܹܗ ܢܸܡܪܘܿܩ ܡܘܼܡܹ̈ܐ ܕܦܲܓ̣ܪ̈ܲܝܢ ܘܚܵܘܒܹ̈ܐ ܟܣܲܝ̈ܵܐ ܕܢܲܦ̮̈ܫܵܬܲܢ. ܘܲܢܕܲܟܸ̇ܐ ܬܹܐܪ̈ܵܬܲܢ ܡ̣ܢ ܦܘܼܠܵܓܹ̈ܐ܀ ܘܢܸܣܒ̣ܝܼܘܗܝ ܟܠܲܢ ܒܪܸܚܡ̱ܬܼܵܐ ܘܐܵܘܝܘܼܬܼܵܐ ܘܚܘܼܒܵܐ ܟܲܕܼ ܐܵܡ̇ܪܝܼܢܲܢ ܗܲܠܸܠܘܼܝܲܗ.
ܒܵܬܹ̈ܐ. ܗܵܐ ܡܵܘܗܲܒ̣ܬܼܵܐ ܡܚܲܣܝܲܬܼ ܡܲܓܵܢ. ܣܲܒ̣ܘ ܡܵܝܘܿܬܹ̈ܐ ܘܐܸܬ̣ܚܲܣܵܘ ܒܵܗ̇܀ ܘܢܸܣܒ̣ܝܼܘܗܝ ܟܠܲܢ ܒܪܸܚܡ̱ܬܼܵܐ...