ܚܲܕܼܒ̇ܫܲܒܵܐ ܕܲܬܼܠܵܬܼܵܐ ܕܨܵܘܡܵܐ

 

   ܡܲܪܡܝܼܬܼܵܐ ܕܐ݇ܪ̈ܵܙܹܐ؛ ܐܹܪܲܡ̱ܪܡܵܟܼ ܡܵܪܝ ܡܲܠܟܵܐ.  

 

   ܕܩܲܢܟܹ̇ܐ. ܒܚܲܢܵܢܵܐ ܕܲܦܬܼܝܼܚ.

ܕܐܵܬܹܐ ܠܲܡܕܼܵܢܵܗ̇ ܠܐܲܪܥܵܐ؛ ܡܹܐܬܼܵܐ ܐܵܬܹܐ ܒܚܲܕܼܘܼܬܼܵܐ. ܕܲܝܵܢܵܐ ܟܹܐܢܵܐ ܐܵܬܹܐ ܒܫܘܼܠܵܡܵܐ. ܘܒܼܵܚܲܪ ܟܲܣ̈ܝܵܬܼܵܐ ܕܡܸܠܲܝ̈ܢ ܘܲܥܒ̣ܵܕܲܝ̈ܢ. ܢܸܕܼܚܲܠ ܡ̣ܢ ܕܝܼܢܹܗ ܕܠܵܐ ܢܵܣܹ̇ܒܼ ܒܐܲܦܹ̈ܐ. ܕܐܵܣܝܵܐ ܗ݇ܘ̣ ܚܲܟ̇ܝܼܡܵܐ ܕܡܲܐܣܸܐ ܚܒ̣ܵܪ̈ܵܬܲܢ. ܬܢܝܼ؛ ܫܲܒܲܚ. ܨܠܝܼܒܼܵܐ ܕܲܗܘ݀ܵܐ ܠܲܢ ܥܸܠܲܬܼ ܛܵܒ̣̈ܵܬܼܵܐ. ܘܒܹܗܸܘ ܐܸܬܼܚܲܪܲܪ ܓܸܢܣܲܢ ܡܵܝܘܿܬܼܵܐ. ܗܸܘ ܡܵܪܝ ܢܸܗܘܸܐ ܠܲܢ ܫܘܼܪܵܐ ܚܲܣܝܼܢܵܐ. ܘܒܹܗ ܢܸܙܟܹ̇ܝܘܗ‌ܝ ܠܒ̣ܝܼܫܵܐ ܘܟܼܠܗܹܝܢ ܨܸܢܥܵܬܹ̈ܗ.

 

 ܩܸܪܝܵܢܵܐ؛  ܒܪܝܼܬܼܵܐ؛ ܙ؛ 1‐ܫܘܼܠܵܡܵܐ. ܚܲܒ̣ܪܹܗ. ܝܼܫܘܿܥ ܒܲܪܢܘܿܢ؛ ܗ؛ 13‐ܘ؛ 6.

 

ܫܘܼܪܵܝܵܐ؛ ܗ܀ ܘܟܼܘܼܫ ܬܲܫܠܸܡ ܐܝܼܕܼܵܐ ܠܐܲܠܵܗܵܐ* ܡܲܠܟ̇ܘ̈ܵܬܼܵܐ ܕܐܲܪܥܵܐ ܫܲܒܲܚܹܝ̈ܢ ܠܐܲܠܵܗܵܐ* ܙܡܲܪܘ ܠܡܵܪܝܵܐ ܕܲܪܟܼܝܼܒܼ ܒܲܫܡܲܝ̈ ܫܡܲܝܵܐ* ܡ̣ܢ ܡܲܕܼܢ̱ܚܵܐ ܝܲܗ̣݇ܒܼ ܩܵܠܹܗ ܩܵܠܵܐ ܥܲܫܝܼܢܵܐ* ܗܲܒܼܘ ܬܸܫܒܿܘܿܚܬܵܐ ܠܐܲܠܵܗܵܐ*

 

 ܫܠܝܼܚܵܐ؛  ܪ̈ܗ݇ܘܿܡܵܝܹܐ؛ ܙ؛ 14‐25.

 

ܙܘܼܡܵܪܵܐ؛ ܡܵܪܝܵܐ ܠܵܐ ܒܪܘܼܓ̣ܙܵܟܼ ܬܲܟ̇ܣܲܢܝ. ܘܐܵܦܠܵܐ ܒܚܸܡܬܼܵܟܼ ܬܸܪܕܹ̇ܝܢܝ. ܪܲܚܸܡܥܠܲܝ ܡܵܪܝܵܐ ܡܸܛܠ ܕܲܟܼܪܝܼܗ ܐ݇ܢܵܐ. ܐܲܣܵܢܝ ܡܵܪܝܵܐ ܡܸܛܠ ܕܙܵܥ̣ܘ ܓܲܪ̈ܡܲܝ. ܕ܀ ܘܢܲܦ̮ܫܝ ܐܸܬ̇ܬ̇ܙܝܼܥܲܬܸ ܛܵܒ̣. ܘܐܲܢ݇ܬ̇ ܡܵܪܝܵܐ ܥܕܲܡܵܐ ܠܐܸܡܲܬ̣ܝ. ܐܸܬ̣ܦܲܢ ܡܵܪܝܵܐ ܘܦܲܨܵܗ̇ ܠܢܲܦ̮ܫܝ. ܘܲܦܪܘܿܩܲܝܢܝ ܡܸܛܠ ܛܲܝܒܿܘܼܬܼܵܟܼ. ܕ܀

 

   ܐܹܘܲܢܓܲܠܝܼܘܿܢ؛  ܡܲܬܲܝ؛ ܟܟ؛17‐29

 

   ܥܘܿܢܝܼܬܼܵܐ ܕܐ݇ܪ̈ܵܙܹܐ؛ ܒܡܵܐ ܕܲܫܡܲܥ̣ܢܲܢ.

ܫܲܒܲܚܘ ܠܡܵܪܝܵܐ ܒܩܘܼܕܼܫܹܗ. ܒܲܫܡܲܝܵܐ ܘܒܲܐܪܥܵܐ. ܕܨܘܼܪܬܵܐ. ܚܲܕܼܘܼ ܘܠܲܝܬ̇ ܐ݇ܚܪܹܝܢ ܠܒܲܪ ܡܸܢܹܗ. ܚܲܕܼܘܼ ܚܲܝܠܵܐ ܕܡܸܫܬܲܒܲܚ ܒܲܫܡܲܝܵܐ ܘܒܲܐܪܥܵܐ. ܕܐܲܒ̣ܵܐ ܘܲܒܼܪܵܐ ܘܪܘܼܚܵܐ ܕܩܘܼܕܼܫܵܐ. ܬܢܝܼ. ܫܲܒܲܚ ܒܵܗ̇.

 

ܕܒܹܝܡ. ܥܘܼܢܵܝܵܐ. ܕܘܼܨܘ ܥܲܡܡܹ̈ܐ ܩܕܼܵܡ ܦܵܪܘܿܩܲܢ. ܕܲܒܼܠܲܚܡܹܗ ܒܣܸܡܬ̇ܘܿܢ ܩܘܼܕܼܡܵܘܗ‌ܝ. ܬܢܝܼ.

ܒܵܬܹ̈ܐ؛ ܐܵܘܕܵܘ ܥܲܡܡܹ̈ܐ ܠܛܲܝܒ̇ܘܼܬܼܵܐ. ܕܡܲܓܵܢ ܚܲܣܝܲܬܸ ܚܵܘܒܲܝ̈ܟ̇ܘܿܢ. ܘܫܵܘܬܵܦܹ̈ܐ ܒܐ݇ܪܵܙܵܐ ܗ݀ܘܲܝܬܿܘܿܢ. ܕܡ̣ܢ ܪ̈ܘܼܚܵܢܹܐ ܡܸܬܼܩܲܕܲܫ܀ ܒܲܒܼܪܵܐ ܙܥܘܿܪܵܐ ܡܬܼܝܼܠܝܼܢܲܢ. ܕܒܲܫܟܼܵܚܬܹ̇ܗ ܚ̣ܕܼܝܼ ܝܵܠܘܿܕܹܗ. ܩܪܘܿܒ̣ܘ ܬܲܝܵܒܹ̈ܐ ܐܸܬܼܒܲܣܲܡܘ. ܡ̣ܢ ܕܸܒ̣ܚܵܐ ܐܲܠܵܗܵܝܵܐ܀ ܓܲܠܘܵܝܹ̈ܐ ܒܫܸܒܼܝܵܐ ܗ݀ܘܲܝܬ̇ܘܿܢ. ܘܥܲܒܼܕ̇ܘܼܬܼܵܐ ܠܒ̣ܝܼܫܵܐ ܦܠܲܚ̣ܬ̇ܘܿܢ. ܡܫܝܼܚܵܐ ܒܚܲܫܹܗ ܚܲܪܲܪܟ̣ܘܿܢ. ܣܲܒ̣ܘ ܦܲܓܼܪܹܗ ܘܐܲܡܠܸܟܼܘ ܥܲܡܹܗ.

 

♱♱♱♱♱♱♱♱♱