ܚܲܕܼܒ̇ܫܲܒܵܐ ܕܲܬ̣ܠܵܬ̣ܵܐ ܕܕܸܢܚܵܐ
ܡܲܪܡܝܼܬܼܵܐ ܕܐ݇ܪ̈ܵܙܹܐ. ܫܲܒܲܚܘ ܠܡܵܪܝܵܐ ܬܸܫܒܿܘܿܚܬܵܐ ܚܕܲܬܵܐ.
ܥܘܿܢܝܼܬܼܵܐ ܕܩܲܢܟܹ̇ܐ. ܒܩܵܠ؛ ܣܵܗܕܹ̈ܐ ܒܪ̈ܝܼܟܹܐ.
ܗܵܘ ܕܐܝܼܬܼܵܘܗܝ ܡ̣ܢ ܩܕܼܵܡ ܥܵܠܡܹ̈ܐ؛ ܚ̣ܵܘܝܼ ܡܵܪܝܵܐ ܦܘܼܪܩܵܢܹܗ. ܐ݇ܪܵܙܵܐ ܕܲܟܼܣܸܐ ܗ݇ܘ̣ܵܐ ܡ̣ܢ ܥܵܠܡܹ̈ܐ ܘܕܼܵܪܹ̈ܐ ܒܨܸܒ̣ܝܵܢ ܒܵܪܘܿܝܵܐ. ܒܕܸܢܚܹܗ ܕܲܡܫܝܼܚܵܐ ܝܲܠ̣ܦܘܼܗܝ ܫܡܲܝܵܢܹ̈ܐ ܘܐܲܪ̈ܥܵܢܵܝܹܐ. ܘܫܲܪܝܼܘ ܐ݇ܢܵܫ̈ܵܐ ܘܡܲܠܲܐܟܹ̈ܐ. ܠܡܸܬ̣ܢܵܐ ܩܘܼܕܼܫܵܐ ܕܐܝܼܩܵܪܹܗ. ܬܠܝܼܬܼܵܐܝܼܬܼ ܚܕܼܵܐ ܐܲܠܵܗܘܼܬܼܵܐ. ܬܢܝܼ؛ ܫܲܒܲܚ. ܡܫܝܼܚܵܐ ܕܫܲܝܸܢ ܒܲܕܼܡܵܐ ܕܲܩܢܘܿܡܹܗ. ܪܵܘܡܵܐ ܥܲܡ ܥܘܼܡܩܵܐ. ܫܲܝܸܢ ܡܵܪܝ ܟܵܗܢܹ̈ܐ ܘܡܲܠܟܹ̈ܐ. ܘܥܹܕ̇ܬܵܟܼ ܩܲܝܸܡ ܒܲܚܢܵܢܵܟܼ. ܘܚܲܕܼ ܢܝܼܫܵܐ ܕܗܲܝܡܵܢܘܼܬܼܵܐ. ܢܲܡܠܸܟܼ ܒܟܼܠܵܗ̇ ܥܵܡܲܪܬܵܐ. ܒܛܲܝܒ̇ܘܼܬܼܵܟܼ ܡܵܪܵܐ ܡܪܲܚܡܵܢܵܐ.
ܩܸܪܝܵܢܵܐ. ܡܸܢܝܵܢܵܐ؛ܝܐ؛11‐21؛ ܚܲܒ̣ܪܹܗ. ܐܹܫܲܥܝܵܐ؛ ܡܗ؛ 18‐ܡܘ؛ 5
ܫܘܼܪܵܝܵܐ ܝܐ܀ ܡܸܛܠ ܕܐܲܪܝܼܡܹ̇ܬܼ ܥܲܠ ܫܡܲܝܵܐ ܐܝܼܕܼܝ܀ ܘܐܸܡ̇ܪܹܬ̣ ܕܚܲܝ ܐ݇ܢܵܐ ܠܥܵܠܲܡ܀ ܐܸܠܛܘܿܫ ܫܢܵܢܹܗ ܕܣܲܝܦܝ ܐܲܝܟܼ ܒܲܪܩܵܐ܀ ܘܬܹܐܚܘܿܕܼ ܒܕܼܝܼܢܵܐ ܐܝܼܕܼܝ܀ ܘܐܲܗܦܸܟܼ ܦܘܼܪܥܵܢܵܐ ܠܣܵܢܐܲܝ̈܀ ܘܠܲܒ̣ܥܸܠܕܒ̣ܵܒܲܝ̈ ܐܲܫܠܸܡ܀ ܐܲܪܘܸܐ ܓܹܐܪ̈ܲܝ ܡ̣ܢ ܕܡܵܐ܀ ܘܣܲܝܦܝ ܢܹܐܟ̣ܘܿܠ ܒܸܣܪܵܐ܀ ܡ̣ܢ ܕܡܵܐ ܕܲܩܛܝܼ̈ܠܹܐ ܘܕܲܫܒܲܝ̈ܵܐ܀ ܘܡ̣ܢ ܪܹܫ ܬܵܓ̣ܵܐ ܕܲܒ̣ܥܸܠܕܒ̣ܵܒܲܝ̈܀ ܡܸܟܹ̇ܝܠ ܫܲܒܲܚܘ ܥܲܡܡܹ̈ܐ ܥܲܡܹܗ.
ܫܠܝܼܚܵܐ. ܥܸܒ̣ܪ̈ܵܝܹܐ؛ ܓ؛14‐ܕ؛11
ܙܘܼܡܵܪܵܐ. ܪܹܫ ܣܝܼܥܬܵܐ܀ ܫܡܲܝ̈ܵܐ ܡܸܫܬܲܥܹܝܢ ܫܘܼܒ̣ܚܹܗ ܕܐܲܠܵܗܵܐ* ܘܲܥܒܲܕܼ ܐܝܼܕܼܵܘܗܝ ܡܚܵܘܸܐ ܪܩܝܼܥܵܐ* ܝܵܘܡܵܐ ܠܝܵܘܡܵܐ ܡܲܒܲܥ ܡܹܐܡܪܵܐ* ܘܠܸܠܝܵܐ ܠܠܸܠܝܵܐ ܡܚܵܘܸܐ ܡܲܕ̇ܥܵܐ*
ܐܹܘܲܢܓܲܠܝܼܘܿܢ. ܝܘܿܚܲܢܵܢ؛ܐ؛29‐43
ܥܘܿܢܝܼܬܼܵܐ ܕܐ݇ܪ̈ܵܙܹܐ. ܒܩܵܠ؛ ܣܵܗܕܹ̈ܐ ܒܪ̈ܝܼܟܹܐ.
ܪܲܒ̇ܘܼ ܡܵܪܲܢ ܘܲܡܫܲܒܲܚ ܪܵܘܪܒ̣ܵܐܝܼܬܼ؛ ܘܠܲܝܬ̇ ܣܵܟ̣ܵܐ ܠܪܲܒ̇ܘܼܬܹܗ. ܕܨܘܼܪܬܵܐ. ܫܬܵܐ ܫܬܵܐ ܓܸܦܝܼ̈ܢ ܠܚܲܕܼ ܡܸܢܗܘܿܢ. ܪܲܒ̇ܘܼ ܐ݇ܪܵܙܵܐ ܕܲܚ̣ܙܵܐ ܐܹܫܲܥܝܵܐ. ܥܲܠ ܡܲܕܼܒܲܚ ܩܘܼܕܼܫܵܐ. ܚ̣ܙܵܐ ܣܪ̈ܵܦܹܐ ܕܠܵܐ ܡܸܢܝܵܢܵܐ. ܟܲܕܼ ܩܵܥܹܝ̇ܢ ܩܲܕܿܝܼܫ ܩܲܕܿܝܼܫ. ܩܲܕܿܝܼܫ ܡܵܪܝܵܐ ܐܲܠܵܗܵܐ. ܕܡܲܠܝܵܐ ܐܲܪܥܵܐ ܡ̣ܢ ܫܘܼܒ̣ܚܹܗ. ܘܲܫܡܲܝܵܐ ܡܟܲܣܲܝ ܡ̣ܢ ܙܝܼܘܹܗ. ܬܢܝܼ. ܫܲܒܲܚ ܒܵܗ̇.
ܕܒܹܝܡ. ܥܘܼܢܵܝܵܐ. ܥܲܡ ܐܲܠܦܹ̈ܐ ܕܲܟܼܪ̈ܘܿܒܹܐ ܘܪܸ̈ܒ̇ܘܵܬܼܵܐ ܕܲܣܪ̈ܵܦܹܐ. ܬܵܘ ܢܸܙܡܲܪ ܫܲܘܝܵܐܝܼܬܼ ܟܲܕܼ ܐܵܡ̇ܪܝܼܢܲܢ؛ ܩܲܕ̇ܝܼܫܲܬ̇ ܩܲܕ̇ܝܼܫܲܬ̇ ܩܲܕ̇ܝܼܫܲܬ̇ ܟܝܵܢܵܐ ܩܲܕܝܼܫܵܐ܀ ܥܲܠ ܐܲܦܲܝ̈ ܡܵܘܗܲܒ̣ܬܼܵܐ ܡܥܲܠܲܝܬܵܐ ܕܝܲܗ̣݇ܒ̣ܬ̇ ܠܲܢ. ܦܘܼܡܲܢ ܕܲܢܫܲܒ̇ܚܵܟܼ ܠܵܐ ܣܵܦܹ̇ܩ. ܗܲܒ̣ܠܲܢ ܡܵܪܝ ܕܥܲܡ ܥܝܼܪܹ̈ܐ ܢܝܲܒܸ̇ܒ̣ ܠܵܟܼ ܘܢܹܐܡܲܪ ܗܲܠܸܠܘܼܝܲܗ. ܒܵܬܹ̈ܐ؛ ܫܲܒܲܚܘ ܠܡܵܪܝܵܐ ܒܩܘܼܕܼܫܹܗ. ܫܲܒ̇ܚܘܼܗܝ ܒܲܪܩܝܼܥܵܐ ܕܥܘܼܫܢܹܗ. ܒ܀ ܥܲܠ ܐܲܦܲܝ̈ ܡܵܘܗܲܒ̣ܬܼܵܐ....܀