ܚܲܕܼܒ̇ܫܲܒܵܐ ܕܲܬ̣ܠܵܬܼܵܐ ܕܣܘܼܒܵܪܵܐ
ܡܲܪܡܝܼܬ̣ܵܐ ܕܐ݇ܪ̈ܵܙܹܐ. ܫܲܒܲܚܘ ܠܡܵܪܝܵܐ ܬܸܫܒ̇ܘܿܚܬܵܐ ܚܕܲܬܵܐ.
ܥܘܿܢܝܼܬܼܵܐ ܕܩܲܢܟܹ̇ܐ. ܒܩܵܠ؛ ܒܝܲܕܼ ܫܠܵܡܵܐ.
ܣܲܒܲܪܘ ܡ̣ܢ ܝܘܿܡ ܠܝܘܿܡ ܦܘܼܪܩܵܢܹܗ܀ ܘܐܸܫܬܲܥܵܘ ܒܥܲܡܡܹ̈ܐ ܐܝܼܩܵܪܹܗ. ܣܘܼܒܵܪܵܐ ܕܩܲܒ̇ܠܲܬ݀ ܡܲܪܝܲܡ ܟܠ ܦܘܼܪܩܵܢܝܼ̈ܢ ܡܠܸܐ. ܕܠܵܐ ܙܲܪܥܵܐ ܘܫܵܘܬܵܦܘܼܬܼܵܐ ܠܲܡܫܝܼܚܵܐ ܒܸܛܢܲܬ݀. ܕܲܥܠܹܝܗ̇ ܒܲܠܚܘܿܕܼ ܢܸܚܬܲܬ݀ ܪܘܼܚ ܩܘܼܕܼܫܵܐ. ܘܲܥܠܹܝܗ̇ ܐܲܓܸܿܢ ܚܲܝܠܹܗ ܕܥܸܠܵܝܵܐ. ܘܗܸܝ ܗ݇ܝܼ ܡܒܲܪܲܟ̣ܬܵܐ ܒܢܸܫܹ̈ܐ ܕܣܲܒ̣ܪܵܐ ܐܸܬ̣ܡܲܠܝܲܬ݀. ܣܓ̣ܝܼܕܼ ܒܵܪܘܿܝܵܐ ܕܚ̣ܵܢܹܗ ܠܲܟ̣ܝܵܢܲܢ. ܬܢܝܼ. ܫܲܒܲܚ. ܒܲܨܠܝܼܒ̣ܵܟܼ ܡܵܪܲܢ ܝܼܫܘܿܥ ܬܸܬܼܢܛܲܪ ܥܹܕܿܬܵܟܼ. ܘܒܲܛܸܠ ܡܸܢܵܗ̇ ܒܵܙܘܿܙܹ̈ܐ ܘܕܹܐܒܹ̈ܐ ܡܚܲܒ̇ܠܵܢܹ̈ܐ. ܘܲܡܠܝܼܗ̇ ܫܘܼܒ̣ܚܵܟܼ ܘܗܸܕܼܪܵܐ ܕܐܝܼܩܵܪܵܟܼ. ܕܬܸܗܘܸܐ ܠܡܹܐܢܵܐ ܕܐܲܝܠܹܝܢ ܕܐܲܠܝܼܨܝܼܢ. ܘܛܲܪ ܠܵܗ̇ ܫܠܵܡܵܐ ܢܲܓ̇ܝܼܪܵܐ ܐܝܼܬ̣ܝܵܐ ܕܲܠܥܵܠܡܝܼܢ ܘܲܬ̣ܚܹܝܬ̣ ܟܸܢܦܲܝ̈ܟ ܢܸܣܬܲܬ̇ܪܘܼܢ ܝܲܠܕܹܝ̈ܗ̇.
ܩܸܪܝܵܢܵܐ. ܒܪܝܼܬܼܵܐ ܝܚ؛ 1‐20. ܚܲܒ̣ܪܹܗ؛ ܕܲܝܵܢܹ̈ܐ ܝܓ؛ 2‐25.
ܫܘܼܪܵܝܵܐ. ܘ܀ ܟܲܕܼ ܦܪܲܫ̣ ܐܲܠܵܗܵܐ ܡܲܠܟܵܐ ܒܹܗ ܐܲܬ̣ܠ̱ܓܼܲܬ݀܋ ܒܨܲܠܡܘܿܢ ܛܘܼܪܹܗ ܕܐܲܠܵܗܵܐ܋ ܛܘܼܪܹ̈ܐ ܕܒܲܝܫܵܢ ܛܘܼܪܹ̈ܐ ܕܲܓ̣ܒ̣ܸܢܝܵܡ܋ ܛܘܼܪܹ̈ܐ ܕܒܲܝܫܵܢ ܡܵܢܵܐ ܨܵܒܹܝ̇ܬ̇ܘܿܢ ܛܘܼܪܹ̈ܐ ܕܲܓ̣ܒ̣ܸܢܝܵܡ܋ ܛܘܼܪܵܐ ܕܲܓ̣ܒܼܵܐ ܠܹܗ ܐܲܠܵܗܵܐ ܠܡܸܬܲܒ̣ ܒܹܗ܋ ܡܵܪܝܵܐ ܢܸܫܪܸܐ ܒܹܗ ܠܥܵܠܲܡ܋
ܫܠܝܼܚܵܐ. ܐܲܦܸܣܵܝܹ̈ܐ ܓ؛1‐ ܫܘܼܠܵܡܵܐ.
ܙܘܼܡܵܪܵܐ. ܩܝܵܡܵܐ ܐܲܩ̇ܝܼܡܹܬ̣ ܠܓܲܒ̣ܝܝ݇. ܘܝܼܡ̇ܝܼܬ̣ ܠܕܼܵܘܝܼܕܼ ܥܲܒ̣ܕܝ. ܕܲܥܕܲܡܵܐ ܠܥܵܠܲܡ ܐܲܬ̣ܩܸܢ ܙܲܪܥܵܟܼ. ܘܐܸܒ̣ܢܸܐ ܠܕܼܵܪܕܵܪ̈ܝܼܢ ܟܘܼܪܣܝܵܟܼ. ܕ܀ ܢܵܘܕܿܘܿܢ ܫܡܲܝܵܐ ܬܸܕܼܡܪ̈ܵܬܼܵܟܼ ܡܵܪܝܵܐ. ܘܗܲܝܡܵܢܘܼܬܼܵܟܼ ܒܥܹܕ̇ܬܵܐ ܕܩܲܕܝܼܫܹ̈ܐ. ܡܲܢܘܼ ܕܦܵܚܹ̇ܡ ܠܡܵܪܝܵܐ ܒܲܫܡܲܝ̈ ܫܡܲܝܵܐ. ܘܲܕ̇ܕܼܵܡܹ̈ܐ ܠܡܵܪܝܵܐ ܒܲܒ̣ܢܲܝ̈ ܡܲܠܲܐܟܹ̈ܐ. ܕ܀
ܐܹܘܲܢܓܲܠܝܼܘܿܢ. ܠܘܼܩܵܐ؛ ܐ؛ 57 ‐ܫܘܼܠܵܡܵܐ
ܥܘܿܢܝܼܬܼܵܐ ܕܐ݇ܪ̈ܵܙܹܐ. ܒܩܵܠ؛ ܫܒ̣ܝܼܚ ܗ̣݇ܘܵܐ ܘܲܦܐܹܐ.
ܟܘܼܪܣܝܵܟܼ ܐܲܠܵܗܵܐ ܠܥܵܠܲܡ ܥܵܠܡܝܼܢ؛ ܟܠ ܕܲܚܕܼܝܼܪܝܼܢ ܠܹܗ ܢܵܘܒ̇ܠܘܼܢ ܩܘܼܪ̈ܒܵܢܹܐ ܠܲܕܼܚܝܼܠܵܐ. ܕܨܘܼܪܬܵܐ. ܐܵܠܹܦ ܐܲܠܦܝܼ̈ܢ ܘܪܸܒ̇ܘܿ ܪܸ̈ܒ̇ܘܵܢ ܟܪܝܼܟ̣ܝܼܢ ܠܹܗ ܠܟܼܘܼܪܣܝܵܐ ܕܚܝܼܠܵܐ ܕܬܸܫܒ̇ܘܿܚܬܵܟܼ ܡܵܪܝܵܐ ܚܲܝܠ̱ܬ̣ܵܢܵܐ. ܡܲܠܲܐܟܹ̈ܐ ܟܪܝܼܟ̣ܝܼܢ ܠܹܗ. ܘܲܩܕܼܵܡ ܪܲܒ̇ܘܼܬ̣ܵܐ ܡܫܝܼܚܵܐ ܣܪ̈ܵܦܹܐ ܒܕܸܚܠ̱ܬ̣ܵܐ ܩܵܝ̇ܡܝܼܢ ܠܐܝܼܩܵܪܵܟܼ. ܘܕܲܢܚܘܼܪܘܼܢ ܒܵܟܼ ܠܵܐ ܡܲܡܪ̱ܚܝܼܢ. ܒܩܵܠܹ̈ܐ ܕܹܝܢ ܕܠܵܐ ܫܲܠܘܵܐ ܩܵܥܹܝ̇ܢ ܫܲܘܝܵܐܝܼܬܼ ܘܐܵܡ̇ܪܝܼܢ. ܩܲܕ̇ܝܼܫ ܩܲܕ̇ܝܼܫ ܩܲܕ̇ܝܼܫܲܬ̇ ܪܵܚܹܡܢܵܫܵܐ ܫܘܼܒ̣ܚܵܐ ܠܵܟܼ. ܬܢܝܼ. ܘܫܲܒܲܚ. ܒܵܗ̇.
ܕܒܹܝܡ. ܥܘܼܢܵܝܵܐ. ܢܒ̣ܝܼܹ̈ܐ ܘܡܲܠܟܹ̈ܐ ܐܸܬ̣ܪܲܓ̣ܪܲܓ̣ܘ. ܠܦܲܓ̣ܪܵܟܼ ܘܲܕܼܡܵܟܼ ܡܚܲܣܝܵܢܵܐ. ܬܢܝܼ.
ܒܵܬܹ̈ܐ. ܐܸܬ̣ܪܲܓ̣ܪܲܓ̣ ܕܵܘܝܼܕܼ ܘܲܫ̣ܐܸܠ. ܘܠܵܐ ܐܸܫ̣ܬ̇ܝܼ ܡܲܝ̈ܵܐ ܕܲܫ̣ܐܸܠ. ܐܵܘܕܵܘ ܐܲܢ݇ܬ̇ܘܿܢ ܕܲܫ̣ܘܲܝܬ̇ܘܿܢ. ܠܡܸܫܬܵܐ ܟܵܣܹܗ ܕܲܡܫܝܼܚܵܐ.