ܡܲܪܡܝܼܬܼܵܐ ܕܐ݇ܪ̈ܵܙܹܐ. ܐܹܪܲܡ̱ܪܡܵܟܼ ܡܵܪܝ ܡܲܠܟܵܐ.
ܕܩܲܢܟܹ̇ܐ؛ ܒܠܵܟܼܘܼ ܩܵܪܹܝ̇ܢܲܢ.
ܐܹܒܲܪܸܟܼ ܠܡܵܪܝܵܐ ܒܟܼܠܙܒܲܢ؛ ܘܲܢܒܲܪܟܼܝܼܘܗܝ ܠܡܵܪܝܵܐ ܕܥܲܒ̣ܕܲܢ. ܒܪܝܼܟܼܘܼ ܐܲܠܵܗܵܐ ܕܫܲܕܲܪ ܚܲܒ̇ܝܼܒܹܗ ܘܦܲܪܩܹܗ ܠܲܟܼܝܵܢܲܢ. ܬܢܝܼ؛ ܫܲܒܲܚ. ܫܘܼܒ̣ܚܵܐ ܘܬܼܵܘܕ̇ܝܼܬܼܵܐ ܢܲܣܸܩ ܠܹܗ ܠܲܒ̣ܪܵܐ ܕܦܲܪܩܲܢ ܒܲܨܠܝܼܒܹܗ.
ܩܸܪܝܵܢܵܐ؛ ܬܸܢܝܵܢ ܢܵܡܘܿܣܵܐ؛ ܕ؛ 1‐41 ܚܲܒ̣ܪܹܗ؛ ܐܹܫܲܥܝܵܐ؛ ܓ؛ 16‐ܕ؛ ܫܘܼܠܵܡܵܐ
ܫܘܼܪܵܝܵܐ. ܗ܀ ܗܵܟܲܢ ܢܸܬܼܒܲܪܲܟܼ ܓܲܒ̣ܪܵܐ ܕܕܼܵܚܹܠ̇ ܡ̣ܢ ܡܵܪܝܵܐ* ܢܒܲܪܟ̣ܵܟܼ ܡܵܪܝܵܐ ܡ̣ܢ ܨܸܗܝܘܿܢ* ܘܬܸܚܙܸܐ ܒܛܵܒ̣ܵܬܼ̈ܵܗ̇ ܕܐܘܿܪܸܫܠܸܡ ܟܠ ܝܵܘܡܲܝ̈ ܚܲܝܲܝ̈ܟ* ܘܬܸܚܙܸܐ ܒܢܲܝ̈ܵܐ ܠܲܒ̣ܢܲܝ̈ܟ* ܫܠܵܡܵܐ ܥܲܠ ܝܑܼܣܪܵܝܹܠ*
ܫܠܝܼܚܵܐ. ܒ؛ ܩܘܿܪ̈ܲܢܬܼܵܝܹܐ؛ ܓ؛ 4‐ܫܘܼܠܵܡܵܐ.
ܙܘܼܡܵܪܵܐ. ܫܘܼܚܠܵܦ ܫܡܲܝܵܐ ܡܸܫܬܲܥܹܝܢ. ܢܹܐܬ̣ܘܿܢ ܥܠܲܝ ܪ̈ܲܚܡܲܝܟ ܡܵܪܝܵܐ ܘܦܘܼܪܩܵܢܵܟܼ ܕܐܸܡܲܪܬ̇. ܐܸܬܸ̇ܠ ܦܸܬܼܓ̣ܵܡܵܐ ܠܲܡܚܲܣܕܼܵܢܲܝ̈ ܡܸܛܠ ܕܐܸܬ̇ܬܲܟܼܠܹܬܼ ܥܲܠ ܡܸܠܲܝ̈ܟ. ܒ܀ ܠܵܐ ܬܸܥܢܲܕܼ ܡ̣ܢ ܦܘܼܡܝ ܡܸܠܬܼܵܐ ܕܩܘܼܫܬܵܐ ܡܸܛܠ ܕܲܠܕܼܝܼܢܲܝ̈ܟ ܣܲܟܿܝܼܬܼ. ܐܸܛܲܪ ܢܵܡܘܿܣܵܟܼ ܠܥܵܠܲܡ ܥܵܠܡܝܼܢ ܘܐܹܗܲܠܸܟܼ ܒܲܪܘܲܚܬܼܵܐ. ܒ܀
ܐܹܘܲܢܓܲܠܝܼܘܿܢ. ܠܘܼܩܵܐ؛ ܝܗ. 4‐ܫܘܼܠܵܡܵܐ
ܕܐܹܘܲܢܓܲܠܝܼܘܿܢ؛ ܫܘܼܚܠܵܦ ܩܵܠܵܐ ܪܲܒܵܐ. ܡܵܪܝܵܐ ܫܡܲܥ ܨܠܘܿܬܼܝ؛ ܐܲܠܵܗܵܐ ܫܡܲܥ ܨܠܘܿܬܼܝ. ܕܨܘܼܪܬܵܐ. ܚܛܹܝ̇ܬܼ ܒܲܫܡܲܝܵܐ ܘܲܩܕܼܵܡܲܝܟ. ܐܲܝܟܼ ܗܵܘ̇ ܒܪܵܐ ܐܵܣܘܿܛܵܐ ܡܪܲܥܸܐ ܐ݇ܢܵܐ ܠܵܟܼ. ܐܲܠܵܗܵܐ ܐܲܒ̣ܵܐ ܡܪܲܚܸܡ ܥܲܠ ܝܲܠܕܵܘ̈ܗܝ. ܥܘܼܬܼܪܵܐ ܓܹܝܪ ܪܲܒܵܐ ܕܝܲܗ̣݇ܒܼܬܿ ܠܝܼ ܒܲܕ̇ܪܹܬܼ ܦܲܪܵܚܵܐܝܼܬܼ. ܒܲܕܼܠܵܐ ܢܸܛ̇ܪܹܬܼ ܐܘܼܪܚܵܐ ܕܦܘܼܩܕܵܢܲܝ̈ܟ. ܘܲܠܚܘܼܫܵܒܹ̈ܐ ܡܣܲܓܿܦܵܢܹ̈ܐ ܒܲܕܼܡܘܼܬܼ ܚܙܝܼܪܹ̈ܐ ܪܵܥܹ̇ܐ ܗ݇ܘܹܝ̇ܬܼ. ܚܛܹܝ̇ܬܼ ܠܝܼ ܩܕܼܵܡܲܝܟ ܡܵܪܝܵܐ ܐܵܦ ܐܲܣܟܿܠܹܬܼ. ܠܵܐ ܡܵܪܝ ܬܲܗܦܸܟܼ ܐܲܦܲܝ̈ܟ ܡ̣ܢ ܩܵܠܵܐ ܕܒܼܵܥܘܼܬܼܝ. ܐܸܠܵܐ ܡܸܛܠ ܛܲܝܒܿܘܼܬܼܵܟܼ ܪܲܚܸܡܥܠܲܝ. ܬܢܝܼ؛ ܫܲܒܲܚ. ܚܛܵܗܹ̈ܐ ܕܣܸܥܿܪܹܬܼ ܒܝܲܕܼ ܣܘܼܪ̈ܚܵܢܲܝ ܒܥܵܠܡܵܐ ܗܵܢܵܐ. ܐܲܝܟܼ ܗܵܘ̇ ܒܪܵܐ ܐܵܣܘܿܛܵܐ ܫܲܠ̣ܚܘܼܢܝ ܘܐܵܘܒ̇ܕܼܘܼܢ̣ܝ. ܒܲܕ̇ܪܹܬܼ ܓܹܝܪ ܟܠܗܘܿܢ ܫܘܼܦܪܹ̈ܐ ܘܩܸܢܝܵܢܹ̈ܐ ܕܢܲܦ̮ܫܝ. ܘܗܵܫܵܐ ܕܲܦܢܹܝ̇ܬܼ ܘܐܸܬܹܝ̇ܬ̣ ܠܘܵܬܼܵܟܼ. ܡܵܘܕܸ̇ܐ ܐ݇ܢܵܐ ܐܵܒ̣ܝ ܕܲܚܛܹܝ̇ܬܼ ܩܘܼܕܼܡܲܝܟܼ. ܠܵܐ ܡܵܪܝ ܬܲܗܦܸܟܼ ܐܲܦܲܝ̈ܟ ܡܹܢܝ. ܐܸܠܵܐ ܥܒܸܕܲܝܢܝ ܐܲܝܟܼ ܚܲܕܼ ܡܸܢܗܘܿܢ ܕܐܲܓܼܝܼܪ̈ܲܝܟ ܘܪܲܚܸܡܥܠܲܝ.
ܕܐ݇ܪ̈ܵܙܹܐ. ܒܐܲܝܠܹܝܢ ܕܐܸܬ̇ܬ̇ܚܸܕܘ. ܛܘܼܒ̣ܵܘ̈ܗܝ ܠܡܲܢ ܕܐܸܫܬ̇ܒܸܩ ܠܹܗ ܥܵܘܠܹܗ؛ ܠܲܝܬ̇ ܡܹܐܡܪܵܐ ܐܵܦܠܵܐ ܡܸܠܹ̈ܐ. ܕܨܘܼܪܬܵܐ. ܘܟܼܠ ܐ݇ܢܵܫ ܐܲܝܟܼ ܥܲܡܠܹܗ ܐܲܓܼܪܹܗ ܡܩܲܒܸܿܠ. ܟܠܲܢ ܓܹܝܪ ܥܬܼܝܼܕܼܝܼܢܲܢ ܠܲܡܩܵܡ ܩܕܼܵܡ ܒܹܝܡ ܕܲܡܫܝܼܚܵܐ. ܩܕܼܵܡ ܒܹܝܡ ܕܝܼܠܵܟܼ ܕܚܝܼܠܬܵܐ. ܐܲܝܟܵܐ ܕܟܼܠܲܢ ܥܬܼܝܼܕܼܝܼܢܲܢ ܠܲܡܩܵܡ. ܕܢܸܬܼܦܪܲܥ ܬܲܡܵܢ ܚܲܕܼ ܚܲܕܼ ܡܸܢܲܢ ܒܦܲܓ̣ܪܵܐ ܕܲܩܢܘܿܡܹܗ ܒܗ̇ܘ ܒܘܼܚܪܵܢܵܐ ܕܚܝܼܠܵܐ ܕܟܹܐܢܘܼܬܼܵܟܼ. ܐܲܝܟܼ ܡܸܕܸܡ ܕܲܣ̣ܥܲܪ ܐܸܢ ܕܛܵܒ̣ ܘܐܸܢ ܕܒܼܝܼܫ. ܚܘܼܣ ܥܲܠ ܐܲܝܠܹܝܢ ܕܫܵܩ̇ܠܝܼܢ ܦܲܓ̣ܪܵܟܼ ܘܲܕܼܡܵܟܼ ܡܵܪܝܵܐ؛ ܬܢܝܼ. ܘܫܲܒܲܚ ܒܵܗ̇.
ܕܒܹܝܡ؛ ܥܘܼܢܵܝܵܐ. ܒܗܵܘ ܕܝܲܠܕܵܐ. ܦܲܓ̣ܪܹܗ ܕܲܡܫܝܼܚܵܐ ܗܵܐ ܡܸܬܼܦܲܠܲܓܼ. ܘܲܕܼܡܹܗ ܝܲܩܝܼܪܵܐ ܠܚܘܼܣܵܝ ܚܵܘ̈ܒܵܬܼܵܐ ܪܲܗܒܼܘܿܢܵܐ ܗ݇ܘܼ ܕܚܲܝܹ̈ܐ ܚܲܕܼܬܹ̈ܐ. ܗܵܢܵܐ ܕܒܹܗ ܗܵܘܹ̇ܐ ܫܪܵܝܵܐ ܓܡܝܼܪܵܐ ܕܡܵܘܬܵܐ ܘܕܲܚܛܝܼܬܼܵܐ. ܘܡܲܠܒܸ̇ܫ ܠܐܵܟ̣ܘܿܠܵܘ̈ܗܝ ܚܲܝܹ̈ܐ ܕܠܵܐ ܡܵܝܘܿܬܼܘܼܬܼܵܐ܀ ܢܸܬܼܩܲܪܲܒܼ ܘܢܸܣܒ̣ܝܼܘܗܝ ܟܲܕܼ ܕܲܟܼܝܵܐ ܬܹܐܪܬܲܢ ܡ̣ܢ ܦܘܼܠܵܓܹ̈ܐ. ܢܘܼܪܵܐ ܗ݇ܘ̣ ܒܵܚܘܿܪܵܐ ܟܘܼܪܵܐ ܗ݇ܘ̣ ܨܵܪܘܿܦܵܐ. ܕܲܡܕܲܟܸ̇ܐ ܘܨܵܪܹܦ ܠܫܘܼܚܬܵܐ ܕܲܚܛܵܗܹ̈ܐ. ܗܲܠܸܠܘܼܝܲܗ ܗܲܠܸܠܘܼܝܲܗ.
ܒܵܬܹ̈ܐ؛ ܬܵܘ ܒܢܲܝ̈ܵܐ ܫܘܼܡܥܘܼܢܝ܀ ܘܐܲܠܸܦܟܼܘܿܢ ܕܸܚܠ̱ܬܹܗ ܕܐܲܠܵܗܵܐ܀ ܢܸܬܼܩܲܪܲܒ̣ ܘܢܸܣܒ̣ܝܼܘܼܗܝ...܀
♱♱♱♱♱♱♱♱♱♱♱
The Assyrian Church
of the East did not yet sanction this document.
Please email any errors/corrections you may find to Fr. Lawrance Namato via Lnamato@gmail.com
1: This Document is typed using EastAssyrian Font. 3: Install the downloaded font. 4: Copy any part of this page and Paste into Microsoft Word, then change the font to EastAssyrian or to your favorite Assyrian font.
Qasha Lawrance Namato |