ܚܲܕܼܒ̇ܫܲܒܵܐ ܕܲܬܼܪܹܝܢ ܕܩܘܼܕܵܫ ܥܹܕܿܬܵܐ
ܡܲܪܡܝܼܬܼܵܐ ܕܐ݇ܪ̈ܵܙܹܐ. ܫܲܒܲܚܝ ܐܘܿܪܸܫܠܸܡ ܠܡܵܪܝܵܐ.
ܐܲܩܲܦܬܵܐ. ܩܲܕܿܝܼܫܘܼ ܒܹܝܬܼ ܡܲܫܪ̱ܝܹܗ ܕܲܡܪܲܝܡܵܐ܀
ܥܘܼܢܵܝܵܐ. ܐܲܠܵܗܵܐ ܒܓܼܵܘܵܗ̇ ܠܵܐ ܬܙܘܼܥ܀
ܕܩܲܢܟܹ̇ܐ. ܒܚܸܕܼܝܲܬܸ ܡܲܪܝܲܡ.
ܐܲܠܵܗܲܢ ܒܹܝܬܼ ܓܵܘܣܲܢ ܥܲܫܝܼܢܵܐ؛ ܐܲܟ̣ܚ݇ܕܼܵܐ ܥܲܬ̇ܝܼܪܹ̈ܐ ܘܡܸܣܟܹ̇ܢܹ̈ܐ. ܠܒܹܝܬܼ ܓܵܘܣܵܐ ܕܥܹܕܿܬܵܟܼ ܡܵܪܲܢ. ܪܵܗܛ̇ܝܼܢ ܟܠܗܘܿܢ ܣܵܓܼܘܿܕܲܝ̈ܟ. ܕܢܸܣܒ̣ܘܼܢ ܐ݇ܪ̈ܵܙܲܝܟ ܩܲܕܿܝܼܫܹ̈ܐ. ܕܢܸܗܘܘܿܢ ܠܚܘܼܣܵܝ ܚܵܘܒܲܝ̈ܗܘܿܢ؛ ܬܢܝܼ؛ ܫܲܒܲܚ. ܚܲܕܼܘܼ ܚܲܝܠܵܐ ܕܡܸܫܬܲܒܲܚ. ܒܲܫܡܲܝܵܐ ܘܒܲܐܪܥܵܐ. ܕܐܲܒ̣ܵܐ ܘܲܒܼܪܵܐ ܘܲܕܼܪܘܼܚܵܐ ܕܩܘܼܕܼܫܵܐ.
ܩܸܪܝܵܢܵܐ. ܡܲܦܩܵܢܵܐ؛ ܠܛ؛ 32‐ܡ؛17 ܚܲܒ̣ܪܹܗ؛ ܐ؛ܡܲܠܟܹ̈ܐ؛ ܚ؛ 10‐29
ܫܘܼܪܵܝܵܐ. ܘ܀ ܗܵܪܟܵܐ ܐܸܬܸ̇ܒܼ ܡܸܛܠ ܕܪܲܓ̣ܬܵܗ̇* ܘܲܠܨܲܝܵܕܹܝ̈ܗ̇ ܐܹܒܲܪܸܟܼ* ܘܲܠܡܸܣܟܹ̇ܢܹܝ̈ܗ̇ ܐܹܣܲܒܲܥ ܠܲܚܡܵܐ* ܠܟܼܘܼܡܪܹ̈ܝܗ̇ ܐܲܠܒܸ̇ܫ ܦܘܼܪܩܵܢܵܐ ܘܲܠܙܲܕܝܼܩܹ̈ܝܗ̇ ܫܘܼܒ̣ܚܵܐ* ܬܲܡ̇ܢ ܐܲܕܼܢܲܚ̣ ܩܲܪܢܵܐ ܠܕܼܵܘܝܼܕܼ* ܘܐܲܢ̣ܗܲܪ ܫܪܵܓ̣ܵܐ ܠܲܡܫܝܼܚܹܗ*
ܫܠܝܼܚܵܐ؛ ܥܸܒ̣ܪܵܝܹܐ؛ ܚ؛ 1‐ܛ؛5
ܙܘܼܡܵܪܵܐ. ܪܹܫ ܣܝܼܥܬܵܐ. ܫܲܒܲܚܝ ܐܘܿܪܸܫܠܸܡ ܠܡܵܪܝܵܐ. ܫܲܒܲܚܝ ܠܐܲܠܵܗܹܟܼܝ ܨܸܗܝܘܿܢ. ܒ܀ ܡܸܛܠ ܕܐܲܥ̣ܫܸܢ ܡܘܼܟܼܠܹܝ̈ܗ̇ ܕܬܲܪ̈ܥܲܝܟܿܝ. ܘܒܲܪܸܟܼ ܠܲܒܼܢܲܝ̈ܟܿܝ ܒܓܼܵܘܹܟܼܝ. ܘܣ̣ܵܡ ܬܚܘܼܡܲܝ̈ܟܿܝ ܒܲܫܠܵܡܵܐ. ܓ܀
ܐܹܘܲܢܓܲܠܝܼܘܿܢ؛ ܡܲܬܲܝ؛ ܝܒ؛ 1‐14
ܕܐ݇ܪ̈ܵܙܹܐ. ܒܐܲܝܠܹܝܢ ܕܐܸܬ̇ܬ̇ܚܸܕܼܘ. ܐܹܪܲܡ̱ܪܡܵܟܼ ܡܵܪܝ ܡܲܠܟܵܐ؛ ܐܲܢ݇ܬ̇ܘܼ ܦܪܲܩ̣ܬܵܢ ܡ̣ܢ ܣܵܢܐܲܝ̈ܢ. ܕܨܘܼܪܬܵܐ. ܡܲܠܟ̇ܘܼܬܹܗ ܡܲܠܟܿܘܼܬܼ ܥܵܠܲܡ؛ ܡܲܢ ܠܵܐ ܢܸܕܼܚܲܠ ܠܵܟܼ ܡܲܠܟܵܐ ܕܟܼܠܗܘܿܢ ܥܵܠܡܹ̈ܐ. ܡܲܠܟܵܐ ܡܫܝܼܚܵܐ ܐܲܢ݇ܬ̇ܘܼ ܕܲܠܥܹܕܲܬܼ ܩܘܼܕܼܫܵܐ ܒܲܕܼܡܵܟܼ ܝܲܩܝܼܪܵܐ ܦܪܲܩ̣ܬܵܗ̇ ܡ̣ܢ ܛܘܼܥܝܲܝ. ܗܲܒܼܠܲܢ ܒܲܚܢܵܢܵܟܼ ܕܲܒܼܟܼܠܙܒܲܢ ܢܸܫܬ̇ܘܸܐ ܠܡܸܥܒܲܕܼ ܨܸܒܼܝܵܢܵܟܼ. ܘܲܒܼܠܸܒܵܐ ܕܲܟܼܝܵܐ ܙܲܗܝܵܐܝܼܬܼ ܩܘܼܪܒܵܢܵܐ ܢܩܲܪܸܒܼ ܠܐܲܠܵܗܘܼܬܼܵܟܼ. ܘܥܲܡ ܟܸܢܫܹ̈ܐ ܕܡܲܠܲܐܟܹ̈ܐ ܢܲܣܸܩ ܠܵܟܼ ܬܸܫܒܿܘܿܚܬܵܐ ܒܕܸܚܠ̱ܬܼܵܐ ܟܲܕܼ ܐܵܡ̇ܪܝܼܢܲܢ. ܩܲܕܿܝܼܫ ܩܲܕܿܝܼܫ ܩܲܕܿܝܼܫܲܬ̇ ܡܵܪܝܵܐ ܐܲܠܵܗܵܐ ܦܵܪܘܿܩܲܢ. ܬܢܝܼ؛ ܘܫܲܒܲܚ ܒܵܗ̇.
ܕܒܹܝܡ. ܥܘܼܢܵܝܵܐ. ܡܸܢܹܗ ܘܠܹܗ. ܙܡܝܼܢܹ̈ܐ ܒܢܲܝ̈ ܢܘܼܗܪܵܐ ܩܪܘܿܒ̣ܘ ܘܐܸܬܼܒܲܣܲܡܘ ܒܲܚܠܘܿܠܹܗ. ܕܚܲܬܼܢܵܐ ܕܙܲܡ̣ܢܲܢ ܠܚܲܝܹ̈ܐ ܚܲܕܼܬܹ̈ܐ. ܘܣ̣ܵܡܲܢ ܝܵܪ̈ܬܹ̇ܐ ܒܡܲܠܟܿܘܼܬܼ ܪܵܘܡܵܐ. ܘܦܲܓ̣ܪܹܗ ܝܲܗ̣݇ܒܼ ܠܲܢ. ܘܫܘܼܒ̣ܚܵܐ ܦܲܐܝܵܐ ܐܲܠ̣ܒܸ̇ܫ ܠܥܹܕܿܬܹܿܗ܀ ܥܲܡ ܪ̈ܘܼܚܵܢܹ̈ܐ ܢܝܲܒܸ̇ܒܼ ܬܠܝܼܬܼܵܐܝܼܬܼ. ܘܢܸܩܥܸܐ ܘܲܢܙܲܡܲܪ ܠܹܗ ܟܲܕܼ ܐܵܡ̇ܪܝܼܢܲܢ ܗܲܠܸܠܘܼܝܲܗ.
ܒܵܬܹ̈ܐ؛ ܠܥܸܠ ܡ̣ܢ ܥܝܼܪܹ̈ܐ ܣ̣ܵܡܲܢܝ ܒܢܘܼܗܪܵܐ ܒܐ݇ܪܵܙܵܐ. ܚܲܬܼܢܵܐ ܕܡܲܟܼܪܲܢܝ ܐܵܡ̇ܪܵܐ ܥܹܕܿܬܵܐ. ܒܡܲܝ̈ܵܐ ܘܪܘܼܚܵܐ ܩܲܕ̇ܫܲܢܝ ܒܡܲܥܡܘܿܕܼܝܼܬܹܗ. ܘܙܲܡܸܢ ܝܲܠܕܲܝ̈ ܠܚܲܝܹ̈ܐ ܚܲܕܼܬܹ̈ܐ܀ ܘܥܲܡ ܪ̈ܘܼܚܵܢܹܐ...܀