ܡܲܪܡܝܼܬܼܵܐ ܕܐ݇ܪ̈ܵܙܹܐ. ܐܹܪܲܡ̱ܪܡܵܟܼ ܡܵܪܝ ܡܲܠܟܵܐ.
ܕܩܲܢܟܹ̇ܐ؛ ܒܠܵܟܼܘܼ ܩܵܪܹܝ̇ܢܲܢ. ܘܲܢܫܲܒܿܚܘܿܢ ܠܲܫܡܵܟܼ ܠܥܵܠܡܝܼܢ؛ ܡܵܐ ܛܵܒ̣ ܘܡܵܐ ܫܲܦܝܼܪ. ܫܒ̣ܝܼܚܘܼ ܚܘܼܕܵܬܼܵܐ ܕܲܥ̣ܒܲܕܼ ܦܵܪܘܿܩܲܢ ܠܓܸܢܣܵܐ ܕܡܵܝܘܿܬܹ̈ܐ؛ ܬܢܝܼ؛ ܘܫܲܒܲܚ ܒܵܗ̇.
ܩܸܪܝܵܢܵܐ. ܬܸܢܝܵܢ ܢܵܡܘܿܣܵܐ ܙ؛ 7‐12 ܚܲܒ̣ܪܹܗ؛ ܐܹܫܲܥܝܵܐ ܠ؛ 15‐27
ܫܘܼܪܵܝܵܐ. ܕ܀ ܠܘܵܬܼܵܟܼ ܡܵܪܝܵܐ ܢܲܦ̮ܫܝ ܐܲܪܝܼܡܹ̇ܬܼ* ܐܲܠܵܗܝ ܒܵܟܼ ܣܲܒ̇ܪܹܬܼ ܠܵܐ ܐܸܒ̣ܗܲܬܼ* ܠܵܐ ܢܸܫܬܲܒܼܗ̱ܪܘܼܢ ܥܠܲܝ ܒܥܸܠܕܒ̣ܵܒܲܝ̈* ܘܐܵܦ ܟܠ ܕܲܡܣܲܒ̇ܪܝܼܢ ܒܵܟܼ ܠܵܐ ܢܸܒ̣ܗ̱ܬܼܘܼܢ*
ܫܠܝܼܚܵܐ؛ ܒ ܬܹܣܵܠܘܿܢܝܼܩܵܝܹܐ ܒ؛ 15‐ܫܘܼܠܵܡܵܐ.
ܙܘܼܡܵܪܵܐ. ܫܘܼܚܠܵܦ ܟܵܗܢܲܝ̈ܟ. ܪܲܚܸܡܥܠܲܝ ܐܲܠܵܗܵܐ ܡܸܛܠ ܕܕܼܵܫܲܢ̣ܝ ܒܲܪܢܵܫܵܐ. ܝܵܘܡܵܐ ܟܠܹܗ ܩܪܲܒ̣ܬܼܵܢܵܐ ܐܲܠ̣ܨܲܢܝ. ܒ܀ ܕܵܫ̣ܘܼܢܝ ܒܥܸܠܕ̇ܒܼܵܒܲܝ̈ ܟܠܹܗ ܝܵܘܡܵܐ. ܘܡܸܛܠ ܣܘܿܓܼܐܵܐ ܕܲܩܪ̈ܲܒܼܬܼܵܢܹܐ ܐܸܬ̇ܬ̇ܪܝܼܡܘ ܥܠܲܝ. ܒ܀
ܐܹܘܲܢܓܲܠܝܼܘܿܢ؛ ܡܲܬܲܝ ܝܓ؛ 1‐24
ܕܐܹܘܲܢܓܲܠܝܼܘܿܢ. ܒܗܵܐ ܫ̣ܒ̣ܵܢܝ. ܙܪܲܥ̣ܘ ܚܲܩ̈ܠܵܬܼܵܐ ܘܲܢܨܲܒ̣ܘ ܟܲܪ̈ܡܹܐ؛ ܢܸܗܘܸܐ ܚܲܝܠ̱ܬܼܵܢ ܙܲܪܥܹܗ ܒܐܲܪܥܵܐ. ܕܨܘܼܪܬܵܐ. ܢܸܨܒ̇ܬܼܵܐ ܚܕܲܬܵܐ ܘܚܲܒܿܝܼܒܼܬܵܐ. ܙܲܪܥܵܐ ܕܩܘܼܫܬܵܐ ܝܘܼܠܦܵܢ ܚܲܝܹ̈ܐ ܙܪܲܥ̣ ܦܵܪܘܿܩܲܢ ܒܢܲܦ̮̈ܫܵܬܼܵܐ ܕܲܒ̣ܢܲܝ̈ܢܵܫܵܐ. ܕܥܲܠ ܝܲܕܼ ܐܘܼܪܚܵܐ ܐܸܬ̇ܬ̇ܕܿܝܼܫ ܘܲܒܼܛܸܠ̣. ܕܒܲܝܢܵܬܼ ܟܘܼܒܹ̈ܐ ܣ̣ܠܸܩ ܝܲܥܪܵܐ ܘܚܲܦ̣ܝܼ ܫܘܼܦܪܹܗ. ܕܥܲܠ ܫܘܿܥܵܐ ܐܸܙܕܪܲܥ. ܒܲܪ ܫܵܥܬܹܗ ܫܘܲܚ̣. ܘܟܲܕܼ ܚܲܡ̣ ܫܸܡܫܵܐ ܚ̣ܡܵܐ ܘܝܼܒܸܫ̣. ܕܥܸܩܵܪܹܗ ܠܵܐ ܐܸܫܬܲܪܲܪ. ܘܚܲܝܠܵܐ ܡ̣ܢ ܐܲܪܥܵܐ ܠܵܐ ܢ̣ܣܲܒ̣. ܕܒܲܐܪܥܵܐ ܛܵܒ̣ܬܼܵܐ ܐܸܙܕܿܪܲܥ. ܒܲܬܼܠܵܬܼܝܼܢ ܘܒܸܫܬ̇ܝܼܢ ܘܒܲܡܐܵܐ. ܦܹܐܪ̈ܵܘܗܝ ܫܒ̣ܝܼܚܹ̈ܐ ܐܸܬܼܚ̄ܙܝܼܘ. ܙܲܪܥܵܟܼ ܛܵܒ̣ܵܐ ܐܲܪܡܵܐ ܒܢܲܦ̮̈ܫܵܬܲܢ. ܡܵܪܲܢ ܚܘܼܣܥܠܲܝܢ؛ ܬܢܝܼ؛ ܫܲܒܲܚ. ܒܣܵܗܕܹ̈ܐ ܒܪ̈ܝܼܟܹܐ. ܙܲܪܥܵܐ ܕܩܘܼܫܬܵܐ ܝܘܼܠܦܵܢܹܗ ܕܝܼܫܘܿܥ. ܣܠܸܩ̣ܘ ܟܘܼܒܹ̈ܐ ܘܚܲܢ̣ܩܘܼܗܝ. ܘܡ̣ܢ ܪܲܦܝܘܼܬܼܵܐ ܕܐܲܟܵܪܹ̈ܐ. ܗܸܘܲܝ̈ ܚܲܩ̈ܠܵܬܼܵܐ ܠܲܕܼܝܵܫܵܐ. ܘܢܵܡ̣ܘ ܘܲܕܼܡܸܟܼܘ ܪ̈ܵܥܵܘܵܬܼܵܐ. ܘܚܲܒܸ̇ܠ̣ܘ ܕܹܐܒܹ̈ܐ ܐܲܝܟܼ ܕܲܨ̣ܒ̣ܵܘ. ܘܠܲܝܬ̇ ܪܵܥܝܵܐ ܕܩܵܐܹ̇ܡ ܒܐܲܦܲܝ̈ܗܘܿܢ.
ܕܐ݇ܪ̈ܵܙܹܐ. ܒܫܘܼܪܵܝ. ܬܵܘ ܢܸܬ̇ܕܲܡܲܪ. ܫܲܒܲܚܘ ܠܡܵܪܝܵܐ ܡ̣ܢ ܫܡܲܝܵܐ؛ ܡܫܲܡܫܵܢܵܘ̈ܗܝ ܕܥܵܒ̣ܕ̇ܝܼܢ ܨܸܒ̣ܝܵܢܹܗ؛ ܬܲܡܵܢ ܕܚܸܠ̣ܘ ܕܸܚܠ̱ܬܼܵܐ. ܕܨܘܼܪܬܵܐ. ܡ̣ܢ ܩܕܼܵܡ ܕܸܚܠ̱ܬܹܗ ܕܡܵܪܝܵܐ ܘܡ̣ܢ ܗܸܕܼܪܵܐ ܕܥܘܼܫܢܹܗ. ܕܸܚܠ̱ܬܼܵܐ ܗ݇ܝܼ ܪܲܒ̇ܬܼܵܐ ܠܡܸܦܲܠ ܒܐܝܼܕܼܵܘ̈ܗܝ ܕܐܲܠܵܗܵܐ ܚܲܝܵܐ. ܒܕܸܚܠ̱ܬܼܵܐ ܘܲܒܼܚܲܕܼܘܼܬܼܵܐ ܩܵܝ̇ܡܝܼܢ. ܟܸܢܫܹ̈ܐ ܟܠܗܘܿܢ ܕܲܫܡܲܝܵܢܹ̈ܐ ܘܕܲܐܪ̈ܥܵܢܵܝܹܐ. ܡܵܐ ܕܡܸܬܼܩܲܪܲܒܼ ܕܸܒ̣ܚܵܐ ܕܲܚܠܵܦ ܚܲܝܵܘ̈ܗܝ ܕܥܵܠܡܵܐ. ܘܟܲܕܼ ܓܸܦܲܝ̈ܗܘܿܢ ܦܪܝܼܣܝܼܢ. ܩܕܼܵܡ ܥܲܝܢܲܝ̈ܗܘܿܢ ܕܠܵܐ ܢܸܬܼܒܲܩܘܿܢ. ܒܚܸܙܘܵܐ ܕܚܝܼܠܵܐ ܕܠܵܐ ܡܸܬ̇ܕܿܪܸܟܼ. ܘܲܒܼܩܵܠܲܝ̈ܗܘܿܢ ܡܝܲܒ̇ܒܼܝܼܢ. ܘܠܸܫܵܢܲܝ̈ܗܘܿܢ ܩܵܥܹ̇ܝܢ ܘܐܵܡ̇ܪܝܼܢ. ܩܲܕܝܼܫ ܩܲܕܝܼܫ ܩܲܕܝܼܫܲܬ̇ ܡܵܪܝܵܐ. ܘܥܲܠ ܐܲܦܲܝ̈ ܡܵܘܗܲܒܼܬܼܵܐ ܗܵܕܹܐ ܕܚܝܼܠܬܵܐ ܕܝܲܗ݇ܒ̣ܬ̇ ܠܲܢ. ܕܢܸܬܼܚܲܣܸܐ ܒܵܗ̇ ܡ̣ܢ ܚܵܘܒܲܝ̈ܢ. ܗܲܒ̣ܠܲܢ ܡܵܪܝ ܒܲܚܢܵܢܵܟܼ. ܘܐܲܫܘܵܐ ܠܲܢ ܒܛܲܝܒܿܘܼܬܼܵܐ. ܕܢܵܘܕܸ̇ܐ ܠܵܟܼ ܥܲܠ ܐܲܦܹܝ̈ܗ̇ ܘܢܹܐܡܲܪ ܫܘܼܒ̣ܚܵܐ ܠܵܟܼ؛ ܬܢܝܼ؛ ܘܫܲܒܲܚ ܒܵܗ̇.
ܕܒܹܝܡ؛ ܥܘܼܢܵܝܵܐ. ܒܥܲܡܡܹ̈ܐ ܙܡܲܪܘ. ܫܘܼܒ̣ܚܵܐ ܠܗܵܘ̇ ܚܲܝܠܵܐ ܬܠܝܼܬܼܵܝܵܐ. ܕܲܫܪܸܐ ܒܢܘܼܗܪܵܐ. ܟܝܵܢܵܐ ܕܠܵܐ ܫܘܼܪܵܝ. ܗܵܘ̇ ܕܡ̣ܢ ܡܬܼܘܿܡ ܐܝܼܬܼܵܘܗܝ. ܘܠܵܐ ܣܵܦܹ̇ܩ ܟܠ ܕܲܥܒ̣ܝܼܕܼܵܐ ܗ݇ܘ̣. ܠܡܸܬܼܢܵܐ ܩܘܼܕܼܫܵܐ ܕܐܝܼܩܵܪܹܗ. ܗܵܘ̇ ܕܐܵܠܹܦ ܐܲܠܦ̈ܝܼܢ ܘܪܸ̈ܒ̇ܘܵܬܼܵܐ ܕܟܸܢܫܲܝ̈ ܪܵܘܡܵܐ ܡܩܲܕ̇ܫܝܼܢ ܠܐܝܼܩܵܪܹܗ. ܘܲܒܼܕܸܚܠ̱ܬܼܵܐ ܘܒܲܪܬܹܝܬܼܵܐ܀ ܩܵܥܹܝ̇ܢ ܟܠܗܘܿܢ ܫܲܘܝܵܐܝܼܬܼ. ܩܲܕ̇ܝܼܫܲܬ̇ ܩܲܕ̇ܝܼܫܲܬ̇ ܩܲܕ̇ܝܼܫܲܬ̇ ܐܝܼܬܼܝܵܐ ܓܢܝܼܙܵܐ ܗܲܠܸܠܘܼܝܲܗ.
ܒܵܬܹ̈ܐ؛ ܣܸܕܼܪܹ̈ܐ ܢܘܼܪ̈ܵܢܹܐ ܘܚܲܝ̈ܠܵܘܵܬܼܵܐ ܥܸܠܵܝܹ̈ܐ ܟܪ̈ܘܿܒܹܐ ܘܲܣܪ̈ܵܦܹܐ. ܒܕܸܚܠ̱ܬܼܵܐ ܘܒܲܪܬܹܝܬܼܵܐ ܘܲܒܼܚܘܼܒܵܐ ܘܲܒܼܪܸܚܡ̱ܬܼܵܐ. ܡܩܲܕ̇ܫܝܼܢ ܠܹܗ ܕܠܵܐ ܣܲܒ̣ܥܘܼܬܼܵܐ. ܘܲܒܼܓܸܦܹ̈ܐ ܕܪܘܼܚܵܐ ܡܟܲܣܹܝܢ ܙܝܼܘܵܐ ܕܐܲܦܲܝ̈ܗܘܿܢ ܕܠܵܐ ܢܸܬܼܒܲܩܘܿܢ ܒܹܗ. ܒܚܸܙܘܵܐ ܕܚܝܼܠܵܐ ܕܠܵܐ ܡܸܬ̇ܕܿܪܸܟ܀ ܩܵܥܹܝ̇ܢ ܟܠܗܘܿܢ ܫܲܘܝܵܐܝܼܬܼ...܀
♱♱♱♱♱♱♱♱♱