ܚܲܕܼܒ̇ܫܲܒܵܐ ܕܲܬ̣ܪܹܝܢ ܕܣܘܼܒܵܪܵܐ
ܡܲܪܡܝܼܬܼܵܐ ܕܐ݇ܪ̈ܵܙܹܐ؛ ܫܲܒܲܚܘ ܠܡܵܪܝܵܐ ܬܸܫܒ̇ܘܿܚܬܵܐ ܚܕܲܬܵܐ.
ܥܘܿܢܝܼܬܼܵܐ ܕܩܲܢܟܹ̇ܐ. ܒܩܵܠ؛ ܒܝܲܕܼ ܫܠܵܡܵܐ.
ܡܲܫܸܒ̣ ܪ̈ܘܼܚܹܐ ܘܡܲܪ̈ܕܿܝܵܢ ܡܲܝ̈ܵܐ܀ ܫܡܲܥܘ ܗܵܕܹܐ ܟܠܟ̣ܘܿܢ ܥܲܡܡܹ̈ܐ. ܒܟܼܵܢܘܿܢ ܝܲܪܚܵܐ ܕܒܹܗ ܐܲܪܥܵܐ ܦܹܐܪܹ̈ܐ ܠܵܐ ܝܵܗ݇ܒܵܐ. ܒܹܗ ܨ̣ܒ̣ܵܐ ܡܵܪܝܵܐ ܕܲܢܚܵܘܸܐ ܦܹܐܪܵܐ ܒܲܒ̣ܬ̣ܘܼܠܬܵܐ. ܕܐܝܼܬܼܵܘܗܝ ܥܸܠܬܼܵܐ ܕܟ̣ܠܗܹܝܢ ܛܵܒ̣̈ܵܬܼܵܐ. ܘܣܲܒ̣ܪܵܐ ܛܵܒ̣ܵܐ ܕܟ̣ܠܗܹܝܢ ܒܸܪ̈ܝܵܬ̣ܵܐ. ܘܗܘܸܝܘ݂ ܢܘܼܗܪܵܐ ܫܲܪܝܼܪܵܐ ܡܫܝܼܚܵܐ ܡܵܪܵܐ ܕܟ̣ܠ. ܣܓ̣ܝܼܕܼ ܥܲܡ ܐܲܒ̣ܘܼܗܝ ܘܪܘܼܚܹܗ ܩܲܕܿܝܼܫܵܐ. ܬܢܝܼ؛ ܫܲܒܲܚ. ܥܝܼܪܵܐ ܕܐܸܬ̣ܵܐ ܠܦܘܼܪܩܵܢܲܢ ܘܲܫ̣ܗܲܪ ܥܲܠ ܐܲܦܲܝ̈ܢ. ܬܸܗܘܸܐ ܨܠܘܿܬܲܢ ܘܒܼܵܥܘܼܬܲܢ ܠܲܢܝܵܚ ܨܸܒ̣ܝܵܢܵܟܼ. ܘܐܲܝܟܼ ܕܲܒܼܣܸܡ̣ ܠܵܟܼ ܪܹܝܚ ܦܝܼܪܡܹܗ ܕܐܲܗܪܘܿܢ. ܟܵܗܢܵܐ ܙܲܗܝܵܐ ܒܓܵܘ ܡܲܫܟܲܢܙܲܒ̣ܢܵܐ. ܬܸܒܼܣܲܡ ܠܵܟܼ ܡܵܪܝ ܨܠܘܿܬܲܢ ܒܟܼܠܗܘܿܢ ܥܸܕܵܢܹ̈ܐ. ܘܲܥܒܸܕܼ ܫܲܝܢܵܐ ܘܪ̈ܲܚܡܹܐ ܒܲܒ̣ܪܝܼܬܼܵܐ.
ܩܸܪܝܵܢܵܐ. ܡܸܢܝܵܢܵܐ ܟܒ؛ 9‐ܟܓ؛ 2. ܚܲܒ̣ܪܹܗ. ܐܹܫܲܥܝܵܐ ܡܓ؛ 14‐ܡܕ؛6.
ܫܘܼܪܵܝܵܐ. ܝ܀ ܐܲܠܵܗܵܐ ܫ̣ܡܲܥܢܲܢ ܒܐܸܕܼܢܲܝ̈ܢ܋ ܘܐܵܦ ܐܲܒ̣ܵܗܲܝ̈ܢ ܐܸܫܬܲܥܝܼܘ ܠܲܢ܋ ܡܸܕܸܡ ܕܲܥ̣ܒܲܕܿܬ̇ ܒܝܵܘܡܲܝ̈ܗܘܿܢ܋ ܒܝܵܘ̈ܡܵܬ̣ܵܐ ܩܲܕܼܡܵܝܹ̈ܐ܋ ܐܝܼܕܼܵܟܼ ܐܵܘܒ̇ܕܲܬ݀ ܠܥܲܡܡܹ̈ܐ ܘܲܢ̣ܨܲܒ̣ܬ̇ ܐܸܢܘܿܢ܋ ܘܐܲܒ̣ܐܸܫ̣ܬ̇ ܠܡܲܠܟ̈ܘܵܬ̣ܵܐ ܘܫܲܪܲܪܬ̇ ܐܸܢܘܿܢ܋ ܡܸܛܠ ܕܠܵܐ ܗ݇ܘ̣ܵܐ ܒܚܲܪܒ̇ܗܘܿܢ ܝܼܪܸܬ̣ܘ ܐܲܪܥܵܐ܋ ܘܐܵܦ ܠܵܐ ܕܪܵܥܗܘܿܢ ܦܪܲܩ̣ ܐܸܢܘܿܢ܋ ܐܸܠܵܐ ܝܲܡܝܼܢܵܟܼ ܘܲܕܼܪܵܥܵܟܼ܋ ܒܢܘܼܗܪܵܐ ܕܐܲܦܲܝ̈ܟ ܕܲܨ̣ܒܲܝܬ̇ ܒܗܘܿܢ܋
ܫܠܝܼܚܵܐ. ܩܘܿܠܸܣܵܝܹ̈ܐ ܕ؛ 2‐ܫܘܼܠܵܡܵܐ.
ܙܘܼܡܵܪܵܐ. ܒܟ̣ܵܗܢܲܝ̈ܟ܀ ܣܲܒܲܪ̄ܢ ܐܲܠܵܗܵܐ ܠܛܲܝܒ̇ܘܼܬܼܵܟܼ ܒܓ̣ܵܘܹܗ ܕܗܲܝܟ̇ܠܵܟܼ. ܐܲܝܟܼ ܫܡܵܟܼ ܐܲܠܵܗܵܐ ܗܵܟܲܢܵܐ ܬܸܫ̈ܒ̇ܚܵܬ̣ܵܟܼ. ܒ܀ ܥܕܲܡܵܐ ܠܣܵܘܦܹܝ̈ܗ̇ ܕܐܲܪܥܵܐ ܙܲܕܝܼܩܘܼܬ̣ܵܐ ܡܲܠܝܵܐ ܝܲܡܝܼܢܵܟܼ. ܢܸܚܕܸ̇ܐ ܛܘܼܪܵܐ ܕܨܸܗܝܘܿܢ ܘܲܢ̈ܕܘܼܨܵܢ ܒܢܵܬ̣̈ ܝܼܗܘܼܕܼܵܐ. ܒ܀
ܐܹܘܲܢܓܲܠܝܼܘܿܢ. ܠܘܼܩܵܐ ܐ؛ 26‐57.
ܥܘܿܢܝܼܬܼܵܐ ܕܐ݇ܪ̈ܵܙܹܐ. ܪܹܫ ܩܵܠܵܐ.
ܡܛܲܝܲܒ̣ ܗ݇ܘ̣ ܠܸܒ̇ܝ ܐܲܠܵܗܵܐ ܡܛܲܝܲܒ̣ ܗ݇ܘ̣ ܠܸܒ̇ܝ؛ ܐܲܝܠܹܝܢ ܕܩܵܝ̇ܡܝܼܢ ܒܒܲܝܬܹ̇ܗ ܕܡܵܪܝܵܐ ܒܠܲܝ̈ܠܵܘܵܬ̣ܵܐ؛ ܐܲܪܝܼܡܘ ܐܝܼܕܲܝ̈ܟ̇ܘܿܢ ܠܩܘܼܕܫܵܐ ܘܒܲܪܸܟ̣ܘ ܠܡܵܪܝܵܐ. ܕܨܘܼܪܬܵܐ. ܟܲܕܼ ܪܣܝܼܣܝܼܢ ܠܸܒܵܘ̈ܵܬܲܢ ܘܲܕܼܟܹܝܢ ܡ̣ܢ ܬܹܐܪܬܵܐ ܒܝܼܫܬܵܐ. ܢܸܬ̇ܛܲܝܲܒ̣ ܒܕܸܚܠ̱ܬܼܵܐ ܘܲܒܼܪܸܚܡ̱ܬܼܵܐ ܠܡܵܘܗܲܒ̣ܬܼܵܐ ܕܚܝܼܠܬܵܐ ܕܐ݇ܪ̈ܵܙܵܘܗܝ ܕܲܡܫܝܼܚܵܐ. ܘܲܠܢܲܦ̮̈ܫܵܬܲܢ ܒܲܥܒ̣ܵܕܹ̈ܐ ܢܨܲܒܸ̇ܬ̣. ܕܲܒ̣ܗܘܿܢ ܢܪܲܥܹܝܘܗܝ ܠܕܲܝܵܢܵܐ ܕܟ̣ܠܵܐ. ܕܲܢܚܘܼܣ ܥܠܲܝܢ ܡܵܐ ܕܕܼܵܐܹ̇ܢ ܫܲܪ̈ܒ̣ܵܬܹܗ ܕܥܵܠܡܵܐ. ܬܢܝܼ؛ ܫܲܒܲܚ. ܒܵܗ̇.
ܕܒܹܝܡ. ܥܘܼܢܵܝܵܐ. ܕܘܼܨܘ ܥܲܡܡܹ̈ܐ ܩܕܼܵܡ ܦܵܪܘܿܩܲܢ. ܕܲܒ̣ܠܲܚܡܹܗ ܒܣܸܡ̣ܬ̇ܘܿܢ ܩܘܼܕܼܡܵܘܗܝ؛ ܬܢܝܼ. ܒܵܬܹ̈ܐ. ܐܵܘܕܵܘ ܥܲܡܡܹ̈ܐ ܠܛܲܝܒܿܘܼܬܼܵܐ. ܕܡܲܓܵܢ ܚܲܣܝܲܬ݀ ܚܵܘܒܲܝ̈ܟ̇ܘܿܢ. ܘܫܵܘܬܵܦܹ̈ܐ ܒܐ݇ܪܵܙܵܐ ܗ݀ܘܲܝܬܘܿܢ. ܕܡ̣ܢ ܪ̈ܘܼܚܵܢܹܐ ܡܸܬ̣ܩܲܕܲܫ.