ܚܲܕܼܒ̇ܫܲܒܵܐ ܕܫܘܼܠܵܡ ܫܵܒ̣ܘܿܥܵܐ ܕܲܫܠܝܼܚܹ̈ܐ
ܘܩܲܕܼܡܵܝܵܐ ܗ݇ܘܼ ܕܩܲܝܛܵܐ
ܘܡܸܬܼܩܪܸܐ ܢܘܼܣܲܪܕ̇ܐܹܝܠ

ܘܡܸܬܼܦܲܫܲܩ ܥܹܐܕܹܗ ܕܐܲܠܵܗܵܐ. ܘܕܘܼܟܼܪܵܢܵܐ ܗ݇ܘ̣ ܕܲܬܼܪܸܥܣܲܪ ܫܠܝܼܚܹ̈ܐ

   ܡܲܪܡܝܼܬܼܵܐ ܕܐ݇ܪ̈ܵܙܹܐ؛ ܐܹܪܲܡ̱ܪܡܵܟܼ ܡܵܪܝ ܡܲܠܟܵܐ. 

ܕܩܲܢܟܹ̇ܐ؛ ܒܣܵܗܕܹ̈ܐ ܒܪ̈ܝܼܟܹܐ.

ܒܟܼܠܵܗ̇ ܐܲܪܥܵܐ ܢܸܦܩܲܬܸ ܣܒܲܪܬܼܗܘܿܢ؛ ܘܲܒܼܣܵܘܦܹܝ̈ܗ̇ ܕܬܹܒܹܝܠ ܡܸܠܲܝ̈ܗܘܿܢ. ܫܠܝܼܚܹ̈ܐ ܩܲܕ̇ܝܼܫܹ̈ܐ ܢܦܲܩ̣ܘ ܘܐܲܟܼܪܸܙ̣ܘ ܩܘܼܫܬܵܐ ܒܐܲܪܒܲܥ ܦܸܢ̈ܝܵܬܼܵܐ. ܘܩܲܪܸܒ̣ܘ ܥܲܡܡܹ̈ܐ ܠܝܼܕܲܥܬܼܵܐ ܕܲܫܪܵܪܵܐ ܕܗܲܝܡܵܢܘܼܬܼܗܘܿܢ. ܘܩܲܒܸ̇ܠ ܗܸܢ̣ܘܿܢ ܝܘܼܠܦܵܢܵܐ. ܕܢܸܗܘܘܿܢ ܣܵܗܕܹ̈ܐ ܫܲܪܝܼܪܹ̈ܐ. ܥܲܠ ܩܝܵܡܬܹܗ ܕܝܼܫܘܿܥ ܦܵܪܘܿܩܲܢ؛ ܬܢܝܼ؛ ܫܲܒܲܚ. ܨܠܝܼܒܹܗ ܕܲܡܫܝܼܚܵܐ ܩܲܛ̣ܠܵܗ̇ ܠܲܚܛܝܼܬܼܵܐ ܕܩܸܛܠܲܬܸ ܠܲܟܼܝܵܢܲܢ. ܘܲܬܼܗܲܪܘ ܟܸܢܫܹ̈ܐ ܕܚܲܙܵܝܹ̈ܐ. ܒܙܵܟܼܘܼܬܼܵܐ ܕܲܒܼܪܹܫ ܩܲܝܣܵܐ. ܕܲܙ̣ܟܼܵܐ ܠܲܬܼܪܹܝܢ ܚܲܣܝܼܢ̈ܝܼܢ. ܓܲܒ̣ܪܵܐ ܕܐܸܬ̇ܬ̇ܠܝܼ ܒܲܙܩܝܼܦܵܐ ܠܣܵܛܵܢܵܐ ܘܡܵܘܬܵܐ ܡܚܲܒ̇ܠܵܢܵܐ.

ܩܸܪܝܵܢܵܐ؛  ܐ؛ܡܲܠܟܹ̈ܐ؛ ܝܚ؛ 30‐40  (ܐܵܘ) ܬܸܢܝܵܢ ܢܵܡܘܿܣܵܐ؛ ܕ؛ 25‐32  ܚܲܒ̣ܪܹܗ؛ ܦܲܪܟܿܣܝܼܣ؛ ܗ؛ 12‐33  (ܐܵܘ) ܐܹܫܲܥܝܵܐ؛ ܒ؛23‐ܓ؛ 16

  ܫܘܼܪܵܝܵܐ. ܡܸܣܟܹ̇ܢܹ̈ܐ ܝܵܪܬ̇ܝܼܢ ܐܲܪܥܵܐ. ܠܕܼܘܼܟܼܪܵܢܗܘܿܢ ܕܲܫܠܝܼܚܹ̈ܐ ܢܝܲܩܲܪ ܒܲܙܡܝܼܪ̈ܵܬܼܵܐ ܕܪܘܼܚܵܐ. ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܘܡܸܬܼܒܲܣܡܝܼܢ ܒܲܫܠܵܡܵܐ ܣܲܓܝܼܐܵܐ. ܠܕܼܘܼܟܼܪܵܢܗܘܿܢ ܕܲܫܠܝܼܚܹ̈ܐ ܢܝܲܩܲܪ ܒܲܙܡܝܼܪ̈ܵܬܼܵܐ ܕܪܘܼܚܵܐ. ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ. ܫܲܒܲܚ. ܠܕܼܘܟ̣ܪܵܢܗܘܿܢ...܀ ܥܵܠܲܡ. ܠܕܼܘܟܼܪܵܢܗܘܿܢ...܀

   ܫܠܝܼܚܵܐ؛  ܒ؛ ܩܘܿܪ̈ܲܢܬܼܵܝܹܐ؛ܐ؛ 8‐15

ܙܘܼܡܵܪܵܐ؛ ܒܫܲܒܲܚܘ ܙܲܕܝܼܩܹ̈ܐ. ܡܲܫܪܝܼܬܼܵܐ ܕܡܲܠܲܐܟ̣ܵܘ̈ܗ‌ܝ ܕܡܵܪܝܵܐ. ܚܕܼܝܼܪܵܐ ܠܕܼܵܚܠܵܘ̈ܗ‌ܝ ܘܲܡܦܲܨܸܐ ܠܗܘܿܢ. ܒ܀ ܢܸܦܪܘܿܩ ܢܲܦ̮̈ܫܵܬܼܵܐ ܕܥܲܒ̣ܕܵܘ̈ܗ‌ܝ. ܘܠܵܐ ܢܸܬܼܚܲܝܒ̣ܘܼܢ ܟܠ ܕܲܡܣܲܒ̇ܪܝܼܢ ܒܹܗ. ܒ܀

   ܐܹܘܲܢܓܲܠܝܼܘܿܢ؛  ܠܘܼܩܵܐ؛ ܝܕ؛ 1‐15

ܕܐܹܘܲܢܓܲܠܝܼܘܿܢ. ܒܙܲܝܢܵܐ ܕܪܘܼܚܵܐ. ܡܲܠܸܦ ܠܡܸܣܟܹ̇ܢܹ̈ܐ ܐܘܼܪܚܹܗ؛ ܐܘܼܪ̈ܚܵܬܼܵܟܼ ܡܵܪܝܵܐ ܚܵܘܵܢܝ. ܕܨܘܼܪܬܵܐ. ܗ݀ܘܲܝܬܘܿܢ ܪܵܚܡ̇ܝܼܢ ܐܲܟܼܣܢܵܝܹ̈ܐ. ܡܸܠܬܹܗ ܕܡܵܪܲܢ ܐܲܠܸܦ̣ܬܲܢ. ܕܢܸܣܢܹܝܘܗ‌ܝ ܠܥܵܠܡܵܐ ܥܵܒ̣ܘܿܪܵܐ. ܘܢܸܪܚܲܡ؛ ܥܵܠܡܵܐ ܕܲܥܬܼܝܼܕܼ ܒܝܲܕܼ ܛܵܒ̣̈ܵܬܼܵܐ. ܘܚܘܼܒܵܐ ܕܲܠܘܵܬܼ ܡܸܣܟܹ̇ܢܹ̈ܐ܀ ܘܡܵܐ ܕܥܵܒܹ̇ܕܼ ܐܲܢ݇ܬ̇. ܫܵܪܘܼܬܼܵܐ ܐܵܘ ܚܫܵܡܝܼܬܼܵܐ. ܠܵܐ ܬܸܩܪܸܐ ܐܲܚܲܝ̈ܟ ܘܪ̈ܵܚܡܲܝܟ. ܐܵܦܠܵܐ ܫܒܼܵܒܲܝ̈ܟ ܥܲܬ̇ܝܼܪܹ̈ܐ܀ ܐܸܠܵܐ ܐܲܣܡܸܟܼ. ܥܲܠ ܦܵܬܼܘܿܪܵܟܼ ܡܸܣܟܹ̇ܢܹ̈ܐ. ܚܓ̣ܝܼܪܹ̈ܐ ܚܓ̣ܝܼܣܹ̈ܐ ܣܡܲܝ̈ܵܐ ܦܫܝܼܓܹ̈ܐ. ܘܛܘܼܒܲܝܟ ܕܠܲܝܬ̇ ܠܗܘܿܢ ܕܢܸܦܪܥܘܼܢܵܟܼ. ܢܸܗܘܸܐ ܒܪܵܘܡܵܐ ܦܘܼܪܥܵܢܵܐ܀ ܡܫܝܼܚܵܐ؛ ܕܐܲܠܸܦ̣ ܠܲܢ ܡܪܲܚܡܵܢܘܼܬܼܵܐ. ܚܘܼܣ ܥܲܠ ܥܹܕ̇ܬܵܟܼ. ܘܢܲܛܲܪ ܝܲܠܕܹ̇ܝ̈ܗ̇ ܘܪܲܚܸܡ ܥܠܹܝܗ̇؛ ܬܢܝܼ؛ ܫܲܒܲܚ. ܒܡܵܪܵܐ ܕܟܼܠܵܐ. ܫܠܝܼܚܹ̈ܐ ܟܹܐܦܵܐ ܕܠܵܐ ܙܵܝܥܵܐ. ܒܢ̣ܵܘ ܒܸܢܝܵܢܵܐ ܕܠܵܐ ܡܸܫܬ̇ܪܸܐ. ܒܚܲܝܠܵܐ ܕܩܲܒܸ̇ܠܘ ܡ̣ܢ ܡܵܪܗܘܿܢ. ܥ̣ܩܲܪܘ ܚܲܢܦܘܼܬܼܵܐ ܘܥܹܕ̇ܬܵܐ ܒܢ̣ܵܘ. ܐܹܝܘ ܠܬܲܠܡܝܼܕܹ̈ܐ ܕܲܫܪܵܪܵܐ. ܕܫܲܟܼܠܸܠܘ ܘܐܵܘܪܸܒ̣ܘ ܒܸܢܝܵܢܗܘܿܢ. ܘܢܵܘܣܹ̈ܐ ܕܪܘܼܚܵܐ ܨܲܒܸ̇ܬܼܘ ܒܢ̣ܵܘ. ܒܓ̣ܵܘ ܢܲܦ̮̈ܫܵܬܼܵܐ ܕܲܡܗܲܝܡܢܹ̈ܐ.

   ܕܐ݇ܪ̈ܵܙܹܐ؛ ܪܹܫܩܵܠܵܐ. ܪܵܡ ܒܟܼܠܵܗ̇ ܐܲܪܥܵܐ؛ ܒܐܝܼܩܵܪܵܐ ܘܲܒܼܫܘܼܒ̣ܚܵܐ ܐܲܥ̣ܛܸܦܬܵܝܗ‌ܝ. ܕܨܘܼܪܬܵܐ. ܡܪܲܝܡܵܐ ܘܩܲܕ̇ܝܼܫ ܡܲܫ̱ܪܝܹܗ؛ ܗܵܘ̇ ܕܒܹܗ ܐܝܼܬܼ ܠܲܢ ܦܵܪܹܗ݇ܣܝܼܵܐ. ܡܲܕܼܒ̇ܚܵܟܼ ܡܵܪܝܵܐ ܚܲܝܠ̱ܬܼܵܢܵܐ ܒܬܸܫܒ̇ܘܿܚܬܵܐ ܪܲܡܪܸܡ̣ܬܵܝܗ‌ܝ. ܘܲܠܫܲܪܝܼܪܹ̈ܐ ܕܲܒ̣ܥܹܕ̇ܬܵܟܼ ܟܲܠܸܠ̣ܬ̇ ܐܸܢܘܿܢ ܒܐܝܼܩܵܪܵܐ. ܫܲܝܢܵܐ ܘܲܫܠܵܡܵܐ ܢܲܓ̇ܝܼܪܵܐ. ܢܸܣܓܸ̇ܐ ܠܹܗ ܠܥܲܡܵܟܼ ܕܝܼܠܵܟܼ ܡܵܪܝܵܐ؛ ܬܢܝܼ؛ ܫܲܒܲܚ. ܒܩܵܠ ܒܕܸܚ̱ܠܬܼܵܐ ܘܲܒܼܚܲܕܼܘܼܬܼܵܐ.      ܐ؛ ܐܵܘܕܵܘ ܐܲܚܲܝ̈ ܘܫܲܒܲܚܘ ܠܐܲܠܵܗ ܟܠܵܐ. ܒܕܼܘܟܼܪܵܢ ܫܠܝܼܚܹ̈ܐ ܘܐܲܒ̣ܵܗ̈ܵܬܼܵܐ ܬܹܒܹܝܠܵܝܹ̈ܐ. ܡܓ̣ܵܘ̈ܝܲܝ ܒܐ݇ܪ̈ܵܙܹܿܐ ܫܡܲܝܵܢܹ̈ܐ܀ ܒ؛ ܒܚܝܼܪܹ̈ܐ ܬܠܵܬܼܡܐܵܐ ܘܲܬܼܡܵܢܬܲܥܣܲܪ. ܕܲܓ̣ܒܼܵܐ ܐܸܢܘܿܢ ܨܸܒ̣ܝܵܢ ܟܲܣܝܵܐ. ܠܡܸܓܼܠܵܐ ܫܪܵܪܹܗ ܒܓܼܵܘ ܥܵܠܡܵܐ܀ ܓ؛ ܓܲܢ݇ܒܵܪܵܐܝܼܬܼ ܩܵܡ̣ܘ ܒܐܵܓ̣ܘܿܢܵܐ. ܘܲܚ̣ܣܲܢܘ ܘܲܙ̣ܟܼܵܘ ܠܟܼܠ ܗܹܪܹ̈ܣܝܼܵܣ܀ ܕ؛ ܕܲܟ̇ܝܘܼܗ̇ ܠܥܹܕ̇ܬܵܐ ܡ̣ܢ ܕܘܼܓܼܡܹܛܹ̈ܐ. ܣܪ̈ܝܼܩܹܐ ܘܛܲܡ̈ܐܹܐ ܕܣܝܼܡܘܿܢ ܘܡܲܪܩܝܘܿܢ. ܘܡܵܐܢܵܐ ܕܛܵܥܝܘܼܬܼܵܐ ܡܵܐܢܝܼ̈܀ ܗ؛ ܗܲܝܡܵܢܘܼܬܼܵܐ ܐܵܘܚܸܕܼ ܐܸܢܘܿܢ. ܡܲܠܟܵܐ ܕܥܲܠ ܟܠ ܒܲܕܼܡܘܼܬܼ ܙܲܝܢܵܐ܀ ܘ؛ ܘܒܼܵܗ̇ ܐܸܬܼܟܲܬܲܫܘ ܥܲܡ ܟܠ ܕܸܚ̈ܠܵܢ. ܘܡܲܟܸ̇ܟܼܘ ܪܵܘܡܵܐ ܕܟܼܠܡܵܐ ܕܐܸܬ̇ܬ̇ܪܝܼܡ. ܠܘܼܩܒܲܠ ܝܼܕܲܥܬܹܗ ܕܡܵܪܝܵܐ܀ ܙ؛ ܙܵܥ̣ܘ ܡ̣ܢ ܩܵܠܵܐ ܕܛܲܢܵܢܘܼܬܼܗܘܿܢ. ܫܹܐܕܹ̈ܐ ܛܪ̈ܘܼܢܹܐ ܘܐ݇ܢܵܫܵܐ ܒܝܼܫܹ̈ܐ܀ ܚ؛ ܚܲܝܸܒ̣ܘ ܪܘܼܫܥܵܐ ܕܒܹܝܬܼ ܐܵܪܝܼܘܿܣ. ܘܩܲܦܲܚ̣ܘ ܪܘܼܥܵܐ (ܗ̄؛ܕ̄؛ ܒܸܕܼܝܹ̈ܐ) ܕܐܵܦܘܿܠܝܼܢܵܪܝܼܣ ܥܲܛ̈ܠܹܐ ܕܲܛ̣ܥܵܘ ܡ̣ܢ ܐܘܼܪܚܵܐ܀ ܛ؛ ܛܪܲܕܼܘ ܡ̣ܢ ܓܵܘܵܗ̇ ܠܫܸܚܪ̈ܵܘܗ‌ܝ ܕܦܵܘܠܹܐ. ܘܢܲܟܼܪܝܼܘ ܠܦܘܼܚܪ̈ܵܘܗ‌ܝ ܕܣܹܒ̣ܵܠܝܼܘܿܣ܀ ܝ؛ ܝܲܗ̣݇ܒ̣ܘ ܒܘܼܝܵܐܵܐ ܠܐܲܪ̈ܬܵܕ̇ܘܿܟ̇ܣܹܐ. ܘܒܸܗܬܲܬܼ ܐܲܦܹ̈ܐ ܠܗܲܪ̈ܵܛܝܼܩܹܐ. ܒܐܲܝܠܹܝܢ ܕܲܣ̣ܥܲܪܘ ܚܠܵܦ ܫܪܵܪܵܐ܀ ܟ؛ ܟܲܦ̣ܘ ܠܗܘܿܢ ܪܹܫܵܐ ܦܠܝܼ̈ܓܹܐ ܟܠܗܘܿܢ. ܘܟܲܕܼ ܠܵܐ ܨܵܒܹ̇ܝܢ ܫ̣ܠܸܡܘ ܠܲܫܪܵܪܗܘܿܢ܀ ܠ؛ ܠܵܐ ܡܨܸܐ ܦܘܼܡܵܐ ܠܡܸܬܼܢܵܐ ܫܲܪܒܵܐ ܕܢܸܨܚܵܢܲܝ̈ܗܘܿܢ. ܐܵܦܠܵܐ ܡܲܡܪܲܚ ܗܵܘܢܵܐ ܟܲܣܝܵܐ. ܠܡܸܚܙܲܩ ܒܲܫܒ̣ܝܼܠ ܥܲܡܠܲܝ̈ܗܘܿܢ܀ ܡ؛ ܡܲܒ̇ܘܼܥ ܚܲܝܹ̈ܐ ܦܬܲܚ̣ܘ ܗ݇ܘ̣ܵܘ ܩܘܼܕܼܡܲܝܢ. ܒܝܲܕܼ ܝܘܼܠܦܵܢܹ̈ܐ ܕܐܲܣܪܲܚ̣ܘ ܨܹܐܕܲܝܢ܀ ܢܢ؛ ܢܘܼܗܪܵܐ ܘܡܸܠܚܵܐ ܗܘܸܵܘ ܢܲܨܝܼܚܹ̈ܐ. ܘܐܲܢ̣ܗܲܪܘ ܥܲܛ̈ܠܹܐ ܘܬܲܪܸܨܘ ܡܥܲܩܡܹ̈ܐ. ܘܡܲܕܸܟ̣ܘ ܛܲܥܡܵܐ ܕܦܲܟ̇ܝܼܗܹ̈ܐ܀ ܣ؛ ܣܵܡ̣ܘ ܩܵܢܘܿܢܹ̈ܐ ܕܠܵܐ ܡܸܬܼܥܲܒ̣ܪܝܼܢ. ܘܬܲܚܸܡ̣ܘ ܛܲܟܼܣܹ̈ܐ ܕܠܵܐ ܡܸܬܼܚܲܠܦܝܼܢ܀ ܥ؛ ܥܝܵܪܬܵܐ ܕܚܲܫܹ̈ܐ ܕܲܣܒܲܠ̣ܘ ܚܠܝܼܨܹ̈ܐ. ܡ̣ܢ ܡܲܪ̈ܵܚܹܐ ܕܒܹܝܬܼ ܐܵܪܝܼܘܿܣ. ܬܲܒ̣ܥ̣ܘܼܗ̇ ܟܹܐܢܹ̈ܐ ܒܣܲܝܦܵܐ ܕܡܸܠܲܬܼ ܐܲܠܵܗܵܐ܀ ܦ؛ ܦܐܸܐ ܗ݇ܘ̣ܵܐ ܩܵܠܗܘܿܢ ܟܲܕܼ ܬܵܢܹ̇ܝܢ ܗ݇ܘ̣ܵܘ. ܗܲܝܡܵܢܘܼܬܼܵܐ ܬܪܝܼܨܲܬܼ ܫܘܼܒ̣ܚܵܐ܀ ܨ؛ ܨܸܒ̣ܝܵܢ ܐܲܒ̣ܵܐ ܒܗܘܿܢ ܐܸܫܬܲܡܠܝܼ. ܘܲܫܪܵܪ ܝܲܠܕܹ̇ܗ ܒܗܘܿܢ ܐܸܬܼܚܵܘܝܼ. ܘܚܹܝܠ ܪܘܼܚܩܘܼܕܼܫܵܐ ܒܗܘܿܢ ܐܸܬܼܓ̇ܠܝܼ܀ ܩ؛ ܩܕܼܵܡ ܥܲܝܢܲܝ̈ܗܘܿܢ ܨܝܼܪ ܗ݇ܘ̣ܵܐ ܡܫܝܼܚܵܐ. ܘܒܹܗ ܡܲܩܲܬܼ ܗ݇ܘ̣ܵܐ ܚܝܵܪܗܘܿܢ ܟܠܫܵܥ܀ ܪ؛ ܪܲܒ̇ܘܼ ܫܪܵܪܗܘܿܢ ܥܡܝܼܠ ܐܵܓ̣ܘܿܢܗܘܿܢ. ܫܒ̣ܝܼܚ ܒܘܼܣܵܡܵܐ ܕܠܹܗ ܐܸܙܕܲܡܲܢܘ. ܒܗܵ‌ܝ̇ ܡܲܠܟ̇ܘܼܬܼܵܐ ܕܠܵܐ ܥܵܒ̣ܪܵܐ܀ ܫ؛ ܫܡܲܝܵܐ ܘܐܲܪܥܵܐ ܘܟܼܠܡܵܐ ܕܲܒ̣ܗܘܿܢ. ܒܝܘܿܡ ܕܘܼܟܼܪܵܢܗܘܿܢ ܚܵܕܹܝ̇ܢ ܘܕܼܵܝ̇ܨܝܼܢ. ܘܒܲܚܕܼܵܐ ܫܲܘܝܘܼ ܩܵܥܹ̇ܝܢ ܘܐܵܡ̇ܪܝܼܢ܀ ܬ؛ ܬܸܫܒ̇ܘܿܚܬܵܐ ܠܐܝܼܬܼܝܵܐ ܟܣܸܐ ܡ̣ܢ ܟܠ. ܕܪܲܡ̣ܪܸܡ ܠܪ̈ܵܚܡܵܘܗ‌ܝ.

  ܕܒܹܝܡ؛ ܥܘܼܢܵܝܵܐ. ܒܲܠܐ݇ܪܵܙܵܐ ܫܒ̣ܝܼܚܵܐ. ܠܡܵܘܗܲܒ̣ܬܼܵܐ ܪܘܼܚܵܢܵܝܬܵܐ. ܕܦܲܓ̣ܪܹܗ ܘܲܕܼܡܹܗ ܕܲܡܫܝܼܚܵܐ. ܡܠܸܟܼ ܡܲܠܟܹ̈ܐ ܫܡܲܝܵܢܵܐ. ܩ̣ܪܵܢ ܕܢܸܬܼܒܲܣܲܡ ܒܲܚܠܘܼܠܹܗ. ܕܲܢܚܲܕܸ̇ܐ ܠܲܙܡܝܼܢܵܘ̈ܗ‌ܝ ܒܥܹܐܕܼܵܐ ܦܨܝܼܚܵܐ ܕܲܪ̈ܚܘܼܡܵܘܗ‌ܝ. ܗܵܐ ܓܹܝܪ ܡ̣ܢ ܥܲܡܡܹ̈ܐ ܢܘܼܟܼܪ̈ܵܝܹܐ ܐܝܼܬܲܝܟܿܘܿܢ ܗ̣݇ܘܲܝܬ̇ܘܿܢ. ܐܸܬܼܩܲܪܲܒ̣ܘ ܠܗܵܢܵܐ ܐ݇ܪܵܙܵܐ ܡܚܲܣܝܵܢܵܐ. ܪܲܗܒ̣ܘܿܢܵܐ ܗ݇ܘ̣ ܓܹܝܪ ܕܠܵܐ ܡܵܝܘܿܬܼܘܼܬܼܵܐ. ܘܡܘܼܠܟܵܢܵܐ ܘܒܼܘܼܣܵܡܵܐ ܕܠܵܐ ܫܘܼܠܵܡܵܐ. ܘܒܲܚܢܵܢܹܗ ܐܲܫ̣ܘܝܼ ܠܲܢ ܕܢܲܡܠܸܟܼ ܥܲܡܹܗ ܒܚܲܝܹ̈ܐ ܚܲܕܼܬܹ̈ܐ. ܢܨܲܒܸ̇ܬܼ ܠܹܗ ܗܵܟܹܝܠ ܢܲܦ̮̈ܫܵܬܲܢ. ܠܲܒ̣ܪܵܐ ܕܝܲܗ̣݇ܒ̣ ܠܲܢ ܡܵܘܗܲܒ̣ܬܼܵܐ ܪܲܒ̇ܬܼܵܐ. ܕܠܵܐ ܣܵܦ̈ܩܵܢ ܠܵܗ̇ ܒܸܪ̈ܝܵܬܼܵܐ. ܬܵܘ ܟܠܲܢ ܢܵܘܕܸ̇ܐ ܠܹܗ܀ ܠܲܡܫܝܼܚܵܐ ܕܐܲܫ̣ܘܝܼ ܠܲܢ ܠܡܵܘܗܲܒ̣ܬܼܵܐ ܕܐ݇ܪ̈ܵܙܵܘܗ‌ܝ ܘܢܹܐܡܲܪ ܗܲܠܸܠܘܼܝܲܗ.

ܒܵܬܹ̈ܐ؛ ܫܲܒܲܚܘ ܙܲܕ̇ܝܼܩܹ̈ܐ ܠܡܵܪܝܵܐ܀ ܘܠܲܬܼܪ̈ܝܼܨܹܐ ܝܵܐ̇ܝܵܐ ܬܸܫܒ̇ܘܿܚܬܵܐ܀ ܐܵܘܕܵܘ ܠܹܗ ܒܟܸܢܵܪܵܐ܀ ܠܲܡܫܝܼܚܵܐ ܕܐܲܫ̣ܘܝܼ ܠܲܢ...܀

♱♱♱♱♱♱♱♱♱♱♱