ܚܲܕܼܒ̇ܫܲܒܵܐ ܩܲܕܼܡܵܝܵܐ ܕܡܵܪܝ ܡܘܼܫܹܐ
ܡܲܪܡܝܼܬܼܵܐ ܕܐ݇ܪ̈ܵܙܹܐ. ܫܲܒܲܚܘ ܠܡܵܪܝܵܐ ܬܸܫܒ̇ܘܿܚܬܵܐ ܚܕܲܬܵܐ.
ܕܩܲܢܟܹ̇ܐ؛ ܒܠܵܟܼܘܼ ܩܵܪܹܝ̇ܢܲܢ. ܟܠܗܹܝܢ ܕܡ̣ܢ ܩܕܼܝܼܡ ܘܲܠܚܲܪܬܼܵܐ. ܬܹܒܹܝܠ ܘܟܼܠܗܘܿܢ ܥܵܡܘܿܪܹ̈ܝܗ̇. ܟܠܗܹܝܢ ܒܸܪ̈ܝܵܬܼܵܐ ܡܫܲܒ̈ܚܵܢ ܠܐܝܼܬܼܘܼܬܼܵܟܼ ܟܝܵܢܵܐ ܕܠܵܐ ܫܘܼܪܵܝ؛ ܬܢܝܼ. ܫܲܒܲܚ ܒܵܗ̇.
ܩܸܪܝܵܢܵܐ. ܬܸܢܝܵܢ ܢܵܡܘܿܣܵܐ؛ ܝܐ؛ 1‐13 ܚܲܒ̣ܪܹܗ؛ ܐܹܫܲܥܝܵܐ؛ ܡ؛ 1‐18
ܫܘܼܪܵܝܵܐ. ܕ܀ ܡܵܐ ܪܵܘ̱ܪܒ̣ܝܼܢ ܥܒ̣ܵܕܲܝ̈ܟ ܡܵܪܝܵܐ* ܘܛܵܒ̣ ܥܲܡܝܼ̈ܩܵܢ ܡܲܚܫ̈ܒ̣ܵܬܼܵܟܼ* ܓܲܒ̣ܪܵܐ ܫܵܛܝܵܐ ܠܵܐ ܝܵܕܲܥ̇* ܘܣܲܟܼܠܵܐ ܠܵܐ ܡܸܣܬܲܟܲܠ ܒܗܵܕܹܐ*
ܫܠܝܼܚܵܐ. ܒ؛ ܩܘܿܪ̈ܲܢܬܼܵܝܹܐ؛ ܐ؛ 23‐ܒ؛ 17
ܙܘܼܡܵܪܵܐ. ܒܫܲܒܲܚܝ ܐܘܿܪܸܫܠܸܡ. ܫܲܒܲܚܘ ܠܡܵܪܝܵܐ ܟܠܟ̣ܘܿܢ ܥܲܡܡܹ̈ܐ. ܫܲܒܚܵܝ̈ܗܝ ܟܠܗܹܝܢ ܐܸܡ̈ܘܵܬܼܵܐ. ܒ܀ ܡܸܛܠ ܕܥܸܫܢܲܬܸ ܥܠܲܝܢ ܛܲܝܒ̇ܘܼܬܹܗ. ܫܲܪܝܼܪܵܐܝܼܬܼ ܡܵܪܝܵܐ ܗ݇ܘ̣ ܠܥܵܠܲܡ. ܒ܀
ܐܹܘܲܢܓܲܠܝܼܘܿܢ؛ ܡܲܬܲܝ؛ ܟ؛ 1‐17
ܕܐܹܘܲܢܓܲܠܝܼܘܿܢ. ܒܐܲܠܵܗܵܐ ܡܸܠܬܼܵܐ. ܐܵܘܕܸ̇ܐ ܠܵܟܼ ܒܥܹܕ̇ܬܵܐ ܪܲܒ̇ܬܼܵܐ؛ ܒܪܲܡܫܵܐ ܘܲܒܼܨܲܦܪܵܐ ܘܲܒܼܛܲܗܪܵܐ. ܕܨܘܼܪܬܵܐ. ܗܵܘ ܕܲܡ̣ܠܲܟܼ ܐܲܠܵܗܵܐ ܠܐܲܝܠܹܝܢ ܕܪܵܚܡ̇ܝܼܢ ܠܹܗ. ܠܟܲܪܡܵܐ ܪܘܼܚܵܢܵܐ ܕܲܡܠܸܐ ܛܘܼܒܹ̈ܐ ܫܡܲܝܵܢܹ̈ܐ. ܩ̣ܪܲܝܬܵܢܝ ܡܫܝܼܚܵܐ ܦܵܪܘܿܩܲܢ. ܒܲܚܕܼܵܥܸܣܪܹ̈ܐ ܫܵܥ̈ܝܼܢ. ܕܐܸܦܠܘܿܚ ܘܐܸܣܲܒܼ ܡܸܢܵܟܼ ܐܲܓ̣ܪܵܐ ܡܫܲܠܡܵܢܵܐ. ܘܟܲܕܼ ܪ̈ܲܚܡܲܝܟ ܠܗܵܠܹܝܢ ܐܲܫܘ̱ܝܘܼܢܝ. ܐܸܢܵܐ ܒܨܸܒ̣ܝܵܢܝ ܒܪܲܦܝܘܼܬܼ ܕܘܼܒܵܪ̈ܲܝ. ܐܵܘܓ̇ܪܹܬܼ ܠܲܩܢܘܿܡܝ ܠܥܵܘ̣ܠܵܐ ܘܠܲܚܛܝܼܬܼܵܐ. ܡܸܬܼܟܲܫܲܦ ܐ݇ܢܵܐ ܕܹܝܢ ܠܛܲܝܒ̇ܘܼܬܼܵܟܼ. ܡܵܪܵܐ ܡܪܲܚܡܵܢܵܐ. ܕܡܵܐ ܕܐܵܬܹܝ̇ܬ̇ ܠܲܡܕܼܵܢ ܡܵܪܲܢ. ܘܝܵܗ݇ܒܲܬ̇ ܐܲܓ̣ܪܵܐ ܠܦܵܠܚܲܝ̈ܟ. ܠܵܐ ܡܵܪܝ ܐܸܬ̇ܬ̇ܒܲܥ ܕܝܼܢܵܐ ܕܒܸܛܠܵܢܝ. ܐܸܠܵܐ ܡܸܛܠ ܛܲܝܒ̇ܘܼܬܼܵܟܼ ܪܲܚܸܡ ܥܠܲܝ. ܬܢܝܼ؛ ܫܲܒܲܚ. ܒܛܘܼܒ̣ܵܐ ܠܝܲܠܘܼܕܹ̈ܐ. ܐܸܡܲܪܘ ܠܝܼ ܐܲܚܲܝ̈ ܡܵܢ ܦܘܼܫܵܩܹܗ ܕܕܹܝܢܵܪܵܐ. ܕܐܸܡܲܪ ܡܵܪܲܢ ܒܲܣܒܲܪܬܹܗ. ܕܹܝܢܵܪܵܐ ܓܢܘܿܢܵܐ ܗ݇ܘ̣. ܕܲܡܠܸܐ ܛܘܼܒܹ̈ܐ ܫܡܲܝܵܢܹ̈ܐ. ܘܲܢܛܝܼܪ ܠܦܵܠܚܵܘ̈ܗܝ ܕܲܡܪܲܝܡܵܐ. ܫܘܼܒ̣ܚܵܐ ܠܵܟܼ ܡܵܪܲܢ. ܫܘܼܒ̣ܚܵܐ ܠܵܟܼ ܒܪܵܐ ܕܐܲܠܵܗܵܐ. ܘܛܘܼܒܼܵܘܗܝ ܠܐܲܝܢܵܐ ܕܠܹܗ ܐܸܫܬ̇ܘܝܼ.
ܕܐ݇ܪ̈ܵܙܹܐ. ܒܒܲܠܡܹܐܢܹܗ. ܡܪܲܚܡܵܢ ܐܲܢ݇ܬ̇ ܡܵܪܝܵܐ ܘܙܲܕ̇ܝܼܩ؛ ܐܲܠܵܗܵܐ ܐܲܢ݇ܬ̇ ܡܪܲܚܡܵܢܵܐ. ܕܨܘܼܪܬܵܐ. ܡܸܛܠ ܕܐܲܠܵܗܵܐ ܐܲܢ݇ܬ̇ ܡܪܲܚܡܵܢܵܐ ܘܲܡܪܲܚܦܵܢܵܐ. ܐܲܢ݇ܬ̇ ܐܲܢ݇ܬ̇ ܐܲܠܵܗܵܐ ܒܲܠܚܘܿܕܲܝܟ. ܐܲܢ݇ܬ̇ ܐܲܒ̣ܵܐ ܡܪܲܚܡܵܢܵܐ ܙܲܡܸܢ̣ܬܵܢ ܠܡܲܠܟ̇ܘܼܬܼܵܟܼ. ܘܐܲܫ̣ܘܝܼܬܵܢ ܒܛܲܝܒ̇ܘܼܬܼܵܟܼ ܠܦܵܬܼܘܿܪ ܩܘܼܕܼܫܵܐ ܪܘܼܚܵܢܵܐ؛ ܬܢܝܼ. ܘܫܲܒܲܚ ܒܵܗ̇.
ܕܒܹܝܡ. ܥܘܼܢܵܝܵܐ. ܒܗܵܐ ܦܲܓ̣ܪܵܐ. ܒܪܝܼܟܼ ܪܵܥܝܵܐ ܕܲܚ̣ܙܵܐ ܠܥܵܢܹ̈ܗ. ܕܟܲܦܢܵܐ ܘܲܩܨܵܐ ܠܵܗ̇ ܦܲܓ̣ܪܹܗ. ܘܲܬܼܪܲܥ̣ ܕܲܦܢܹܗ ܠܫܵܩܘܼܬܼܵܐ. ܘܐܲܪܕܝܼ ܠܵܗ̇ ܡܲܝ̈ܵܐ ܚܲܝܹ̈ܐ. ܗܲܠܸܠܘܼܝܲܗ. ܒܵܬܹ̈ܐ؛ ܐܸܢ ܡ̣ܢ ܦܲܓ̣ܪܹܗ ܕܕܼܵܢܝܼܐܹܝܠ. ܐܸܣܬܲܪܲܕܼܘ ܐܲܪ̈ܝܵܘܵܬܼܵܐ. ܟܡܵܐ ܡ̣ܢ ܦܲܓ̣ܪܹܗ ܕܦܵܪܘܿܩܲܢ. ܡܸܣܬܲܪܕܼܵܐ ܫܝܘܿܠ ܘܲܚܛܝܼܬܼܵܐ. ܗܲܠܸܠܘܼܝܲܗ.
(ܒܦܸܠܓܹܗ ܕܬܸܫܪܝܼܢ ܩܕܼܝܼܡ ܥܵܒ̣ܕܿܝܼܢ ܕܘܼܟܼܪܵܢܵܐ ܠܡܵܪܝ ܝܘܿܚܲܢܵܢ ܐܵܓܹܒܼܛܵܝܵܐ ܕܒܲܐܬܼܪܵܐ ܕܓܼܵܙܲܪܬܵܐ؛ ܘܲܠܡܵܪܝ ܡܝܼܟܼܵܐܹܝܠ ܚܲܒ̣ܪܵܐ ܕܡܲܠܲܐܟܹ̈ܐ ܕܒܲܐܬܼܪܵܐ ܕܡܵܘܨܸܠ. ܨܠܘܿܬܼܗܘܿܢ ܠܓܼܵܘܵܐ ܕܲܡܗܲܝܡܢܹ̈ܐ ܐܵܡܹܝܢ)