ܚܲܕܼܒ̇ܫܲܒܵܐ ܩܲܕܼܡܵܝܵܐ ܕܣܘܼܒܵܪܵܐ

 

   ܡܲܪܡܝܼܬ̣ܵܐ ܕܐ݇ܪ̈ܵܙܹܐ. ܫܲܒܲܚܘ ܠܡܵܪܝܵܐ ܬܸܫܒ̇ܘܿܚܬܵܐ ܚܕܲܬܵܐ.

 

   ܥܘܿܢܝܼܬ̣ܵܐ ܕܩܲܢܟܹ̇ܐ. ܒܩܵܠ؛ ܡܫܝܼܚܵܐ ܐܸܬ̣ܝܼܠܸܕܼ.

ܫܡܲܥܘ ܗܵܕܹܐ ܟܠܟ̣ܘܿܢ ܥܲܡܡܹ̈ܐ؛ ܙܲܕܿܝܼܩܵܐ ܘܲܬܼܪܝܼܨܵܐ. ܥܝܼܪܵܐ ܓܲܒ̣ܪܝܸܠ ܐܸܡܲܪ ܠܲܙܟܲܪܝܵܐ. ܕܲܒ̣ܪܵܐ ܗܵܘܹ̇ܐ ܠܵܟܼ ܘܝܘܿܚܲܢܵܢ ܡܸܬ̣ܩܪܹܐ. ܘܗܸܘ ܢܸܕܪܘܿܫ ܐܘܼܪܚܵܐ ܩܕܼܵܡܵܘܗ‌ܝ ܕܒܲܪ ܡܲܠܟܵܐ. ܕܐܵܬܹܐ ܒܬܸܫܒ̇ܘܿܚܬܵܐ ܠܦܘܼܪܩܵܢ ܟܠܗܹܝܢ ܒܸܪ̈ܝܵܬ̣ܵܐ. (ܬܢܝܼ). ܫܲܒܲܚ. ܨܠܝܼܒ̣ܵܐ ܕܲܗܘ݀ܵܐ ܠܲܢ ܥܸܠܲܬ̣ ܛܵܒ̣̈ܵܬܼܵܐ. ܘܒܹܗܸܘ ܐܸܬ̣ܚܲܪܲܪ ܓܸܢܣܲܢ ܡܵܝܘܿܬܼܵܐ. ܗܸܘ ܡܵܪܝ ܢܸܗܘܸܐ ܠܲܢ ܫܘܼܪܵܐ ܚܲܣܝܼܢܵܐ. ܘܒܹܗ ܢܸܙܟܹ̇ܝܘܗ‌ܝ ܠܒ̣ܝܼܫܵܐ ܘܟ̣ܠܗܹܝܢ ܨܸܢܥܵܬܹ̈ܗ.

 

     ܩܸܪܝܵܢܵܐ. ܒܪܝܼܬܼܵܐ ܝܙ؛ 1‐ܫܘܼܠܵܡܵܐ. ܚܲܒ̣ܪܹܗ. ܐܹܫܲܥܝܵܐ ܡܒ؛ 18‐ܡܓ؛ 14.

 

     ܫܘܼܪܵܝܵܐ. ܕ܀ ܒܐܲܠܵܗܲܢ ܒܹܝܬ̣ ܓܵܘܣܲܢ؛ (ܒܟ̣ܠܗܘܿܢ ܚܲܕܼܒ̇ܫܲܒܹ̈ܐ).
ܠܲܝܬ̇ ܐܲܟ̣ܘܵܬ̣ܵܟܼ ܡܵܪܝܵܐ ܐܲܠܵܗ‌ܝ ܘܠܲܝܬ̇ ܐܲܝܟܼ ܥܒ̣ܵܕܲܝ̈ܟ‌܋ ܟܠܗܘܿܢ ܥܲܡܡܹ̈ܐ ܕܲܥ̣ܒܲܕܿܬ̇‌܋ ܢܹܐܬ̣ܘܿܢ ܘܢܸܣܓܿܕܼܘܼܢ ܠܵܟܼ ܡܵܪܝܵܐ‌܋ ܘܲܢܫܲܒ̇ܚܘܼܢ ܠܲܫܡܵܟܼ ܡܸܛܠ ܕܪܲܒ̇ ܐܲܢ݇ܬ̇‌܋

 

     ܫܠܝܼܚܵܐ. ܐܵܦܸܣܵܝܹ̈ܐ ܗ؛ 21‐ܘ؛ 10.

 

     ܙܘܼܡܵܪܵܐ. ܪܹܫ ܣܝܼܥܬܵܐ܀ ܪܵܥܝܹܗ ܕܝܼܣܪܵܝܹܠ ܨܘܼܬ̣. ܘܕܲܒܲܪ ܐܲܝܟܼ ܥܵܢ̈ܵܐ ܠܝܵܘܣܸܦ. ܒ܀ ܝܵܬܸܒ̣ ܥܲܠ ܟܪ̈ܘܿܒܹܐ ܐܸܬ̣ܓܲܠܝܝ݇. ܚܵܘܵܐ ܓܲܢ݇ܒܵܪܘܼܬ̣ܵܟܼ ܘܬ̣ܵܐ ܠܦܘܼܪܩܵܢܲܢ. ܒ܀

 

   ܐܹܘܲܢܓܲܠܝܼܘܿܢ. ܠܘܼܩܵܐ ܐ؛ 1‐26.

 

 

     ܥܘܿܢܝܼܬ̣ܵܐ ܕܐ݇ܪ̈ܵܙܹܐ. ܒܩܵܠ؛ ܣܵܗܕܹ̈ܐ ܒܪ̈ܝܼܟܹܐ.

ܡܣܲܒܵܪܘܼ ܣܲܒ̇ܪܹܬ̣ ܒܡܵܪܝܵܐ. ܢܹܐܟ̣ܠܘܼܢ ܡܸܣܟܹ̇ܢܹ̈ܐ ܘܢܸܣܒ̇ܥܘܼܢ. ܛܘܼܒ̣ܵܘܗ‌ܝ ܠܥܲܡܵܐ ܕܗܵܟܲܢܵܐ ܐܝܼܬ̣ ܠܹܗ. ܕܨܘܼܪܬܵܐ. ܗ̇ܘ ܕܒܹܗ ܐܝܼܬܼ ܠܲܢ ܦܘܼܪܩܵܢܵܐ ܘܫܘܼܒ̣ܩܵܢܵܐ ܕܲܚܛܵܗܹ̈ܐ. ܦܲܓ̣ܪܹܗ ܕܲܡܫܝܼܚܵܐ ܘܲܕܼܡܹܗ ܝܲܩܝܼܪܵܐ ܥܲܠ ܡܲܕܼܒܲܚ ܩܘܼܕܼܫܵܐ. ܒܕܸܚܠ̱ܬ̣ܵܐ ܘܲܒ̣ܪܸܚܡ̱ܬ̣ܵܐ ܟܠܲܢ ܢܸܬ̣ܩܲܪܲܒ̣ ܠܹܗ. ܘܥܲܡ ܡܲܠܲܐܟܹ̈ܐ ܢܝܲܒܸ̇ܒ̣ ܠܹܗ؛ ܩܲܕܿܝܼܫ ܩܲܕܿܝܼܫ ܩܲܕܿܝܼܫ ܡܵܪܝܵܐ ܐܲܠܵܗܵܐ. ܬܢܝܼ. ܫܲܒܲܚ. ܒܵܗ̇.

 

ܩܘܼܕܵܫܵܐ ܕܡܵܪܝ ܬܹܐܵܕܘܿܪܘܿܣ ܡܦܲܫܩܵܢܵܐ.

ܘܡܸܬ̣ܩܲܕܲܫ ܒܹܗ ܡ̣ܢ ܣܘܼܒܵܪܵܐ ܥܲܕܼ ܠܐܘܿܫܲܥܢܹ̈ܐ.

 

ܕܒܹܝܡ. ܥܘܼܢܵܝܵܐ. ܒܪܵܐ ܕܝܲܗ̣݇ܒ̣ܠܲܢ ܦܲܓ̣ܪܹܗ ܘܲܕܼܡܹܗ؛ ܗܲܒ̣ܠܲܢ ܚܲܝܹ̈ܐ ܒܡܲܠܟ̇ܘܼܬ̣ܵܟܼ. ܬܢܝܼ؛ ܒܵܬܹ̈ܐ. ܒܗܵܢܵܐ ܝܵܘܡܵܐ ܩܲܕܼܡܵܝܵܐ؛ ܕܐܝܼܬ̣ܵܘܗ‌ܝ ܒܘܼܟ̣ܪܵܐ ܕܝܵܘ̈ܡܵܬ̣ܵܐ. ܬܵܘ ܢܸܣܲܒ̣ ܦܲܓ̣ܪܹܗ ܘܲܕܼܡܹܗ؛ ܕܗ̇ܘ ܒܘܼܟ̣ܪܵܐ ܕܐܲܠܵܗܘܼܬܼܵܐ܀